ოთხშაბათი, ოქტომბერი 16, 2019
Follow Us

ინდონეზიაში არჩევნებზე მუშაობის დროს გადაღლილობისგან გარდაცვლილი საარჩევნო კომისიების წევრების რიცხვი 139-მდე გაიზარდა.

„გარდაცვლილია საარჩევნო კომისიების 139 წარმომადგენელი, კიდევ 500-ზე მეტი საავადმყოფოებშია გადაყვანილი. ხმებს დათვლა გრძელდება. საერთო ჯამში საარჩევნო კომისიებში 7 მილიონზე მეტი ადამიანი მუშაობს“, – განაცხადა  პოლიტიკის, იუსტიციისა და უსაფრთხოების მინისტრმა ვირანტომ...

 

მანამდე გავრცელებული ინფორმაციის თანახმად, გარდაცვლილების რაოდენობა 91-ს შეადგენდა, კიდევ 347 კი საავადმყოფოებში მკურნალობდა.

როგორც აზიური გამოცემა The Straits Times-ი წერს, ინდონეზიის ცენტრალური საარჩევნო კომისიის თავმჯდომარე არიფ ბუდიმანმა განაცხადა, რომ სიკვდილის მიზეზი ხმების დათვლის გამო გადაღლილობა იყო. მისი განმარტებით, კომისიის ზოგიერთი წევრი 24 საათზე მეტხანს შეუჩერებლად მუშაობდა.

მისი თქმით, ხელისუფლება გარდაცვლილების ოჯახს კომპენსაციის სახით 30-36 მილიონი ინდონეზიურ რუპის (2100-2500 დოლარი) გადაუხდის.

17 აპრილს ინდონეზიაში მსოფლიოში ყველაზე დიდი ერთდღიანი არჩევნები ჩატარდა. ქვეყნის მოსახლეობა ირჩევდა პრეზიდენტს, პარლამენტის ორი პალატის დეპუტატებს, ასევე რეგიონების საკანონმდებლო ორგანოების წევრებს. მთელი ქვეყნის მასშტაბით გახსნილი იყო დაახლოებით 800 ათასი საარჩევნო უბანი. არჩევნებზე აქტივობა 82% იყო.

260 მილიონი მოქალაქიდან ხმის მიცემის უფლება 93 მილიონს ჰქონდა. ინდონეზიის პრეზიდენტის პოსტისთვის ორი ძირითადი კანდიდატი – მოქმედი პრეზიდენტი ჯოკოვიდოდო და გადამდგარი გენერალ-ლეიტენანტი პრაბოვო სუბიანტო იბრძვიან. 2014 წლის საპრეზიდენტო არჩევნებში ჯოკო ვიდოდომ სწორედ სუბიანტოს აჯობა.

არჩევნების ოფიციალური შედეგები 22 მაისს გამოცხადდება.

Comments powered by CComment

მოიწონეთ გვერდი

Search