ფარმაცევტული კომპანია Moderna აცხადებს, რომ ბოლო კლინიკური კვლევების წინასწარი მონაცემებით, მათმა კორონავირუსის საწინააღმდეგო ვაქცინამ აჩვენა 12-იდან 17 წლამდე მოზარდებში 96%-იანი ეფექტიანობა. ამის შესახებ ინფორმაციას CNBC-ი ავრცელებს.
ფარმაცევტული კომპანიის განცხადებით, აღნიშნულ კვლევაში მონაწილეობა 3,000-მდე მოზარდმა მიიღო და შედეგები დამაკმაყოფილებელია. Moderna აღნიშნავს, რომ აცრილ მოზარდებს სერიოზული გვერდითი მოვლენები არ გამოუვლინდათ.
CNBC წერს, რომ აშშ-ს მთავრობასთან დადებული ხელშეკრულების მიხედვით Moderna-მ ქვეყანას 300 მილიონი დოზა ვაქცინა კიდევ უნდა მიაწოდოს, რაც დაახლოებით 150 მილიონი ადამიანის ვაქცინაციისთვის საკმარისია.
შეგახსენებთ, Pfizer-ის შემდეგ Moderna-ს მიერ შექმნილი კოვიდ-ვაქცინა იყო მეორე, რომელმაც აშშ-ში ავტორიზაცია მოიპოვა.
Loading ...