შაბათი, თებერვალი 22, 2020
Follow Us

ეკონომიკა

ეკონომიკა

mivlinebaაუდიტის სამსახური, ბიუჯეტის მონიტორის ცნობით 2019 წლის პირველ ცხრა თვეში მთავრობის სამივლინებო ხარჯები 28%-ით გაიზარდა. 

თუ კი 2018 წლის იანვარ-სექტემბერში მთავრობის სამივლინებო ხარჯებმა 16,3 მილიონი ლარი შეადგინა, წელს იგივე მაჩვენებელი 62,3 მილიონი ლარია. მონაცემები მოიცავს როგორც ადგილობრივ, ასევე საზღვარგარეთ მივლინებებს.

ამავე პერიოდში თანამდებობრივი სარგოებზე დაიხარჯა 753 მილიონი ლარი. 1 მილიარდი ლარიდან 1,1 მილიარდ ლარამდე არის გაზრდილი ჯამური შრომის ანაზღაურების ხარჯები.

ასევე გაზრდილი არის შტატგარეშე თანამშრომელთა ანაზღაურების ჯამური ხარჯიც. შტატგარეშე პირების მომსახურებაში მთავრობამ წელს 174 მილიონი ლარი დახარჯა.

 

http://www.tabula.ge

დაწერე კომენტარი (0 კომენტარი)
ეკონომიკა

02gaxaraოქტომბერში, მიუხედავად ყველაფრისა, ზოგიერთი ჩვენი კოლეგის ხულიგნობისა, ეკონომიკური ზრდა გვქონდა 5.7% , – ეს განცხადება საქართველოს პრემიერ-მინისტრმა გიორგი გახარიამ ბიზნესცენტრ King David-ში პროექტის “100 საინვესტიციო შეთავაზება ბიზნესს” პრეზენტაციაზე გააკეთა. პრემიერ-მინისტრმა ეკონომიკის სამინისტროს მადლობა გადაუხადა ეფექტური და სწრაფი მუშაობისთვის და პროექტის პრეზენტაციისთვის.

„აქ ყველაზე მნიშვნელოვანი გახლავთ ის, რომ დღევანდელი დღიდან ხელმისაწვდომი იქნება არანაკლებ 100 საინვესტიციო პროექტი, რომელსაც სახელმწიფო შემოგვთავაზებს იმისთვის, რომ ბიზნესმა უფრო ეფექტურად შეძლოს ოპერირება. ჩვენთვის ყველაზე მნიშვნელოვანია და ეს არაერთხელ გვითქვამს, რომ არის – სამუშაო ადგილების რაოდენობა, განათლება, უსაფრთხოება და ყველაფერი ერთად უნდა გვაძლევდეს სწრაფ ეკონომიკურ ზრდას. სხვათა შორის, ოქტომბერში, მიუხედავად ყველაფრისა, ზოგიერთი ჩვენი კოლეგის ხულიგნობისა, ეკონომიკური ზრდა გვქონდა 5.7%. 10 თვის განმავლობაში ჩვენ გვქონდა ზრდა 5.1%. რა თქმა უნდა, ეს არ არის საკმარისი, რა თქმა უნდა, ჩვენს ეკონომიკას სჭირდება მეტად უფრო სწრაფი ეკონომიკური ზრდა, სწორედ ამიტომ გადავდგით ჩვენ ეს ნაბიჯი, სწორედ ამიტომ ყველა ის აქტივი, განსაკუთრებით სახელმწიფო საკუთრებაში რომელიც არსებობს და რომელიც არ არის სრულად ჩართული ეკონომიკურ ბრუნვაში, რაც შეიძლება სწრაფად უნდა გავაცოცხლოთ, იმისთვის, რომ ბიზნესს მივცეთ საშუალება უფრო ძლიერად ოპერირებდეს. ჩვენთვის მთავარი მიზანი გახლავთ ძლიერი ბიზნესი, რომელიც ქმნის სამუშაო ადგილებს. ჩვენ არაერთხელ გვითქვამს და კიდევ ერთხელ გავიმეორებ, რომ ჩვენი ქვეყნის ეკონომიკური ზრდა სრულად არის დამოკიდებული კერძო სექტორზე, ჩვენი ქვეყნის ეკონომიკური ზრდის ძირითადი კომპონენტი არის კერძო ბიზნესი და მთავრობას სრულად აქვს გააზრებული მისი ფუნქცია, შეუქმნას კომფორტული ხელსაყრელი გარემო იმისთვის, რომ ქართული ბიზნესი იყოს უფრო ძლიერი, შექმნას უფრო მეტი სამუშაო ადგილი, ჰქონდეს უფრო მეტი მოგება და უფრო ფართოდ იყოს წარმოდგენილი საერთაშორისო ბაზრებზე, სწორედ ამიტომ გავაკეთეთ ჩვენ ეს შეთავაზება“, – განაცხადა გიორგი გახარიამ.

პრემიერ-მინისტრმა აღნიშნა, რომ მთავრობამ აიღო ვალდებულება აღნიშნულ პროექტში არასდროს იქნება 100-ზე ნაკლები საინვესტიციო შეთავაზება. დღეის მდგომარეობით, გაკეთებულია 117 საინვესტიციო შეთავაზება, რომლის საერთო საინვესტიციო ღირებულება 150 მილიონია.

„ასევე ჩვენთვის უკიდურესად მნიშვნელოვანია სამუშაო ადგილების რაოდენობა და ჩვენ ვიმედოვნებთ, რომ ყველა განხორციელებული პროექტი, რომელიც იქნება ბიზნესთან ერთად თანამშრომლობაში სახელმწიფოს მხრიდან ეფექტურად განხორციელებული, ჩვენ დავაფიქსირებთ იმ სამუშაო ადგილების რაოდენობას, რომელსაც ბიზნესი აიღებს თავის თავზე რომ შექმნის. ეს არის ჩვენი ძირითადი მოტივი და მიზანი. რა თქმა უნდა, მიუხედავად ყველაფრისა, ჩვენ ყველას კარგად გვესმის, რომ საარჩევნო წელია, ჩვენ ყველას კარგად გვესმის, რომ არის გარკვეული ტურბულენტობა, მიუხედავად ამისა, მთავრობაც და ბიზნესიც ბევრად უფრო კონცენტრირებულად წყნარად, მშვიდად, უფრო მეტი შემართებით, ეფექტიანობაზე უფრო მეტი კონცენტრირებით უნდა ვდგამდეთ იმ მსგავს ნაბიჯებს, რომელსაც ვდგამთ დღეს. ამიტომ მოგიწოდებთ კოლეგებო და გპირდებით, რომ ყველა ის პროექტი, რომელსაც განიხილავთ თქვენ და გამოხატავთ თქვენ ინტერესს, თითოეული სამინისტრო, მთავრობა სრულად ყველაფერს გააკეთებს იყოს თქვენი ღირსეული მედიატორი, იმისთვის რომ ეს პროექტები მივიყვანოთ საბოლოო, ლოგიკურ დასრულებამდე და იმისთვის, რომ ჩვენს მოქალაქეებს შევთავაზოთ დამატებითი სამუშაო ადგილები“, -განაცხადა გიორგი გახარიამ.

 

http://bfm.ge/

დაწერე კომენტარი (0 კომენტარი)
ეკონომიკა

3234ქუთაისის წყალმომარაგების სისტემის მშენებლობის მეორე ფაზა დასრულების ეტაპზეა. შესრულებულ სამუშაოებს რეგიონული განვითარებისა და ინფრასტრუქტურის მინისტრის მოადგილე, ილია ბეგიაშვილი, გაერთიანებული წყალმომარაგების კომპანიის დირექტორთან, ეკატერინე გალდავასთან და იმერეთში სახელმწიფო რწმუნებულთან, ზვიად შალამბერიძესთან ერთად გაეცნო.

ახალი ობიექტი ექსპლუატაციაში წლის ბოლოს შევა და ქალაქი უწყვეტ წყალმომარაგებაზე ეტაპობრივად გადავა. პირველ ეტაპზე,  დამატებით 45 000 ადამიანი 24 საათიანი წყალმომარაგებით დეკემბერში იქნება უზრუნველყოფილი. იანვარში უწყვეტი წყალმომარაგებით მოსახლეობის 65%, თებერვალში 85 %, ხოლო მარტში ქალაქის 100 % ისარგებლებს.

პროექტის ფარგლებში აშენდა რეზერვუარები - გოდოგანზე 2 , ხოლო მუხრანში 1 და 3 სატუმბი სადგური. მოეწყო 18 კმ წყლის მაგისტრალური მილსადენი და შიდა გამანაწილებელი ქსელი (200 კმ).

თავდაპირველ პროექტს კორპუსების შიდა ქსელებისა და რამდენიმე დასახლების წყალმომარაგების ქსელის რეაბილიტაცია დაემატა, რის გამოც სამუშაოების მოცულობა გაიზარდა და გადაიწია მშენებლობის დასრულების ვადამ. მუნიციპალიტეტისა და მოსახლეობის თხოვნის გათვალისწინებით და პროექტში შეტანილი ცვლილებების საფუძველზე, ქალაქის რამდენიმე დასახლებაში წყალმომარაგების ქსელების სრული რეაბილიტაცია განხორციელდა, განახლდა საცხოვრებელ კორპუსებში ამორტიზებული, შიდა ქსელები. ასევე, კომპანია, წყლის რაციონალური მოხმარების მიზნით, მრავალსართულიან კორპუსებში მცხოვრები 15 000 აბონენტის გამრიცხველიანებასაც უზრუნველყოფს.

სამუშაოებს აზიის განვითარების ბანკის დაფინანსებით 92 მილიონი ლარი მოხმარდა.

დაწერე კომენტარი (0 კომენტარი)
ეკონომიკა

03finansebi20-მილიონიანი საგარანტიო ფონდი, რომელიც მიმდინარე წელს ბიუჯეტიდან მცირე და საშუალო ბიზნესის ფინანსებზე წვდომის გაზრდის მიზნით გამოიყო, აუთვისებელია.

საკრედიტო-საგარანტიო მექანიზმი „აწარმოე საქართველოში“ სააგენტოს ქვეშ 1-ელი აპრილიდან ამოქმედდა, კომერციულ ბანკებთან ხელშეკრულებებს კი 25 ივლისს მოეწერა ხელი. „ინტერპრესნიუსი“ დაინტერესდა, რამდენად დიდია ბიზნესის დაინტერესება აღნიშნული სახელმწიფო პროგრამით.

როგორც „ინტერპრესნიუსს“ სააგენტო „აწარმოე საქართველოში“ განუცხადეს, ბანკებს ბიზნესის მხრიდან განაცხადების მიღება არ დაუწყიათ, რადგან კვლავ გრძელდება მუშაობა პროგრამულ უზრუნველყოფაზე.

„საკრედიტო საგარანტიო სქემა არის ინოვაციური და საკმაოდ კომპლექსური პროექტი, რაც მოითხოვდა სრულიად ახალ პროგრამულ უზრუნველყოფას. სწორედ აღნიშნული სქემის კომპლექსურობიდან გამომდინარე აქტიურად მიმდინარეობს მუშაობა კომერციულ ბანკებსა და პროგრამული უზრუნველყოფის მიმწოდებელ კომპანიას შორის, ხოლო აღნიშნული პროცესის დასრულების შემდგომ კომერციულ ბანკებს შესაძლებლობა ექნებათ მიიღონ განაცხადები აღნიშნული სქემის ფარგლებში”, - აცხადებენ სააგენტო „აწარმოე საქართველოში“.

ცნობისთვის, რუსული ავიასანქციების შემდეგ, პროგრამამ გარკვეული ცვლილება განიცადა და მთავრობამ საკრედიტო - საგარანტიო სქემის პრიორიტეტულ მიმართულებად ტურიზმის სექტორი, მცირე საოჯახო სასტუმროები დაასახელა.

შეგახსენებთ, საკრედიტო - საგარანტიო სქემა „აწარმოე საქართველოში“ სააგენტოს ქვეშ 1-ელი აპრილიდან ამოქმედდა. სქემა უზრუნველყოფს მცირე და საშუალო საწარმოებისთვის ბანკში წარსადგენი უზრუნველყოფის 70%-მდე გარანტირებას, მიზანი კი მცირე და საშუალო საწარმოებისთვის ფინანსებზე ხელმისაწვდომობის გამარტივებაა.

კომერციული ბანკები სქემაში 25 ივლისიდან ჩაერთვნენ. სააგენტოსა და 12 კომერციულ ბანკს შორის გაფორმდა ხელშეკრულებები პროგრამასთან მიმართებით. აღნიშნული კომერციული ბანკებია: სს „თიბისი ბანკი“; სს „საქართველოს ბანკი“; სს „ბანკი ქართუ“ სს „პროკრედიტ ბანკი“; სს „ვითიბი ბანკი ჯორჯია“; სს „იშ ბანკი საქართველო“; სს „ლიბერთი ბანკი“; სს „პაშა ბანკი საქართველო“; სს „ტერაბანკი“; სს „ფინკა ბანკი საქართველო“; სს „ხალიკ ბანკი საქართველო“; სს „კრედო ბანკი“.

დაწერე კომენტარი (0 კომენტარი)
ეკონომიკა

201911211444011308451060დასაქმებულებს შესაძლოა 2 სამსახურში ერთდროულად მუშაობა აეკრძალოთ. 

ცვლილება "შრომის კოდექსში" შედის, რომელიც დამუშავების ეტაპზეა, შემდეგ კი, მისი ინიცირება პარლამენტში მოხდება. 

რა შემთხვევაში აეკრძალება დასაქმებულს 2 სამსახურში ერთდროულად მუშაობა - კანონპროექტით, დასაქმებულის უფლება, დასაქმდეს ერთზე მეტ სრულ ან არასრულ სამუშაო განაკვეთზე, შეიზღუდება, თუ პირი, რომლისთვისაც უნდა შესრულდეს შეთავსებითი სამუშაო, დამსაქმებლის კონკურენტია.

ამასთან, ერთზე მეტი შეთავსებით მუშაობისთვის რისკის შემცველი ეკონომიკური საქმიანობის სექტორებში აკრძალული იქნება ერთზე მეტ სრულ და არასრულ სამუშაო განაკვეთზე პირის დასაქმება, თუ დასაქმებულის მიერ მეორე ან/და შემდეგი სრული ან/და არასრული სამუშაო განაკვეთის შესრულებით (შეთავსებით) ჯამურად დაირღვევა ამავე კანონით დადგენილი დროის სტანდარტი. კერძოდ, დამსაქმებლისმიერ განსაზღვრული სამუშაო დროის ხანგრძლივობა არ უნდა აღემატებოდეს კვირაში 40 საათს და დღის განმავლობაში 8 საათს. შვიდღიანი პერიოდის განმავლობაში სამუშაო დრო, ზეგანაკვეთური სამუშაოს ჩათვლით არ უნდა აღემატებოდეს 48 საათს.

ერთზე მეტი შეთავსებით მუშაობისთვის რისკის შემცველი ეკონიმიკური საქმიანობის სექტორების ჩამონათვალს განსაზღვრავს საქართველოს მთავრობა, სოციალურ პარტნიორებთან კონსულტაციის შედეგად.

 

pia.ge

დაწერე კომენტარი (0 კომენტარი)
მოიწონეთ გვერდი

Search