პარასკევი, თებერვალი 26, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ეკონომიკა

ეკონომიკა

nioriმსოფლიო ბაზარზე ნივრის ფასი სულ უფრო იზრდება. განსაკუთრებით, ევროპაში. როგორც East fruit წერს, მიმდინარე წელს ესპანეთში მოსავალი ამინდმა მძიმედ დააზარალა, რის გამოც წარმოება მნიშვნელოვნად შემცირდა.

AgroPortal.ua Freshplaza-ზე დაყრდნობით წერს, რომ ამ ფონზე, პროდუქტზე მოთხოვნა განსაკუთრებით ჩრდილოეთ ამერიკაში გაიზარდა. კერძოდ, კანადაში - 2-ჯერ, აშშ -ში კი, 70%-ით.

გამოცემის ცნობით, ასეთ რეალობაში, შესაძლოა, სულ მალე ნიორზე გლობალური დეფიციტი შეიქმნას.

ამერიკელი ტრეიდერების შეფასებით, წელს ჩინეთისგან, ესპანეთის, არგენტინის, პერუსა და მექსიკისგან კონკურენცია მოსალოდნელი არ არის. მიუხედავად იმისა, რომ ჩინეთში ნივრის მოსავალი 20-25% -ით გაიზარდა, ექსპორტის მიმართულებით სერიოზული პრობლემები აქვს. ამასთან, რთული ვითარებაა ნიდერლანდების ნივრის ბაზარზე. მოსავალი 45%-ით შემცირდა ესპანეთშიც, ხოლო არსებული მარაგი არ არის უმაღლესი ხარისხის.

ამერიკის მხრიდან დიდი მოთხოვნების გამო, ნივრის ფასები ჩილეში, არგენტინასა და მექსიკაში სწრაფად გაიზარდა.

”ვფიქრობთ, რომ როდესაც ევროკავშირში ცივი ამინდები დაიწყება, იმპორტიორების მარაგი ამოიწურება და დეფიციტი შეიქმნება“, - აცხადებენ ექსპერტები.

„ბიზნესპრესნიუსი“ დაინტერესდა, რა რაოდენობის და რომელი ქვეყნებიდან ყიდულობს ნიორს საქართველო.

სტატისტიკის ეროვნული სამსახურის მონაცემებით, 2020 წლის 10 თვეში (იანვარი-ოქტომბერი) ქვეყანამ 1,910 ტონა (1,118 მლნ აშშ დოლარი) პროდუქტი შეიძინა, ხოლო 2019 წლის ანალოგიურ პერიოდში - 1,223 ტონა (710.7 ათასი დოლარი).

რაც შეეხება ქვეყნებს, საიდანაც საქართველო ნივრის იმპორტს ახორციელებს, ასე გამოიყურება:

  • ჩინეთი - 1,748 ტონა
  • ირანი - 97.77 ტონა
  • ეგვიპტე - 36.31 ტონა
  • უკრაინა - 20.20 ტონა
  • სომხეთი - 6.26 ტონა
  • ნიდერლანდი - 1 ტონა

www.bpn.ge

დაწერე კომენტარი (0 კომენტარი)
ეკონომიკა

 txili txili“ერთადერთი შესაძლებლობა, რომ ჩვენ მაქსიმალური შემოსავლები მივიღოთ, თხილის ხარისხის გაუმჯობესებაა,” - ამის შესახებ თხილის გადამამუშავებელი საწარმოს NutsGe-ს დირექტორმა მამუკა ბერიაშვილმა “საქმიან დილაში” საუბრისას აღნიშნა. 

ასევე, როგორც ბერიაშვილმა განაცხადა, დარგს საექსპორტო ფასებთან დაკავშირებით პრობლემები აქვს. 

“ჩვენ მსოფლიო საექსპორტო ფასებს მუდმივ მონიტორინგს ვუწევთ და გაყიდვებსაც შესაბამისად ვახორციელებთ. ქართული თხილის საექსპორტო ფასის ზარალმა თურქულ ფასთან მიმართებით დაახლოებით 7 მლნ დოლარი შეადგინა. ექსპორტიორებს ამ მიმართულებით სამუშაო გვაქვს, რომ სხვაობა მინიმუმზე დავიყვანოთ და ამის შესაძლებლობას პრემიუმ ხარისხის ნედლეული მოგვცემს. ქართული თხილი მსოფლიო ბაზარზე მცირე წილს იკავებს და ერთადერთი შესაძლებლობა, რომ ჩვენ მაქსიმალური შემოსავლები მივიღოთ, ეს ხარისხის გაუმჯობესებაა. წელს საკმაოდ დიდი საქმეა შესრულებული - ფაროსანას პრობლემა პრაქტიკულად დაძლეულია, მაგრამ ეს არ ნიშნავს საბოლოო გამარჯვებას.” - განაცხადა ბერიაშვილმა.

გარემოს დაცვისა და სოფლის მეურნეობის სამინისტროს ინფორმაციით, 2020 წლის 1 აგვისტოდან 23 ნოემბრამდე პერიოდში განხორციელდა 10 848 ტონა თხილის ექსპორტი, რომლის ღირებულებამ 57.2 მლნ აშშ დოლარი შეადგინა. აღნიშნულ პერიოდში განხორციელებული თხილის ექსპორტის მოცულობა 2 993 ტონით (38%) აღემატება 2019 წლის ანალოგიურ პერიოდში განხორციელებული ექსპორტის მოცულობის მაჩვენებელს, ხოლო ექსპორტის ღირებულება 18.4 მლნ აშშ დოლარით (48%) გაიზარდა. ამავე პერიოდში, თხილის საექსპორტო ფასი 7%-ით გაიზარდა.

 

www.bm.ge

დაწერე კომენტარი (0 კომენტარი)
ეკონომიკა

 sacvavi benziniნავთობპროდუქტების იმპორტიორთა კავშირის განცხადებით, ბოლო პერიოდში ნავთობის ფასი ძირითადად იზრდება და ყველაზე მაღალ მაჩვენებელზე დგას მარტის თვის შემდეგ. კერძოდ, მიმდინარე წლის ნოემბრის თვის დასაწყისიდან დღემდე ნავთობის ფასი ლონდონის Inter Continental Exchange Futures Europe სანავთობო ბირჟაზე გაზრდილია საშუალოდ 10,4 დოლარით/ბარელზე ანუ 27,8%-ით და დღეისათვის შეადგენს 47,86 დოლარს/ბარელზე.

ნავთობპროდუქტების იმპორტიორთა კავშირის განცხადებით, ნავთობის ფასის მატება განპირობებულია შემდეგი ძირითადი ფაქტორებით: 1. საიმედო ინფორმაცია იმასთან დაკავშირებით, რომ მომავალი წლის იანვრიდან დაიწყება COVID-19-ის საწინააღმდეგო ვაქცინის მასობრივი წარმოება; 2. აშშ-ის გენერალური სერვისების ადმინისტრაციის მიერ საპრეზიდენტო არჩევნებში ჯო ბაიდენის გამარჯვებულად გამოცხადების შემდეგ, დონალდ ტრამპის თანხმობა ხელისუფლების გადაბარების პროცესის დაწყებასთან დაკავშირებით.

„რაც შეეხება საერთაშორისო ფასებს ნავთობპროდუქტებზე S&P Global Platts-ის მიხედვით, რომლის მიხედვითაც ხორციელდება საქართველოში საწვავის იმპორტი, ის ნავთობის ფასის ზრდის პარალელურად იზრდება. კერძოდ, ბენზინის ფასი ნოემბრის თვის დასაწყისიდან გაზრდილია დაახლოებით 67,5$-ით/ტონაზე ანუ 19,8%-ით 407,50 დოლარამდე/ტონაზე, ხოლო დიზელის ფასი გაზრდილია დაახლოებით 82,5$-ით/ტონაზე ანუ 27%-ით 388,25 დოლარამდე/ტონაზე.
აღსანიშნავია ასევე საქართველოს ეროვნული ვალუტის - ლარის გაცვლითი კურსი დოლართან მიმართებაში, რომელთანაც პირდაპირ კავშირშია საცალო ქსელში არსებული საწვავის ფასი. კერძოდ, ნოემბრის თვის დასაწყისში ლარის ოფიციალური გაცვლითი კურსი დოლართან მიმართებაში შეადგენდა 3,2327 ერთეულს და დღეისათვის მისი გაცვლითი კურსი დოლართან მიმართებაში შეადგენს 3,3193 ერთეულს.

რაც შეეხება საქართველოს საწვავის საცალო ქსელს, ნოემბრის თვიდან დაწყებული საწვავის ფასი გაზრდილია ბრენდირებულ ავტოგასამართ სადგურებზე საშუალოდ 7-13 თეთრით ლიტრაზე. კერძოდ, დღეისათვის საწვავის საშუალო საცალო ფასები საქართველოს ქსელში ბრენდირებულ გასამართ სადგურებზე შეადგენს: რეგულარი ტიპის ბენზინი - 2,10-2,29 ლარი/ლიტრაზე, პრემიუმი ტიპის ბენზინი - 2,28-2,39 ლარი/ლიტრაზე, სუპერი ტიპის ბენზინი - 2,45-2,49 ლარი/ლიტრაზე, ევრო დიზელის საწვავი - 2,27-2,39 ლარი/ლიტრაზე, დიზელის საწვავი - 2,17-2,33 ლარი/ლიტრაზე.

უნდა აღინიშნოს, რომ მიმდინარე ეტაპზე საწვავის ფასის მხოლოდ ამ დოზით ზრდა მოხდა იმის გათვალისწინებით, რომ კომპანიების მიერ არსებობდა დაბალფასიანი საწვავის გარკვეული მარაგები, რაც გარკვეულწილად აბალანსებდა საბითუმო ბაზარს. თუმცა საბითუმო ბაზარზე საწვავის ფასი იზრდება, რასაც ემატება ლარის კურსის გაუფასურება, რაც იწვევს საწვავის ფასის მატებას როგორც ბრენდირებულ, ასევე არაბრენდირებულ ავტოგასამართ სადგურებზე“,- აცხადებს ნავთობიმპორტიორთა კავშირი.

 

www.bm.ge

დაწერე კომენტარი (0 კომენტარი)
ეკონომიკა

 ekonomikოქტომბერში საქართველოს ეკონომიკა 3.9%-ით შემცირდა,- ამის შესახებ სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა.

მისივე ინფორმაციით, იანვარ-ოქტომბრის საშუალო რეალური ზრდა უარყოფითია და -5.1%-ს შეადგენს.

„დღგ-ს გადამხდელ საწარმოთა დეკლარირებული მონაცემების მიხედვით, 2020 წლის ოქტომბერში წინა წლის შესაბამის პერიოდთან შედარებით, საქართველოს ეკონომიკა 3.9%-ით შემცირდა. შესაბამისად, პირველი 10 თვის ვარდნის საშუალო მაჩვენებელია -5.1%-ია“, - აღნიშნა თოდრაძემ.

მისივე თქმით, კლების ტენდენცია თითქმის ყველა სექტორში გამოვლინდა საფინანსო საქმიანობის გარდა, სადაც ზრდის ტენდენცია შეინიშნებოდა. გოგიტა თოდრაძის განცხადებით, განსაკუთრებით აღსანიშნავია შემცირება ტრანსპორტის, სასტუმროებისა და რესტორნების, ასევე მშენებლობის, ხელოვნების, გართობისა და დასვენების სექტორებში, დამამუშავებელი მრეწველობის სექტორებში.

„რაც შეეხება ზრდის და კლების მიზეზებს, ხელოვნების გართობისა და დასვენების სექტორში კლების მიზეზად გვევლინება აზარტულ და ფულზე თამაშებთან დაკავშირებული კომპანიების ბრუნვის მოცულობის შემცირება, ასევე სპორტის, გართობის, დასვენების და კულტურული ღონისძიების ორგანიზებით დაკავებული დაწესებულებების შემოსავლების კლება. საანგარიშო პერიოდში 16%-ით შემცირდა ღვინის ექსპორტი, 10%-ით, მინერალური წყლების და 33%-ით აზოტოვანი სასუქების ექსპორტის მაჩვენებელი. საფინანსო საქმიანობის სექტორში ზრდის ძირითადი მიზეზია კომერციული ბანკების საპროცენტო შემოსავლების ზრდა, რაც უკავშირდებოდა ფიზიკურ პირებზე გაცემული გრძელვადიანი სესხების მოცულობის ზრდას.

ამასთან, ოქტომბერში საქონლის ექსპორტი შემცირდა 2.2%-ით, ხოლო იმპორტი 23.5%-ით. მიმდინარე წლის 10 თვეში ექსპორტის მოცულობა შემცირებულია 11%-ით, ხოლო იმპორტის მოცულობა 17%-ით. ოქტომბერში ქვეყანაში 4046 ახალი საწარმო დარეგისტრირდა, რაც 4.4%-ით ნაკლებია წინა წლის შესაბამისი პერიოდის მაჩვენებელზე,“-აღნიშნა გოგიტა თოდრაძემ.

დაწერე კომენტარი (0 კომენტარი)
ეკონომიკა

fqvilitomrebi 1605249017საქართველოში პურის ფქვილი უკვე გაძვირდა.

როგორც „ბიზნესპრესნიუსს“ თბილისში მოქმედ მცირე ზომის პურის საცხობებში განუცხადეს, საწყობებში დღეს მისულებს ფქვილზე უკვე მომატებული ფასი დახვდათ.

„აქამდე პირველი ხარისხის ფქვილს 56-57 ლარად ვყიდულობდით. დღეს მივედით, რომ გვეყიდა ფქვილი და ის უკვე გაძვირებული დაგვხვდა. ერთი ტომარა ფქვილი „ალაფი“ 63 ლარი გახდა, „კარმენი“ კი 61 ლარი. ალბათ, მომიწევს მეც ჩემი წარმოებულ პურზე ფასის ზრდა. 2-3 ლარით იაფია ერთი ტომარა ფქვილი წისქვილკომბინატებში, მაგრამ იქ შესყიდვა დიდ მოცულობებზე ხდება, ჩემი საცხობი კი არ არის ისეთი დიდი მოცულობის, რომ პირდაპირ წისქვილკომბინატიდან წამოვიღო ფქვილი“, - გვითხრეს ერთ-ერთ საცხობში.

გაძვირებული პროდუქციის შესყიდვა მოუწია თბილისში მდებარე კიდევ ერთ საცხობსაც: „6 ლარით ძვირად ვიყიდე ფქვილი, დაახლოებით 10 დღის წინ 55-57 ლარი ღირდა. კალკულაციის შემდეგ გადავწყვეტ, რამდენი თეთრით მომიწევს პურის და სხვა პურ-პროდუქტების გაძვირება. იგივე ფასით ნამდვილად ვერ ვიმუშავებთ“, - გვითხრა საცხობის მეპატრონემ.

 

www.bpn.ge

დაწერე კომენტარი (1 Comment)
მოიწონეთ გვერდი

Search