კვირა, მარტი 29, 2020
Follow Us

დღესდღეობით გურიის რეგიონში არსებულ ვითარებაზე ჟურნალისტებს გურიის გუბერნატორი, ზურაბ ნასარაია ესაუბრა და განხორციელებულ, ასევე, დაგეგმილ ღონისძიებებზე გააცნო ინფორმაცია.

''გურიის რეგიონში პრევენციული ღონისძიებები ეფექტურად ტარდება. მუნიციპალური ტრანსპორტი მთლიანად არის გაჩერებული.დაიხურა რესტორნები და კაფეეები. დღეს დაიხურება სილამაზის სალონები, ტექნიკისა და ტანსაცმლის მაღაზიები. რაც შეეხება ღია ბაზრობებს,  მათი დაკეტვა არ იგეგმება, რადგან ღია სივრცეში ვირუსის გავრცელების შანსი მინიმალურია. შესაბამისად,  ჯერჯერობით მსგავსი რეკომენდაცია არ მიგვიღია. 

რაც შეეხება სურსათზე ფასების ზრდას, ჩვენ  ჩამოვიარეთ ველა მაღაზია, შევამოწმეთ ფასები, შემდეგ გვქონდა შეხვედრა მომწოდებლებთან. მინდა აღვნიშნო, რომ სურსათის მარაგი იმაზე მეტია რეგიონში, ვიდრე მოლოდინი იყო. ყველა მომწოდებელი და  მარკეტების მეპატრონეები გაფრთხილებულები არიან, რომ  იმ პროდუქტებზე ფასები, რომელიც უკვე შემოტანილია, არ უნდა გაიზარდოს.   მომავალში კი თუ სხვა ფასი დადგინდება საბაჟო საზღვრებზე, შემდეგ გადავხედავთ ამ საკითხს.

ამ მიმართულებით გავეცით უკვე განკარგულება და დღეში ორჯერ გადამოწმდება ფასები, ყოველი მეწარმეს მიმართ, რომელიც ისარგებლებს ამ მოკლევადიანი კარანტინის პერიოდით და  თავისი ჯიბის გამდიდრებაზე იფიქრებს, იქნება შესაბამისი რეაქცია.

ყველა მოქალაქეს ვთხოვ, გაგებით და პასუხისმგებლობით მოვეკიდოთ შექმნილ სიტუაციას'' - განაცხადა გურიის გუბერნატორმა.

 

Comments powered by CComment

მოიწონეთ გვერდი

Search