ოთხშაბათი, ნოემბერი 20, 2019
Follow Us

ახალი ამბები

ახალი ამბები

უკრაინის ყოფილი პრეზიდენტი, პარტია „ევროპული სოლიდარობის“ ლიდერი პეტრო პოროშენკო უკრაინის ხელისუფლებას მოუწოდებს, საქართველოსთან ავიარეისები გააიაფოს, ხოლო უკრაინის საგარეო უწყებას მიმართავს, დაიწყოს მოლაპარაკებები, რათა ოფიციალურ დოკუმენტებში საქართველოს „გრუზიას“ ნაცვლად საქართველო ეწოდოს. როგორც პოროშენკომ "ფეისბუქში" გავრცელებული ვიდეომიმართვისას აღნიშნა, მისი პოლიტიკური ძალა სრულ სოლიდარობას უცხადებს საქართველოს მოსახლეობას, რომელიც წინააღმდეგობას უწევს რუსულ იმპერიალიზმს და ებრძვის ოკუპაციას. „ახლა მოსკოვს კვლავ სურს ეკონომიკურად შეასუსტოს საქართველო იმით, რომ შეზღუდოს ავიამიმოსვლა და საქართველოს ტურიზმის სექტორს დაარტყას. უკრაინელებმა არ უნდა დატოვონ გაჭირვებაში ქართველი ძმები. რა თქმა უნდა, მე მოვუწოდებ უკრაინელებს, რომ დაისვენონ უკრაინაში, თუმცა მათ, ვინც აპირებს საზღვრებს გარეთ დაისვენონ, რეკომენდაციას ვაძლევ, საქართველოში წავიდნენ. მოვუწოდებ უკრაინის ხელისუფლებას, ამ პერიოდში გააიაფონ მოსაკრებლები უკრაინა-საქართველო-უკრაინის ავიარეისებზე“, - განაცხადა პოროშენკომ. ამასთან, პეტრო პოროშენკომ სოციალურ ქსელში ქართულად დაწერა: "უკრაინელების გულები საქართველოსთვის ძგერს".

დაწერე კომენტარი (0 კომენტარი)
ახალი ამბები

შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორის მოვალეობის შემსრულებელის მამუკა ჭელიძის განცხადებით  2019 წლის 20-21 ივნისს, პარლამენტის 
მიმდებარე ტერიტორიაზე მიმდინარე მშვიდობიანმა აქციამ მოგვიანებით,  შეიძინა ძალადობრივი ხასიათი - აქციის მონაწილეები შეეცადნენ პარლამენტის შენობის შტურმით აღებას, ჯგუფურად თავს დაესხნენ პოლიციელებს 
და სხვადასხვა ბლაგვი საგნის გამოყენებით გაუწიეს მათ წინააღმდეგობა.
მოსალოდნელი საფრთხეების თავიდან აცილების მიზნით, აქციის დასაშლელად, პოლიცია იძულებული გახდა გამოეყენებინა კანონით განსაზღვრული სპეციალური საშუალებები.
გვსურს საზოგადოებას ვაცნობოთ, რომ შინაგან საქმეთა სამინისტროს გენერალური ინსპექცია აწარმოებს აქციის დაშლის დროს ცალკეულ სამართალდამცველთა მხრიდან შესაძლო გადაცდომების მოკვლევას.
შესწავლის ფარგლებში, ამ ეტაპზე, 10 სამართალდამცველს, რომელიც მონაწილეობდა აქციის დაშლის ოპერაციაში, უკვე შეუჩერდა სამსახურებრივი უფლებამოსილება. 
ამ ეტაპზე,  მათ შორის ორი სამართალდამცველის ქმედებაში გამოიკვეთა სისხლის სამართლის დანაშაულის ნიშნები. შესაბამისად, აღნიშნული მასალები რეაგირების მიზნით გადაიგზავნება გენერალურ პროკურატურაში.
შინაგან საქმეთა სამინისტრო გამოთქვამს მზადყოფნას ითანამშრომლოს გამოძიებასთან და  გენერალურ პროკურატურას მიაწოდოს მოკვლევის პროცესში მოპოვებული ყველა მასალა.

დაწერე კომენტარი (0 კომენტარი)
ახალი ამბები

 20-21 ივნისს პარლამენტის მიმდებარე ტერიტორიაზე აქციის დაშლის დროს დაშავებულებიდან 19 ადამიანი კვლავ კლინიკებში რჩება. ამის შესახებ ჯანდაცვის სამინისტროში განაცხადეს. მათი ინფორმაციით, დაშავებულებიდან ორის ჯანმრთელობის მდგომარეობა სტაბილურად მძიმეა. ორივე მათგანი ამ დრომდე მართვით სუნთქვაზე იმყოფება. დანარჩენ 17 ადამიანს კი ჯანმრთელობის მსუბუქი ან საშუალო დაზიანება აღენიშნება. 20-21 ივნისს პარლამენტის შენობის წინ გამართული აქციის დაშლისას სულ 240 ადამიანი დაშავდა, მათგან 80 პოლიციელია.

დაწერე კომენტარი (0 კომენტარი)
ახალი ამბები

დაუსიგნალე მთავრობას", — ამ სლოგანით საპროტესტო აქციის მონაწილეებმა რესპუბლიკის მოედნიდან ორთაჭალამდე, შინაგან საქმეთა სამინისტროს შენობამდე მანქანებით მსვლელობა მოაწყეს. მათი მთავარი მოთხოვნაა, გადადგეს შს მინისტრი. დემონსტრანტები აპროტესტებენ ქვეყანაში მიმდინარე მოვლენებს, მათ შორის, იმას, რომ 20 ივნისს პარლამენტის წინ გამართული აქცია რეზინის ტყვიებითა და ცრემლსადენი გაზით დაშალეს. აქციის მონაწილეები პასუხისმგებლონას გიორგი გახარიას აკისრებენ.

დაწერე კომენტარი (0 კომენტარი)
ახალი ამბები

 სააპელაციო სასამართლოში 20 ივნისის ღამეს, დემონსტრანტების დარბევისას დაკავებულთა პროცესი დღესაც გაგრძელდება. უფლებადამცველები ამბობენ, რომ აღნიშნული პროცესებიც, სხვა ჩატარებული სხდომების მსგავსად სამართლიანი სასამართლოს ელემენტარული სტანდარტებისგან შორს იქნება. სწორედ ამიტომ სასამართლო პროცესების პარალელურად სააპელაციო სასამართლოსთან დღეს აქცია გაიმართება. გვიან ღამით მოსამართლე ლევან მურუსიძემ დაკავებული ხუთი პირი სამართალდამრღვევად ცნო, თუმცა ერთის გარდა, საბოლოოდ ყველა გათავისუფლდა. „რაც მეტი საზოგადოებრივი ყურადღება იქნება სასამართლო პროცესებზე, მით დიდი შანსია, რომ გამოვუშვათ ის დაკავებული ხალხი. ჩვენ გვინდა რომ მათ ჰქონდეთ ნამდვილი სასამართლო პროცესები და არ ის, რომელიც ვნახეთ და ამისთვის ვიქნებით სასამართლოსთან 11:00 საათზე. ყველას კონსტიტუციური უფლებები უნდა იყოს დაცული. თუ იქ იქნება ხალხი და საზოგადოებრივი ყურადღება, მაშინ იზრდება შანსი, რომ ისინი გამოვლენ გარეთ,“- განაცხადა იუსტიციის უმაღლესი საბჭოს არამოსამართლე წევრმა, ანა დოლიძემ. 20 ივნისს თბილისის ცენტრში სულ 305 დემონსტრანტი დააკავეს.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search