Pfizer COVID-19-ის ვაქცინის ავტორიზაციაზე განაცხადას ნოემბერში შეიტანს

კომპანია Pfizer-ის ხელმძღვანელი ალბერტ ბურლა აცხადებს, რომ კომპანია კორონავირუსის საწინააღმდეგო ვაქცინის საგანგებო ავტორიზაციაზე განაცხადს ნოემბრის შუა რიცხვებისთვის შეიტანს.
Pfizer-ის ხელმძღვანელის თქმით, ავტორიზაცია რამდენიმე ფაქტორზეა დამოკიდებული, მათ შორის ვაქცინის ეფექტურობის მონაცემებზეც, რომლებიც შესაძლოა, ოქტომბრის ბოლოს გახდეს ხელმისაწვდომი.
კორონავირუსის საწინააღმდეგო ვაქცინის საგანგებო ავტორიზაციას აშშ-ის სურსათისა და წამლის ადმინისტრაცია გასცემს, რომელიც ამ ტიპის ავტორიზაციისთვის სულ მცირე ორი თვის განმავლობაში მიღებულ მონაცემებს ითხოვს.
აშშ-ში ბოლო 24 საათში კორონავირუსის 62 000-ზე მეტი შემთხვევა დაფიქსირდა. ეს აგვისტოს შემდეგ ყველაზე მაღალი მაჩვენებელია.
შეგახსენებთ, რომ აგვისტოში აშშ-ში ერთ დღეში 66 ათასი ინფიცირებული აღრიცხეს.
სულ აშშ-ში კორონავირუსის შემთხვევების რაოდენობა რვა მილიონს უახლოვდება. კორონავირუსს ქვეყანაში 217 ათასი ადამიანის სიცოცხლე ემსხვერპლა.