ორშაბათი, იანვარი 20, 2020
Follow Us
მოზაიკა
- დეტალები
- By Super User
- მშობელი კატეგორია: ახალი ამბები
- გადასვლები: 969
მიხეილ ლაბოვსკის ფრაზებს ხშირად მოჰყვება ხოლმე მწვავე დისკუსია. მის ჯანსაღ ცინიზმს ან ბოლომდე იღებენ, ან კატეგორიულად უარყოფენ… თუმცა, ორივე შემთხვევაში, ყოველთვის დიდი ინტერესის საგნად რჩება პუბლიკისთვის. გთავაზობთ მის რამდენიმე დასკვნას:
- ჯანმრთელ ქალს გათხოვება არ სურს. პირველი, რაც უნდა გააკეთოთ, უნდა ეცადოთ გათხოვება გადაგინდეთ. სხვა სიტყვებით, თუ გათხოვება გინდათ, ამაზე ფიქრიც კი აიკრძალეთ, მთლიანად იდეა უნდა გადააფასოთ.
- ერთ პარტნიორთან ბედნიერი ოჯახური ცხოვრების, ქორწინების და სექსის გასაღები ამ პარტნიორის სტაბილური ფსიქიკაა. არავითარი დათმობა, კომპრომისი… ამას მხოლოდ კარდიოლოგთან და ონკოლოგთან მიყავხართ. როდესაც ადამიანს აქვს სტაბილური ფსიქიკა, მხოლოდ ამ შემთხვევაში შეუძლია ერთი პარტნიორი ჰყავდეს მთელი ცხოვრება და უყვარდეს მხოლოდ ის.
- ადამიანი შეუძლებელია გიყვარდეს იმის გამო, რომ შენზე მორგებას ცდილობს. ქალი, რომელზეც ვერ იტყვის ვინ არის, როგორია, როგორი ხასიათები აქვს, რა უყვარს და რა არ უყვარს, მამაკაცისთვის მუდმივად ცარიელ ადგილად დარჩება. პარადოქსია, მაგრამ კაცები რთული ხასიათის გოგონებზე გიჟდებიან.
- ქალების პრობლემა არ მდგომარეობს იმ მამაკაცის იდიოტურ ქცევაში, რომელიც გვერდით ჰყავს, ქალების უმთავრესი პრობლემა მათივე ნევროზია, რომელსაც სჭირდება გამოსავალი და ამ გამოსავალს ისინი პოულობენ კონკრეტულ ადამიანსა თუ ურთიერთობაში, რომელშიც დაიტანჯებიან. ისინი განგებ ეძებენ ასეთ ურთიერთობებს, ბავშვობიდან აქვთ ამის მოთხოვნილება.
- ჩვენ სიყვარულს ტანჯვის ხარისხით ვზომავთ, არადა ჯანსაღი სიყვარული იზომება ბედნიერების ხარისხით.
- როდესაც სტიუარდესა უსაფრთხოების წესებს გიხსნით, გახსოვთ რას გეუბნებათ? - "თუკი ბავშვთან ერთად მგზავრობთ, ჟანგბადის ნიღბები ჯერ თავად გაიკეთეთ და შემდგომ თქვენს პატარას მოარგეთ". ესაა მთელი ფოკუსი. ყველა პირველ რიგში ბავშვზე ფიქრობს და თვითონ ფსიქოპატად რჩება. ეს არ ამართლებს. თუ გინდათ ბავშვი კარგად იყოს, ჯერ თქვენ თავს მიხედეთ.
- კაცები ისე არიან მოწყობილნი, რომ ჯერ კიდევ დედიკოს კალთიდან მოყოლებულნი მხოლოდ მათთან მიდიან, ვინც თვალებით თანხმობას ეუბნება. ჯანმრთელი კაცი ბავშვივითაა. მიდის, როდესაც ქალი თვალებში უყურებს და უღიმის…
- ჯანმრთელი ადამიანები ყოველთვის საკუთარ თავს ირჩევენ, ნევროტიკები კი მისთვის საზიანო ურთიერთობებს, ძირითადი განსხვავება ეს არის.
- ქალმა არასოდეს არ უნდა მოითმინოს ურთიერთობაში ის, რაც არ მოსწონს. მაშინვე უნდა თქვას და თუ კაცი არაფერს შეცვლის, დაშორდეს მას.
- კაცებს, ისევე როგორც ბავშვებს, მოსწონთ როდესაც ქალს მკვეთრად გამოხატული ხასიათი აქვს.
- თუკი ადამიანს ერთი ადამიანი უცვლის მთელ სამყაროს, ეს ნიშნავს, რომ მას უბრალოდ საკუთარი სამყარო არ აქვს.
- მარტოობა გარშემო სიყვარულის დეფიციტი კი არ არის, საკუთარი თავისადმი ინტერესის ნაკლებობაა.
- პარტნიორის ძიებას რაც შეეხება, ერთს გეტყვით - როგორი უნდა ეძებოთ? ისეთი ვინც მიგიზიდავთ. ეს ერთადერთი თვისებაა, რომელიც მას უნდა ჰქონდეს. დანარჩენს საერთოდ არ აქვს მნიშვნელობა.
- და რა უნდა ქნათ, თუკი მაინც გათხოვება გსურთ? მხოლოდ და მხოლოდ ერთი რამ - იყოთ თქვენი თავი. ეს საკმარისია. პრინციპში მხოლოდ ამის გამო უყვარდებათ.
- იცით, რა არის პრინციპული განსხვავება ჯანსაღი და არაჯანსაღი ფსიქიკის მქონე ადამიანებს შორის? ორივენი იტანჯებიან, მაგრამ ჯანსაღი ფსიქიკის მქონენი მხოლოდ რეალური ისტორიებით, არაჯანსაღი ფსიქიკის კიდევ - გამოგონილით. თუ ეს ტანჯვაც არ ეყოთ საყვარელ კაფკას, დოსტოევსკის და ალკოჰოლს იშველიებენ.
- თუკი არ მოგწონთ მამაკაცის საქციელი, არ არის საჭირო ამ საქციელისთვის გამართლების მოძებნა. სიტუაცია, სადაც მან "აღარ გადმორეკა" ჯანმრთელი გოგონასთვის ურთიერთობის დასასრულია, არაჯანმრთელისთვის - სიყვარულის დასაწყისი.
- როგორც მწერალი კრისტოფერ ბაკლი იტყოდა, არ არის საჭირო მიირთვათ რესტორანში სახელად "როგორც დედასთან" და დაწვეთ ადამიანთან, რომელსაც იმაზე მეტი პრობლემა აქვს, ვიდრე თქვენ…
- თავმდაბლობა არავითარი სამკაული არ არის. სწორედ კომპლექსების, თავდაჯერების ნაკლებობის და დაბალი თვითშეფასების გამო უწევს ცხოვრება ქალს უსექსოდ და პარტნიორის გარეშე და არა იმის გამო, რომ საშინელია. ის საშინლად ექცევა საკუთარ თავს და ფსიქოლოგის ამოცანაც ეს არის - განკურნოს თავმდაბლობისგან.
- ადამიანის ცხოვრებაში ერთადერთი პერიოდი, როდესაც ის მისგან დამოუკიდებლად არის დამოკიდებული ვინმეზე და შეგვიძლია მძევლად მოვიაზროთ - ეს არის ბავშვობა, როდესაც მშობლებზე ვართ დამოკიდებული. იგი არც ისე დიდხანს გრძელდება და დანარჩენ შემთხვევაში, ნებისმიერ ურთიერთობაში ყოფნა და არ ყოფნა - ზრდასრული ადამიანის თავისუფალი არჩევანია.
- ოჯახური თერაპია - განქორწინებაა. მხოლოდ ეს ერთი თერაპია მუშაობს და სამწუხაროდ, მას ყველაზე ნაკლებად იყენებენ.
დაწერე კომენტარი (3 კომენტარი)
- დეტალები
- By Super User
- მშობელი კატეგორია: ახალი ამბები
- გადასვლები: 181
ზამთარში ორგანიზმს განსაკუთრებული მოვლა სჭირდება, სეზონური ვირუსები სწორედ ამ დროსაა ყველაზე აქტუალური და ამიტომ ორგანიზმს ყველაზე დიდი ყურადღება და მოვლა ესაჭიროება.
ციტრუსები საკმაოდ დიდი წყაროა C ვიტამინის და ორგანიზმს ნამდვილად ესაჭიროება მისი მიღება მაგრამ არსებობს პროდუქტები,
რომლებიც ციტრუსებზე ბევრად მეტ C ვიტამინს შეიცავს და საკმაოდ სწრაფად ავსებს ორგანიზმს C ვიტამინით, ეს პროდუქტებია:კენკრაკომბოსტო
მწარე წიწაკაბოსტნეული (განსაკუთრებით მწვანე ბოსტნეული) სალათი, ისპანახი, ოხრახუში კამა და ა.შ.
ასევე კარგია ხახვი, ხიხინი, ნიორი, ჭარხალი, ნიახური, ასევე მათაც აქვთ ანტიბაქტერიული თვისებები.ჩართეთ რაციონში რაც შეიძლება მეტი სასარგებლო პროდუქტები, მათში არსებული ვიტამინები კი მთელი სეზონი დაგიცავთ ვირუსებისა და გაციებისგან.
- დეტალები
- By Super User
- მშობელი კატეგორია: ახალი ამბები
- გადასვლები: 118
თბილისის ზოოპარკს ევროპის ზოოპარკებისგან საჩუქრად გადმოცემული 13 ცხოველი შეემატა. 12 აღმოსავლეთ კავკასიური ჯიხვი ტალინის ზოოპარკიდან (ესტონეთი), ხოლო 1 დომბა ნიკოლაევის ზოოპარკიდან (უკრაინა) ჩამოვიდა. ცხოველები ზოოპარკის ახალ ტერიტორიაზე განთავსდნენ.
აღმოსავლეთ კავკასიური ჯიხვი კავკასიის ენდემია. ბუნების დაცვის საერთაშორისო კავშირის (IUCN) წითელი ნუსხის მიხედვით საფრთხესთან ახლოს მყოფი, ხოლო საქართველოს წითელი ნუსხის მიხედვით მოწყვლადი სახეობაა. საქართველოში მისი გავრცელების არეალის აღმოსავლეთ საზღვარი ლაგოდეხის ნაკრძალია, ხოლო დასავლეთით – მწვერვალი შხარა.
2014 წლის აღრიცხვების მიხედვით საქართველოში 5000-მდე ინდივიდია დარჩენილი.დომბა ბუნების დაცვის საერთაშორისო კავშირის (IUCN) წითელი ნუსხის მიხედვით მოწყვლადი სახეობაა. ისტორიულად საქართველოშიც იყო გავრცელებული, თუმცა ამჟამად გადაშენებულია. ეს სახეობა XX საუკუნის დასაწყისში, მსოფლიოს სხვადასხვა ქვეყანაში შემორჩენილი ინდივიდების გამრავლების საშუალებით აღადგინეს.
„თბილისის ზოოპარკი ადგილობრივი სახეობების – დასავლეთ კავკასიური ჯიხვის, ნიამორისა და კეთილშობილი ირმის კონსერვაციის პროექტს ახორციელებს. ამ სიას კიდევ ერთი სახეობა შეემატა – დომბა, იგივე ევროპული ბიზონი. საქართველოში ეს დომბას რეინტროდუქციის პირველი მცდელობა იქნება. დომბას რეინტროდუქციის პროგრამა უკვე დაწყებულია აზერბაიჯანში. ამჯერად 1 მამრი დომბა ჩამოვიდა. პარალელურად ველოდებით ინფორმაციას მდედრ ინდივიდებთან დაკავშირებით და შემდგომ მათ ტრანსპორტირებაზეც ვიზრუნებთ. სახეობის რეინტროდუქცია რთული, მრავალწლიანი პროცესია, თუმცა ჩვენ ოპტიმისტურად ვართ განწყობილნი“, – აცხადებს თბილისის ზოოპარკის დირექტორი ზურაბ გურიელიძე.
აღმოსავლეთ კავკასიურმა ჯიხვებმა და დომბამ ახალ ზოოპარკში, კავკასიის ექსპოზიციის ნაწილში დაიდეს ბინა. ჯერჯერობით უცნობია ახალი ზოოპარკის გახსნის თარიღი. მშენებლობა და ცხოველების გადაყვანა ეტაპობრივად მიმდინარეობს. საწყის ეტაპზე სწორედ კავკასიის ექსპოზიციის გახსნა იგეგმება, სადაც საქართველოში გავრცელებული სახეობები განთავსდებიან. ამჟამად ახალ ტერიტორიაზე უკვე გადაყვანილია დათვები, მგლები, ირმები, ნიამორები, ჯიხვები, ფოცხვერები და აფრიკული მოხატული ძაღლები, რომლებიც აფრიკის ექსპოზიციის პირველი ბინადრები არიან.უახლოეს მომავალში ზოოპარკის ახალ ტერიტორიაზე მტაცებელი ფრინველების ავიარიუმის მშენებლობა დაიწყება.
www.agro.jrc.ge
დაწერე კომენტარი (0 კომენტარი)- დეტალები
- By Super User
- მშობელი კატეგორია: ახალი ამბები
- გადასვლები: 121
შენი მისია
ყველა ადამიანს თავისი დანიშნულება აქვს დედამიწაზე. ბედნიერია ის, ვინც მიხვდება თავის მისიას.
შენ მოგეცა დრო, შეიმეცნო და შეიგრძნო, შეისწავლო და გაიგო. მოგეცა დრო, რომელიც უნდა განკარგო სწორად. მოგეცა დრო ცოდნისთვის, საკუთარი შესაძლებლობების შესასწავლად და გამოსაყენებლად.
დრო შეცდომების გამოსასწორებლად.
თუ შენ გონივრულად გამოიყენებ იმ დროს, რაც განგებამ გიბოძა, სწორად დაგეგმავ, სწორ მიმართულებას მისცემ და ფუჭად არ დახარჯავ, მაშინ შენ აუცილებლად მიხვდები, რა მისიით მოხვედი.
არც ერთი ადამიანი არ ეძებს მიზეზს, რატომ იტანჯება.
ძალიან ბევრი ადამიანი ვერ ხვდება, რა დააშავა.
თუ გული ატკინე, ცილი დასწამე, დასცინე, მოპარე, წინ გადაეღობე, სხვისი ადგილი დაიკავე. გულში ჩაიდე და სამაგიერო გადაუხადე.
თუ ცუდი უსურვე, დაწყევლე, შეგშურდა, ზურგს უკან გალანძღე, მოატყუე, გამოსძალე და უღალატე, მაშინ მზად იყავი ქაოსისთვის. მზად იყავი — სიხარული გინდოდეს და არ მოგეცეს.
ბევრი მიზეზია რის გამოც ადამიანები ისჯებიან, მაგრამ ავიწყდებათ თავიანთი ქმედებები და ხშირად გაიგონებთ
— ნეტა რა დავაშავე.
ეძებე შენში დანაშაული და გამოასწორე, მანამ სანამ დიდი განსაცდელი არ დაგიდგა…
ნუ ილტვი და ნუ ეძებ სასწაულს, სასწაული შენშია. სასწაულია, როგორ მოგდის ფიქრები, როგორ გადმოცემ, რა გაცოცხლებს და რამდენი დრო გვაქვს მოცემული სასიცოცხლოდ.
სასწაული შენთან არის და დაინახე… გათენდა სასწაულია, მოძრაობ სასწაულია, საუბრობ სასწაულია. ირგვლივ რაც ადამიანის გონმა და ხელმა შექმნა, ეს ყველაფერი სასწაულია.
სანამ ხილულ სასწაულს არ და ვერ დაინახავ ირგვლივ, მანამ უხილავს ვერასოდეს დაინახავ.
შენ ვერასდროს შეიცნობ შეუცნობელს, თუ არ გაოცებს, როგორ ამოდის მიწიდან მცენარეები.
სასწაულია, მაგრამ შენ ჩვეულებრივად მიიჩნევ, როგორ გვკვებავს მიწიდან აღმოცენებული.
ისიც სასწაულია, როგორ იკვებება ჩვენით მიწა.
შენ გინდა დაინახო უხილავი სასწაული, დროს ხარჯავ, ტყუილა ელოდები.
სასწაულებს ხედავს მხოლოდ ის, ვისაც სწორად განკარგავს დროს და ისწრფვის სრულყოფილებისკენ… და სასწაული… გეძლევა უნარი გაიგო შენი მისია დედამიწაზე.
გაუფრთხილდი დროს, იყავი ბედნიერი და დაინახე სასწაული…
გიორგი ჯაჯანიძე
- დეტალები
- By Super User
- მშობელი კატეგორია: ახალი ამბები
- გადასვლები: 217
გარემოს ეროვნული სააგენტოს ინფორმაციით, 21-23 ნოემბერს აღმოსავლეთ საქართველოში შენარჩუნდება ცივი, ღრუბლიანი და ნალექიანი ამინდი. დასავლეთ საქართველოში დღეს ზოგან იწვიმებს, ხვალიდან კი, ისევ უნალექო ამინდია მოსალოდნელი.
ჰაერის ტემპერატურა დღის საათებში დასავლეთ საქართველოს დაბლობში +12, +17, აღმოსავლეთ საქართველოს ბარში +1, +6 გრადუსი იქნება. შავი ზღვის სანაპირო რაიონებში, ზემო იმერეთში, კოლხეთის დაბლობსა და გორი-სურამის მონაკვეთზე იქროლებს აღმოსავლეთის მიმართულების ძლიერი ქარი.
24-25 ნოემბერს ქვეყნის ტერიტორიის უმეტეს ნაწილზე უნალექო ამინდია მოსალოდნელი.
თბილისში 21 ნოემბერს ცივი, ღრუბლიანი და წვიმიანი ამინდი იქნება, ხოლო 22-23 ნოემბერს ქალაქის ცალკეულ უბნებში შესაძლოა ითოვოს. ჰაერის ტემპერატურა ღამის საათებში 0, +2, დღისით კი +2, +4 გრადუსი იქნება.
24-25 ნოემბერს უნალექო ამინდია მოსალოდნელი, ღამის საათებში ტემპერატურა -1, -3 გრადუსამდე დაიკლებს.
დაწერე კომენტარი (0 კომენტარი)გვერდი 1 სულ 5