შაბათი, ივნისი 06, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

ჯანმრთელობა

ჯანმრთელობა

cercvadzeჩინეთის ქალაქ უხანიდან ჩამოსული ახალგაზრდა ქალბატონის ვირუსული გამოკვლევის შედეგები ხვალ გვეცოდინება, - ამის შესახებ ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის გენერალურმა დირექტორმა, თენგიზ ცერცვაძემ „პალიტრანიუსის“ გადაცემაში „360 გრადუსი“ განაცხადა.

მისი თქმით, რენდგენოლოგიური გამოკვლევების მიხედვით, ინფექციურ საავადმყოფოში მოთავსებული 4 ჩინელიდან არც ერთს არ აღმოაჩნდა ფილტვების ანთება, რაც მართალია იმის 100 პროცენტიან გარანტიას არ იძლევა, რომ მათ არ აქვთ კორონავირუსით გამოწვეული ინფექცია, თუმცა მნიშვნელოვნად ამცირებს აღნიშნულის ალბათობას, ვინაიდან, ექიმის თქმით, პნევმონია ამ ინფექციის მთავარი ნიშანია.

„ნამდვილად არის ახალგაზრდა ქალბატონი, რომელიც ჩამოვიდა უხანიდან, მეორე არის ახალგაზრდა, 24 წლის მამაკაცი, რომელიც ასევე ჩამოვიდა ჩინეთიდან, მაგრამ არა უხანიდან. ჩვენთან ამჟამად იმყოფება ახალგაზრდა ქალბატონი უხანიდან, ახალგაზრდა ვაჟი ჩინეთიდან და ორი ჩინელი ბავშვი - ტყუპი დები. მათ ჩაუტარდათ ყველა ის გამოკვლევა, რაც სტანდარტით გათვალისწინებულია შემჭიდროებულ, უმოკლეს ვადაში და გვაქვს ასეთი შედგები - რენდგენოლოგიური გამოკვლევით, არცერთ მათგანს არ დაუდასტურდა პნევმონია, ანუ ფილტვების ანთება, რაც ძალიან მნიშვნელოვანია. ეს არ არის 100 პროცენტიანი გარანტია, რომ მათ არ აქვთ კორონავირუსით გამოწვეული ინფექცია, მაგრამ მნიშვნელოვანწილად ამცირებს ალბათობას, რადგან პნევმონია არის მთავარი ნიშანი ამ ინფექციის. ჩატარებული ვირუსოლოგიური გამოკვლევით, ორ მათგანს, ბავშვებს აღმოაჩნდათ „ა“ ტიპის გრიპი. დიდი ალბათობით, მათ კორონავირუსით გამოწვეული ინფექცია არ აქვთ, თუმცა ჯერ რჩებიან სტაციონარში, დაკვირვების ქვეშ და საბოლოო გადაწყვეტილებას მივიღებთ უახლოეს დღეებში. რაც შეეხება იმ ქალბატონს, რომელიც უხანიდან, უშუალოდ ამ ინფექციის კერიდან ჩამოვიდა, მას რენდგენოლოგიურად პნევმონია არ აქვს, ვირუსული გამოკვლევების შედეგები კი, ვინაიდან ის გვიან საღამოს მოვიდა, ჯერ არ ვიცით, ის 12-24 საათის შემდეგ, ანუ ხვალ გვეცოდინება“, - განაცხადა თენგიზ ცერცვაძემ.

 

www.interpressnews.ge

დაწერე კომენტარი (0 კომენტარი)
ჯანმრთელობა

11amiran gamyrelidzeმივმართავ მოსახლეობას, ნუ მივეცემით პანიკას, არაფერი განსაკუთრებული საქართველოში არ ხდება, - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ პრესკონფერენციაზე განაცხადა.

მისი თქმით, კორონავირუსი ქვეყანაში არ ფიქსირდება და თუ დაფიქსირდა, ქვეყანა ამასთან საბრძოლველად მზად არის.

„მინდა, მივმართო საქართველოს მოსახლეობას, ნუ მივეცემით პანიკას, ნუ მივეცემით აჟიოტაჟს, არაფერი განსაკუთრებული საქართველოში არ ხდება. თუ გაჩნდა ამ ტიპის დაავადება, მასზე იქნება დაუყოვნებლივი პასუხი და რეაქცია. საავადმყოფოები ამისთვის მზადყოფნაში არიან, ყველანაირი მედიკამენტური საშუალება არსებობს, რომ ამ ტიპის ადამიანებს სამედიცინო დახმარება გაეწიოთ, ეპიდემიოლოგიური და პრევენციური სამსახური მზად არის, მიმდინარეობს მუდმივ რეჟიმში მონიტორინგი საზღვრების ქვეყანაში, რომ თავიდან ავიცილოთ ინფექციის იმპორტი და თუ ასეთი დაფიქსირდა, შესაბამისი ღონისძიებები დაუყოვნებლივ გატარდება, ამისთვის მზადყოფნა აქვთ ჯანდაცვის სამსახურს, გადაუდებელი სამედიცინო დახმარების სამსახურს და მობილიზებულია ქვეყანში ყველა სექტორი“, - განაცხადა გამყრელიძემ.

დაწერე კომენტარი (0 კომენტარი)
ჯანმრთელობა

101 koronavirusiოზურგეთის მუნიციპალიტეტში მცხოვრები ჩინეთის მოქალაქეები კორონავირუსზე ოზურგეთელმა ეპიდემიოლეგებმა გუშინ შეამოწმეს. აღსანისნავია, რომ მათ არათუ ვირუსის მაგვარი სიმპტომები , მსუბუქი გაციების ნიშნებიც კი არ აღმოაჩნდათ. საზოგადოებრივი ჯანდაცვის ცენტრის ინფორმაციით ოზურგეთის ტერიტორიაზე ერთი ჩინური ოჯახი ცხოვრობს, რომელიც ქალაქის ტერიტორიაზე სავაჭრო საქმიანობას ეწვა. აღნიშნული ოჯახი , უკვე თვეებია მუნიციპალიტეტის ფარგლებს გარეთ არ გასულა, არათუ საზღვრებს იქეთ ჩინეთში. ოზურგეთში მცხოვრებ, ეროვნებით ჩინელ მოქალაქეებს ეპიდემიოლოგებმა საინფორმაციო მასალები, თვალსაჩინოებები გადასცეს და ვირუსის შესახებ მიაწოდეს ინფორმაცია.

დაწერე კომენტარი (6 კომენტარი)
ჯანმრთელობა

virusianebiინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის გენერალური დირექტორის თენგიზ ცერცვაძის განცხადებით, წინასწარი მონაცემებით, სავარაუდოა, რომ ჩინეთიდან ჩამოსულ ბავშვებს, რომლებიც გუდაურიდან თბილისში გადმოიყვანეს, კორონავირუსი არ ექნებათ.

მისი ინფორმაციით, ინფექციურ საავადმყოფოს ასევე ერთმა ქართველმა მამაკაცმა მიმართა, რომელსაც მაღალი ტემპერატურა აღენიშნება და ის ბოქსირებულ განყოფილებაში მოათავსეს.

„დღეს იყო ორი ასეთი შემთხვვა. ერთი - მოგვმართა 24 წლის ახალგაზრდა მამაკაცმა, ქართველმა, რომელიც მუშაობს ჩინეთში, ჩამოვიდა ჩინეთიდან აზერბაიჯანის გავლით. მან მოგვმართა ტემპერატურის მომატებით, ის თავის ფეხით მოვიდა და ახლა მოთავსებულია ბოქსირებულ განყოფილებაში, რაც შეეხება გუდაურიდან გადმოყვანილ ცხრა ჩინელ პირს, მოიყვანეს უკვე ახლა, ისინი ასევე აზერბაიჯანის გავლით შემოვიდნენ, რამდენადაც ვიცი, 21 იანვარს გამოფრინდნენ იქიდან.

მათგან ორს - ბავშვებს, ტყუპებს, როგორც გვითხრეს, 6 თუ 7 წლის ბავშვებს აღენიშნებათ ტემპერატურის მომატება, შესაბამისად, არსებული რეკომენდაციების მიხედვით ვინაიდან, აღენიშნებათ ტემპერატურის მომატება და არიან ჩინეთიდან, ეს ბაშვები მიჩნეული არიან შესაძლო შემთხვევად კორონავირუსით ინფექციის და ისინი მოთავსებული იქნებიან ბოქსირებულ განყოფილებაში. ჩაუტარდებათ ყველა სათანადო გამოკვლევა. ჩვენ ამისთვის მზად ვართ და გვაქვს მრავალი ათეული წლის გამოცდილება და თუ გამოირიცხა კორონავირუსით ინფექცია, მათ ჩაუტარდებათ მენეჯმენტი, როგორც ჩვეულებრივ მძიმე მწვავე რესპირატორული ინფექციის პაციენტებს და გამოჯანმრთელების შედეგ გაწერილი იქნებიან კლინიკიდან, ხოლო თუ დადასტურდა ინფექცია, რისი ალბათობა ნაკლებია, წინასწარი მონაცემებით, ვფიქრობთ რომ ამ ბავშვებს ეს არ ექნებათ, მაშინ ჩაიტარებენ მკურნალობის სრულ კურსს“,- განაცხადა ცერცვაძემ.

 

www.interpressnews.ge

დაწერე კომენტარი (0 კომენტარი)
ჯანმრთელობა

klinikaგუდაურიდან თბილისში ვირუსის სიმპტომებით ჩინეთის 9 მოქალაქე გადმოჰყავთ, მათ შორის 2 ბავშვია. 9-ვე მათგანს ინფექციურ საავადმყოფოში, ბოქსირებულ განყოფილებაში მოათავსებენ.

ჩინეთის რამდენიმე მოქალაქეს მაღალი ტემპერატურა და ვირუსისთვის დამახასიათებელი სხვა სიმპტომები აღენიშნებათ.

როგორც „ინტერპრესნიუსისთვის“ გახდა ცნობილი, ისინი 21 იანვარს ბაქოში ჩაფრინდნენ, 25 იანვარს კი საქართველოში ჩამოვიდნენ.

„ვინაიდან ისინი ჩინეთიდან არიან, გადაწყდა, რომ მთელი ჯგუფი გადმოვიყვანოთ ინფექციურ საავადმყოფოში, რათა გაუკეთდეს დეტალური გამოკვლევა“, - განუცხადეს „ინტერპრესნიუსს“ ინფექციურ საავადმყოფოში.

 

www.interpressnews.ge

დაწერე კომენტარი (0 კომენტარი)
მოიწონეთ გვერდი

Search