კვირა, თებერვალი 28, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ეკონომიკა

ეკონომიკა

3234ქუთაისის წყალმომარაგების სისტემის მშენებლობის მეორე ფაზა დასრულების ეტაპზეა. შესრულებულ სამუშაოებს რეგიონული განვითარებისა და ინფრასტრუქტურის მინისტრის მოადგილე, ილია ბეგიაშვილი, გაერთიანებული წყალმომარაგების კომპანიის დირექტორთან, ეკატერინე გალდავასთან და იმერეთში სახელმწიფო რწმუნებულთან, ზვიად შალამბერიძესთან ერთად გაეცნო.

ახალი ობიექტი ექსპლუატაციაში წლის ბოლოს შევა და ქალაქი უწყვეტ წყალმომარაგებაზე ეტაპობრივად გადავა. პირველ ეტაპზე,  დამატებით 45 000 ადამიანი 24 საათიანი წყალმომარაგებით დეკემბერში იქნება უზრუნველყოფილი. იანვარში უწყვეტი წყალმომარაგებით მოსახლეობის 65%, თებერვალში 85 %, ხოლო მარტში ქალაქის 100 % ისარგებლებს.

პროექტის ფარგლებში აშენდა რეზერვუარები - გოდოგანზე 2 , ხოლო მუხრანში 1 და 3 სატუმბი სადგური. მოეწყო 18 კმ წყლის მაგისტრალური მილსადენი და შიდა გამანაწილებელი ქსელი (200 კმ).

თავდაპირველ პროექტს კორპუსების შიდა ქსელებისა და რამდენიმე დასახლების წყალმომარაგების ქსელის რეაბილიტაცია დაემატა, რის გამოც სამუშაოების მოცულობა გაიზარდა და გადაიწია მშენებლობის დასრულების ვადამ. მუნიციპალიტეტისა და მოსახლეობის თხოვნის გათვალისწინებით და პროექტში შეტანილი ცვლილებების საფუძველზე, ქალაქის რამდენიმე დასახლებაში წყალმომარაგების ქსელების სრული რეაბილიტაცია განხორციელდა, განახლდა საცხოვრებელ კორპუსებში ამორტიზებული, შიდა ქსელები. ასევე, კომპანია, წყლის რაციონალური მოხმარების მიზნით, მრავალსართულიან კორპუსებში მცხოვრები 15 000 აბონენტის გამრიცხველიანებასაც უზრუნველყოფს.

სამუშაოებს აზიის განვითარების ბანკის დაფინანსებით 92 მილიონი ლარი მოხმარდა.

დაწერე კომენტარი (0 კომენტარი)
ეკონომიკა

201911211444011308451060დასაქმებულებს შესაძლოა 2 სამსახურში ერთდროულად მუშაობა აეკრძალოთ. 

ცვლილება "შრომის კოდექსში" შედის, რომელიც დამუშავების ეტაპზეა, შემდეგ კი, მისი ინიცირება პარლამენტში მოხდება. 

რა შემთხვევაში აეკრძალება დასაქმებულს 2 სამსახურში ერთდროულად მუშაობა - კანონპროექტით, დასაქმებულის უფლება, დასაქმდეს ერთზე მეტ სრულ ან არასრულ სამუშაო განაკვეთზე, შეიზღუდება, თუ პირი, რომლისთვისაც უნდა შესრულდეს შეთავსებითი სამუშაო, დამსაქმებლის კონკურენტია.

ამასთან, ერთზე მეტი შეთავსებით მუშაობისთვის რისკის შემცველი ეკონომიკური საქმიანობის სექტორებში აკრძალული იქნება ერთზე მეტ სრულ და არასრულ სამუშაო განაკვეთზე პირის დასაქმება, თუ დასაქმებულის მიერ მეორე ან/და შემდეგი სრული ან/და არასრული სამუშაო განაკვეთის შესრულებით (შეთავსებით) ჯამურად დაირღვევა ამავე კანონით დადგენილი დროის სტანდარტი. კერძოდ, დამსაქმებლისმიერ განსაზღვრული სამუშაო დროის ხანგრძლივობა არ უნდა აღემატებოდეს კვირაში 40 საათს და დღის განმავლობაში 8 საათს. შვიდღიანი პერიოდის განმავლობაში სამუშაო დრო, ზეგანაკვეთური სამუშაოს ჩათვლით არ უნდა აღემატებოდეს 48 საათს.

ერთზე მეტი შეთავსებით მუშაობისთვის რისკის შემცველი ეკონიმიკური საქმიანობის სექტორების ჩამონათვალს განსაზღვრავს საქართველოს მთავრობა, სოციალურ პარტნიორებთან კონსულტაციის შედეგად.

 

pia.ge

დაწერე კომენტარი (0 კომენტარი)
ეკონომიკა

workდამსაქმებლის მიერ დასაქმებულთა ნამუშევარი დროის ყოველდღიური აღრიცხვა შესაძლოა, სავალდებულო გახდეს.

ამის შესახებ კანონპროექტი უკვე პარლამენტშია დარეგისტრირებული.

კერძოდ, როგორც პროექტის განმარტებით ბარათშია აღნიშნული, კანონს ემატება ახალი მუხლი, რომელიც სამუშაო დროის აღრიცხვას გულისხმობს. შესაბამისად, ცვლილების მიხედვით, დამსაქმებელი ვალდებული იქნება ყოველდღიურად აღრიცხოს დასაქმებულთა ნამუშევარი დრო წერილობით ან/და ელექტრონული ფორმით.

 

„დამსაქმებელი ვალდებულია ხელფასის გაცემასთან ერთად დასაქმებულს გადასცეს ნამუშევარი საათების აღრიცხვის ყოველთვიური დოკუმენტი. იმ შემთხვევაში თუ დამსაქმებელი არ აღრიცხავს დასაქმებულის მიერ შესრულებულ სამუშაო საათებს სასამართლოში ნამუშევარი საათების შესახებ დავის ფაქტობრივი გარემოებების მტკიცების ტვირთი ეკისრება დამსაქმებელს,“- აღნიშნულია დოკუმენტში.

ამასთან, პროექტში გაწერილია სამუშაო დროის ხანგრძლივობის, დასვენებისა და შესვენების დროის საკითხებიც. მათ შორის, კანონში დაგეგმილი ცვლილებების თანახმად, დასაქმებულმა სამუშაო დღის განმავლობაში მინიმუმ 45 წუთიანი შესვენებით უნდა ისარგებლოს.

„დასაქმებულმა არ შეიძლება იმუშაოს შესვენების გარეშე, თუ მისი სამუშაო დღის ხანგრძლივობა 4 საათს აღემატება. თუ სამუშაო დროის ხანგრძლივობა 4 საათზე მეტსა და 9 საათზე ნაკლებ ხანს გრძელდება, შესვენების დრო უნდა იყოს წინასწარ წერილობით დადგენილი სულ მცირე 45 წუთი. ხოლო თუ სამუშაო დროს ხანგრძლივობა 9 საათს აღემატება, შესვენების დრო უნდა იყოს სულ მცირე 60 წუთი მაინც. ღამის სამუშაოზე დასაქმებულს, თუ მისი სამუშაო დროის ხანგრძლივობა აღემატება 4 საათს, დამატებით უნდა მიეცეს შესვენების 60 წუთი მაინც,“-აღნიშნულია პროექტში.

 

www.bpn.ge

დაწერე კომენტარი (0 კომენტარი)
ეკონომიკა

20191108120713ბოლო ადგილი ევროპაში და ბოლოდან მეორე – მსოფლიო მასშტაბით, – საქართველოს მინიმალური ხელფასის ოდენობით ისეთი ქვეყნები უსწრებენ, როგორიცაა: ნიგერია, სომხეთი და უზბეკეთი. 90-იანებში განსაზღვრული სახელფასო მინიმუმი ანუ 20 ლარი 1999 წლის შემდეგ აღარ შეცვლილა.პროფკავშირების სტატისტიკით, საქართველოში 23 ათასზე მეტ ადამიანს თვეში ხელფასი მხოლოდ 100 ლარი აქვს, 63 ათასს კი – 200 ლარზე ნაკლები.

საჯარო სამსახურის თანამშრომლებისთვის შედარებით მეტია თვიური შემოსავალი, თუმცა ქვეყანაში გაზრდილი ფასების გამო თვიდან თვემდე ხელფასი არ ჰყოფნით.

ქვეყანაში არსებული სოციალური მდგომარეობის გამო, მინიმალური ხელფასის გაზრდას მოითხოვს პროფკავშირების გაერთიანება. დაწესდეს 320-ლარიანი მინიმალური ხელფასი – ეს ის ძირითადი მოთხოვნაა, რომლითაც გაერთიანება პარლამენტში საკანონმდებლო ინიციატივით უკვე შევიდა.

კანონპროექტის ავტორების თქმით, განსაზღვრული თანხა ხელფასის 30%-ია, რაც საერთაშორისოდ მიღებული პრაქტიკაა. პროფკავშირების გაერთიანებაში დარწმუნებულები არიან, რომ კანონის მიღება 130 000 დასაქმებულის ფინანსებზე დადებითად იმოქმედებს.

სტატისტიკის ეროვნული სამსახურის განმარტებით, სახელფასო მონაცემების დადგენა იმ ინფორმაციის მიხედვით ხდება, რასაც საქსტატს კომპანიები პერიოდულად აწვდიან. დღეის მონაცემებით, კერძო სექტორში მინიმალური ანაზღაურება 20 ლარით, ხოლო საჯაროში – 135 ლარით განისაზღვრება.

საარსებო მინიმუმი რომ გადასახედია, ამაზე საპარლამენტო უმრავლესობაშიც საუბრობენ. მათი თქმით, პროფკავშირების გაერთიანების ინიციატივა მისაღებია, თუმცა დამატებით მსჯელობას მაინც საჭიროებს. ოპოზიცია საარსებო მინიმუმის გაუმჯობესებისთვის ერთადერთ გამოსავალს ქვეყანაში სოციალური მდგომარეობის გამოსწორებაში ხედავს.

საკანონმდებლო ორგანოში კანონპროექტის რეგისტრაციის შემდეგ პროფესიული კავშირი პარლამენტს 30 000 ხელმოწერას წარუდგენს

დაწერე კომენტარი (1 Comment)
ეკონომიკა

guria bakhmaroსაქართველოს გაერთიანებული წყალმომარაგების კომპანია კურორტ ბახმაროს წყალმომარაგება-წყალარინების სისტემებისა და წყალარინების გამწმენდი ნაგებობის მშენებლობის პროექტირებას იწყებს.

შესაბამის დოკუმენტს ხელი მოაწერეს წყალმომარაგების კომპანიის დირექტორმა, ეკატერინე გალდავამ და შპს „წყლისა და შენობების ინჟინერია“-ს დირექტორმა, კონსტანტინე სანაძემ.

ბახმაროში დღემდე არ არსებობს წყალმომარაგების ცენტრალიზებული სისტემა, არ ფუნქციონირებს კანალიზაციის ქსელი და გამწმენდი ნაგებობა. შესაბამისი ინფრაქტრუქტურის არ არსებობის გამო დაბას წყალი შეზღუდული გრაფიკით მიეწოდება.

პროექტირების დასრულების შემდეგ, დაიწყება წყალმომარაგებისა და წყალარინების სისტემების, ასევე გამწმენდი ნაგებობის მშენებლობა. პროექტის განხორციელება საბოლოოდ გადაჭრის ამ მიმართულებით არსებულ პრობლემებს და ბახმაროს დამსვენებლებს სტაბილური წყალმომარაგებით უზრუნველყოფს. ასევე, კურორტს   წყალარინების გამართული ინფრასტრუქტურა და გამწმენდი ნაგებობა მოემსახურება, რაც მნიშვნელოვნად შეამცირებს   გარემოზე მავნე ზემოქმედების რისკებს.

 

ინფორმაციას თავის გვერდზე საქართველოს გაერთიანებული წყალმომარაგების კომპანია ავრცელებს.

 

ფოტო: georgiantravelguide.com

დაწერე კომენტარი (0 კომენტარი)
მოიწონეთ გვერდი

Search