შაბათი, ნოემბერი 23, 2019
Follow Us

ახალი ამბები

ახალი ამბები

1571601222 qqqqqqqqqqqqqqqqqqqqqqqqqqqqqqqqqqqqწალენჯიხის მუნიციპალიტეტ სოფელ ნაკიფუს მკვიდრი ახალგაზრდა მამაკაცი შავლეგ კვარაცხელია მშობლებმა სახლის უკან სათბურში ჩამომხრჩვალი იპოვეს. ამის შესახებ „პრაიმტაიმს მერის წარმომადგენელმა ნაკიფუს თემში ვახტანგ მოლაშხიამ განუცხადა.

„მშობლები მოსავლის ასაღებად იყვნენ წასულები, სახლში მარტო ყოფილა და რომ დაბრუნდნენ ეს საშინელი სურათი დახვდათ. უნიჭიერესი ახალგაზრდა იყო. შეძრწუნებულია სოფელი. როგორც ამბობენ, წლების წინ, როცა იგი იმყოფებოდა ანაკლიის ახალგაზრდულ ბანაკში, ვიღაცამ შეაშინაო და ეს შიშები წელიწადში ერთხელ ახსენებდაო თავს. მკურნალობდა კიდეც, - ყვება სოფლის რწმუნებული.

შსს-ში „პრაიმტაიმს განუცხადეს, რომ საქმე აღძრულია სსკ-ის 115-ე მუხლით, რაც თვითმკვლელობამდე მიყვანას გულისხმობს.

წყარო: dianews.ge

დაწერე კომენტარი (1 Comment)
ახალი ამბები

39331დავითი და თამარი" - ასე ჰქვია ახალ პოლიტიკურ ძალას, რომელიც 2020 წელს საპარლამენტო არჩევნებში მონაწილეობას მიიღებს. ამის შესახებ "დავითი და თამარის" დამფუძნებელი, გიორგი ჩახაია, სოციალურ ქსელში წერს და საზოგადოებას ოფისში იწვევს.

"გამარჯობა ჩემო კარგო ადამიანებო. ორშაბათიდან (21 ოქტომბერი) ყველა მსურველს გელოდებით ჩვენთან ოფისში. მე ვარ გიორგი ჩახაია, 35 წლის, პროფესიით ფინანსისტი, აუდიტორი, საკუთარი ქვეყნის და რიგითი, გაჭირვებული ხალხის ქომაგი და პატრიოტი. დიდი ხანია ბევრმა იცის, მაგრამ ვინც არ იცის, 2020 წლის არჩევნებში ახალი სახეებით ვიღებ მონაწილეობას და ჩვენ ახალ ძალას ერქმევა „დავითი და თამარი". ჩვენი ოფისის მისამართია: ქ. თბილისი, პეკინის გამზირი #34. III სართული, ოთახი #306. ორშაბათს 12 საათიდან ყველას შეგიძლიათ რომ მობრძანდეთ.

გარდა ნომრისა, ოთახის კარებზე ასევე არის წარწერა „დავითი და თამარი". მოგნება არ გაგიჭირდებათ. იმ ადამიანებისთვის, ვინც ჯერ კიდევ არ მიცნობს, ქვევით კომენტარში დავდებ იმ პროექტების მოკლე ჩამონათვალს, რომელიც დღემდე გაგაცანით ჩემო ძვირფასო ადამიანებო და რომლის შესრულებაზეც უშუალოდ მე ვიღებ პასუხისმგებლობას.

დანარჩენი საკითხები კი, როგორც წესი პროგრამაში იქნება და ამაზე მთლიანად გუნდი იმუშავებს. გთხოვთ, არ დაიზაროთ და „გააზიაროთ" მეგობრებო, ასევე სხვა ადამიანებსაც მოუყვეთ ჩვენი ახალი ძალისა და ჩემ შესახებ. პატივისცემით, გიორგი ჩახაია" - წერს სოციალურ ქსელში გავრცელებულ მიმართვაში.

დაწერე კომენტარი (0 კომენტარი)
ახალი ამბები

1571582564 ავარია ფოთოიფოთში, მალთაყვის უბანში ავტოსაგზაო შემთხვევა მოხდა.

წინასწარი ინფორმაციით, მძღოლმა საჭე ვერ დაიმორჩილა და ბოძს შეეჯახა. იგი მსუბუქი დაზიანებებით ქალაქის ცენტრალურ კლინიკურ საავადმყოფოშია გადაყვანილი. ადგილზე მობილიზებული იყო სასწრაფო დახმარების ჯგუფი და პოლიცია.

„მანქანაში ორი ადამიანი იმყოფებოდა. ერთმა უარი განაცხადა კლინიკაში გადაყვანაზე, მძღოლი კი, სასწრაფო დახმარების ჯგუფმა ფოთის ცენტრალურ კლინიკურ საავადმყოფოში გადაიყვანა, სადაც მას კვლევები ჩაუტარდება და შესაბამისი დახმარება გაეწევა“, – განაცხადეს საგანგებო სიტუაციების კოორდინაციისა და გადაუდებელი დახმარების ფოთის ფილიალში.

შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.

 
1tv.ge
 
დაწერე კომენტარი (0 კომენტარი)
ახალი ამბები

ilia meoreსრულიად საქართველოს კათალიკოს პატრიარქი, უწმინდესი და უნეტარესი ილია მეორე ამერიკის შეერთებულ შტატებში მცხოვრებ ქართველებს მიმართავს. პატრიარქი ამერიკაში მცხოვრებ ქართველებისადმი წერილში აღნიშნავს, რომ გაჭირდა სიმართლის გზაზე სვლა, მაგრამ არ უნდა შეუშინდნენ განსაცდელს და მთავარია, სწორი პასუხი გასცენ გამოწვევებს.

„გულითადად მოგესალმებით და გლოცავთ. თქვენ, ისევე როგორც გაჭირვების, ან სხვა მიზეზის გამო საზღვარგარეთ წასული სხვა თანამემაულენი, ჩვენი ტკივილი ხართ, და, ამასთან, იმედიც იმისა, რომ მატერიალური პრობლემის დაძლევის გარდა, შეძლებთ უმთავრესს, ღვთის სიყვარულისა და ქართული სულის შენარჩუნებას.

ტაძრები, საკვირაო სკოლები და შემოქმედებითი ცენტრები, რაც დღეს ამერიკაში საქართველოს ეკლესიის სახელით ფუნქციონირებს, სწორედ ამ მიზანს ემსახურება და ჩვენ ვმადლობთ აქ მოღვაწე ადამიანებს.

პირველ რიგში, მადლობას ვუხდით მეუფე საბა (ინწკირველს), ასევე, სასულიერო პირებს და, საერთოდ ყველას, ვინც კი დღიდან საქართველოს ეკლესიის აქ დაარსებისა, იშრომა და იმუშაკა ღვთისა და მოყვასის სამსახურად.

მადლობა მინდა გადავუხადო ამერიკის ხელისუფლებას და იმ პიროვნებებს, ვინც უსამშობლოდ ყოფნა შეგიმსუბუქათ და თანადგომა გაგიწიათ.

დღეს რთული დროა, გაჭირდა სიმართლის გზაზე სვლა, მაგრამ არ შეუშინდეთ განსაცდელს; მთავარია, სწორი პასუხი გასცეთ გამოწვევებს. თქვენ ხართ სახე ჩვენი ქვეყნისა. ამიტომაც, თქვენი კარგი, თუ ცუდი ქმედება საქართველოს სახელზე ახდენს გავლენას.

არა აქვს მნიშვნელობა, რა თანამდებობაზე ხარ, ან რა მოვალეობა გაკისრიათ; ვისურვებდი თქვენი ღირსეული ცხოვრებით ყოფილიყავით სამშობლოს წარმომჩენნი და დამფასებელნი.

შევთხოვ ყოვლადწმინდა სამებას, მოგანიჭოთ თავისი მადლი, დალოცოს თქვენი ოჯახები და მშვიდობით და სიხარულით აღგავსოთ.

ყოვლადწმინდა ღვთისმშობელი, ჩვენი დიდი დედა იყოს თქვენი მეოხი და შემწე და საქართველოსკენ გზის გამკვლევი, რათა თქვენი ცოდნა და მიღებული გამოცდილება სამშობლოსაც მოახმაროთ“, - აღნიშნულია პატრიარქის მიმართვაში.

დაწერე კომენტარი (0 კომენტარი)
ახალი ამბები

4ე4ე4ემესტია-ზუგდიდის გზის ხაიშის მონაკვეთზე სატვირთო ავტომანქანა მდინარე ენგურში გადავარდა. 

შემთხვევის შედეგად არავინ დაშავებულა. ავტომანქანაში მსხდომმა პირებმა გადახტომა მოახერხეს.

სატვირთო მანქანა მდინარე ენგურიდან სპეციალური ტექნიკით წინ ამოიყვანეს.

 

წყარო: www.newposts.ge

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search