ეროვნულ დემოკრატიული ინსტიტუტის ახალი კვლევის მიხედვით, კორონავირუსის საწინააღმდეგო ვაქცინა რომ არსებობდეს, 41% აიცრებოდა, ხოლო ამდენივე – არა. კითხვაზე, “კორონავირუსის საწინააღმდეგო ვაქცინა რომ არ არსებობდეს, აიცრებოდით თუ არა თქვენ და თქვენი შვილები”, 17% პასუხობს, რომ არ იცის.
გასული წლის ივნისში 46% ამბობდა, რომ არ აიცრებოდა.
NDI აღნიშნავს, რომ კვლევის მიხედვით, კაცები უფრო დიდი ალბათობით აიცრებოდნენ, ვიდრე ქალები. ასევე, მაღალი განათლების მქონე ადამიანები უფრო დიდი ალბათობით აიცრებიან, ვიდრე საშუალოზე დაბალი განათლების მქონე ადამიანები.
გამოკითხვის მიხედვით, თბილისში გამოკითხულთა 39% ამბობს, რომ აიცრება, ხოლო სოფელში – 42%.18-34 წლამდე ასაკის 39% აიცრებოდა, ხოლო 55 წელს მაღლა ასაკის ჯგუფებში – 44%.
საველე სამუშაოები 17-24 დეკემბერს, სატელეფონო გამოკითხვის მეთოდით ჩატარდა. რესპონდენტები მარტივი შემთხვევითი გზით – შემთხვევით ნომერზე დარეკვის მეთოდით შეირჩნენ. კვლევაში გამოყენებულია 2 053 დასრულებული ინტერვიუ. საშუალო ცდომილების ზღვარი +/- 1.1% -ია, თუმცა, NDI აღნიშნავს, რომ ცდომილების ზღვარი იცვლება სხვადასხვა კითხვის მიხედვით. ორგანიზაციის ცნობით, ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.
სატელეფონო გამოკითხვები NDI-ის დაკვეთით CRRC საქართველომ ჩაატარა. კვლევა ხორციელდება დიდი ბრიტანეთის მთავრობის UK aid-ის ფინანსური ხელშეწყობით.
Loading ...
