ოთხშაბათი, ივლისი 28, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

iphonee5 წუთით ოთახიდან გახვედით და სმარტფონი მაგიდაზე დატოვეთ? ჰოდა, ძალიან შეცდით! ჩვენ გიამბობთ რა ინფორმაციის მიღება შეუძლიათ მეგობრებს, კოლეგებს ან ოთახში მყოფ სხვა ადამიანებს თქვენი ტელეფონიდან.

 1. ვისთან გაქვთ მიმოწერა

ზოგიერთი მესინჯერი მიუთითებს, თუ ვისგან არის ესა თუ შეტყობინება. ფანტასტიკური სცენარია, მაგრამ მაინც... წარმოიდგინეთ, რომ აიფონი სამსახურში, უფროსის ცხვირწინ დატოვეთ, მან შეტყობინება გამოგიგზავნათ და ხედავს, რომ ის თქვენს კონტაქტებში შენახულია, როგორც „გველი“ ან რამე მსგავსი სახელით, ამის შემდეგ დაწინაურების იმედი აღარ უნდა გქონდეთ.

2. რაზე საუბრობთ

სანამ ოთახში არ ხართ, ახალი შეტყობინების ფრაგმენტების ამოკითხვა შესაძლებელია ტელეფონის განბლოკვის გარეშე. რა თქმა უნდა, წერილის სრულყოფილად წაკითხვა შეუძლებელია, მაგრამ ზოგჯერ დასკვნების გამოსატანად ღიმილის ემოცია ან სიტყვა „მენატრები“ საკმარისია.

3. რა გეგმები გაქვთ

iPhone Calendar-ის აპლიკაცია მნიშვნელოვან როლს ასრულებს iPhone–ის მომხმარებლის ცხოვრებაში. მომხმარებელთა დიდ რაოდენობას სურს, გამოიყენოს Calendar აპლიკაცია ცხოვრების დაგეგმვისა და მნიშვნელოვანი მოვლენების შეხსენებისთვის, მაგრამ უნდა გახსოვდეთ, რომ თქვენი კალენდრის push შეტყობინებიდან შეიძლება უცხო ადამიანებმაც გაიგონ თქვენი გეგმების შესახებ. აქაც ყველაფერი დამოკიდებულია კონტექსტზე. ალბათ არ ღირს სამსახურიდან გათავისუფლება სტომატოლოგთან ვიზიტის მომიზეზებით, თუ კოლეგებმა ეკრანზე სულ სხვა ტექსტი - მაგალითად, „აგარაკზე, მწვადებზე“ დაინახეს.

4. რა პროგრამები გაქვთ დაინსტალირებული

push შეტყობინებაში ასევე შედის ამა თუ პროგრამის ნიშანი. Tinder, Grindr ან Pure, სავარაუდოდ, თქვენს მეუღლეს არ მოეწონება.

5. რა სახის მუსიკას უსმენთ

დაბლოკილი ეკრანიდან სრულიად შესაძლებელია „მართვის ცენტრის“ გახსნა და ტელეფონში არსებული მუსიკის და შემსრულებლის სახელის ნახვა... და ყველა გაიგებს, რომ კლასიკური მუსიკის მოყვარული კი არა, რამშტეინის მგზნებარე ფანი ხართ.

6. რომელ მაღაზიებში ყიდულობთ

ამის გაგება შესაძლებელია Wallet-ის საფულეს შეტყობინებებიდან, სადაც თქვენი საბანკო და ფასდაკლების ბარათები ინახება. გამორიცხული არ არის, რომ ზოგიერთი მაღაზიის ფასდაკლების შეტყობინებებმა შეიძლება კითხვები გააჩინოს ან მიანიშნოს გეოლოკაციის მიხედვით, რომელ მაღაზიებსა თუ სავაჭრო ცენტრში იყავით ბოლო დღეებში.

7. თქვენი ვიჯეტის მონაცემები

ჩაუკეტავ ეკრანზე შეიძლება გამოჩნდეს ვიჯეტი „დღეს“. კონკრეტულად რა მონაცემები გამოჩნდება, თქვენზეა დამოკიდებული: ეს შეიძლება დღის გეგმებიდან დაწყებული, რუკის მარშრუტით დემთავრებული, ნებისმიერი ინფორმაცია იყოს.

8. ინფორმაცია ჯანმრთელობის შესახებ

აი, ეს კი მხოლოდ სასარგებლო აპია. თუ მოულოდნელად ცუდად გახდით, სასწრაფო დახმარების ექიმები ან გამვლელები შეძლებენ მიიღონ მონაცემები ჯანმრთელობის აპლიკაციიდან iPhone-ისთვის.

ამისთვის სამედიცინო ბარათის შევსება მოგიწევთ, სადაც უნდა მიუთითოთ სისხლის ჯგუფი და რეზუსი, ინფორმაცია ქრონიკული დაავადებების, ალერგიის შესახებ და ა.შ.

აქვე უნდა მიუთითოთ საკონტაქტო პირები საგანგებო სიტუაციების დროს - ეს ადამიანები მიიღებენ შეტყობინებას, თუ „გადაუდებელ SOS“ ფუნქციას გაააქტიურებთ.

დაბოლოს, არსებობს გზები, რომ iPhone პაროლის გარეშე განბლოკოთ და გაარკვიოთ ყველაფერი, რისი გაგებაც გსურთ. მაგრამ რაც უფრო ახალია მოწყობილობა და მასზე iOS ვერსია, მით ნაკლებია შანსი, რომ ამის გაკეთება სისტემის გვერდის ავლით შეძლოთ.

Comments powered by CComment

მოიწონეთ გვერდი

Search