მსოფლიოში ცნობილი სპორტული ფეხსაცმელებისა და ინვენტარის მწარმოებელი კომპანია Nike-ი მეორეულ ბოტასებს გაყიდის. ამის შესახებ ინფორმაციას CNBC-ი ავრცელებს.
გამოცემის მიხედვით, Nike-ი მზად არის მომხმარებლის ბოტასი ნივთის შეძენიდან 60 დღის ვადაში დაიბრუნოს. კომპანია აცხადებს, რომ ნივთი ჰიგიენური ნორმების შესაბამისად დამუშავდება და მხოლოდ მას შემდეგ განთავსდება თაროზე.
Nike-ის ცნობით, მეორეული ბოტასების ღირებულება ბევრად ხელმისაწვდომი იქნება ახალთან შედარებით.
„აპრილის ბოლოდან აშშ-ში განთავსებული 15 მაღაზია დაიბრუნებს მეორად ბოტასს, კომპანია წლის ბოლომდე გეგმავს კიდევ გაზარდოს იმ მაღაზიების რიცხვი, სადაც მსგავსი პროდუქცია გაიყიდება“, – აღნიშნულია Nike-ის ოფიციალურ განცხადებაში.
კომპანია „მეორეული ბოტასების“ ინიციატივის განხორციელებას მსოფლიოს მასშტაბითაც გეგმავს, აღნიშნული ინიციატივა ნარჩენების შემცირების კამპანიის ნაწილია.
www.bm.ge
Loading ...