კვირა, იანვარი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ეკონომიკა

ეკონომიკა

 moli moli moli„ეს პერიოდი ბევრი კომპანიისთვის გადარჩენის წინაპირობა იყო“, - ამის შესახებ „რითეილ გრუპ ჯორჯიას“ დირექტორმა რეზო მაღალაშვილმა „ბიზნესპრესნიუსთან“ საუბრისას განაცხადა. აღნიშნულით მან მოლების ერთკვირიანი გახსნის შედეგი შეაჯამა.

როგორც რეზო მაღალაშვილი ამბობს, მართალია, გასული წლის ანალოგიურ პერიოთან შედარებით, რეალიზაცია 30-40%-ით შემცირდა, თუმცა ბრენდებისთვის გახსნა სასიცოცხლოდ მნიშვნლოვანი იყო.

ცნობისთვის, ამ დროისთვის „რითეილ გრუპ ჯორჯია“ საქართველოში 35 ბრენდის 60-მდე მაღაზიას აერთიანებს. 

 

„წინასწარ პროგნოზირება საკმაოდ რთული იყო, რადგან არაორდინალურ სიტუაციაში ვართ. მხოლოდ ერთი კვირა გავიხსენით, შეაბამისად, მოზღვავებული მოთხოვნა იყო. თუმცა, ამავე დროს, შეზღუდვები გვქონდა, როგორც საათობრივი, ისე რაოდენობრივი. სავაჭრო ობოექტებში გარკვეული რაოდენობის ადამიანზე მეტის შეშვება არ შეიძლებოდა. ამიტომ, ყველა ბრენდს სხვადასხვა პროგნოზი ჰქონდა და არცერთი არ ეფუძნებოდა რაიმე მეცნიერულ მონაცემს. დაახლოებით, 30-40% ით ნაკლები იყო რეალიზაცია (გააჩნია ბრენდს), გასული წლის ანალოგიურ პერიოდთან შედარებით. პრინციპში, ეს იმ მონაცემების მსგავსია, რაც ზაფხულში იყო. მაშინ რეალიზაცია დაახლოებით, 35-40% ით ნაკლები იყო, შარშანდელთან შედარებით. ახლაც ასე მოხდა.

თუმცა, შემიძლია გთხრათ, რომ ერთკვირიანი გახსნა, ანუ ეს პერიოდი სასიცოცხლოდ მნიშვნელოვანი და ბევრი კომპანიისთვის გადარჩენის წინაპირობა იყო“,- აცხადებს რეზო მაღალაშვილი.

მისივე ინფორმაციით, გახსნის პერიოდში, რეგულაციების დარღვევისთვის „რითეილ გრუპ ჯორჯიაში“ შემავალი არცერთი მაღაზია არ დაჯარიმებულა, რადგან ყველა რეკომენდაცია შესრულდა.

„არა თუ ჩვენი არცერთი მაღაზია არ დაჯარიმებულა, არამედ შენიშვნაც კი არ მიგვიღია. პირველ დღეებში მართვის პროცესების კუთხით მხოლოდ რეკომენდაციები მივიღეთ, რომელიც უმალვე გავითვალისწინეთ“,-აღნიშნავს რეზო მაღალაშვილი.

 

www.bpn.ge

დაწერე კომენტარი (0 კომენტარი)
ეკონომიკა

 gogita todradzeდეკლარირებული მონაცემების მიხედვით, 2020 წლის ნოემბერში, წინა წლის შესაბამის პერიოდთან შედარებით, სახეზე გვაქვს საქართველოს ეკონომიკის 7,7%-იანი ვარდნა, ხოლო 11 თვის საშუალო მაჩვენებელი აქედან გამომდინარე -5,9%-ია, - ამის შესახებ სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა. მისივე თქმით, ეკონომიკის ვარდნის მიუხედავად, ზრდის ტენდენცია შეინიშნებოდა დამამუშავებელი მრეწველობის, საფინანსო საქმიანობის, ინფორმაციისა და კომუნიკაციის, ასევე, წყალმომარაგების, კანალიზაციისა და ნარჩენების მართვის სფეროებში. დანარჩენ სექტორებში კი გამოვლინდა კლების ტენდენცია.

„განსაკუთრებით აღსანიშნავია დღგ-ს გადამხდელ საწარმოთა ბრუნვის მოცულობის შემცირება, ასევე მშენებლობის, ტრანსპორტისა და დასაწყობების, სასტუმროებისა და რესტორნების, ხელოვნების, გართობის, დასვენებისა და ვაჭრობის სექტორებში დაფიქსირებული კლების ტენდენცია. 2020 წლის ნოემბერში საქონლის ექსპორტი შემცირებულია 13,4 %-ით, ხოლო იმპორტი12,1%-ით. რაც შეეხება საგარეო ვაჭრობის 11 თვის ჯამურ მაჩვენებელს, ექსპორტის მოცულობა შემცირდა 11,3%-ით, ხოლო იმპორტის მაჩვენებელი, დაახლოებით, 16%-ით არის შემცირებული.

2020 წლის ნოემბერში ქვეყანაში დარეგისტრირდა, დაახლოებით, 3450 ახალი საწარმო და აღნიშნული მაჩვენებელი 11,4 %-ით ჩამორჩება წინა წლის შესაბამისი პერიოდის მაჩვენებელს. 4,2%-ით შემცირდა ეკონომიკური ზრდის წინასწარი შეფასებისას გამოყენებულ დღგ-ს გადამხდელ საწარმოთა ბრუნვის მოცულობა და 7,3 მილიარდი ლარი შეადგინა.

რაც შეეხება მიზეზებს სექტორულ ჭრილში, დავიწყებ დარგებით, სადაც კლების ტენდენცია გამოვლინდა. მშენებლობის სექტორში კვლავ კლების ტენდენცია შეინიშნებოდა, როგორც საცხოვრებელი და არასაცხოვრებელი შენობა-ნაგებობების მშენებლობის, ისე სპეციალიზებული სამშენებლო სამუშაოების შესრულების მიმართულებით, როგორიც არის, მაგალითად, ელექტრო- ტექნიკური და სამონტაჟო სამუშაოები, წყალგაყვანილობის, გათბობისა და ჰაერის კონდინცირების მონტაჟი. შემცირდა, ასევე, შემუშავებული სამშენებლო პროექტების მოცულობაც. აღსანიშნავია, რომ 15%-ით შემცირდა სამშენებლო მასალების იმპორტი,“- განაცხადა გოგიტა თოდრაძემ.

მისივე განმარტებით, ტრანსპორტის სექტორში კლება ძირითადად დაკავშირებული იყო საჰაერო ტრანსპორტის ფუნქციონირებასთან, თუმცა აღნიშნულ დარგში კლების ერთ-ერთ მიზეზად სახელდება ასევე ტვირთის სატრანსპორტო დამუშავებასთან და დასაწყობებასთან დაკავშირებული მომსახურების მოცულობის შემცირებაც.

„სასტუმროებისა და რესტორნების სექტორში კლება, ძირითადად დაკავშირებული იყო საერთაშორისო ვიზიტორების რაოდენობის შემცირებასთან, დაახლოებით, 92%-ით არის შემცირებული საერთაშორისო ვიზიტორების მიერ განხორციელებული ვიზიტების რაოდენობა, რამაც, რასაკვირველია, გავლენა მოახდინა ტურისტული სააგენტოებისა და ტუროპერატორების შემოსავლებზე. ხელოვნების, გართობისა და დასვენების სექტორში კლების გამოვლენის მიზეზად გვევლინება როგორც აზარტულ თამაშებთან დაკავშირებული კომპანიების, ისე დასვენების, გართობის, სპორტისა და კულტურული ღონისძიებების ორგანიზებით დაკავებული დაწესებულებების შემოსავლების შემცირება. ვაჭრობის დარგში კლება, ძირითადად, დაკავშირებული იყო მსუბუქი ავტომობილებით ვაჭრობის მოცულობის შემცირებასთან, დაახლოებით, 62%-ით შემცირდა მსუბუქი ავტომობილების რეექსპორტის მაჩვენებელი. გარკვეულწილად შემცირებულია, ასევე, საცალო ვაჭრობა სამშენებლო მასალებითა და ალკოჰლური სასმელებით, ასევე, საბითუმო ვაჭრობა ნავთობპროდუქტებით,“- განაცხადა გოგიტა თოდრაძემ.

იმ სექტორებს შორის, სადაც ეკონომიკური ზრდა შეინიშნება, აღსანიშნავია საფინანსო საქმიანობის სექტორი.

როგორც სტატისტიკის ეროვნული სამსახურის აღმასრულებელმა დირექტორმა განმარტა, აღნიშნულ სექტორში ზრდის გამომწვევ მიზეზად გვევლინება კომერციული ბანკების პროცენტული შემოსავლის ზრდა, რაც გარკვეულწილად დაკავშირებული იყო ფიზიკურ პირებზე გაცემული გრძელვადიანი სესხების მოცულობის ზრდასთან.

„ინფორმაციისა და კომუნიკაციის სექტორში ზრდა განაპირობა საინფორმაციო და საკომუნიკაციო საქმიანობით დაკავებული კომპანიების ბრუნვის მოცულობის მატებამ, ხოლო, რაც შეეხება, წყალმომარაგების, კანალიზაციისა და ნარჩენების მართვის სექტორს, ზრდის ტენდენციები, ძირითადად, დაკავშირებული იყო ნარჩენების შეგროვების, დამუშავებისა და უტილიზაციის საქმიანობებთან,“- განაცხადა გოგიტა თოდრაძემ.

 

www.interpressnews.ge

დაწერე კომენტარი (0 კომენტარი)
ეკონომიკა

 fqviliსაქართველოში პურის ფქვილი ისევ გაძვირდა.

ბოლო 3 კვირის განმავლობაში ერთი ტომარა ფქვილის ფასმა 6-7 ლარით მოიმატა.

როგორც „ბიზნესპრესნიუსს“ თბილისში მოქმედ მცირე ზომის პურის საცხობებში განუცხადეს, ამას იანვრიდან გაზის გაძვირებაც დაემატება, რაც საბოლოო ჯამში მათზე მძიმედ აისახება.

 „2-3 კვირის წინ პირველი ხარისხის ფქვილს 61-63 ლარად ვყიდულობდით. დღეს მივედით, რომ გვეყიდა ფქვილი და ის უკვე გაძვირებული დაგვხვდა. ერთი ტომარა ფქვილი „ალაფი“ 69 ლარი გახდა, „კარმენი“ კი 68 ლარი. 3 იანვრიდან გვიძვირდება გაზიც. ეს ყველაფერი ნეგატიურად აისახება პატარა საცხობებზე, ან მოგვიწევს პურის გაძვირება, რაც გამოიწვევს რეალიზაციის შემცირებას, ან კიდევ დახურვა. სხვა გზა არ არსებობს“, - გვითხრეს ერთ-ერთ საცხობში.

გაძვირებული ფქვილის შესყიდვა მოუწია თბილისში მდებარე კიდევ ერთ პურის საცხობსაც. როგორც მეპატრონე ჩვენთან საუბრისას აცხადებს, ასეთ პირობებში მუშაობას სავარაუდოდ, ვეღარ გააგრძელებს და იანვრიდან საცხობის დახურვა მოუწევს. „როდესაც 69 ლარად ყიდულობ ფქვილს, რომელიც 2 კვირის წინ 61 ლარი ღირდა და როდესაც ამ ყველაფერს იანვრიდან გაძვირეული გაზიც დაემატება, ალბათ, მუშაობას აზრი აღარ ექნება. თუ ფქვილის ფასი არ შემცირდა, სავარაუდოდ, დავხურავ საცხობს. ანალოგიურ სიტუაციაშია ბევრი სხვა საცხობიც“.

დაწერე კომენტარი (0 კომენტარი)
ეკონომიკა

samomxmareblo a5როდესაც გვჭირდება გაუთვალისწინებელი თანხა ან თუნდაც ახალი ნივთის შეძენას ვგეგმავთ, ვიცით, რომ გვჭირდება სესხი, თუმცა ხშირად ვიკარგებით უამრავ შეთავაზებებში და ვერ ვიღებთ გადაწყვეტილებას, რომელი სესხი უნდა ავიღოთ.

მრავალ კატეგორიას შორის, ყველაზე მოთხოვნადი სამომხმარებლო სესხია - ის მომხმარებლის თითქმის ყველა საჭიროებას აკმაყოფილებს: სამომხმარებლო სესხით შეგიძლიათ გაარემონტოთ სახლი, იყიდოთ ახალი ავეჯი, მსხვილი და მცირე საყოფაცხოვრებო ტექნიკა, იშოპინგოთ, როგორც ფიზიკურ, ასევე ონლაინმაღაზიებში, შეიძინოთ ავტომანქანა, გადაიხადოთ სწავლის საფასური, მოიხმაროთ თანხა გაუთვალისწინებელი და დაუგეგმავი ხარჯების დასაფარად,  მოკლედ, სამომხმარებლო სესხს კონკრეტული მიზნობრიობა არ გააჩნია.

სამომხმარებლო სესხის უპრატესობა ასევე ისაა, რომ ხშირ შემთხვევაში იგი უზრუნველოყოფას არ საჭიროებს, მაგალითად, ვებგვერდზე tbcccredit.ge , რომელიც თიბისი ბანკის ციფრული პლატფორმაა, თიბისი ბანკის ნებისმერი ფილიალსა და სატელეფონო ცეტნრში, 100-დან 60 000 ლარამდე სამომხმარებლო სესხის მიღება, ყოველგვარი უზრუნველყოფის გარეშე,  სულ რაღაც 2 წუთში შეგიძლიათ.

დისტანციური არხების მნიშვნელობა დღევანდელი პანდემიის ფარგლებში კიდევ უფრო იმატებს, არავის სურს სახლიდან გასვლა და ფილალში რიგში დგომა, ამიტომ მომხმარებელი მუდმივად  ეძებს  სხვადასხვა სერვისის მიღების, მათ შორის, სესხის აღების დისტანცურ გზებს.

თიბისი ბანკის ციფრული პლატფორმა, tbccredit.ge   სწორედ სამომხმარებლო სესხების პალტფორმაა, სადაც ფილიალის სამომხმარებლო სესხი ონლაინ არის ხელმისაწვდომი. თიბისი კრედიტის სამომხმარებლო სესხი - ეს არის სესხი ნებისმიერი მიზნისთვის, 100-დან 50 000 ლარამდე და ახლა უკვე მთლი დეკემბრის მანძლზე 6-თვიანი საშეღავათო პერიოდით, რაც იმას ნიშნავს, რომ სესხს იღებთ ახლა და გადახდას 6 თვის შემდგ იწყებთ.

სამომხმარებლო სესხის თიბისი კრედიტზე მისაღებად მომხმარებელს მინიმალური ძალისხმევა სჭირდება. საჭიროა გქონდეთ წვდომა ინტერნეტზე და რომელიმე მოწყობილობა, რომლითაც ვებგვერზე შესვლას შეძლებთ. 

განაცხადის შევსებას სულ რაღაც 2 წუთი სჭირდება, თუ შემოსავლის დადასტურება დაგჭირდებათ, შეგიძლიათ ამონაწერი მარტივად ატვირთოთ ვებზე ან თუ თვითდასაქმებული ხართ, ბანკის თანამშრომლის ადგილზე ვიზიტი მოითხოვოთ - ასევე ვებიდან და შემოსავალი ამგვარად დაადასტუროთ.

 

თიბისი კრედიტზე სესხის მისაღებად მნიშვნელოვანია, რომ მსესხებელი თიბისი ბანკის მომხმარებელი იყოს, ანუ ბანკში ერთი აქტიური ანგარიში მაინც უფიქსირდებოდეს, რათა  მომხმარებლის იდენტიფიცირება, მისი საკრედიტო ისტორიის და გადამხდელუნარიანობის შემოწმება მოხდეს.

დაწერე კომენტარი (0 კომენტარი)
ეკონომიკა

 sawvavi benzini sacvaviბოლო 2-3 კვირის პერიოდში საქართველოში რიგ ავტოგასამართ სადგურებზე საწვავი გაძვირდა. ზოგიერთი ტიპის საწვავზე ფასი 4-5 თეთრით არის გაზრდილი.

დღეის მდგომარეობით ცალკეულ სადგურებში ღირებულება ასეთია:

„გალფის“ ავტოგასამართ სადგურებზე, 1 ლიტრი „G-Force პრემიუმის“ ფასი 2.39 ლარია; „G-Force ევრო რეგულარი“ – 2.29 ლარი ღირს; 1 ლიტრი „რეგულარის“ ფასი - 2.19; ხოლო „სუპერის“ ფასი 2.49 ლარია. რაც შეეხება დიზელს და ევრო დიზელს, მათი ფასი 2.39 და 2.33 ლარია.

„ვისოლის“ ავტოგასამართ სადგურებზე, „დიზელ ენერჯის“ ფასი - 2.29 ლარს შეადგენს; „ეკო დიზელის“ ტიპის საწვავის ფასი - 2.44 ლარია. „ეკოპრემიუმი“ და „ევრო რეგულარი“ დღეის მდგომარეობით, 2.43 და 2.24 ლარი ღირს; „ეკო სუპერის “ ფასმა კი 2.53 ლარი შეადგინა.

დღეის მდგომარეობით „ლუკოილის“ ავტოგასამართ სადგურებზე, „პრემიუმ ავანგარდი“ 2.33 ლარი ღირს, „ევრო რეგულარი“ 2.14 ლარი ღირს; „ევრო დიზელის“ ტიპის საწვავი 2.32 ლარი ღირს, „ევრო სუპერის“ ტიპის საწვავი კი 2.49 ლარია.

„სოკარის“ ავტოგასამართ სადგურებზე კი დღეის მდგომარეობით, 1 ლიტრი „პრემიუმის“ ფასი - 2.31 ლარია; „რეგულარი“ – 2.16; სუპერი - 2.46; ევრო-დიზელი კი 2.29 ლარი ღირს. რაც შეეხება დიზელს, მისი ფასი 2.17 ლარია.

რაც შეეხება „რომპეტროლის“ ავტოგასამართ სადგურებს, დღეის მდგომარეობით, „efix ევრო დიზელის“ ფასი - 2.44 ლარია; 1 ლიტრი „ევრო დიზელი" 2.38 ლარი ღირს; რაც შეეხება სხვა ტიპის საწვავს, „ევრო პრემიუმი“ - 2.44 ლარი; „ევრო რეგულარის“ ტიპის საწვავი 2.24 ლარია; ხოლო „სუპერის“ ტიპის საწვავი 2.54 ლარი ღირს.

დაწერე კომენტარი (0 კომენტარი)
მოიწონეთ გვერდი

Search