კვირა, დეკემბერი 15, 2019
Follow Us

ჯანმრთელობა

ჯანმრთელობა
შეიძლება თუ არა ორსულობის დროს მოგზაურობა
მომავალი დედიკოსთვის აუცილებელია დადებითი ემოციები, რომლის მიღების საუკეთესო საშუალება გარემოს შეცვლაა. თუმცა ორსულობის გარკვეულ ვადაზე მგზავრობა არც თუ ისე უსაფრთხოა. ორსულობისას, გამგზავრების წინ საჭიროა სრული გამოკვლევა - გართულებისა და უკუჩვენების გამოსარიცხად. თუ ორსულობა უპრობლემოდ მიმდინარეობს, მეორე ტრიმესტრში სჯობს დასასვენებლად წასვლა.

14-დან 23 კვირამდე ორსულობა, მედიკოსების პრაქტიკიდან გამომდინარე, ითვლება ყველაზე „მშვიდ“ და შედარებით უსაფრთხო პერიოდად ავიაფრენებისა და ნებისმიერი მოგზაურობისთვის. უფრო ადრეულ ვადებზე ხანგრძლივი გამგზავრება არაა რეკომენდებული. ამ დროს ქალს აწუხებს გულისრევისა და ღებინების შეტევები, მომატებული დაღლილობა და თავის ტკივილები. ორსულობის პირველ ტრიმესტრში განსაკუთრებით
 
 აქტიურად მიმდინარეობს ნაყოფის ყველა ორგანოსა და სისტემის ჩამოყალიბება, ამიტომ მომავალი დედა თავს უნდა მოუფრთხილდეს.

გარდა ამისა, 11-დან 14 კვირამდე ყველა ორსულმა უნდა გაიაროს პირველი სკრინინგი, რომელიც აუცილებელია ნაყოფის განვითარების შესაფასებლად, სხვადასხვა პათოლოგიის (ნაყოფის ნერვული მილის დეფექტი, დაუნის, პატაუს სინდრომი) ადრეული დიაგნოსტიკისათვის და ზოგადად ორსულობის მიმდინარეობის  შესაფასებლად. იგივე ეხება მეორე სკრინინგსაც რომელიც უნდა ჩატარდეს ორსულობის 18-დან 21 კვირამდე.

ხანგრძლივი მოგზაურობა, ავიაფრენა, კლიმატური და საათის სარტყელის ცვლილება არასასურველია ორსულობის გვიან ვადებზე. მრავალნაყოფიანი ორსულობა, დამძიმებული ანამნეზის (შეწყვეტილი ორსულობა, ნაადრევი მშობიარობა, სერიოზული გინეკოლოგიური დაავადებები), აუტოიმუნური და სომატური დაავადებების მქონე ორსულებისთვის 28 კვირიდან ორსულობის ბოლომდე გამგზავრება არაა მიზანშეწონილი.

მშვიდი და გაურთულებელი ორსულობისას დასასვენებლად წასვლა 31 კვირაზე გვიან, მომატებული რისკის გამო არაა სასურველი.

როდის უნდა გადავდოთ მოგზაურობა:

1. მუცლის არეში ტკივილის შემთხვევაში - მუცლის ქვედა ნაწილში მუდმივი ან მოვლითი ტკივილები პირველ ტრიმესტრში ან მუდმივი ტკივილი მეორე და მესამე ტრიმესტრში, მუცლის დაჭიმულოება.

2. გამონადენი - სისხლიანი გამონადენი ორსულობის ნებისმიერ ვადაზე, წყლიანი გამონადენი ორსულობის მეორე და მესამე ტრიმესტრებში.

თავის მკვეთრი ტკივილი, ყურებში შუილი. ეს შეიძლება იყოს სერიოზული, დედისა და ნაყოფის სიცოცხლისათვის საშიში გართულების ორსულების ჰესტოზის ან პრეეკლამპსიის ნიშნები.

4. ღებინება, ასევე ქრონიკული დაავადების ნებისმიერი გამწვავება, რომელიც სამედიციონო კონტროლს საჭიროებს.

წყარო: mkurnali,ge ავტორი: ლალი ჩხიკვაძე
დაწერე კომენტარი (0 კომენტარი)
ჯანმრთელობა
5 მითი შილაკის შესახებ
Shellac – ბაზარზე გამოსული პირველი გელ-მანიკურის სახელწოდებაა. თუმცა ძალიან სწრაფად ბრენდის სახელი გახდა საზოგადო და ბევრი შილაკს სხვა ფირმის გელ-ლაქსაც უწოდებს. დღეს გელ-ლაქის მანიკურის საშუალებებს ათეულობით ფირმა უშვებს, რომლებიც ერთმანეთისგან ხარისხითა და ფასით განსხვავდება. არსებობენ ადამიანები, ვინც გელ-ლაქს საშიშად მიიჩნევენ და ისეთებიც, ვინც მის უსაფრთხოებაშია დარწმუნებული.

მითი 1 - გელ-ლაქი შეიცავს საშიშ ნივთიერებებს

სინამდვილეში თავისი შემადგენლობით გელ-ლაქი ფრჩხილის ჩვეულებრივ ლაქზე უსაფრთხოა. ის არ შეიცავს ფორმალდეჰიდს, ტოლუოლს და სხვა ტოქსიკურ ინგრედიენტებს. გელ-ლაქს პრაქტიკულად არ აქვს სუნი, ვერ აღწევს ფრჩხილის ფირფიტის სტრუქტურაში და
 
 
 
მისი გამოყენება ორსულობის დროსაც კი შეიძლება.

მითი 2 - გელ-ლაქი აფუჭებს ფრჩხილებს

წასმის და მოშორების ტექნოლოგიის დაცვისას გელ-ლაქი არა თუ აუარესებს, არამედ ამაგრებს ფრჩხილის ფირფიტას, იცავს მას მავნე მექანიკური ზემოქმედებისაგან. გელ-ლაქის წყალობით სუსტი ფრჩხილების მქონე გოგოებსაც შეუძლიათ გრძელი ფრჩხილების ტარება. ფრჩხილის ძირითადი დაზიანება ხდება გელ-ლაქის არაწესისამებრ მოშორების ან წასმისას გადაჭარბებული გაქლიბვისას.

მითი 3 - გელ-ლაქის გასაშრობად საჭიროა ულტრაიისფერი ლამფა, რომლის გამოსხივება კანისთვის მავნებელია.

მეცნიერებმა დაამტკიცეს, რომ ულტრაიისფერ გამოსხივებას ორგანიზმისთვის დამღუპველი ზემოქმედება ახასიათებს. თუმცა დღეისათვის არსებობს არა მარტო ულტრაიისფერი, არამედ სრულიად უსაფრთხო LED-ლამფები. ულტრაიისფერი ლამფით სარგებლობისას ჩაიცვით ბამბის ხელთათმანები, რომელშიც გახსნილი იქნება მხოლოდ თითების ბოლოები ან წაისვით ხელზე მზისგან დამცავი კრემი.

მითი 4 - გელ-ლაქის გაშრობისას შეიძლება განვითარდეს წვა, რაც გელ-ლაქით მანიკურის საშიშროებაზე მეტყველებს.

გელ-ლაქის გაშრობისას წვის შეგრძნება საკმაოდ გავრცელებული მოვლენაა. მაგრამ ის არაა გამოწვეული გელ-ლაქსა და ფრჩხილის ფირფიტას შორის რამე საშიში რეაქციით. გელ-ლაქი გაცხელებას იწყებს ულტრაიისფერი ან LED გამოსხივებით მათ შემადგენლობაში სპეციალური ფოტოინიციატორების არსებობის შედეგად. მათი აქტიურობისას, ფოტოინიციატორები პროვოცირებს ლაქის საფარველში სტრუქუტრულ ცვლილებებს, რის შედეგადაც ის იღებს შესაბამის, ცნობილ სიმყარეს. წვის სიმძაფრე დამოკიდებულია შემადგენლობაში ფოტოინიციატორების რაოდენობაზე, წასმული ფენის სისქეზე, ტკივილის ინდივიდუალურ ზღვარზე და ქალის ციკლზეც კი. წვის შეგრძნების შემცირების ერთადერთი საშუალებაა რამოდნიმე წამით გამოვიღოთ ხელი ლამფიდან და შემდეგ ისევ დავაბრუნოთ უკან.

მითი 5 - გელ-ლაქის მოშორება საშიშია აცეტონის შემცველი სითხის გამოყენების გამო

აცეტონმა მართლაც შეიძლება გამოიწვიოს ფრჩხილის ფირფიტის სიმშრალის პროვოცირება და კანის გაღიზიანება. თუმცა გელ-ლაქის მოსაშორებლად აცეტონი სუფთა სახით არ გამოიყენება. გელ-ლაქის მოსაშორებელი სითხეები შეიცავს მოვლის კომპონენტებს, რომლებიც აქვეითებს ან საერთოდ აქრობს აცეტონთან კონტაქტის უარყოფით შედეგებს. გელ-ლაქის მოშორებისას, კანის დასაცავად, ფოლგით შეხვევამდე წასივით დამატენიანებელი ზეთი.

ამგვარად, ნიუანსების ცოდნით, გელ-ლაქის წასმისა და მოშორების ტექნიკის წესების დაცვით, გელ-ლაქი სრულიად უვნებლად შეიძლება ჩაითვალოს. თუმცა პერიოდული დეტოქსი ფრჩხილებს არ აწყენს.

ლალი ჩხიკვაძე   წყარო: mkurnali.ge
დაწერე კომენტარი (0 კომენტარი)
ჯანმრთელობა

healthy mealმიუხედავად იმისა, რომ ზოგიერთი საკვები ჯანსაღად გამოიყურება, ისინი იმაზე მეტად კალორიულები არიან, ვიდრე სასურველია ჩვენი ფიგურისთვის.

  • არსებობს გარკვეული სახის საკვები, რომელსაც ფართოდ ვიყენებთ დიეტების დროს. ყველა ვცდილობთ რაციონში ისეთი პროდუქტები ჩავრთოთ, რომელიც მდიდარია ორგანიზმისთვის საჭირო ნივთიერებებით. ქვემოთ ჩამოთვლილია იმ ინგრედიენტების ნუსხა, რომლის დიდი რაოდენობით ჭამა არ არის რეკომედებული.


-საკვები პროდუქტები ნაკლები ცხიმის და შაქრის შემცველობით. გაფრთხილდით, რადგან შეიძლება ასეთ პროდუქტებს ენერგეტიკული ღირებულება მაღალი არ ჰქონდეს, მაგრამ შაქარს დაშვებულ ნორმაზე მეტი რაოდენობით შეიცავდეს. გარდა ამისა, ჩვენ ვფიქრობთ, რომ საკვები, რომელიც ,,არ ასუქებს“, შეგვიძლია შეუზღუდავი რაოდებომით მივიღოთ, არც ესაა მართებული და კიდევ უფრო საშიშია ჯანმრთელობისთვის. ზომიერება ყველაფერში დასაცავია.

 


-ბოსტნეული, რომლითაც წავიხემსებთ. როცა მოგვშივდება, ბოსტნეულს ისე ვჭამთ, როგორც ჩიპსებს. აქაც საჭიროა ზომიერების დაცვა, რადგან ზოგიერთი სახეობა შეიცავს მარილებს, ამით კუჭს ძალიან ვტვირთავთ, რაც თავისთავად არაა სასარგებლოა ორგანიზმისთვის. ბოსტნეულისა და ხილის ძალიან დიდხანს თერმულად დამუშავებაც არაა კარგი, რადგან ასეთ დროს მასში შემავალი ბევრი ვიტამინი იკარგება.

-ავოკადო და სხვა ხილი. არსებობს გარკვეული ხილის სახეობა, რომელიც შეიცავს ბევრ ნახშირწყლებს: ბანანი, ყურძენი, ლეღვი, ავოკადო. მიუხედავად იმისა, რომ ისინი გაჯერებულია ცხიმებით, რომელიც გულ-სისხლძარღვთა სისტემისთვის არის საჭირო, აქვს მაღალი კალორიულობა და არ არის რეკომენდირებული გასახდომად. ხილი ფრუქტოზას შეიცავს, რა თქმა უნდა მისი მირთმევა ბევრად სასარგებლოა, ვიდრე რაფინირებული შაქარი. ხილის მირთმევის შემდეგ, უფრო ვგრძნობთ შიმშილს, რადგან ის სისხლში გლუკოზის დონის ცვალებადობას იწვევს.


-ფორთოხლის წვენი. ერთი ჭიქა ნატურალური წვენის დასამზადებლად გამოიყენება 4 ცალი ფორთოხალი. ანუ ჩვენ გვაქვს კალორია 4 ფორთოხლისა 200 მლ. ჭიქაში. თუკი ერთ მთლიან ფორთოხალს ისე მივირთმევთ, უფრო დაგვაკმაყოფილებს და კალორიაც ბევრად ნაკლები ექნება. საქმე იმაშია, რომ ხილი ცოცხალი სახით შაქართან ერთად შეიცავს უჯრედისს, რომლის გადამუშავებაზე ორგანიზმი ხარჯავს ენერგიას და სისხლში შაქრის დონეც მკვეთრად არ იმატებს.

-ზეითუნის ზეთი. რადგან მას უმი სახით მივირთმევთ, მაინც ცხიმიანია და კილოგრამების მომატებას იწვევს. იგივე ეხემა მარგარინს, თუნდაც მცენარეული იყოს. ზეთის მიღება ყოველთვის სასურველია მცირე რაოდენობით. სალათებს ძალიან უხდება, თუმცა არა ყოველდღიურ რაციონში.

ბურღულეული. მიუხედავად იმისა, რომ ისინი იყიდება როგორც ჯანსაღი პროდუქტი, როგორც წესი მაღალი დონით ნახშირწყლებსა და ცხიმებს შეიცავენ. პაკეტებში დაფასოებული ფაფების მარცვლები გასუფთავებულია გარსისგან, შესაბამისად მოკლებულია უჯრედისს. გადამუშავების შემდეგ ბურღულეულს უმატებენ შაქარს, რძეს, საღებავებს, არომატიზატორებს. მათ მაღალი გლიკემიური ინდექსი აქვთ, ამიტომ მალევე ჩნდება შიმშილის გრძნობა.

ამრიგად, საკვების სწორად შერჩევისას ძირითადად კალორიებს ნუ დავითვლით, რადგან არსებობს სხვა არანაკლებ მნიშვნელოვანი კრიტერიუმები.

გვანცა ახვერდაშვილი. წყარო: marao.ge

დაწერე კომენტარი (0 კომენტარი)
ჯანმრთელობა

78fed3746066e22cb0ab7c0842d5f22eალკოჰოლის ჭარბი მიღება ჯანმრთელობისთვის საზიანოა, ზომიერმა მოხმარებამ კი საგრძნობი სარგებელი შეიძლება მოუტანოს ადამიანს. ალკოჰოლთან დაკავშირებით პრობლემურია ზომიერების მცნება. აზრთა სხვადასხვაობას კლინიკა მეიოს ექიმებმა დაუსვეს წერტილი და შემოგვთავაზეს კონკრეტული დოზირება. 65 წელზე მეტი ასაკის ჯანმრთელი მამაკაცებისა და ქალებისათვის ნორმად ითვლება დღეში ერთი, 65 წლამდე მამაკაცებისათვის დღეში 2 ულუფა ალკოჰოლი.

სასმელის 1 ულუფა გულისხმობს:

· ლუდი — 355 მლ

· ღვინო — 148 მლ

· დისტილირებული ალკოჰოლური სასმელები (ვისკი, არაყი, ბრენდი, ჯინი, ლიქიორი და ა.შ.)- 44 მლ.

ლოთობა უკვე იწყება დღეში სამი ულუფის მოხმარებისას.


გული

ექსპერტები დარწმუნებულები არიან, რომ წითელი ღვინო გულისთვის საუკეთესო სასმელია მასში დიდი რაოდენობით ანტიოქსიდანტ რესვერატროლის შემცველობის გამო. მედიკოსები აღნიშნავენ, რომ გულსისხლძართვთა სისტემის დაავადებების გამო სიკვდილიანობის დაბალი მაჩვენებელი იმ ქვეყნებში აღინიშნება, სადაც კვების კულტურა გულისხმობს წითელი ღვინის აუცილებელ მოხმარებას. ესენია: საფრანგეთი, კავკასიის, ბალკანეთის ქვეყნები. აღნიშნული 

ტენდენციაც სწორედ რესვერატროლს უკავშირდება. კვლევებით გამოირკვა, რომ ალკოჰოლის ზომიერი რაოდენობა ზრდის მაღალი სიმკვრივის ან კარგი ქოლესტერინის იმ კომპონენტების დონეს, რომელზედაც დამოკიდებულია გულის კუნთის შრომის უნარი. ასევე დაფიქსირდა სისხლის შედედებაზე დადებითი ზემოქმედება. ღვინო შეიძლება ბუნებრივ ანტიკოაგულანტად და თრომბის პროფილაქტიკურ საშუალებად მივიჩნიოთ.

გაციება

ამერიკელი და ესპანელი მეცნიერების ერთობლივმა კვლევამ მოულოდნელი შედეგები აჩვენა. გაციების რისკი წითელი ღვინის მოყვარულებში 60%-ით და თეთრი ღვინის რეგულარულ მომხმარებლებში 88%-ით დაბალი იყო. მეცნიერებს თუ დავუჯერებთ ის მასტიმულირებელ მოქმედებას ახდენს ორგანიზმის თავდაცვის ძალებზე. თუმცა ჩვენი მედიცინა აღნიშნულ მოსაზრებას არ იზიარებს.

ოსტეოპოროზი

ჩონჩხი ყოველწლიურად 10%-ით განიცდის განახლებას. ეს არის ძვლის ქსოვილის დაშლასა და მის რეგენერაციას შორის ბალანსი. ამერიკელმა მეცნიერებმა ორი კვირის განმავლობაში გამოიკვლიეს კლიმაქტერულ პერიოდში მყოფი ქალები. ამ პერიოდის მანძილზე ქალებს არ უნდა მიეღოთ ალკოჰოლური სასმელი, რის შემდეგადაც დეტალურად შეისწავლეს ძვლის ქსოვილის სიმკვრივე.

აღმოჩნდა, რომ ამ 2 კვირის განმავლობაში რეგენერაციის პროცესი შეფერხდა, მაგრამ მას შემდეგ, რაც ალკოჰოლის აკრძალვა მოიხსნა, მაჩვენებელი დაუბრუნდა საწყის დონეს 24 საათის განმავლობაში. მიუხედავად ამისა, ექიმები გვაფრთხილებენ, რომ ოსტეოპოროზის ალკოჰოლით პროფილაქტიკა პრობლემის საუკეთესო გადაწყვეტა არ არის.

თირკმელები

როგორც აღმოჩნდა, ლუდი და ღვინო აქვეითებს თირკმელებში კენჭის წარმოქმნის ალბათონას 30%-ით.

მეხსიერება

ალკოჰოლი დადებითად მოქმედებს თავის ტვინის სისხძარღვებზე და ფუნქციონირებაზე. ერთი-ორი ბოკალი წითელი ღვინის ყოველდღიური მოხმარებით მნიშვნელოვნად მცირდება ალცჰაიმერის დაავადების, დემენციისა და ინტელექტის სხვა დარღვევების რისკი. მცირე დოზით ალკოჰოლი ტვინის უჯრედებს უფრო მდგრადს ხდის და ინარჩუნებს მაღალ ნერვულ მოქმედებას სათანადო დონეზე.

პროსტატის კიბო

წითელი ღვინო 6%-ით ამცირებს წინამდებარე ჯირკვლის კიბოს რისკს. ღვინოში არსებული რესვერატროლი ანელებს პროსტატის კიბოს უჯრედების ზრდას.

ლალი ჩხიკვაძე. წყარო: mkurnali.ge

დაწერე კომენტარი (0 კომენტარი)
ჯანმრთელობა

healthy mealმიუხედავად იმისა, რომ ზოგიერთი საკვები ჯანსაღად გამოიყურება, ისინი იმაზე მეტად კალორიულები არიან, ვიდრე სასურველია ჩვენი ფიგურისთვის.

  • არსებობს გარკვეული სახის საკვები, რომელსაც ფართოდ ვიყენებთ დიეტების დროს. ყველა ვცდილობთ რაციონში ისეთი პროდუქტები ჩავრთოთ, რომელიც მდიდარია ორგანიზმისთვის საჭირო ნივთიერებებით. ქვემოთ ჩამოთვლილია იმ ინგრედიენტების ნუსხა, რომლის დიდი რაოდენობით ჭამა არ არის რეკომედებული.


-საკვები პროდუქტები ნაკლები ცხიმის და შაქრის შემცველობით. გაფრთხილდით, რადგან შეიძლება ასეთ პროდუქტებს ენერგეტიკული ღირებულება მაღალი არ ჰქონდეს, მაგრამ შაქარს დაშვებულ ნორმაზე მეტი რაოდენობით შეიცავდეს. გარდა ამისა, ჩვენ ვფიქრობთ, რომ საკვები, რომელიც ,,არ ასუქებს“, შეგვიძლია შეუზღუდავი რაოდებომით მივიღოთ, არც ესაა მართებული და კიდევ უფრო საშიშია ჯანმრთელობისთვის. ზომიერება ყველაფერში დასაცავია.

 


-ბოსტნეული, რომლითაც წავიხემსებთ. როცა მოგვშივდება, ბოსტნეულს ისე ვჭამთ, როგორც ჩიპსებს. აქაც საჭიროა ზომიერების დაცვა, რადგან ზოგიერთი სახეობა შეიცავს მარილებს, ამით კუჭს ძალიან ვტვირთავთ, რაც თავისთავად არაა სასარგებლოა ორგანიზმისთვის. ბოსტნეულისა და ხილის ძალიან დიდხანს თერმულად დამუშავებაც არაა კარგი, რადგან ასეთ დროს მასში შემავალი ბევრი ვიტამინი იკარგება.

-ავოკადო და სხვა ხილი. არსებობს გარკვეული ხილის სახეობა, რომელიც შეიცავს ბევრ ნახშირწყლებს: ბანანი, ყურძენი, ლეღვი, ავოკადო. მიუხედავად იმისა, რომ ისინი გაჯერებულია ცხიმებით, რომელიც გულ-სისხლძარღვთა სისტემისთვის არის საჭირო, აქვს მაღალი კალორიულობა და არ არის რეკომენდირებული გასახდომად. ხილი ფრუქტოზას შეიცავს, რა თქმა უნდა მისი მირთმევა ბევრად სასარგებლოა, ვიდრე რაფინირებული შაქარი. ხილის მირთმევის შემდეგ, უფრო ვგრძნობთ შიმშილს, რადგან ის სისხლში გლუკოზის დონის ცვალებადობას იწვევს.


-ფორთოხლის წვენი. ერთი ჭიქა ნატურალური წვენის დასამზადებლად გამოიყენება 4 ცალი ფორთოხალი. ანუ ჩვენ გვაქვს კალორია 4 ფორთოხლისა 200 მლ. ჭიქაში. თუკი ერთ მთლიან ფორთოხალს ისე მივირთმევთ, უფრო დაგვაკმაყოფილებს და კალორიაც ბევრად ნაკლები ექნება. საქმე იმაშია, რომ ხილი ცოცხალი სახით შაქართან ერთად შეიცავს უჯრედისს, რომლის გადამუშავებაზე ორგანიზმი ხარჯავს ენერგიას და სისხლში შაქრის დონეც მკვეთრად არ იმატებს.

-ზეითუნის ზეთი. რადგან მას უმი სახით მივირთმევთ, მაინც ცხიმიანია და კილოგრამების მომატებას იწვევს. იგივე ეხემა მარგარინს, თუნდაც მცენარეული იყოს. ზეთის მიღება ყოველთვის სასურველია მცირე რაოდენობით. სალათებს ძალიან უხდება, თუმცა არა ყოველდღიურ რაციონში.

ბურღულეული. მიუხედავად იმისა, რომ ისინი იყიდება როგორც ჯანსაღი პროდუქტი, როგორც წესი მაღალი დონით ნახშირწყლებსა და ცხიმებს შეიცავენ. პაკეტებში დაფასოებული ფაფების მარცვლები გასუფთავებულია გარსისგან, შესაბამისად მოკლებულია უჯრედისს. გადამუშავების შემდეგ ბურღულეულს უმატებენ შაქარს, რძეს, საღებავებს, არომატიზატორებს. მათ მაღალი გლიკემიური ინდექსი აქვთ, ამიტომ მალევე ჩნდება შიმშილის გრძნობა.

ამრიგად, საკვების სწორად შერჩევისას ძირითადად კალორიებს ნუ დავითვლით, რადგან არსებობს სხვა არანაკლებ მნიშვნელოვანი კრიტერიუმები.

გვანცა ახვერდაშვილი. წყარო: marao.ge

დაწერე კომენტარი (0 კომენტარი)
მოიწონეთ გვერდი

Search