კვირა, მარტი 29, 2020
Follow Us

ახალი ამბები

ახალი ამბები

საქართველოს პარლამენტში მართლმადიდებლობის საპარლამენტთაშორისო ასამბლეის სესია დაპირისპირებაში გადაიზარდა. პარლამენტის თავმჯდომარის სავარძელი რუსმა დეპუტატმა სერგეი გავრილოვმა დაიკავა. ფაქტი ''ევროპული საქართველოს'' და ''ნაციონალური მოძრაობის'' წევრებმა მძაფრად გააპროტესტეს. ფაქტი უარყოფითად შეაფასა საპარალმენტო უმრავლესობის ლიდერმა არჩილ თალაკვაძემაც. თალაკვაძე სოციალურ ქსელში შემდეგ განცხადებას აქვეყნებს. ''რუსი დეპუტატების ადგილი საქართველოს პარლამენტში არ არის! ეს კონფერენცია დაუყოვნებლივ უნდა შეწყდეს და დუმის წევრებმა პარლამენტი და საქართველო უნდა დატოვონ!''

ამ წუთებში პარლამენტში კვლავ ხმაურია, მოწინააღმდეგე დეპუტატები მთავრობას ნახევარ საათს აძლევენ, რომ რუსმა დეპუტატებმა შეხვედრა დატოვონ. 

დაწერე კომენტარი (0 კომენტარი)
ახალი ამბები

საქართველოს პარლამენტში მართლმადიდებლობის საპარლამენტთაშორისო ასამბლეის სესიაზე ხმაურიაა.

„ევროპული საქართველოს“ დეპუტატი ელენე ხოშტარია პარლამენტის თავმჯდომარის სავარძელთან, სადაც ცოტა ხნის წინ რუსი დეპუტატი იჯდა, საქართველოს დროშით ავიდა და მაგიდაზე დატოვებული ფურცლები დახია.

სესიას მართლმადიდებლობის საპარლამენტთაშორისო ასამბლეის პრეზიდენტი, რუსეთის დუმის დეპუტატი სერგეი გავრილოვი უძღვება. გავრილოვისა და სხვა რუსი დეპუტატების ჩამოსვლას საქართველოში საზოგადოებრივი პროტესტი მოყვა.

თუმცა გავრილოვი ამბობს, რომ ეს დისკომფორტს არ უქმნის. მისივე თქმით, საქართველო მისი სამშობლოა და აქ ყოფნით ბედნიერია.

პარლამენტის პირველი ვიცე-სპიკერი თამარ ჩუგოშვილი მართლმადიდებლობის საპარლამენტო ასამბლეის სესიაზე რუსი დეპუტატის სერგეი გავრილოვის სპიკერატში ყოფნას გამოეხმაურა.

„ამაზე მძიმე სანახავი ჩემთვის რა შეიძლება იყოს არ ვიცი. რუსი დეპუტატის ნახვამ თავმჯდომარის სკამში უბრალოდ გამანადგურა“, - წერს ჩუგოშვილი.

პარლამენტის თავმჯდომარის სავარძელი, სადაც რამდენიმე წუთის წინ სერგეი გავრილოვი ასამბლეის ფარგლებში სიტყვით გამოდიოდა "ევროპული საქართველოსა" და "ნაციონალური მოძრაობის" წევრებმა ალყაში მოაქციეს.

ადა მარშანია კი ელენე ხოშტარიას და თინა ბოკუჩავას ძალის გამოყენებით ჩამოყვანას ცდილობდა, რათა ადგილი გავრილოვისთვის ადგილი გაეთავისუფლებინა.  "პატრიოტთა ალიანსის" წევრმა ოპოზიციას სამარცხვინო უწოდა. 



დაწერე კომენტარი (0 კომენტარი)
ახალი ამბები
პოლიციამ ორგანიზებული დანაშაულებრივი ჯგუფის 6 წევრი დააკავა, რომლებიც  „მეტრომანის“ ბარათების მეშვეობით თანხებს უკანონოდ ითვისებდნენ. 
აღნიშნულ თემაზე შინაგან საქმეთა სამინისტროს ცენტრალური კრიმინალური პოლიციის  დეპარტამენტის დირექტორის მოვალეობის შემსრულებელმა  მამუკა ჭელიძემ   ბრიფინგი გამართა.


შინაგან საქმეთა სამინისტროს ერთ-ერთი უმთავრესი პრიორიტეტია ორგანიზებულ  დანაშულთან ეფექტიანი ბრძოლა. ამჯერად, სამინისტრომ გამოავლინა  ორგანიზებული დანაშაულებრივი ჯგუფი, რომელმაც ერთ-ერთი კომპანია 136 ათასი  ლარით დააზარალა.

შინაგან საქმეთა სამინისტროს ცენტრალური კრიმინალური პოლიციის  დეპარტამენტის თანამშრომლებისა და სახელმწიფო უსაფრთხოების სამსახურის  ანტიკორუფციული სააგენტოს მიერ ერთობლივად ჩატარებული 
ოპერატიულ-საგამოძიებო მოქმედებების შედეგად და თბილისის სატრანსპორტო  კომპანიასთან თანამშრომლობით, დაკავებულია ორგანიზებული დანაშაულებრივი  ჯგუფის 6 წევრი: 1986 წელს დაბადებული რ.ა., 1975 წელს დაბადებული გ.ხ.,  1988 წელს დაბადებული ნ.ჩ., 1992 წელს დაბადებული ი.მ., 1989 წელს  დაბადებული გ.მ. და 1960 წელს დაბადებული დ.ს.

დაკავებულებს ბრალად ედებათ ორგანიზებული ჯგუფის მიერ მოტყუებით ქონებრივი  დაზიანება, რამაც დიდი ოდენობით ზიანი გამოიწვია, ასევე, ჯგუფის მიერ,  წინასწარი შეთანხმებით კომპიუტერულ სისტემაში უნებართვო შეღწევა და  კომპიუტერული მონაცემების უნებართვო შეცვლა.

დანაშაული 6 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ დანაშაულებრივი ჯგუფი მიმდინარე წლის  დასაწყისიდან მოქმედებდა და კომპანია "მეტრო სერვის +"-ს აყენებდა ქონებრივ  ზიანს.

აღსანიშნავია, რომ "მეტრო სერვის +" მოქალაქეებს სთავაზობს  სამგზავრო-სატრანსპორტო მომსახურებით სარგებლობისთვის განკუთვნილ  "მეტრომანის" ბარათებს და ახდენს მათ მიერ გადახდილი თანხების შესაბამისი 
სატრანსპორტო კომპანიებისთვის გადარიცხვას.

სამართალდამცველების მიერ ჩატარებული ინტენსიური საგამოძიებო მოქმედებებით  დადგინდა, რომ დაკავებულები აღნიშნული კომპანიის კომპიუტერულ სისტემაში  უნებართვოდ აღწევდნენ და "მეტრომანის" ბარათებზე თანხებს ვირტუალურად  ასახავდნენ. შემდგომ, გარკვეული თანხის სანაცვლოდ, ბარათს დროებით  სარგებლობაში გადასცემდნენ სხვადასხვა პირს - ძირითადად ტურისტებს,  რომლითაც ისინი მგზავრობის ღირებულებას იხდიდნენ.

აღსანიშნავია, რომ ჯგუფის წევრებს დანაშაულებრივი ფუნქციები გადანაწილებული  ჰქონდათ. კერძოდ, ჯგუფის ორგანიზატორები - დ.ს. და რ.ა. დანაშაულის მთელ  პროცესს ხელმძღვანელობდნენ და ჯგუფის წევრებს შორის თანხებს ანაწილებდნენ;  გ.მ., გ.ხ. და ნ.ჩ. რიყე-ნარიყალას საბაგირო გზის მიმდებარე ტერიტორიაზე  კლიენტებს იზიდავდნენ და მათგან თანხებს იღებდნენ; ი.მ. კი, რ.ა.-სთან  ერთად, მობილურ ტელეფონში ჩაწერილი შესაბამისი კომპიუტერული პროგრამის  მეშვეობით, ბარათებზე თანხის ვირტუალურად ასახვას ახდენდა.

აღნიშნული კანონსაწინააღმდეგო ქმედებით, დანაშაულებრივი ჯგუფის წევრები  ყოველდღიურად, მხოლოდ ერთი ბარათის გამოყენებით, დაახლოებით, 200-დან 300  ლარამდე უკანონო შემოსავალს იღებდნენ. საერთო ჯამში, ბარათებზე ხელოვნურად  ასახული თანხების ოდენობამ, 2019 წლის დასაწყისიდან დაკავების მომენტამდე,  136 ათასი ლარი შეადგინა.

სამართალდამცველებმა, ბრალდებულების პირადი და საცხოვრებელი ბინების  ჩხრეკისას, ნივთმტკიცებად ამოიღეს დიდი ოდენობით „მეტრომანის“ ბარათები,  რომლებზეც უკანონოდ იყო ასახული თანხა. ასევე, ამოღებულია კომპიუტერული  მოწყობილობა, რითაც ბარათებზე თანხის ასახვა ვირტუალურად ხდებოდა.

გამოძიება საქართველოს სისხლის სამართლის კოდექსის 185-ე მუხლის 1-ლი  ნაწილით და მე-3 ნაწილის "ა" და "ბ" ქვეპუნქტებით, 284-მუხლის მე-2 ნაწილის  "ა" ქვეპუნქტით და 286-ე მუხლის მე-3 ნაწილის "ა" ქვეპუნქტით მიმდინარეობს.
დაწერე კომენტარი (0 კომენტარი)
ახალი ამბები

ტრაგედია რუსთავში - ტბაში 11 წლის ბიჭი დაიხრჩო. მოზარდი პარკში ძმასთან და მეგობრებთან ერთად იმყოფებოდა. თვითმხილველების თქმით, ამინდის გაუარესების შემდეგ მაშველებმა მათ ტბიდან ამოსვლა მოსთხოვეს, თუმცა მოზარდმა ბანაობა მაინც განაგრძო და წყლის სიღრმეში ჩაყვინთა. ცხედარი ექსპერტიზაზე იყო გადასვენებული. გამოძიება თვითმკვლელობამდე მიყვანის მუხლით არის დაწყებული.

დაწერე კომენტარი (0 კომენტარი)
ახალი ამბები

შინაგან საქმეთა სამინისტროს ქვემო ქართლის პოლიციის დეპარტამენტის  რუსთავის საქალაქო სამმართველოს თანამშრომლებმა, ჩატარებული  ოპერტიულ-სამძებრო და საგამოძიებო მოქმედებების შედეგად, წინასწარი  შეცნობით ორსული ქალის მიმართ არასრულწლოვნის თანდასწრებით განხორციელებული  ძალადობის, მუქარისა და ნარკოტიკული საშუალების უკანონო შეძენა-შენახვის  ბრალდებით, 1985 წელს დაბადებული რ.გ. დააკავეს.
დანაშაული 6 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ დაკავებულმა, არასრულწლოვნის თანდასწრებით  ფიზიკურად იძალადა ორსულ მეუღლეზე - 1990 წელს დაბადებულ ს.მ-ზე. ასევე,  დაემუქრა სიცოცხლის მოსპობით. დაშავებული ქალის ჯანმრთელობას საფრთხე არ ემუქრება. სამართალდამცველებმა, ბრალდებულის საცხოვრებელი სახლის ჩხრეკისას, ოპიუმის  და ჰეროინის შემცველი ნარკოტიკული საშუალებები ამოიღეს. გამოძიება არასრულწლოვნის თანდასწრებით ორსული ქალის მიმართ ოჯახში  ძალადობის, წინასწარი შეცნობით ოჯახური ნიშნით ორსული ქალის მიმართ  განხორციელებული მუქარისა და  ნარკოტიკული საშუალების უკანონო  შეძენა-შენახვის ფაქტებზე, სსკ-ის 11'-151-ე მუხლის მე-2 ნაწილის ,,გ"  ქვეპუნქტით, 126' მუხლის მე-2 ნაწილის ,,ა" ქვეპუნქტით, 126' მუხლის მე-2  ნაწილის ,,ა" და ,,ბ" ქვეპუნქტით და 260-ე მუხლის პირველი ნაწილით  მიმდინარეობს.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search