ვლადიმერ პუტინს საგარეო ვიზიტებში თან ახლავს ფედერალური უსაფრთხოების სამსახურის “სპეციალური” თანამშრომელი, რომელიც პასუხისმგებელია რუსეთის პრეზიდენტის ექსკრემენტებისა და შარდის შეგროვებაზე. ამის შესახებ ნათქვამია ფრანგული გამოცემა Paris Match-ის მასალაში, რომელიც მომზადდა რუსული გამოცემა “პროექტის” თანამშრომლის მიხაილ რუბინის მონაწილეობით.
ჟურნალისტების ცნობით, პუტინის ერთ-ერთი მცველი ეს შეგროვებული მასა 2017 წლიდან მიაქვს რუსეთში, რათა სახელმწიფოს მეთაურის ჯანმრთელობის მდგომარეობის შესახებ ინფორმაცია დამალოს.
მანამდე გამოცემა “პროექტი” იუწყებოდა, რომ 2016 წლიდან 2020 წლამდე პუტინს თან ახლდა რუსეთის ფედერაციის პრეზიდენტის ადმინისტრაციის ცენტრალური კლინიკური საავადმყოფოს ექიმების ჯგუფი და მათ შორის იყო ფარისებრი ჯირკვლის კიბოს სპეციალისტი.
ჭორები იმის შესახებ, რომ ვლადიმერ პუტინი სიმსივნით არის დაავადებული და მას ოპერაცია ჩაუტარა, მედიაში წლების განმავლობაში ჩნდებოდა. კრემლი უარყოფს ამ ინფორმაციას და აცხადებს, რომ პრეზიდენტი სრულიად ჯანმრთელია.
მაგრამ მიმდინარე წლის გაზაფხულზე პუტინის ავადმყოფობის შესახებ ინფორმაცია დაადასტურა ამერიკელმა რეჟისორმა ოლივერ სტოუნმა, რომელმაც 2017 წელს გადაიღო ოთხნაწილიანი დოკუმენტური ფილმი რუსეთის პრეზიდენტის შესახებ. ფილმზე მუშაობისას სტოუნი არაერთხელ შეხვდა პუტინს. ამავე დროს, რეჟისორმა, რომელიც რუსეთის ფედერაციის პრეზიდენტის ავადმყოფობაზე საუბრობდა, თქვა, რომ მან ონკოლოგიური დაავადება “გადაიტანა”. ოფიციალურ ამერიკულ წყაროებზე დაყრდნობით, პუტინის დაავადების შესახებ Newsweek-იც წერდა.
www.radiotavisupleba.ge
Loading ...