ორშაბათი, თებერვალი 24, 2020
Follow Us

კულინარია

კულინარია


ალბათ არ არსებობს ადამიანი, ვისაც შემწვარი კარტოფილი არ უყვარდეს, თუნდაც მათ, ვინც მიიჩნევს, რომ ეს კერძი არც ისე სასარგებლოა.


ხანდახან გვინდა, თავი გავანებივროთ დაბრაწული კარტოფილით. თუ რამდენიმე წესს დაიცავთ, თქვენ უგემრიელეს და მართლაც ხრაშუნა კარტოფილს მოამზადებთ.

წესი #1
კარტოფილი გაფცქვენისა და დაჭრის შემდეგ აუცილებლად უნდა ჩაალბოთ ცივ წყალში. ცივი წყალი ნაყოფს ზედმეტ სახამებელს მოაცილებს, ხოლო თბილი ან ცხელი წყალი დატოვებს კარტოფილში სახამებელს და შემწვარი კარტოფილი ჩაშუშულს უფრო დაემსგავსევა. რაც უფრო ახალია კარტოფილი, მით დიდხანს უნდა წყალში ჩალბობა. საუკეთესოა 30-დან 1 საათამდე.

წესი #2
დალბობის შემდეგ კარტოფილი კარგად უნდა შეამშრალოთ. უმჯობესია, ის საწურზე მოათავსოთ, შემდეგ კი სამზარეულოს ხელსახოცით შეაშროთ. კარტოფილი მშრალი უნდა იყოს, რადგან წყალი ხელს უშლის კანის დაბრაწვას.

წესი #3
ტაფა და ზეთი კარგად გახურებული უნდა იყოს. ნუ დაინანებთ ზეთს, კარტოფილი მასში კარგად უნდა ჩაიძიროს. არ დაგავიწყდეთ, რომ კარტოფილი ფრი დიდი რაოდენობის ადუღებულ ზეთში იწვება.

წესი #4
მარილისა და სხვა სანელებლების დამატება უმჯობესია მას შემდეგ, რაც კარტოფილი უკვე შეიწვება. მას შემდეგ, რაც კარტოფილი შეიწვება, გადმოიღეთ ის საწურზე და მიეციეთ საშუალება ზედმეტი ზეთი დაიწუროს. შემდეგ მოაყარეთ მარილი და სანებლები.

გააგრძელეთ კითხვა:

დაწერე კომენტარი (0 კომენტარი)
კულინარია

ყოველ დილით,  როცა გაღვიძებას ჭიქა ყავით ვიწყებთ, ჩვენს ჯანმრთელობასთან მის კავშირებზე სულაც არ ვფიქრობთ.  ყავის სასარგებლო და უარყოფით თვისებებთან დაკავშირებით ინფორმაციის მოძიება რომც მოვინდომოთ, ინტერნეტში ბევრ ურთიერთგამომრიცხავ მოსაზრებას წავაწყდებით.
მიუხედავად ამისა, რა თქმა უნდა, არსებობს სანდო წყაროები, რომლებიც  უფრო სარწმუნოა, ვიდრე მაგალითად, ღრმად პატივცემული „ვიკიპედია“, რომელიც გვეუბნება, რომ თურმე ყოველდღიურად, მსოფლიოში 2.25 მილიარდ ჭიქა სხვადასხვა სახეობის ყავას ვსვამთ. განვითარებად და გარდამავალი ეკონომიკის მქონე ქვეყნებში კი ყველაზე მაღალი მოთხოვნა ხსნად ყავაზეა. ის პოპულარობით სარგებლობს საქართველოშიც.

kava
 

რა არის ხსნადი ყავა?


ხსნადი ყავა დევიდ სტრანგმა გამოიგონა და 1890 წელს დააპატენტა. მას შემდეგ, ის Stang's Coffee-ის სახელით იყიდებოდა.ხსნადი ყავა აპარატის ყავის დაფქული, უკვე „მოხარშული“, დამუშავებული ვერსიაა, რომელსაც მხოლოდ ცხელი წყლის დამატება და რამდენიმე წამი სჭირდება, რომ მომზადდეს.

საინტერესო ფაქტია, რომ  ხსნადი ყავის ერთჯერად შეფუთვებში, რომელიც აქტიურად გვხვდება ყველგან  დაახლოებით 1,8 გრამი ყავაა ჩაყრილი. არსებობს საფუძვლიანი ეჭვი, რომ მას დამატებული აქვს ბარდა, სოიო, შვრია, ქერის ალაო, სხვადასხვა მცენარე, სტაბილიზატორები, სინთეტიკური კოფეინი და სხვა ნივთიერებები, რომელთა სინთეზიც ჯანმრთელობისთვის მავნებელია .ამასთან,ხსნადი ყავა რიგ შემთხვევებში შეიცავს, ისეთ ნივთიერებებს, როგორიც არის კაკაო და დარიჩინი, რაც ხშირად გვხვდება ჭიქაში დალექვისას.


ავტორიტეტული გამოცემების ნაწილი იუწყება, რომ ხსნადი ყავის დიდი რაოდენობით მოხმარებას ადამიანის ჯანმრთელობისთვის ზიანის მიყენება, განსაკუთრებით კი გულთან, ღვიძლთან და კუჭთან დაკავშირებული პრობლემების გამოწვევა შეუძლია.

Healthguide.net-ის ინფორმაციით, დღეს, ხსნადი ყავა ნატურალური ნივთიერებების მხოლოდ 15%-ს შეიცავს, დანარჩენი კი სხვა დანამატებზე მოდის.


ხსნადი ყავის წარმოებისთვის ყველაზე გავრცელებულ პროცესად გაყინვის მეთოდით გამოშრობა მიიჩნევა - ყავას ყინავენ, მცირე ნაწილაკებად ჭრიან, რომელიც ვაკუუმში, დაბალ ტემპერატურაზე შრება.


ხსნად ყავას მწირი გემოვნური თვისებები აქვს


ყავის მოყვარულები ნამდვილი ყავის გემოს „ყალბისგან“ყოველთვის განარჩევენ. ხსნადი ყავა მწარმოებელმა უკვე „მოგიხარშათ“ და მხოლოდ წყლის დასხმაღა დატოვა საჭირო, სწორედ ეს უკარგავს მას როგორც გემოვნურ, ისე სასარგებლო თვისებების ნაწილს. ის ნედლ ყავასთან შედარებით, ნაკლებ კოფეინს შეიცავს. შესაბამისად, მოთხოვნილება გვიჩნდება, რომ კოფეინის დღიური დოზის მისაღებად, უფრო მეტი მოვიხმაროთ. მოხმარების ზრდა კი ორგანიზმში მეტი მავნე ნივთიერების დაგროვებას უწყობს ხელს. გააგრძელეთ კითხვა:

დაწერე კომენტარი (0 კომენტარი)
კულინარია

მჭადის ცომი არც ძალიან თხელი არ უნდა იყოს და არც სქელი. საშუალოდ 200 გრამ ფქვილს 200 გრამი წყალი სჭირდება. მჭადის ფქვილი მოათავსეთ ჯამში, დაამატეთ მწკვი მარილი. დაასხით წყლის ნახევარი, დაიწყეთ ზელა და ნელ-ნელა დაამატეთ დანარჩენი წყალიც. აუცილებელია, ცომი შეიკრას, არ უნდა იყოს ქვიშასავით. თუ არ შეიკრა, ესეიგი წყალი აკლია. სასურველია, ცომში ცოტაოდენი ზეთი გაურიოთ.

ასეთი მჭადი უფრო კალორიულია, მაგრამ უფრო გემრიელია. 100 გრამი პროდუქტი 180 კალორიას შეიცავს, თუ ის უცხიმოდაა მომზადებული, ზეთიან მჭადზე კი მინიმუმ 250 კალორია უნდა იანგარიშოთ. უგემრიელესია კეცზე შემწვარი მჭადი. კეცი წინასწარ ცხელდება და ეფინება მცენარის ფოთლები, (შესაძლოა კაკლის ან ბლის), ზედ დებენ მოგუნდავებულ ცომს და ხელით ასწორებენ, ზემოდან მეორე, გახურებულ კეცს ადგამენ და გახურებულ ნაკვრჩხალს აყრიან.

ამის შემდეგ კი მხოლოდ ლოდინია საჭირო. იმედია, გემრიელი მჭადი გამოგივათ. გემრიელად მიირთვით!

იხილეთ ვრცლად:

დაწერე კომენტარი (0 კომენტარი)
კულინარია
კულინარია განტვირთვის ერთ-ერთი საუკეთესო საშუალებაა. ჩვენს ქვეყანაში მისი ღრმა ფესვების შესახებ ყველამ ვიცით. ზოგს გამოსდის გემრიელად კეთება, ზოგს ნაკლებად. განსაკუთრებით რთულია საკონდიტრო სფერო. ნამცხვრებისა და ტორტების გამოცხობა ბევრს იმდენად რთული ჰგონია, რომ ხშირად თავსაც კი იკავებს მათი მომზადებისგან.


ცხობის ნიჭით არავინ არ იბადება. მთავარი საიდუმლო მომზადების სწორი ტექნიკისა და ხრიკების ცოდნაა. თავის გამოცდილებას მოყვარული კულინარი და Gemrielia.ge-ის ერთგული მომხმარებელი თამო მეფიშვილი გვიზიარებს.


1.    მეორე შანსი


ერთი წელია, რაც კულინარიით დავინტერესდი და მზადება ჩემი ყოველდღიური ცხოვრების განუყოფელი ნაწილი გახდა. რა თქმა უნდა, არაერთხელ დამიშვია შეცდომა. იშვითია, რომ პირველივე ჯერზე საუკეთესოდ გამოგივიდეს რამე, მაგრამ #1 რჩევაა, რომ ყოველთვის სცადე მეორედ!

 


2.    ბეზე განაჩენი არ არის!


ქათქათა ბეზე ტორტის უმნიშვნელოვანესი დეტალია. იმისათვის, რომ ბეზე თოვლივით თეთრი და მშრალი გამოვიდეს, რამდენიმე წესს გეტყვით, რომლებიც აუცილებლად, უნდა დაიცვათ:


•    ნაბიჯი 1


კარგად გაამშრალეთ ემალის ჯამი და მიქსერის ჩხირები. ოდნავი სისველე და ცხიმიც კი არ უნდა შეყვეს.


•    ნაბიჯი 2


4 კვერცხის ცილა ათქვიფეთ ღრუბელივით მასის მიღებამდე. ჯამს რომ გადმოაბრუნებთ კედლებს არ უნდა მოსცილდეს.


•    ნაბიჯი 3


1,5 ჭიქა შაქარი შეათქვიფეთ კვერცხის მასას, ოღონდ ძალიან ნელა, შუალედებით. დაუმატეთ ვანილი და მწიკვი ლიმონის მჟავა.


•    ნაბიჯი 4


ქვაბში აადუღეთ წყალი, ზედ შემოდგით მომზადებული ბეზე და გააჩერეთ 10-15 წთ-ის განმავლობაში, თან არ შეწყვიტოთ თქვეფა.


•    ნაბიჯი 5


საცხობ ფორმაზე დააფინეთ ქაღალდი, მოაყარეთ ფქვილი და მომზადებული ბეზე ლამაზ ფორმებად დასვით.


•    ნაბიჯი 6


გაახურეთ ღუმელი 80-100° ზე და შედგით ბეზეები გამოსაცხობად. თუ შეატყობთ, რომ ოქროსფერს იღებს, ტემპერატურას დაუწიეთ. ღუმელის კარი ოდნავ შეაღეთ  და ცხობა გააგრძელეთ 2-3 საათით, მზაობა ხის ჩხირით შეამოწმეთ.


შენიშვნა: თუკი ბეზეს ნამცხვრისთვის აკეთებთ და არა ტორტისთვის, ორთქლის აბაზანაზე მოხარშვა და ლიმონმჟავის დამატება არ სჭირდება. ნამცხვრის ბეზეს ღია ყავისფერი გადაკრავს და უფრო ხრაშუნაა.


3.    „რა ხილია“ გამაფხვიერებელი?

განაგრძეთ კითხვა:

დაწერე კომენტარი (0 კომენტარი)
კულინარია

კვერცხი- ეს არის პროდუქტი,რომელიც ჩვენს რაციონში კვირაში რამდენჯერმე ჩნდება. ძალიან ცოტა კერძია ისეთი, რომელიც ამ მრავალფეროვანი ინგრედიენტის გარეშე მზადდება. ალბათ, სულაც არ არის გასაკვირი, რომ კვერცხის ყიდვისას არჩევანის გაკეთება გვიჭირს. ზოგს ჰგონია, რომ ქათქათა ნაჭუჭის მქონე კვერცხი უფრო გემრიელია,ზოგი კი ყავისფერ ნაჭუჭს ამჯობინებს,რადგან თვლის, რომ ის უფრო ჯანსაღია.

Image result for brown eggs

ნიშნავს თუ არა ყავისფერი ნაჭუჭი იმას, რომ კვერცხი უფრო ჯანსაღია?

როცა საქმე საჭმელს ეხება, მიიჩნევა, რომ რაც უფრო „მუქია“ , მით უფრო ბუნებრივი და ჯანსაღია. მაგალითად: პური,მაკარონი, შაქარი და ა.შ. კვერცხის შემთხვევაში ფერთან ერთად განმსაზღვრელი არის ფასიც,რადგან ხშირად, ყავისფერი კვერცხი უფრო ძვირია ვიდრე თეთრი. ეს თავისთავად აჩენს ასოციაციას ორგანულ პროდუქტთან, რომელიც, როგორც წესი, უფრო ძვირია.

სინამდვილეში, ყავისფერ კვერცხთან დაკავშირებული მოსაზრება მითია. კვერცხის ნაჭუჭუს შეფერილობა არ მოქმედებს კვერცხის კვებით ღირებულებასა და ხარისხზე. თეთრი,ისევე როგორც ყავისფერი კვერცხი მდიდარია A,D და K ვიტამინებით, ფოსფორით,რკინითა და ომეგა 3-ის ცხიმოვანი მჟავებით.

ის ფაქტი, რომ ყავისფერი კვერცხი უფრო ძვირი ღირს,მხოლოდ მარკეტინგული გათვლაა. 

დაწერე კომენტარი (0 კომენტარი)
მოიწონეთ გვერდი

Search