ხუთშაბათი, აპრილი 09, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

ეკონომიკა

ეკონომიკა

5dfb9d0b0d193ავტოსატრანსპორტო საშუალებების პერიოდული ტექნიკური ინსპექტირების ტექნიკურ რეგლამენტში ცვლილებები შევიდა, რომელიც 2020 წლის პირველი აპრილიდან ამოქმედდება. ეკონომიკისა და მდგრადი განვითარების სამინისტროს სსიპ სახმელეთო ტრანსპორტის სააგენტოს დირექტორის მიხეილ ხმალაძის განცხადებით, ავტომფლობელებს მიეცათ გონივრული ვადა, ხარვეზიანი ავტოსატრანსპორტო საშუალებების შესაკეთებლად და ამავე დროს, გამკაცრდა ისეთი ნორმები, რომლებიც ცალსახად მიმართულია გზებზე უსაფრთხოების ნორმების გასაუმჯობესებლად.

კერძოდ, ცვლილების თანახმად, კატალიზური კონვერტორის (კატალიზატორის) არსებობის ვალდებულება მხოლოდ იმ ავტოსატრანსპორტო საშუალებებზე გავრცელდება, რომლებიც საქართველოში პირველად რეგისტრაციას 2020 წლის პირველი აპრილიდან გაივლიან. მათთვის სავალდებულო იქნება შემდეგი პარამეტრების დაცვა - CO-ს შემცველობის ევროპული სტანდარტი (0.5% და 0.3%), კატალიზატორის არსებობის მოთხოვნა და ლამბდა კოეფიციენტი (1 +-0,03).

მიხეილ ხმალაძის განცხადებით, უკვე ჩატარებული ინსპექტირების შედეგებმა აჩვენა, რომ ავტოპარკის სიძველიდან გამომდინარე, ავტოსატრანსპორტო საშუალებების საკმაოდ დიდი ნაწილი კატალიზატორის არსებობის ვალდებულებას ვერ დააკმაყოფილებს.

„ამდენად, ამ ეტაპისთვის, შეუძლებელად მივიჩნიეთ უკვე დარეგისტრირებული ავტომობილებისთვის კატალიზური კონვერტორის (კატალიზატორი) ვალდებულების გავრცელება, რომლის ხელახალი მონტაჟი დიდ ხარჯებთან არის დაკავშირებული. გადაწყვეტილება, რომელიც მივიღეთ, რეალისტურია, რადგან 2020 წლიდან ამ ნორმის ამოქმედება ძალიან მტკივნეული იქნებოდა ჩვენი თანამოქალაქეების აბსოლუტური უმრავლესობისთვის. სამაგიეროდ, გავამკაცრეთ წესები, რომლებიც უშუალოდ გამონაბოლქვის კონტროლს შეეხება,“ - განაცხადა მიხეილ ხმალაძემ.

ამასთან, ცვლილების თანახმად, 2020 წლის პირველ აპრილამდე რეგისტრირებულ ავტოსატრანსპორტო საშუალების მიმართ დადგინდა შემდეგი ეტაპები:

• 2020 წლის 1 აპრილიდან - 2020 წლის 31 დეკემბრის ჩათვლით: მაღალ ბრუნზე და უქმ სვლაზე 0.7%;

• 2021 წლის 1 იანვრიდან - 2021 წლის 31 დეკემბრის ჩათვლით: მაღალ ბრუნზე და უქმ სვლაზე 0.6%;

• 2022 წლის 1 იანვრის შემდგომ: უქმ სვლაზე 0.5% და 0.3% მაღალ ბრუნზე.

სახმელეთო ტრანსპორტის სააგენტოს დირექტორის განცხადებით, გარდამავალი ეტაპების განსაზღვრა ავტოსატრანსპორტო საშუალებების მფლობელებს შესაძლებლობას აძლევს ეტაპობრივად შეაკეთონ საკუთარი ავტოტრანსპორტი, სანამ ტექინსპექტირებაზე გაატარებენ.

ცვლილების თანახმად, 2021 წლის 31 დეკემბრამდე გადაიწია M1 და N1 ტიპის მსუბუქი ავტომობილებისთვის ცეცხლმაქრის, ამრეკლავი სამკუთხედის, სამედიცინო სააფთიაქო ყუთის ქონის და ხმაურის დონის განსაზღვრის ვალდებულებამ. მიხეილ ხმალაძის განცხადებით, მათი არსებობა მნიშვნელოვან გავლენას არ ახდენს საგზაო მოძრაობის უსაფრთხოებაზე, ხოლო რაც შეეხება სატვირთო და სამგზავრო ავტოსატრანსპორტო საშუალებებს, მათთვის აღნიშნული საშეღავათო პირობები ისედაც არ ვრცელდება.

ცვლილება შედის მარჯვენასაჭიანი ავტომობილების ინსპექტირების პროცესშიც. მიხეილ ხმალაძის განცხადებით, იმ ავტოსატრანსპორტო საშუალებებზე, რომელთაც 2018 წლის პირველი იანვრის შემდგომ გადატანილი აქვთ საჭე და 2020 წლის პირველ აპრილამდე გაიარეს ან გაივლიან პერიოდულ ტექნიკურ ინსპექტირებას, არ გავრცელდება რეგლამენტით დადგენილი შეზღუდვა ინსპექტირების აკრძალვასთან დაკავშირებით და პერიოდული ტექნიკური ინსპექტირებას დაექვემდებარებიან საქართველოს კანონმდებლობით გათვალისწინებული წესით. რაც შეეხება 2020 წლის პირველ აპრილს, ამ თარიღიდან რეგლამენტით დადგენილი შეზღუდვა ამოქმედდება.

პერიოდული ტექნიკური ინსპექტირების ტექნიკურ რეგლამენტში სხვა მნიშვნელოვანი ცვლილებებიც შევიდა, რომელთა ნახვაც უახლოეს პერიოდში შესაძლებელი იქნება ეკონომიკისა და მდგრადი განვითარების სამინისტროსა და სსიპ სახმელეთო ტრანსპორტის სააგენტოს ვებგვერდებზე.

 

bm.ge

დაწერე კომენტარი (0 კომენტარი)
ეკონომიკა

79390117 2508739066078595 1924385643438276608 n 1ჩოხატაურის მუნიციპალიტეტის მიერ წარდგენილმა პროექტმა, საქართველოს 7 მუნიციპალიტეტთან ერთად, გაეროს განვითარების პროგრამის მიერ გამოცხადებულ კონკურსში გაიმარჯვა. პროექტის ბიუჯეტი 70 000 ლარია. 60 000 ლარს დონორები დააფინანსებენ, 10 000 ლარი მუნიციპალიტეტის თანადაფინანსება იქნება. პროექტის, „ადგილობრივი ეკონომიკის განვითარება ბახმაროს ტურისტული პოტენციალის გამოყენების გზით“ განხორციელებაზე შეთანხმებას ხელი, გაეროს განვითარების პროგრამის ხელმძღვანელმა საქართველოში ლოუისა ვინტონმა და ჩოხატაურის მუნიციპალიტეტის მერმა ირაკლი კუჭავამ მოაწერეს. პროექტის ფარგლებში ცხრაწყაროს ლოკაციაზე გამომავალი წყაროები მოპირკეთდება ქვის ყორით, მიმდებარე მოძველებული სავაჭრო დახლები ჩანაცვლდება ახალი რკინისა და ხის კონსტრუქციებით. ცხრაწყარო-ბახმაროს გზაზე მდებარე ტრადიციულ მოსასვენებელ ლოკაციაზე მოეწყობა 7 საპიკნიკე ადგილი, მიყვანილი იქნება სასმელი წყალი და მოეწყობა ჰიგიენურ-სანიტარული სივრცეები.

დაწერე კომენტარი (2 კომენტარი)
ეკონომიკა

gaxariaa22“უნდა გვესმოდეს, რომ სამუშაო ადგილების შექმნა ჩვენი მოქალაქეებისთვის, როგორც ქვეყნის გარეთ, ჩვენს მეზობელ ქვეყნებში, ასევე ქვეყნის შიგნით, ეს არის ყველაზე მნიშვნელოვანი პრიორიტეტი", - თქვა დიპლომატიურ კორპუსთან გამართულ შეხვედრაზე პრემიერ-მინისტრმა გიორგი გახარიამ.

ეს განცხადება “ქართული ოცნების” თავმჯდომარის, ბიძინა ივანიშვილის მიერ 28 ნოემბერს გაკეთებულ განცხადებასთან არის თანხვედრაში. გადაცემა “SWOT ანალიზში” ბიძინა ივანიშვილმა განაცხადა, რომ 2 მილიონი სამუშაო ადგილის შექმნას “ვერცერთი მთავრობა ვერ შეძლებს” და რომ მოქალაქეთათვის უმჯობესი უცხოეთში სამუშაო ადგილების ძიებაა.

“ჩვენთვის უდიდესი მნიშვნელობა აქვს ეკონომიკურ განზომილებას, ბევრჯერ ვთქვით, რომ ჩვენი ქვეყნის გამოწვევები უახლოესი წლების განმავლობაში იქნება სამუშაო ადგილები, უსაფრთხოება და განათლება. ეს ის პრიორიტეტული მიმართულებებია, რომლებზეც ჩვენმა დიპლომატიურმა კორპუსმა აქტიურად უნდა იმუშაოს. უნდა გვესმოდეს, რომ სამუშაო ადგილების შექმნა ჩვენი მოქალაქეებისთვის, როგორც ქვეყნის გარეთ, ჩვენს მეზობელ ქვეყნებში, ასევე ქვეყნის შიგნით, ეს არის ყველაზე მნიშვნელოვანი პრიორიტეტი, რომელზეც კონცენტირირებულად უნდა მუშაობდეს სრულიად დიპლომატიური კორპუსი", - ამბობს გიორგი გახარია.

საქართველოს ეკონომიკა დღეს ფულად გზავნილებზე, თანხებზე, რომელთაც უცხოეთში ემიგრირებული მოსახლეობა სახლში, ოჯახების სარჩენად აგზავნის, მნიშვნელოვნად არის დამოკიდებული. მხოლოდ 2018 წლის განმავლობაში გზავნილებმა $1.57 მილიარდი დოლარი შეადგინა, რაც მთლიან შიდა პროდუქტთან მიმართებით 8.9%-ის ტოლფასი იყო. იმის გამო, რომ იმ სამუშაოთა მნიშვნელოვანი ნაწილი, რომელსაც ემიგრაციაში მყოფი მოსახლეობა ასრულებს სეზონური და დაბალანაზღაურებადია, ის საგარეო კრიზისების მიმართ არის მოწყვლადი, ამავდროულად, მშპ-ისთან მიმართებით ფულადი გზავნილების მაღალი ოდენობა ქვეყნის ეკონომიკაში არსებულ სისტემურ პრობლემაზე მიანიშნებს.

 

bm.ge

დაწერე კომენტარი (1 Comment)
ეკონომიკა

5dfb9952eec7b2019 წლის იანვრიდან ძალაში შევიდა ახალი საბანკო რეგულაციები და ბანკებს მოქალაქეთა შემოსავლების დეტალური ანალიზის გარეშე სესხის გაცემა შეეზღუდათ. ამასთანავე, განისაზღვრა საშემოსავლო ჯგუფები და თითოეულისთვის დაწესდა სესხის მომსახურების მაქსიმალური კოეფიციენტი.
ამ ცვლილებიდან ერთი წლის შემდგომ, საქართველოს მთავრობა მათ შეცვლაზე მუშაობს. BMG-სთან საუბარში ფინანსთა მინისტრის მოადგილე ნიკოლოზ გაგუა ამბობს, რომ საშემოსავლო კატეგორიების რაოდენობა განახევრდება. ამასთანავე ცვლილებას განიცდის ის საპროცენტო კოეფიციენტებიც, რომლებიც ამ რეგულაციით არის განსაზღვრული. კონკრეტულად კი ერთიანი ჭერი იმოქმედებს როგორც ჰეჯირებულ, ისე არაჰეჯირებულ სესხებზე. 
"მნიშვნელოვანი გამარტივებაა შემოსავლის ჯგუფების კატეგორიზაციის მიმართულებით, შემოსავლის ჯგუფების ოთხი ჯგუფი იყო აღნიშნული, ხოლო მეთოდოლოგიით, რომლის შემოღებასაც აპირებს ეროვნული ბანკი, იქნება მხოლოდ ორი ჯგუფი, ერთი ჯგუფი იქნება 1000 ლარამდე შემოსავლის მქონე პირებისთვის და 1000 ლარის ზემოთ. ანუ, რეალურად ორი კატეგორია იქნება, ორი ჯგუფი, რაც მნიშვნელოვანი გამარტივებაა. ამას მიესალმება საფინანსო სექტორიც.

60% არის 1000 ლარს ზემოთ, 35% არის 1000 ლარს ქვემოთ. ეს არის საბოლოო შეთანხმებული,"- ამბობს ნიკოლოზ გაგუა. 

საერთაშორისო სავალუტო ფონდის მიერ გამოქვეყნებული დოკუმენტის შედეგად, დღეს ცნობილი გახდა, რომ 2020 წლის მარტიდან საბანკო რეგულაციების გამარტივება მოხდება. 
ამ ცვლილების შედეგად, უფრო მეტ მოქალაქეს გაუჩნდება შესაძლებლობა ისარგებლოს სამომხმარებლო ან იპოთეკური სესხით. 
2020 წლის მარტიდან ჩვენ ვგეგმავთ გავაუმჯობესოთ რეგულაცია ფიზიკური პირების დაკრედიტების მიმართულებით და განვამტკიცოთ მისი პრინციპებზე დაფუძნებული მიდგომა. ჩვენ კომერციულ ბანკებს მივცემთ უფრო დიდ მოქნილობას იმ რისკების მართვაში, რაც ფიზიკური პირების დაკრედიტებას ეხება, მათ შორის ჩვენ ამისთვის შევამცირებთ საშემოსავლო საფეხურების რაოდენობას (PTI ჩარჩოებს/PTI ჯგუფებს). ჩვენ ამასთანავე დავნერგავთ რისკებზე დაფუძნებულ უფრო ჯანსაღ მოთხოვნებს ფიზიკური პირების დაკრედიტებასთან მიმართებით,"- ნათქვამია დოკუმენტში, რომელსაც ხელს საქართველოს ფინანსთა და ეკონომიკის მინისტრები, ასევე ეროვნული ბანკის პრეზიდენტი კობა გვენეტაძე აწერს ხელს. 

4 საშემოსავლო კატეგორია და მათთვის განსაზღვრული ლიმიტი დღეს ასეთია: 

  1. თვეში 1000 ლარამდე შემოსავლის პირობებში, შეგეძლებათ აიღოთ სესხი, რომლის ყოველთვიური გადახდებიც არ აღემატება 35%-ს (მაქსიმალური შემოსავლის შემთხვევაში 350 ლარს); 
  2. თვეში 1000-2000 ლარამდე, შეგეძლებათ აიღოთ სესხი, რომლის ყოველთვიური გადახდებიც არ აღემატება 45%-ს (მაქსიმალური შემოსავლის შემთხვევაში 900 ლარს); 
  3. თვეში 2000-4000 ლარამდე, შეგეძლებათ აიღოთ სესხი, რომლის ყოველთვიური გადახდებიც არ აღემატება 55%- (მაქსიმალური შემოსავლის შემთხვევაში 2200 ლარს); 
  4. თვეში 4000 ლარზე მეტი, შეგეძლებათ აიღოთ სესხი, რომლის ყოველთვიური გადახდებიც, თქვენი შემოსავლის 60%-ს არ აღემატება. 

2019 წლის ნოემბერში საქართველოს პრემიერ-მინისტრმა გიორგი გახარიამ ფინანსთა სამინისტროს მოუწოდა შემცირებულიყო სავალუტო სესხებზე დაწესებული 200,000 ლარიანი ლიმიტი, თუმცა აღნიშნული კანონპროექტი პარლამენტისთვის ჯერ-ჯერობით წარდგენილი არაა.
დღესვე ცვლილებასთან დაკავშირებით განცხადება გააკეთა ეკონომიკისა და მდგრადი განვითარების მინისტრმა ნათია თურნავამ. მისი თქმით, რეგულაციის ლიბერალიზაცია მათ შორის ეკონომიკური ზრდის ხელშეწყობისთვის ხდება. 
"რაც შეეხება შემდგომ ნაბიჯს, რომელიც შეეხება საბანკო რეგულაციების ლიბერალიზაციას, რაც მიუხედავად მკაცრი მონეტარული პოლიტიკისა, ხელს შეუწყობდა ეკონომიკური ზრდის მაღალ ნიშნულზე შენარჩუნებას; პრემიერის დავალებით ჩვენი ეკონომიკური გუნდი და ეროვნული ბანკი მუშაობს ამ წინადადებზებზე. მე შემიძლია დაგიდასტუროთ, რომ ლიბერალიზაცია იგეგმება. ეს იქნება ლიბერალიზაციის მთელი პაკეტი,"- ამბობს ეკონომიკის მინისტრი. 

 

ავტორი:შოთა ტყეშელაშვილი

bm.ge

დაწერე კომენტარი (0 კომენტარი)
ეკონომიკა

5de60d8e9090fსტატისტიკის ეროვნულმა სამსახურმა ინფლაციის განახლებული მაჩვენებელი გამოაქვეყნა. დოკუმენტის მიხედვით, 2019 წლის ნოემბერში საქართველოში ფასების საერთო დონე 7%-ით გაიზარდა, რა ზომის ინფლაციაც ქვეყანაში 2017 წლის შემდგომ არ ყოფილა. 

საქსტატის მონაცემებით, ინფლაციის ზრდაზე ყველაზე დიდი გავლენა სურსათისა და უალკოჰოლო სასმელების გაძვირებამ გამოიწვია. ცალკეული სასაქონლო ჯგუფების მიხედვით ფასების მატება ასეთია:

სურსათი და უალკოჰოლო სასმელები: ჯგუფში ფასები გაიზარდა 13.4 პროცენტით, რაც წლიურ ინფლაციაზე 4.02 პროცენტული პუნქტით აისახა. ფასები მომატებულია შემდეგ ქვეჯგუფებზე: ხილი და ყურძენი (30.3 პროცენტი), ბოსტნეული და ბაღჩეული (16.2 პროცენტი), რძე, ყველი და კვერცხი (15.4 პროცენტი), თევზეული (14.5 პროცენტი), ხორცი და ხორცის პროდუქტები (13.1 პროცენტი), პური და პურპროდუქტები (11.9 პროცენტი), შაქარი, ჯემი და სხვა ტკბილეული (11.5 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (8.2 პროცენტი), ყავა, ჩაი და კაკაო (3.9 პროცენტი), ზეთი და ცხიმი (2.8 პროცენტი);

ალკოჰოლური სასმელები, თამბაქო: ფასები გაიზარდა 15.4 პროცენტით, რაც 1.03 პროცენტული პუნქტით აისახა წლიური ინფლაციის მთლიან მაჩვენებელზე. ფასები მომატებულია როგორც თამბაქოს ნაწარმზე (29.9 პროცენტი), ისე ალკოჰოლურ სასმელებზე (3.4 პროცენტი);

დასვენება, გართობა და კულტურა: ფასები გაზრდილია 7.0 პროცენტით, შესაბამისად, ჯგუფის წვლილმა წლიურ ინდექსში 0.4 პროცენტული პუნქტი შეადგინა. ფასები გაიზარდა დასვენების, გართობისა და კულტურის ხანგრძლივი მოხმარების სხვა საქონელზე (11.6 პროცენტი), ასევე გასართობ და კულტურულ მომსახურებაზე (1.6 პროცენტი);

ტრანსპორტი: ჯგუფში დაფიქსირდა ფასების 3.1 პროცენტიანი მატება, რაც 0.37 პროცენტული პუნქტით აისახა ინფლაციის მთლიან მაჩვენებელზე. ჯგუფში ფასები გაიზარდა სატრანსპორტო საშუალებების შეძენაზე (9.6 პროცენტი), სატრანსპორტო მომსახურებაზე (3.0 პროცენტი) და პირადი სატრანსპორტო საშუალებების ექსპლუატაციაზე (2.6 პროცენტი);

სასტუმროები, კაფეები და რესტორნები: ფასები მომატებულია 7.4 პროცენტით, რაც 0.32 პროცენტული პუნქტით აისახა მთლიანი ინდექსის ზრდაში. ფასები გაიზარდა საზოგადოებრივ კვებაზე (8.4 პროცენტი) და ღამის გასათევით მომსახურებაზე (1.0 პროცენტი)

flac

 

ავტორი:შოთა ტყეშელაშვილი

bm.ge

დაწერე კომენტარი (0 კომენტარი)
მოიწონეთ გვერდი

Search