თეთრმა სახლმა აშშ-ის საელჩოებში სტუდენტური ვიზების მისაღებად ახალი გასაუბრებების დანიშვნა შეაჩერა და განიხილავს განმცხადებლებისთვის სოციალურ მედიაში შემოწმების მოთხოვნას, იტყობინება Politico.
გამოცემა ციტირებს აშშ-ის სახელმწიფო მდივნის, მარკო რუბიოს მიერ მსოფლიოში სხვადასხვა საელჩოებისთვის გაგზავნილ ტელეგრამას. მასში ნათქვამია: „სავალდებულო შემოწმებისა და სოციალური მედიის ვერიფიკაციის გაფართოების მოსამზადებლად, საკონსულო განყოფილებებმა დაუყოვნებლივ არ უნდა გაზარდონ სტუდენტური ან გაცვლითი ვიზებისთვის (F, M და J) დანიშვნის დრო, სანამ დამატებითი ინსტრუქციები არ გამოქვეყნდება“.
Politico-ს ცნობით, კონკრეტული ინსტრუქციები უახლოეს დღეებშია მოსალოდნელი. შესაძლოა, უკვე დაგეგმილი გასაუბრებები გაგრძელდეს.
საელჩოებისთვის გაგზავნილ ტელეგრამაში არ არის მითითებული, თუ რა მიზანს ისახავს სოციალური მედიის აუდიტი და რა უნდა გამოავლინოს მისგან. „პოლიტიკოს“ ცნობით, თუ ადმინისტრაცია გეგმას გააგრძელებს, ამან შეიძლება სერიოზულად შეანელოს სტუდენტური ვიზების განაცხადების დამუშავება და გავლენა მოახდინოს ბევრ უნივერსიტეტზე, რომლებიც დიდად არიან დამოკიდებულნი საერთაშორისო სტუდენტების დაფინანსებაზე.
www.meduza.io
Loading ...