უკრაინაში 40 000-მდე რუსი ჯარისკაცი დაიღუპა, დაიჭრა, ტყვედ აიყვანეს ან დაიკარგა
NATO-ს ცნობით, უკრაინაში 40 000-მდე რუსი ჯარისკაცი დაიღუპა, დაიჭრა, ტყვედ აიყვანეს ან დაკარგულად ითვლება. NATO-ს ოფიციალური წარმომადგენლობა უკრაინის ხელისუფლების მიერ მოწოდებულ და რუსეთიდან მოპოვებულ ინფორმაციას ეყრდნობა.
ნატოს შეფასებით, რუსეთის უკრაინაში შეჭრის შემდეგ მოკლულია 7 000-დან 15 000-მდე რუსი სამხედრო. ალიანსის ანალიტიკოსები ამ დასკვნაბმდე წარსული კონფლიქტების სტატისტიკური მონაცემების საშუალოზე დაყრდნობით მივიდნენ, რომლის მიხედვითაც ყოველ დაღუპულზე დაახლოებით სამი დაჭრილი სამხედრო მოდის
რუსეთმა უკრაინაში 190 000 ოკუოპანტი შეიყვანა, ასევე დამატებითი ჯარები ჩეჩნეთიდან, სირიიდან და სხვა ადგილებიდან.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო.
პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში.
რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას უწესებენ.
Loading ...