ხუთშაბათი, აპრილი 22, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

ეკონომიკა

ეკონომიკა

 avto importiსაქართველოს მთავრობისა და ფინანსთა სამინისტროს გადაწყვეტილებით, კორონავირუსის გავრცელების პრევენციული ღონისძიებებისა და ავტოიმპორტიორების ხელშეწყობის მიზნით, 2019 წლის პირველი ოქტომბრიდან 2020 წლის პირველ მაისამდე საქართველოს ტერიტორიაზე შემოყვანილი სატრანსპორტო საშუალებების მფლობელებს, განბაჟების ვადა კიდევ ერთხელ, 2021 წლის პირველ ივნისამდე გაუხანგრძლივდათ.

მოქალაქეებს, რომლებსაც სატრანსპორტო საშუალებები შემოყვანილი ჰყავთ 2019 წლის პირველი ოქტომბრიდან 2020 წლის პირველ მაისამდე პერიოდში და არ გაუვლიათ საბაჟო პროცედურები, მომსახურების სააგენტო მოუწოდებს, რიგისა და საჯარიმო სანქციების თავიდან აცილების მიზნით, დროულად მიმართონ სააგენტოს სტრუქტურულ ერთეულებს და 31 მაისის ჩათვლით განახორციელონ საბაჟო პროცედურები.

მომსახურების სააგენტო, მოქალაქეთა უსაფრთხოების მიზნით, სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს და სერვისებით სარგებლობის ყველა მსურველს მოუწოდებს, რომ ადგილზე სერვისების მისაღებად სააგენტოში გამოცხადდნენ პირბადით.

დაწერე კომენტარი (0 კომენტარი)
ეკონომიკა

gemi savachro konteineri2021 წლის I კვარტალში საქართველომ მსოფლიოს სხვადასხვა ქვეყნისგან 1.9 მლრდ დოლარის ღირებულების საქონელი შეიძინა. ამ პერიოდში იმპორტი, გასული წლის იანვარ-მარტის მაჩვენებლებთან შედარებით, 2.4%-ით შემცირდა.

საქსტატის მიერ დღეს გამოქვეყნებული საგარეო ვაჭრობის ანგარიშის მიხედვით, პირველ სამ თვეში საქართველოს სავაჭრო ბრუნვა 0.3%-ით შემცირდა და 2.7 მლრდ დოლარი შეადგინა, საიდანაც 70.4% იმპორტზე მოდის.

2021 წლის იანვარ-მარტში ათი უმსხვილესი საიმპორტო პარტნიორ ქვეყანას საქართველოს მთლიან იმპორტში 71.5% უკავია. პირველ სამეულში თურქეთი, რუსეთი და ჩინეთია, ხოლო იმპორტი აზერბაიჯანიდან, თურქეთიდან, უკრაინიდან და გერმანიიდანაა შემცირებული.

TOP-10 საიმპორტო ქვეყანა:

1. თურქეთი - 343.3 მლნ დოლარი, კლება - 1.9%;
2. რუსეთი - 220.3 მლნ დოლარი, ზრდა - 4.5%;
3. ჩინეთი - 182.7 მლნ დოლარი, ზრდა - 0.7%;
4. აზერბაიჯანი - 145.7 მლნ დოლარი, კლება - 11.4%;
5. აშშ - 129.5 მლნ დოლარი, ზრდა - 3%;
6. სომხეთი - 114.7 მლნ დოლარი, ზრდა - 31.8%;
7. გერმანია - 95.9 მლნ დოლარი, კლება - 4.4%;
8. უკრაინა - 72.9 მლნ დოლარი, კლება - 11.2%;
9. იტალია - 53.2 მლნ დოლარი, ზრდა - 18.2%;
10. საფრანგეთი - 37.1 მლნ დოლარი, ზრდა - 22.4%;

სხვა ქვეყნებიდან ამ პერიოდში იმპორტი ჯამურად 10.7%-ით შემცირდა და 556.7 მლნ დოლარი შეადგინა.

ამ პერიოდში ყველაზე დიდი მოცულობით მსუბუქი ავტომობილები, სპილენძის მადნები და კონცენტრატები და ნავთობი და ნავთობპროდუქტები შევიძინეთ. TOP-10 იმპორტირებული უმსხვილესი პროდუქტი კი ასე გამოიყურება:

1. მსუბუქი ავტომობილები - 168.5 მლნ დოლარი, კლება - 12.9%;
2. სპილენძის მადნები და კონცენტრატები - 145.8 მლნ დოლარი, ზრდა - 31.2%;
3. ნავთობი და ნავთობპროდუქტები - 141.9 მლნ დოლარი, კლება - 5.6%;
4. ნავთობის აირები და სხვა აირისებრი ნახშირწყალბადები - 129.6 მლნ დოლარი, ზრდა -11.2%;
5. სამკურნალო საშუალებები დაფასოებული - 70.7 მლნ დოლარი, კლება - 3.2%;
6. გადაადგილებისთვის, ამოთხრის ან გაბურღვის მანქანები და მექანიზმები - 41.2 მლნ დოლარი, ზრდა - 1 556.0%
7. სატელეფონო აპარატები - 39.5 მლნ დოლარი, კლება - 11.6%;
8. სატვირთო ავტომობილები - 39.5 მლნ დოლარი, ზრდა - 86.9 %;
9. ელექტროენერგია - 31.6 მლნ დოლარი, ზრდა 9.3%;
10. ხორბალი და მესლინი - 21.2 მლნ დოლარი, 11.9%;

სხვა დანარჩენი საქონლის იმპორტი 9.5%-ით 1.122 მლრდ დოლარამდე შემცირდა.

 

www.bm.ge

დაწერე კომენტარი (0 კომენტარი)
ეკონომიკა

 zetiსაქსტატის მონაცემებით, ზეთი და სხვა ცხიმები არის პროდუქტი, რომელიც უკანასკნელი პერიოდის განმავლობაში მნიშვნელოვნად გაძვირდა. თებერვლის ინფლაციის დეტალური ანგარიშის თანახმად, მცენარეული ზეთის ფასი წლიურ ჭრილში 62%-ით არის გაზრდილი. უკანასკნელი კვირების განმავლობაში არაერთ სავაჭრო პუნქტში ამ საქონლის ღირებულება კიდევ უფრო მეტად გაიზარდა, რასთან დაკავშირებითაც მომხმარებლები სოციალურ ქსელებში უკმაყოფილებას გამოთქვამენ. დღეს გამართულ ონლაინსესიაზე საქართველოს ეროვნული ბანკის პრეზიდენტმა კობა გვენეტაძემ განაცხადა, რომ მცენარეული ზეთის ფასის ზრდას იწვევს როგორც ლარის გაუფასურება, ასევე ამ სასაქონლო ჯგუფზე საერთაშორისო ფასების ზრდა.

"ამ დღეებში ძალიან აქტუალურია და სოციალურ ქსელშიც ბევრჯერ ვნახე, სურათის დაპოსტვა ხდება, სადაც მცენარეული ზეთის ფოტოებია, რომ ფასი მომატებულია მასზე და არის 8 ლარი. რა თქმა უნდა, ეს კარგი არაა და სხვადასხვა მიზეზითაა გამოწვეული. მისი მიზეზია ლარის გაუფასურება, ასევე მიზეზია ამ პროდუქტზე საერთაშორისო ფასების გაზრდაც, რაც პანდემიამ გამოიწვია“, - აღნიშნა კობა გვენეტაძემ.

საქსტატის თანახმად, წლიურ ჭრილში 18%-ით არის გაძვირებული მარგარინის ღირებულება, კარაქის საფასური კი წლიურად 11%-ით არის გაზრდილი. მთლიანობაში სურსათის ღირებულება წლიურ ჭრილში 6.2%-ით არის გაზრდილი.

 

www.bm.ge

დაწერე კომენტარი (0 კომენტარი)
ეკონომიკა

natiaturnavaეკონომიკის მინისტრის, ნათია თურნავას განცხადებით, მთავრობა ბიზნესისთვის წამახალისებელ გეგმაზე მუშაობს, რაც ბიზნესის წარმომადგენლების ვაქცინაციას შეეხება. ამასთან, ის ვერ აკონკრეტებს, როდის შეძლებენ ისინი აცრას.

რუსთავი 2-ზე "ღამის კურიერში" საუბრისას მინისტრმა თქვა, რომ მუშაობა მიმდინარეობს უსაფრთხო რესტორნის, უსაფრთხო ღამის კლუბის, უსაფრთხო სასტუმროს სტატუსებზე, რამაც მისივე მტკიცებით ადგილობრივები და ტურისტები უნდა მიიზიდოს.

"ბიზნესს ძალიან კარგად ესმის, რომ სულ რომ არ გავამკაცროთ რეგულაციები და ისედაც 2/3 მათი თანამშრომლების დაინფიცირდეს, უკვე შეუძლებელია, ბიზნესმა იმუშაოს. რა თქმა უნდა, ერთადერთი ხსნა არის ვაქცინაცია.

აქედან გამომდინარე, ჩვენ ამასაც ვიხილავთ და ვმუშაობთ, რომ უსაფრთხო რესტორნის, უსაფრთხო ღამის კლუბის, უსაფრთხო სასტუმოს სტატუსები იყოს, რომელიც იქნება იმავდროულად მიმზიდველი არამარტო ადგილობრივი მოსახლეობისთვის, არამედ ტურისტებისთვის.

თქვენ იცით, რომ ჩვენ მიუხედავად ყველა მოლოდონისა და რისკისა მაინც გადავწყვიტეთ, რომ გაგვეხსნა საერთაშორისო ფრენები, გაგვეხსნა ჩვენი ბაზარი საერთაშორისო ვაქცინირირებული ტურისტებისთვის, იმიტომ რომ ეს ჩვენთვის კრიტიკულად მნიშვნელოვანია," - განაცხადა ნათია თურნავამ.

დაწერე კომენტარი (0 კომენტარი)
ეკონომიკა

 msoflio bankiმსოფლიო ბანკის პროგნოზით, საქართველოს ეკონომიკის COVID-19-მდე არსებულ დონემდე აღდგენა 2022 წლის ბოლომდე ნაკლებად სავარაუდოა.

„მიმდინარე წელს ევროპისა და ცენტრალური აზიის რეგიონში მოსალოდნელია 3.6 პროცენტიანი ეკონომიკური ზრდა. აღმავალი ექსპორტი და სამრეწველო საქონლის ფასების სტაბილიზაცია ნაწილობრივ დააბალანსებს 2020 წლის ბოლოს პანდემიის მეორე ტალღით და ახალი შემთხვევების ბოლოდროინდელი მატებით გამოწვეულ ზემოქმედებას, - ნათქვამია მსოფლიო ბანკის მიერ დღეს გამოქვეყნებულ ევროპისა და ცენტრალური აზიის რეგიონის ეკონომიკურ ბიულეტენში.

როგორც ეკონომიკურ ბიულეტენშია აღნიშნული, გასულ წელს COVID-19-ით გამოწვეული 2 პროცენტიანი ეკონომიკური ვარდნის შემდგომ, 2021 წლის ზრდა კვლავაც შენელებულია. შარშანდელი ვარდნა მოსალოდნელზე მცირე აღმოჩნდა რეგიონის ორი უმსხვილესი ეკონომიკის გამო - თურქეთმა შედარებით სწრაფი აღდგენა შეძლო, ხოლო რუსეთმა შოკისადმი მდგრადობა გამოავლინა. ამასთან, აღმავალმა მრეწველობამ, ექსპორტზე მოთხოვნის მატებამ, მზარდმა სასაქონლო ფასებმა და ფისკალურმა და მონეტარულმა მხარდაჭერამ ხელი შეუწყო აღნიშნული შედეგის დადგომას.

„ამავე დროს, მძიმე დარტყმა მიადგა ისეთ ქვეყნებს, რომლებიც მეტწილად მომსახურებისა და ტურიზმის სფეროებზე არიან დამოკიდებულნი. სოციალური დისტანცირების აუცილებლობამ და მობილობის შეზღუდვამ განაპირობა ამ სფეროებში უარყოფითი ზემოქმედების შენარჩუნება.

2022 წლისთვის ევროპისა და ცენტრალური აზიის რეგიონის მოსალოდნელი ზრდის მაჩვენებელი 3.8 პროცენტამდე მოიმატებს, ვინაიდან პანდემიის ზემოქმედება თანდათანობით შესუსტდება, ხოლო ვაჭრობა და ინვესტიციები აღდგება. მიუხედავად ამისა, სამომავლო პერსპექტივა არასტაბილურია და ზრდის მაჩვენებელი შეიძლება გაუარესდეს, თუკი პანდემია მოსალოდნელზე დიდხანს გაგრძელდება, გაჭიანურდება ვაქცინაცია, გაუარესდება გარე დაფინანსების პირობები სხვადასხვა მიზეზების გამო, იქნება ეს გლობალური საპროცენტო განაკვეთების ზრდა, ინვესტორთა განწყობის გაუარესება, თუ გეოპოლიტიკური დაძაბულობა.

ევროპისა და ცენტრალური აზიის ქვერეგიონებს შორის სამხრეთ კავკასიამ 2020 წელს ერთ-ერთი უმწვავესი ეკონომიკური კოლაფსი განიცადა, რაც კონფლიქტმა და COVID-19-ის შემთხვევებისა და სიკვდილობის მაღალმა მაჩვენებლებმა განაპირობა. ამას 2021 წელს ეკონომიკური ზრდის 3.1 პროცენტამდე, ხოლო 2022 წელს 4.2 პროცენტამდე მატება მოჰყვება, პროგნოზის მიხედვით.

COVID-19-ის პანდემიამ საქართველოს მძიმე დარტყმა მიაყენა. მობილობის შეზღუდვამ, საერთაშორისო ტურისტების ჩამოსვლის მოულოდნელმა შეჩერებამ და სუსტმა საგარეო მოთხოვნამ 2020 წელს 6.2 პროცენტიანი ეკონომიკური ვარდნა გამოიწვია. სიღარიბის მაჩვენებელი დაახლოებით 5.4 პროცენტული ერთეულით გაიზარდა. სამუშაო ადგილებისა და შემოსავლის დაკარგვა განსაკუთრებით მწვავე პრობლემა აღმოჩნდა. ფისკალურმა დეფიციტმა და სახელმწიფო ვალმა დადგენილ ზღვარს გადააჭარბა, ფისკალურ და საგარეო სავაჭრო ბალანსზე კრიზისის ზეწოლის პირობებში. პროგნოზის მიხედვით, საქართველოს ეკონომიკა 2021 წელს 4 პროცენტით, ხოლო 2022 წელს 5 პროცენტით გაიზრდება. ეკონომიკის გაუმჯობესების მიუხედავად, მთლიანი გამოშვება COVID-19-მდე არსებულ დონემდე 2022 წლის ბოლომდე ვერ აღდგება, რასაც დიდწილად განაპირობებს საერთაშორისო ტურიზმის პერსპექტივებზე არადამაიმედებელი პროგნოზები. ეკონომიკის აღდგენა მნიშვნელოვნად დამოკიდებული იქნება რისკებზე, მათ შორისაა - გაჭიანურებული ვაქცინაცია, დამატებითი შეზღუდვები, გლობალური ფინანსური პირობების გამკაცრება და გახანგრძლივებული პოლიტიკური დაძაბულობა“,-აღნიშნულია გავრცელებულ ინფორმაციაში.

დაწერე კომენტარი (0 კომენტარი)
მოიწონეთ გვერდი

Search