ხუთშაბათი, ივნისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

კულინარია

კულინარია
xachos paskaრეცეპტის აღწერა

თუ რეცეპტის მომზადებისას უცხიმო ხაჭოს გამოიყენებთ, კიდევ უფრო შეამცირებთ მის კალორიულობას.
 

რეცეპტის ინგრედიენტები
 
500   გრამი ხაჭო (0%-იანი)
 
13  ჭიქა შაქარი
 
3   ცალი კვერცხი
 
1   ჭიქა (200 გ) 35-40%-იანი ნაღები
 
1   პაკეტი ვანილის შაქარი
 
12  ცალი ლიმონის წვენი
 
12  ჭიქა ცუკატები და ქიშმიში
 
12  ჭიქა ნიგოზი
რეცეპტის მომზადების საფეხურები
1

წინასწარ, ფორთოხლის ცუკატები და ქიშმიში ჩაალბეთ რამდენიმე ხნით მდუღარეში, შემდეგ გადაწურეთ და გაავლეთ ცივ წყალში. გაშალეთ ქაღალდის ხელსახოცზე და გააშრეთ (შეგიძლიათ მხოლოდ ცუკატები გამოიყენოთ, ან მხოლოდ ქიშმიში – თქვენი გემოვნებით; მე ხშირად წვრილად დაჭრილ კურაგას – გარგლის ჩირს ვიყენებ).

2

ხაჭო გახეხეთ საცერზე, ისე, რომ ერთგვაროვანი გახდეს;

3

შეურიეთ ცუკატები (ან ქიშმიში, ან ჩირი), ნიგოზი და ლიმონის წვენი;

4

პატარა ჯამში ჩანგლით ათქვიფეთ კვერცხი და შაქარი, დაუმატეთ ვანილი;

5

ათქვეფილ კვერცხს დაუმატეთ ნაღები, შედგით მასა ორთქლზე და აქტიურად ურიეთ, სანამ არ გასქელდება (დაახლოებით მოხარშული კრემის სისქემდე);

6

მიღებული ცხელი მასა შეურიეთ ხაჭოს და კარგად აურიეთ;

7

პასკის სპეციალურ ხის ფორმაში ან თუშფალანგში (დურშლაგში) ჩააფინეთ ორი ფენა დოლბანდის ნაჭერი, ისე, რომ მისი ბოლოები გარეთ იყოს გადმოკიდებული. შემდეგ მოათავსეთ თუშფალანგში ხაჭოს მასა, მოუსწორეთ ზედაპირი და დოლბანდის ბოლოები გადააფარეთ ზემოდან. მოათავსეთ დოლბანდზე ბრტყელი თეფში (რომლის დიამეტრიც თუშფალანგის დიამეტრზე ნაკლებია), ხოლო თეფშზე რაიმე სიმძიმე – მაგალითად თუჯის ფილთაქვა, ან წყლით სავსე დიდი ქილა. ჩვენი ამოცანაა, რომ მძიმე პრესის ქვეშ ხაჭოს მასიდან დაიწუროს მთლიანი სითხე. შევდგათ ეს კონსტრუქცია მაცივარში 8-12 საათით; საუკეთესო შემთხვევაში – 24 საათით.

8

კარგად დაწურული პასკა ამოვატრიალოთ თეფშზე და სურვილისამებრ მოვასხათ ზემოდან შოკოლადის გლაზური.

  1. გამოცდილება გვიჩვენებს, რომ სჯობს ამ პასკის ორმაგი ულუფის მომზადება, რადგან სუფრიდან სწრაფად გაქრობა სჩვევია.
  2. საბოლოო ჯამში, ეს პასკა, განსაკუთრებით შოკოლად-მოსხმული, წარმოადგენს ძალიან გემრიელ ხაჭოს ტორტს, ასე რომ შეგიძლიათ ის არა მხოლოდ სააღდგომოდ, არამედ ჩვეულებრივ დღეებშიც მოამზადოთ.
 
დაწერე კომენტარი (0 კომენტარი)
კულინარია
  • რძე - 500 გრ
  • საფუარი - 3 სკ
  • შაქარი - 800-900 გ
  • კვერცხი - 10 ცალი
  • კარაქი - 300 გრ
  • არაჟანი - 500 გრ
  • ფქვილი - 2 კგ
  • ქიშმიში
  • ვანილი
  • სასურველი სანელებლები
 
 
მომზადების წესები

თბილ რძეში გახსენით საფუარი და 3 ს.კ შაქარი. დადგით ამოსაფუებლად.

კვერცხი და 800 გრამი შაქარი ათქვიფეთ. დაამატეთ  გამდნარი და შეგრილებული კარაქი, არაჟანი, ამოფუებული რძე და მოურიეთ კარგად. შემდეგ დაამატეთ 1.8 დან 2.0 კგ მდე უმაღლესი ხარისხის ფქვილი, ქიშმიში, ვანილი. სანელებლები გემოვნებით. 

ქიშმიში შეგიძლიათ 3 ს.კ კონიაკში ჩაალბოთ და ისე მოათავსოთ ცომში, ან მხოლოდ ქიშმიში, კონიაკის გარეშე.

დადგით თბილად შეფუთული, დაახლოებით 2 საათით. ამოფუების შემდეგ ჩაზილეთ და ისევ აცადეთ აფუება 1 საათით. ამის შემდეგ გადაიტანეთ ფორმებში და იქაც 40 წუთით გააჩერეთ. შემდეგ გამოაცხვეთ დაბალ ტემპერატურაზე, დაახლოებით 40 წუთით, მხოლოდ ქვედა წვით. 

ქურაში, სადგამზე, დააფინეთ ფოლგა და შემდეგ დადგით საცხობი ფორმა. ფოლგა სითბოს ცირკულაციას ახდენს და ზემოდანაც ისე იბრაწება ყველაფერი, როგორც ზედა წვის ჩართვის დროს, უფრო ლამაზიც გამოდის. 

kulinaria.ge

დაწერე კომენტარი (0 კომენტარი)
კულინარია

paskaaaსააღდგომოდ დიასახლისები თადარიგს უკვე იჭერენ. იმარაგებენ სუნელებს, სხვადასხვა ინგრედიენტს და ახალ-ახალი რეცეპტებიც აინტერესებთ. პასკის რეცეპტი, რომელიც ფ/ბ ჯგუფში "დედების სამზარეულო" გამოჩნდა, პირველ რიგში იმითაა საინტერესო, რომ მცირე პორციაზეა გათვლილი. თუ ბევრის გამოცხობის საშუალება არ გაქვთ, ეს ვარიანტი ნამდვილად გამოგადგებათ. მითუმეტეს, თუ პირველად აცხობთ პასკას და დიდ პორციასთან შეჭიდებას ვერ რისკავთ.
 

„ეს არის ძალიან ძველი რეცეპტი, რაც თავი მახსოვს, დედა აცხობდა. გადავწყვიტე, რომ ტრადიციულად 10 კვერცხიან ცომთან ჭიდილის მაგიერ შემემცირებინა დოზები. ასე რომ, შემოგთავაზებთ 1კვერცხის პორციას, რომლიდანაც გამოდის 1 ცალი დაახლოებით 1 კილოიანი პასკა, ანუ თბილისში რომ ქაღალდის ფორმებია 16 სმ ძირით.

წინა დღეს ვამზადებ ჩირეულს და სუნელებს, რომელიც თქვენს გემოვნებაზეა დამოკიდებული, მე მიყვარს მძაფრი სურნელი და ვუკეთებ 1 პატარა ფორთოხალს და ლიმონს, რომელსაც მოვახეხავ კანს და წვენს გამოვწურავ, თითო ჩაის კოვზ დაფქვილ კარდამონს(ილი) და მუსკატის კაკალს და 2-3 სუფრის კოვზ ალკოჰოლს. ჩირეული რამდენიც გინდათ. 
დილით დავაყენოთ საფუარი: თითო-თითო სუფრის კოვზი საფუარი, შაქარი, ფქვილი და თბილი რძე, რომ მიიღოთ ბლინის სისქის მასა. შეფუთეთ და დადგით სითბოში.

გავაცხელოთ 100 გრ რძე და ჩავაგდოთ შიგ 50 გრ კარაქი(თუ გნებავთ დაამატეთ 10 გრ და უფრო მძიმე გამოვა, მეტი არა. ფქვილი ვეღარ დაძრავს და ჩავარდება). დაველოდოთ, რომ რძე გახდეს ნელთბილი და საფუარი ამოვიდეს.

გააგრძელეთ კითხვა

დაწერე კომენტარი (0 კომენტარი)
კულინარია

kvercxiმალე სააღდგომოდ ყველა დიასახლისი კვერცხების ღებვის სამზადისს შეუდგება. ეს თითქოს ადვილი საქმეა, მაგრამ ახალბედა დიასახლისებს რამდენიმე რჩევას მაინც მივცემთ. მოგეხსენებათ, რასაც წელიწადში ერთხელ ვაკეთებთ, იმაში "დაოსტატებას" ვერ ვახერხებთ. თითქოს წინა წლის გამოცდილება მეორე წელს გვავიწყდება. ასე რომ, კვერცხების სრულყოფილად შესაღებად ეს რჩევები გაითვალისწინეთ.

1. შესაღებად ძალიან დიდი ზომის კვერცხებს ნუ აირჩევთ. საშუალო და ოდნავ მომცრო კვერცხს უფრო გამძლე ნაჭუჭი აქვს.
2. კარგია თუ შეღებვამდე 15 წუთით  ადრე ცივ წყალში ჩაალბობთ, კვერცხი არ აგიჭრელდებათ და თანაბრად შეიღებება. 
3. შესაღები ხსნარის მომზადება რამდენიმე

 დღით ადრე დაიწყეთ, მაგალითად, სამშაბათს, რათა ფერი ბოლომდე გაიხსნას და კვერცხებმა უფრო მუქი შეფერილობა მიიღონ.

4. ზემოხსენებული არ ეხება კვერცხის ხელოვნურ საღებავებს, ისინი გაცილებით სწრაფად იხსნება, თუმცა გირჩევთ, ტრადიციული და ნატურალური ინგრედიენტები გამოიყენოთ.
5. დაჩეჩქვეთ 2-3 კონა ენდროს ფესვები და მოათავსეთ დაახლოებით 5 ლიტრის მოცულობის ემალირებულ ჭურჭელში (გაითვალისწინეთ, ამ ჭურჭელს ენდროს ფერს ვეღარ გააცლით). დაამატეთ ხახვის ფურცელი იმდენი, რომ ენდროსა და ფურცლის წილი 2:1 იყოს. ამ მასას დაასხით წყალი და დადგით ცეცხლზე. ადუღეთ დაახლოებით 45 წუთის განმავლობაში. პერიოდულად ამატეთ ხარშვისას დაკლებული წყალი. გააცივეთ და ისევ დადგით მოსახარშად. ასე გაიმეორეთ
3-ჯერ.

გააგრძელეთ კითხვა:

დაწერე კომენტარი (0 კომენტარი)
კულინარია

kremiკრემი ბევრნაირი არსებობს და ყველა მათგანი კონკრეტული მიზნით, კონკრეტულ დესერტში გამოიყენება. სხვაა კრემი, რომელსაც ფირფიტებს შორის ვიყენებთ და სხვა - კრემი, რომელსაც დეკორატიული დანიშნულება აქვს. სწორედ ამ უკანასკნელის შესახებ იკითხა Gemrielia.ge-ის ჯგუფში ერთ-ერთმა მკითხველმა. ჯგუფის წევრს ისეთი კრემის რეცეპტი სჭირდებოდა, ძალიან მყარი რომ იქნებოდა და მორთვის შემდეგ არ ჩამოიღვენთებოდა.

გთავაზობთ ლალი ცენტერაძის რჩევას, რომელიც ჩვენი ჯგუფის წევრებს გაუზიარა:

იმისათვის, რომ კრემი მორთვის შემდეგ მყარი იყოს და ფიგურები არ დაიშალოს, ფაფაში 1 ლიტრზე 1ჭ.ფქვილის ნაცვლად, დაუმატეთ ერთნახევარი ჭიქა ფქვილი. ფაფა უფრო სქელი გამოვა და მორთვისას არ დაგეშლებათ. 1ლ რძე+ჭიქანახევარი ფქვილი+(ფაფის გაცივების შემდეგ)250 გრ. კარგად ათქვეფილი კარაქი + ვანილი.

დაწერე კომენტარი (0 კომენტარი)
მოიწონეთ გვერდი

Search