შაბათი, სექტემბერი 21, 2019
Follow Us

ჯანმრთელობა

ჯანმრთელობა

beer 467650213ლუდს ჯანმრთელობისთვის დიდი სარგებლობის მოტანა შეუძლია - გააჩნია კიბოს საწინააღმდეგო პროფილაქტიკური თვისებები, ამცირებს კარდიოვასკულარულ დაავადებებს, ზრდის ძვლის სიმკვრივეს, ახდენს დემენციისა და კორონალური დაავადების პრევენციას, ეხმარება საჭმლის მომნელებელი სისტემის მუშაობას, გააჩნია სიბერის საწინააღმდეგო თვისებები, ასევე, პროფილაქტიკური და სამკურნალო თვალსაზრისით მისი მიღება შეიძლება მეორე ტიპის დიაბეტის, ნაღვლის ბუშტის კენჭების, თირმელების, ოსტეოპოროზისა და ჰიპერტონიის დროს. ამასთან, არაჩვეულებრივად ხსნის სტრესს და კარგი შარდმდენი საშუალებაა.

 

ლუდი ალკოჰოლური სასმელია, რომელსაც ჩრდილო ამერიკასა და ევროპაში განსაზღვრულ საკვებთან ერთად მიირთმევენ. იგი შეიცავს უფრო მეტ პროტეინს და ვიტამინი B, ვიდრე ღვინო, თუმცა, ანტიოქსიდანტების შემცველობა ორივე სასმელში ერთნაირადაა წარმოდგენილი. ლუდის შემადგენელ ძირითად ნედლეულს სვია წარმოადგენს – ფლავონოიდების მდიდარი წყარო, რომელიც ძლიერმოქმედი ანტიოქსიდანტია.

 

ლუდი განსაზღვრული მინერალების ძალიან კარგი წყაროა, რაც არსებითად მნიშვნელოვან როლს თამაშობს მეტაბოლურ პროცესებში. თუ მას ზომიერების ფარგლებში მიიღებთ (ერთი კათხა დღეში), დარწმუნებული იყავით, რომ ეს არაჩვეულებრივი სასმელი დიდ წვლილს შეიტანს თქვენი ორგანიზმის ჯანმრთელობაში.

 

image

 

ლუდის ჯანმრთელობისთვის სასარგებლო თვისებები

 

როგორც უკვე აღვნიშნეთ, ამ სასმელის ღირებულებები და მისი სამკურნალო ეფექტი იმ შემთხვევაში გამოვლინდება, თუ ზომიერების ფარგლებში მოხდება მისი მოხმარება. კონკრეტულად, ჯანმრთელობასთან დაკავშირებულ რა სახის პრობლემების პრევენციასა და გადაჭრაში ეხმარება, ქვემოთ მოგახსენებთ:

 

კიბოს საწინააღმდეგო პროფილაქტიკური თვისებები: ფლავონოიდური ნაერთი Xanthohumol აღმოჩენილია სვიაში, რომელსაც ძირითადად ლუდის ხარშვისას იყენებენ. კვლევების თანახმად დადგინდა, რომ ის დიდ როლს თამაშობს სიმსივნის პროფილაქტიკის საქმეში, მათ შორის პროსტატის კიბოს პრევენციისას. ბიო მედიცინის თანახმად, ლუდი პოლიფენოლების ( აფერხებენ სიმსივნური უჯრედების ზრდას) კარგი წყაროა. ამ სასმელის სიმსივნესთან ბრძოლის ეფექტურობა დადასტურებულია, ისევე როგორც წითელი ღვინის.


ამცირებს კარდიოვასკულარული დაავადებების რისკს: ლუდი შეიცავს ვიტამინ B6, რომელიც იცავს გულს დაავადებებისგან, ხელს უშლი რა სისხლში ჰომოცისტეინის დონის ზრდას. მას გააჩნია სისხლის გამათხელებელი ეფექტი და ხელს უშლის თრომბების წარმოქმნას, რომელიც კორონარული არტერიების ბლოკირებას იწვევს. ლუდის გონივრული მოხმარება ამცირებს ანთების რისკებს, რაც ათეროსკლეროზის (არტერიის კედლები სქელდება, სანათური ვიწროვდება და სისხლის მიმოქცევა ძნელდება) ძირეული მიზეზია.

 

image

 

ზრდის ძვლის სიმკვრივეს: კვლევების თანახმად, სასმელის ნორმის ფარგლებში მიღება ზრდის ძვლის სიმკვრივეს, შესაბამისად, ხელს უშლის მოტეხილობებისა და ოსტეოპოროზის რისკის განვითარებას.

 

ებრძვის დიაბეტს: მეცნიერული დაკვირვების საფუძველზე, დადგინდა, რომ ლუდის ზომიერი მოხმარება ამცირებს მეორე ტიპის დიაბეტის განვითარების რისკებს.

 

ანემიის პრევენცია: ლუდი ფოლიუმის მჟავასა და ვიტამინ B12 კარგი წყაროა, რომლის დეფიციტმაც შესაძლოა ანემია გამოიწვიოს. ვიტამინი B12 ასევე უმნიშვნელოვანესია ნორმალური ზრდის, კარგი მეხსიერებისა და კონცენტრაციის ხელშეწყობისთვის.


სიბერესთან ბრძოლის თვისებები: ლუდი ზრდის ვტამინ E პოტენციასა და გავლენას, რომელიც ორგანიზმში ძირითადი ანტიოქსიდანტია – მნიშვნელოვან როლს თამაშობს ჯანმრთელი კანის ხელშეწყობის პროცესში და ამასთან, ანელებს სიბერის პროცესს.


ხელს უშლის კენჭების წარმოქმნას ნაღვლის ბუშტში: რეგულარულად ზომიერი რაოდენობის ლუდის მიღება გავლენას ახდენს ქოლესტერინის დონეზე და ამცირებს ნაღვლის კონცენტრაციას, რაც თავის მხრივ ხელს უწყობს კენჭების განვითარების რისკის შემცირებას.

 

დემენციის და კორონარული დაავადების პრევენცია: ლუდის მოხმარება ასევე ზრდის "კარგი ქოლესტერინის" დონეს 10 - 20 %, ამგვარად, მცირდება დემენციისა და კარდიოვასკულარული დაავადებების განვითარების რისკი.

 

ეხმარება საჭმლის მომნელებელ სისტემას: კვლევების თანახმად დადგინდა ლუდის პოზიტიური თვისებები საჭმლის მომნელებელ სისტემასთან დაკავშირებით, რომელიც მოიცავს გასტრინის, კუჭის მჟავას, ქოლეცისტოკინინისა და პანკრეასის ფერმენტების სტიმულირების პროცესს.

 

image

 

ებრძვის თირკმელებში ქვების განვითარებას და ოსტეოპოროზს: როგორც აღმოჩნდა, ლუდში მაღალია კალიუმის შემცველობა, ხოლო ნატრიუმის – დაბალი. ეს სასმელი მაგნიუმის მდიდარი წყაროა, რის შედეგადაც თირკმელებში კენჭების წარმოქმნის რისკი მცირდება. ამასთან, ლუდი შეიცავს სილიკონს, რომელსაც ორგანიზმი ითვისებს – სწორედ ამით აიხსნება მისი დამცავი ეფექტი ოსტეოპოროზის წინააღმდეგ.

 

ხსნის სტრესს: ისევე როგორც სხვა ალკოჰოლური სასმელები, ლუდი ხსნის სტრესს და ხელს უწყობს ჯანსაღ ძილს.

 

აქვს შარდმდენი ეფექტი: ლუდი მოქმედებს როგორც კარგი შარდმდენი საშუალება, რითაც ხელს უწყობს ორგანიზმიდან ტოქსინებისა და შლაკების გამოდევნას.

 

ასუფთავებს კუჭ-ნაწლავის ტრაქტს: ხსნადი ბოჭკოების მდიდარი წყაროა, რომელიც ზოგადად ხელს უწყობს ჯანმრთელობას – სარგებლობა მოაქვს გულისთვის და ამასთან, ასუფთავებს კუჭ ნაწლავის ტრაქტს. სასმელის ნორმის ფარგლებში მიღება გავლენას არ ახდენს სხეულის წონაზე.

 

image

 

გაფრთხილება:

 

გახსოვდეთ, რომ ლუდის ჭარბი რაოდენობით მოხმარება ჯანმრთელობისთვის დიდ საფრთხეს წარმოადგენს და სრულიად ანეიტრალებს მის სამკურნალო ღირებულებებს!

დაიცავით ყველაფერში ზომიერება და იყავით ჯანმრთელები!

დაწერე კომენტარი (0 კომენტარი)
ჯანმრთელობა

546723964დაავადებათა კონტროლისა და საზოგადოებრივი ჯანდაცვის ეროვნული ცენტრი აქვეყნებს რეკომენდაციებს თუ როგორ უნდა მოვიქცეთ ფუტკრის, ბზიკის ან კრაზანას კბენის შემთხვევაში.

ფუტკრის, ბზიკის ან კრაზანას ნაკბენი საკმაოდ მტკივნეულია და ხშირად საშიში ალერგიული რეაქციის მიზეზიც შეიძლება გახდეს. განსაკუთრებით საფრთხილოა ნაკბენი ბავშვებისთვის.

ხშირად, ფუტკრის, ბზიკის ან კრაზანას ნაკბენი არ საჭიროებს სამედიცინო ჩარევას. თუმცა დადასტურებული ალერგიის შემთხვევაში დაკბენილმა პირმა დაუყოვნებლივ უნდა მიიღოს შესაბამისი ზომები და მიმართოს ექიმს. 

ექიმთან მიმართვამდე, დაკბენილმა პირმა უნდა გაითვალისწინოს შემდეგი რეკომენდაციები:

-  იმყოფებოდეს დაკვირვების ქვეშ, რათა დარწმუნდეს რომ არ აღენიშნება ალერგიული რეაქცია

-  დაიბანოს ნაკბენი მიდამო საპნითა და წყლით

-  ფრთხილად მოიცილოს ნესტარი კანის ზედაპირიდან

-  დაიდოს ცივი საფენი ან ყინული შეშუპების შესამცირებლად

-  არ გააღიზიანოს ნაკბენი მიდამო, ვინაიდან ამან შესაძლებელია გამოიწვიოს შეშუპება, ქავილი და ინფიცირება. 

-  დადასტურებული ალერგიის შემთხვევაში, თუ გამოწერილი აქვს ეპინეფრინის აუტოინექცია, დაუყოვნებლივ გამოიყენოს იგი ექიმის დანიშნულების მიხედვით

-  მრავლობითი ნაკბენის ან მძიმე ალერგიული რეაქციის (ანაფილაქსიას, თუნდაც მხოლოდერთი ან ორი სიმპტომი) შემთხვევაში სასწრაფოდ მიმართოს ექიმს.

წყარო: GHN.GE

დაწერე კომენტარი (0 კომენტარი)
ჯანმრთელობა

1548237066 159748სადღესასწაულო დღეებში ალკოჰოლური სასმელების მიღებას გვერდს ვერ აუვლით. სწრაფად დათრობა და რთული ნაბახუსევის სინდრომი შეიძლება არა მხოლოდ მიღებული ალკოჰოლის რაოდენობამ განსაზღვროს, არამედ პროდუქტებმა, რომელსაც მასთან ერთად ვღებულობთ.

დღეს გიამბობთ, თუ რომელ პროდუქტებთან ერთად არ შეიძლება ალკოჰოლის მიღება, ასევე გთავაზობთ რჩევას, თუ როგორ აღნიშნოთ სადღესასწაულო მოვლენა ჯანმრთელობისთვის ზიანის მიყენების გარეშე.

 

 

1.ცხიმიანი შემწვარი ან შებოლილი ხორცი

ალკოჰოლის მიღების დროს უმჯობესია ცხიმიან შემწვარ და შებოლილ ხორცზე უარი თქვათ. წვეულების დროს ღვიძლს გაძლიერებულ რეჟიმში მუშაობა უწევს, რადგან ტოქსინების განეიტრალება ახდენს, რომელიც არცთუ ისე ჯანსაღი საკვებიდან, ასევე ალკოჰოლიდან ორგანიზმში ხვდება. ყველა ცხიმიანი და შემწვარი საკვები ალკოჰოლის მოქმედებას აძლიერებს და არა მხოლოდ ღვიძლისთვის, არამედ კუჭისა და ნაღვლის ბუშტისთვის დამატებით ზეწოლას წარმოადგენს.

 

2.დამარინადებული პროდუქტები

დამარინადებული და მარილიანი ბოსტნეული - არაყთან ტრადიციული მისაყოლებელია. თუ მარილიანი ბოსტნეული ორგანიზმში წყალი-მარილის ბალანსს უზრუნველყოფს, დამარინადებულიპროდუქტი ღვიძლსა და თირკმლებზე დამატებით ზეწოლას ახდენს. დამარინადებულ პროდუქტებში ძმრის მჟავა გამოიყენება. ხოლო ძმარი და ცხარე სანელებელი ორგანიზმისთვის მძიმე ნარევს ქმნის. უმჯობესია, თუ ალკოჰოლს მარილიან კიტრს ან ბოსტნეულს მიაყოლებთ.

 

3.ყურძენი, ნესვი, საზამთრო

ხილი ალკოჰოლის მოქმედებას აძლიერებს, ასე ორგანიზმში უფრო მეტი შაქარი ხვდება. განსაკუთრებით ნესვის და ალკოჰოლის შეთავსება არის სახიფათო. ნესვს ძლიერი მოსადუნებელიეფექტი აქვს. ამ კატეგორიაში მანგო და გრეიფრუტი შედის. გრეიფრუტი ბლოკავს ღვიძლის ფერმენტებს, რომლებიც ტოქსიკური ნივთიერებების გამოდევნაზე არის პასუხისმგებელი. გრეიფრუტირადგან ამ პროცესს ხელს უშლის, ალკოჰოლი ორგანიზმში დიდხანს რჩება და შეიძლება ალკოჰოლით მოწამვლა გამოიწვიოს.

 

4.ახალი პომიდორი

პომიდორში შემავალი ორგანული მჟავები ალკოჰოლთან ერთად (განსაკუთრებით არაყთან ერთად) მეტეორიზმსა და საკვების მონელებასთან დაკავშირებულ სხვა პრობლემებს იწვევს. თუმცა გადამუშავებული პომიდორი (პომიდვრის პასტა, კეტჩუპი, სოუსი) ასეთ რეაქციას არ იძლევა, ამიტომ მისი მიღება შეიძლება.

 

5.ტკბილეული

ალკოჰოლი და შაქარი თითქმის ერთნაირი პრინციპით მუშავდება, მაგრამ ორგანიზმი პირველ რიგში შაქრის გადამუშავებას იწყებს, რადგან ის ენერგეტიკულად უფრო ღირებულია, ამ დროს კი ალკოჰოლი უფრო ნელა გამოვა ორგანიზმიდან. შედეგად სისხლში ინსულინის დონე იმატებს, სწრაფი დათრობა და ცუდი ნაბახუსევი დგება, რადგან ორგანიზმმა ალკოჰოლიდან ტოქსიკური ნივთიერებების სწრაფად გადამუშავება ვერ მოასწრო.

 

6.გაზიანი და ენერგეტიკული სასმელები

ალკოჰოლზე წვნიანის, შაქრის შემცველი გაზიანი და ენერგეტიკული სასმელების მიყოლება არ შეიძლება. გაზიან სასმელებში ნახშირორჟანგის გაზის მაღალი შემცველობის გამო კუჭის ლორწოვანი ღიზიანდება და ალკოჰოლის შთანთქმას ზრდის. შედეგი - სწრაფი დათრობა და მძიმე ნაბახუსევი. ენერგეტიკულ სასმელებში მაღალი რაოდენობით კოფეინი და შაქარი შედის. ალკოჰოლის და კოფეინის კომბინაცია არტერიული წნევას, ასევე ინფარქტის და ინსულტის რისკს ზრდის.

 

7.ყავა

ალკოჰოლი და ცხელი სასმელები ერთმანეთს ცუდად ეთავსება. ხოლო კონიაკში ყავის დამატება ჰიპერტენზიულ კრიზისსა და თავის ტვინის სისხლძარღვების სპაზმს იწყებს. განსაკუთრებით იმ შემთხვევაში, თუ ადამიანს ამ ნაწილში დარღვევები აქვს.

 

რა შეიძლება მივაყოლოთ ალკოჰოლს?

პირველ რიგში ბოსტნეულის, კომბოსტოს მწნილი. ამ პროდუქტებში დიდი რაოდენობით C ვიტამინია, რომელიც ორგანიზმიდან ალკოჰოლის გამოდევნაში დაგეხმარებათ. სალათები და კერძები მოხარშულ კარტოფილთან ერთად. კარტოფილი საუკეთესო ვარიანტია. უცხიმო გამომცხვარი ან მოხარშული ხორცი და გამომცხვარი ბოსტნეული.

დაწერე კომენტარი (0 კომენტარი)
ჯანმრთელობა

ccccC ჰეპატიტის პროგრამაში ჩართვამდე საჭირო კვლევები, რომლებიც დიაგნოზის დასმამდეა საჭირო, უფასო გახდება.

ამის შესახებ საქართველოს პრემიერმინისტრმა მთავრობის სხდომის დაწყებამდე გამართულ ბრიფინგზე თქვა.

ეს საკითხი მთავრობის დღევანდელ სხდომაზე გადის, სადაც მაღალი ალბათობით, დამტკიცდება. ეს იმას ნიშნავს, რომ ცვლილება უახლოეს დღეებში ამოქმედდება.

"საქართველო არის ყველაზე წარმატებული ქვეყანა და ჩვენ გვაქვს შანსი გავხდეთ პირველი ქვეყანა მსოფლიოში, რომელიც მოახდენს C ჰეპატიტის ელიმინაციას. ეს არის პროგრამა, რომლის გამოცდილებასაც სწავლობს მთელი მსოფლიო და ბუნებრივია, პერიოდულად ჩვენ ვახორციელებთ მასში გარკვეულ ცვლილებებს. ამ დრომდე მოქალაქეებს მკურნალობაში ჩასართავად საჭირო კვლევებისთვის სჭირდებოდათ 160-დან 360 ლარამდე თანხის გადახდა. ჩვენ მივიღეთ გადაწყვეტილება და ეს სერვისიც გახდება უფასო", - თქვა მამუკა ბახტაძემ.

საქართველო C ჰეპატიტით დაავადებულთა რაოდენობით მსოფლიოში ერთერთი პირველია. დაავადებათა კონტროლის ცენტრის შეფასებით, ეს ვირუსი მოსახლეობის 7.7%-ს აქვს. სწორედ ეს საგანგაშო ვითარება გახდა მიზეზი, რის გამოც ამერიკულმა ფარმაცევტულმა კომპანია Gilead-მა გამოთქვა თანხმობა, რომ საქართველოსთვის სრულიად უსასყიდლოდ გადაეცა C ჰეპატიტის ახალი თაობის მედიკამენტები. ამ წამლების ღირებულება რამდენიმე მილიარდ დოლარს შეადგენს. ამჟამად პროგრამაში ჩართულია 50 000-ზე მეტი პაციენტი, მათგან 44 000-ზე მეტმა მკურნალობა უკვე დაასრულა, მათ შორის განკურნების მაჩვენებელი 98.2%-ია.

C ჰეპატიტის ელიმინაციის სახელმწიფო პროგრამა 2015 წლის 21 აპრილს ამოქმედდა. პროექტი ხორციელდება ამერიკის შეერთებული შტატების დაავადებათა კონტროლის ცენტრისა და მედიკამენტის მწარმოებელი კომპანია Gilead-ის მხარდაჭერით.

პროგრამაში ჩართული ყველა პაციენტი უფასოდ იღებს ახალი თაობის მედიკამენტებს "სოფოსბუვირი" და "ჰარვონი". საჭიროების შემთხვევაში, პაციენტებზე ასევე უფასოდ გასცემენ დამხმარე მედიკამენტებს: პეგილირებულ "ინტერფერონსა" და "რიბავირინს".

C ჰეპატიტის ელიმინაციის პროგრამა ითვალისწინებს დაავადების დიაგნოსტიკას, მკურნალობასა და პრევენციას. C ჰეპატიტის სკრინინგი, კონფირმაციული ტესტი და გენოტიპის კვლევა აქამდეც 100%-ით ფინანსდებოდა. სხვა სამედიცინო კვლევებს სახელმწიფო სრულად მხოლოდ სოციალურად დაუცველებს უფინანსებდა, ვეტერანებს 70%-ით, სხვა მოქალაქეებს კი 30%-ით. სწორედ ეს გახდება უფასო.

დაწერე კომენტარი (1 Comment)
ჯანმრთელობა

image 

გვქონია მომენტი, როცა გულისცემა უფრო ძლიერია, ვიდრე ჩვეულებრივ. გასწავლით, როგორ ვუშველოთ გახშირებულ გულისცემას. ტემპერატურის სწრაფმა დაცემამ შეიძლება გამოიწვიოს გულისცემის შენელება. ასე ნერვული სისტემა ორგანიზმსს ამზადებს ახალი პირობებისთვის. ყველაზე სწრაფად გული რეაგირებს "სახის გაციებაზე", ის ხომ ყველაზე ახლოსაა .
ამიტომ ტაქიკარდიის შემთხვევაში რეკომენდირებულია:
>ჩაასხით ღრმა ჯამში ცივი წყალი, თუ შესაძლებელია ჩაამატეთ ყინულები.
>შეაჩერეთ სუნთქვა, თუ საჭირო გახდა მოუჭირეთ თითებით, ხოლო შემდეგ უსწრაფესად მოათავსეთ ცივ წყალში სახე რამდენიმე წამის განმავლობაში.
image>ასევე შეგიძლიათ ყინულის ფიგურებით სახეზე მასაჟი გაიკეთოთ
ამ პროცედურას აქვს დიდი გავლენა ნერვულ სისტემაზე, რომელიც აკონტროლებს გულისცემას.
მანევრი სრულდება შემდეგნაირად:
> ღრმად ჩაისუნთქეთ და დაჭიმეთ მუცლის კუნთები
> მოუჭირეთ ცხვირს და დახუჭეთ თვალები
> შეეცადეთ დახშული ცხვირითა და დახურული პიირით ღრმად ჩაისუნთქოთ, ისე რომ მუცლის კუნთები დაჭიმული გქონდეთ.
ეს მეთოდები არ შეიძლება გაკეთდეს იმ დროს, როცა ტაქიკარდიას ახლავს ძლიერი ტკივილი გულის არეში და გაძნელებულია სუნთქვა. ამ დროს უნდა გამოიძახოთ სასწრაფო დახმარება.
გულისცემის გახშირება მუშაობის ან ვარჯიშის დროს ნორმალური მოვლენაა. თუ ტაქიკარდია აღმოცენდება ყოველგვარი მიზეზის გარეშე, მიმართეთ ექიმს.

დაწერე კომენტარი (1 Comment)
მოიწონეთ გვერდი

Search