შაბათი, აგვისტო 24, 2019
Follow Us

ახალი ამბები

ახალი ამბები

 20-21 ივნისს პარლამენტის მიმდებარე ტერიტორიაზე აქციის დაშლის დროს დაშავებულებიდან 19 ადამიანი კვლავ კლინიკებში რჩება. ამის შესახებ ჯანდაცვის სამინისტროში განაცხადეს. მათი ინფორმაციით, დაშავებულებიდან ორის ჯანმრთელობის მდგომარეობა სტაბილურად მძიმეა. ორივე მათგანი ამ დრომდე მართვით სუნთქვაზე იმყოფება. დანარჩენ 17 ადამიანს კი ჯანმრთელობის მსუბუქი ან საშუალო დაზიანება აღენიშნება. 20-21 ივნისს პარლამენტის შენობის წინ გამართული აქციის დაშლისას სულ 240 ადამიანი დაშავდა, მათგან 80 პოლიციელია.

დაწერე კომენტარი (0 კომენტარი)
ახალი ამბები

 სააპელაციო სასამართლოში 20 ივნისის ღამეს, დემონსტრანტების დარბევისას დაკავებულთა პროცესი დღესაც გაგრძელდება. უფლებადამცველები ამბობენ, რომ აღნიშნული პროცესებიც, სხვა ჩატარებული სხდომების მსგავსად სამართლიანი სასამართლოს ელემენტარული სტანდარტებისგან შორს იქნება. სწორედ ამიტომ სასამართლო პროცესების პარალელურად სააპელაციო სასამართლოსთან დღეს აქცია გაიმართება. გვიან ღამით მოსამართლე ლევან მურუსიძემ დაკავებული ხუთი პირი სამართალდამრღვევად ცნო, თუმცა ერთის გარდა, საბოლოოდ ყველა გათავისუფლდა. „რაც მეტი საზოგადოებრივი ყურადღება იქნება სასამართლო პროცესებზე, მით დიდი შანსია, რომ გამოვუშვათ ის დაკავებული ხალხი. ჩვენ გვინდა რომ მათ ჰქონდეთ ნამდვილი სასამართლო პროცესები და არ ის, რომელიც ვნახეთ და ამისთვის ვიქნებით სასამართლოსთან 11:00 საათზე. ყველას კონსტიტუციური უფლებები უნდა იყოს დაცული. თუ იქ იქნება ხალხი და საზოგადოებრივი ყურადღება, მაშინ იზრდება შანსი, რომ ისინი გამოვლენ გარეთ,“- განაცხადა იუსტიციის უმაღლესი საბჭოს არამოსამართლე წევრმა, ანა დოლიძემ. 20 ივნისს თბილისის ცენტრში სულ 305 დემონსტრანტი დააკავეს.

დაწერე კომენტარი (0 კომენტარი)
ახალი ამბები

parlamenti1რუსთაველის გამზირზე საავტომობილო მოძრაობა აღდგენილია. პარლამენტის შენობის წინ აქციის მონაწილეები არ იმყოფებიან. ადგილზე არც სამართალდამცავები არიან.

გუშინ, ორგანიზატორებმა აქციის მონაწილეებს დღეს, 19:00 საათზე პარლამენტთან შეკრებისკენ მოუწოდეს.

დაწერე კომენტარი (0 კომენტარი)
ახალი ამბები

 ხელისუფლება თანახმაა, საქართველოში 2020 წელს საპარლამენტო არჩევნები პროპორციული სისტემით გაიმართოს. ამის შესახებ „ქართული ოცნების“ ოფისში გამართულ ბრიფინგზე ბიძინა ივანიშვილმა განაცხადა. პარლამენტთან მიმდინარე აქციის მონაწილეების ერთ-ერთი მთავარი მოთხოვნა სწორედ პროპორციული სისტემით 2020 წლის საპარლამენტო არჩევნების ჩატარება იყო. "ქართული ოცნების" ოფისში დილიდან ჯერ პოლიტსაბჭოს წევრები შეიკრიბნენ, შემდეგ კი გაფართოებულ ფორმატში საპარლამენტო უმრავლესობის სხდომა გაიმართა. უმრავლესობის სხდომაზე აქციის მონაწილეების მიერ წამოყენებული მოთხოვნები განიხილეს.

დაწერე კომენტარი (0 კომენტარი)
ახალი ამბები

barciciiაფხაზეთი მზად არის უმასპინძლოს იმ რუს ტურისტებს, რომლებსაც საქართველოში დასვენება ჩაეშალათ, - ამის შესახებ სოხუმის რეჟიმის ე.წ. ტურიზმის მინისტრის მოადგილე ასტამურ ბარციცი აცხადებს.

„ჩვენთან თბილი ზღვა, სუფთა ჰაერი და სტუმართმოყვარე ხალხია. ჩვენთან განვითარებულია სამთო და ექსტრემალური ტურიზიმიც“, - განაცხადა ბარციცმა.

რუსეთის პრეზიდენტმა ვლადიმირ პუტინმა ხელი მოაწერა ბრძანებას, რომლის მიხედვითაც, 8 ივლისიდან საქართველოს მიმართულებით ავიამიმოსვლა დროებით იკრძალება.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search