“Let’s Empower Each Other” პროექტის ფარგლებში ოზურგეთში საინფორმაციო შეხვედრები ჩატარდა

საქართველოს სტრატეგიული კვლევებისა და განვითარების ცენტრის პროექტის ფარგლებში საქართველოს 6 რეგიონში სოციალური მეწარმეობის ახალგაზრდა ელჩები იქნა შერჩეული. გურიაში, კერძოდ ოზურგეთში, სოციალური მეწარმეობის ელჩი მარიამ შარაშიძე გახდა, რომელიც  პროექტს “Let’s Empower Each Other” ახორციელებს. პროექტის მთავარი ამოცანაა ახალგაზრდებში ცნობიერების ამაღლება და მათში ინტერესის გაზრდა სოციალური მეწარმეობის მიმართულებით.

“Let’s Empower Each Other” პროექტის ფარგლებში ოზურგეთში უკვე ჩატარდა საინფორმაციო შეხვედრები შემდეგ საგანმანათლებლო დაწესებულებებში: · პროფესიული კოლეჯი „ჰორიზონტი“ , ოზურგეთის ლიდერთა სკოლა, ოზურგეთის #2 საჯარო სკოლა,  სოფელ ოზურგეთის, შემოქმედის,  მერიის,  დაბა ლაითურის საჯარო სკოლები, სადაც განხილულ იქნა სოციალური მეწარმეობის არსი და მიზნები. ამასთან ერთად ჯგუფებმა იმუშავეს სოციალური საწარმოს იდეების შექმნაზე. მონაწილეებს გადაეცათ სერტიფიკატები.

იმ მიზნით, რომ უფრო კარგად გაცნობოდნენ სოციალური მეწარმეობის სპეციფიკას და ახლოდან გაეცნოთ სოციალური მეწარმეები და საწარმოები, მოეწყო ექსკურსია ოზურგეთში არსებულ ორ სოციალურ საწარმოში „რედოსა“ და „არჩივში“. მონაწილეებმა მოინახულეს საწარმოები, დამაარსებლებმა საკმაოდ დეტალურად ისაუბრეს შექმნის მიზნებზე, მისიასა და სამომავლო გეგმებზე. ამასთან ერთად პროექტის ფარგლებში მიმდინარეობს ფოტო/ვიდეო კონკურსი „სოციალური მეწარმეობა ჩემ გარშემო“. დეტალური ინფორმაცია განთავსებულია პროექტის ფეისბუქ გვერდზე. პროექტის ფარგლებში გამოვლინდება სამი გამარჯვებული, რომლებსაც გადაეცემათ პრიზები. აღნიშნული პროექტი, მიმდინარეობს სოციალური მეწარმეობის ახალგაზრდა ელჩების პროექტის მხარდაჭერით, რომელსაც საქართველოს სტრატეგიული კვლევებისა და განვითარების ცენტრი (CSRDG) „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში, ევროკავშირისა და პური მსოფლიოსთვის დაფინანსებით ახორციელებს.