ოთხშაბათი, თებერვალი 26, 2020
Follow Us

ჯანმრთელობა

ჯანმრთელობა

1580668657 84330191 221090878925251 2729443947012161536 n 1024x576ახალი ტიპის კორონავირუსის მიმართ მსოფლიო მოსახლეობას ანტისხეულები გამომუშავებული არ აქვს, არც ვაქცინა არსებობს და განსაკუთრებულ საფრთხეს სწორედ ეს ქმნის, – ამის შესახებ ლუგარის ცენტრის გრიპისა და რესპირატორული ვირუსების ლაბორატორიის უფროსმა ანა მაჩაბლიშვილმა საქართველოს პირველ არხთან ექსკლუზიურ ინტერვიუში განაცხადა.

ანა მაჩაბლიშვილი განმარტავს, რომ მიუხედავად ეპიდაფეთქებისა, საგანგაშო მდგომარეობა არ არის.

„გრიპი ასევე აგრესიულია და ლეტალობა ერთი-ორი პროცენტია მთელ მსოფლიოში. ასე რომ, სიმძიმის მიხედვით, ახალი ტიპის კორონავირუსის გავრცელების პირობებში განსაკუთრებული საგანგაშო მდგომარეობა არ არის. უბრალოდ, ეს არის ახალი ვირუსი, მოსახლეობას არ აქვს გამომუშავებული ანტისხეულები ამ ვირუსის მიმართ, არ არსებობს სპეციფიკური მკურნალობა, არ არსებობს ვაქცინა და სწორედ ეს ქმნის განსაკუთრებულ საფრთხეს იმ კუთხით, რომ ჯანდაცვის სისტემები დახვდნენ მომზადებული“, – განაცხადა ანა მაჩაბლიშვილმა.

დღეს არსებული ოფიციალური ინფორმაციით, საქართველოში ახალი ტიპის კორონავირუსი არ დაფიქსირებულა. ინფექციური საავადმყოფოს ბოქსირებულ განყოფილებაში მუდმივი მეთვალყურეობის ქვეშ საქართველოს სამი მოქალაქე იმყოფება. ისინი ჩინეთიდან ახლახანს დაბრუნდნენ. ორი მათგანის ანალიზის შედეგი როტერდამის ლაბორატორიაშია გაგზავნილი. ამის საჭიროება მას შემდეგ დადგა, რაც ლუგარის ლაბორატორიაში არსებული 22 ვირუსის შტამს მათ ორგანიზმში აღმოჩენილი ვირუსის შტამი არ დაემთხვა.

გრიპისა და რესპირატორული ვირუსების ლაბორატორიის უფროსმა ასევე განაცხადა, რომ სადიაგნოსტიკო ნაკრებები საქართველოში უახლოეს დღეებში ჩამოვა, რაც ვირუსოლოგებს დიაგნოსტირების საშუალებას ადგილზე მისცემს.

ახალი ტიპის კორონავირუსი პირველად ერთი თვის წინ დაფიქსირდა. მეცნიერები გავრცელების ადგილად ჩინეთის ქალაქ უხანის ცხოველებისა და თევზის ბაზარს ასახელებენ. დღეს ეს ბაზარი დაკეტილია. უხანში კარანტინია გამოცხადებული, შეზღუდულია სხვა ქალაქებისკენ გადაადგილება.

ამ დროისთვის გარდაცვალების ერთი შემთხვევა ფილიპინებზე, დანარჩენი კი ჩინეთში ფიქსირდება. სხვა ქვეყნებში კორონავირუსით ინფიცირებული არც ერთი პაციენტი არ დაღუპულა. გარდაცვალების რისკი იმ პაციენტებში იკვეთება, რომელთაც ქრონიკული დაავადებები ან სუსტი იმუნური სისტემა აქვთ. რისკჯგუფში შედიან ხანდაზმულებიც. ბოლო მონაცემებით, ახალი ტიპის კორონავირუსი 14 000-მდე ადამიანს დაუდგინდა, 304 პაციენტი გარდაიცვალა, 300-ზე მეტი ადამიანი კი საავადმყოფოებიდან გამოჯანმრთელებული გაწერეს.

კორონავირუსი პირველად 1960-იან წლებში ფრინველში აღმოაჩინეს. მიკროსკოპში პათოგენს გვირგვინისებრი ფორმა ჰქონდა, რის გამოც მეცნიერებმა ლათინური სიტყვა „კორონა“ – „გვირგვინი“ უწოდეს.

ახალი ტიპის კორონავირუსი, ისევე როგორ მისივე მონათესავე მწვავე რესპირატორული სინდრომი (SARS) და ახლო აღმოსავლეთის რესპირატორული სინდრომი (MERS) ზოონოზური, იგივე ცხოველური წარმოშობის ვირუსია. მან მუტაცია განიცადა და ადამიანზე გადავიდა. მწვავე რესპირატორულმა სინდრომმა 2002-2003 წლებში 8000, აღმოსავლეთის რესპირატორულმა სინდრომმა კი 2012 წელს 2500-მდე ადამიანი იმსხვერპლა. ახალი ტიპის კორონავირუსის შტამია 2019-NCOV. ჯერ კიდევ რამდენიმე წლის წინ მეცნიერებმა მიმსგავსებული შტამით ვირუსი ღამურაში აღმოაჩინეს. ერთ-ერთი თეორიით, ღამურისა და სავარაუდოდ გველის გენომის მუტაციამ ახალი ტიპის კორონავირუსი წარმოშვა.

ახალი ტიპის კორონავირუსი ჰაერწვეთოვანი გზით გადადის. ინკუბაციის პერიოდი ორიდან 14 დღემდეა. პირველი სიმპტომებია ცხელება, ცხვირიდან გამონადენი, ყელის ტკივილი, სუნთქვის გაძნელება, ხველა. გართულების შემთხვევაში, პნევმონია და თირკმლის უკმარისობა.

ახალი ტიპის კორონავირუსი დღეს 20-ზე მეტ ქვეყანაში დაფიქსირდა.

 
1tv.ge
 
დაწერე კომენტარი (0 კომენტარი)
ჯანმრთელობა

koronavirusis evakuaciaსაქართველოს საგარეო საქმეთა სამინისტროს წარმომადგენელის ვლადიმერ კონსტანტინიდის ინფორმაციით, ჩინეთიდან საქართველოს კიდევ 2 მოქალაქის ევაკუაცია ხდება, რომელსაც საფრანგეთი ახორციელებს. მისი თქმით, პროცესი ამ წუთებში მიმდინარეობს და საქართველოს მოქალაქეები პრაქტიკულად უკვე გამოემგზავრნენ.

მისივე თქმით, ამ დროისთვის ჩინეთის ქალაქ უხანში საქართველოს 3 მოქალაქე საკუთარი გადაწყვეტილების საფუძველზე რჩება.

როგორც ვლადიმერ კონსტანტინიდი აღნიშნავს, თავდაპირველად უხანში სულ საქართველოს 10 მოქალაქე იმყოფებოდა, თუმცა, დაავადების გავრცელების საწყის ეტაპზე მათმა ნაწილმა საკუთარი ინიციატივით დატოვა ჩინეთი.

"გუშინ განხორციელდა საქართველოს სამი მოქალაქის ევაკუაცია, ისინი დღეისათვის იმყოფებიან თურქეთში, მათ მიმართ დაწესდა სპეციალური საკარანტინო რეჟიმი და სამედიცინო მეთვალყურეობის ქვეშ გაივლიან 2 კვირიან სამედიცინო დაკვირვებას და ადგილზე მათ მდგომარეობას დააკვირდება ჩვენი საელჩო ანკარაში. ასევე, აი ახლა, სწორად ამ წუთებში დაიწყო დამატებით 2 მოქალაქის ევაკუაცია, რომელსაც ფრანგული მხარე ახორციელებს. ისინი პრაქტიკულად უკვე გამოემგზავრნენ. ანალოგიურად, ისინი განთავსდება საფრანგეთში სამედიცინო დაწესებულებაში, გაივლიან შესაბამისი სტანდარტებით საკარანტინო პერიოდს და შემდეგ დაბრუნდებიან საქართველოში. აქაც ჩვენი საელჩო საფრანგეთში მონიტორინგს გაუწევს,"- განაცხადა ვლადიმერ კონსტანტინიდმა.

მისივე თქმით, საელჩოს ასევე კომუნიკაცია აქვს 200 მდე საქართველოს მოქალაქესთან, რომლებიც დაავადების გავრცელების ზონაში არ არიან, თუმცა იმყოფებიან ჩინეთის ტერიტორიაზე.

"ბევრი ავიარეისი ჩინეთიდან და ჩინეთის მიმართულებით გაუქმდა, რაც ბუნებრივია, ართულებს ადამიანების ნორმალურ გადაადგილებას, ამის შესახებ მოქალაქეებს გაუწიეთ მყარი რეკომენდაცია, რომ გადაწყვეტილების შემთხვევაში დროულად მიეღოთ ზომები და დაბრუნებულიყვნენ ქვეყანაში. ყველა მოქალაქე ინფორმირებულია რისკების შესახებ და ის ვისაც, დღემდე კომუნიკაცია არ მოუხდენია საელჩოსთან მოახდინონ საკუთარი თავის იდენტიფიცირება, რომ საელჩოს საჭიროების შემთხვევაში საშუალება მიეცეს დროულად მოახდინოს რეაგირება. ბევრ ჩვენს მოქალაქეს ასეთი დახმარება აღმოუჩინეს, საორგანიზაციო ხასიათის, რა თქმა უნდა, ბევრმა მათგანმა გადაწყვიტა საკუთარი სახსრებით დაეტოვებინა ქვეყანა, თუმცა, ავიარეისების შერჩევა ასეთ პირობებში მარტივი არ არის, ხდება რეისის გადადება ან გაუქმება, შესაბამისად, ცდილობს საქართველოს საელჩო ადგილზე, რომ მოახდინოს ახალი მარშრუტების იდენტიფიცირება და მოქალაქეებს მისცეს შესაბამისი ინფორმაცია",- განაცხადა ვლადიმერ კონსტანტინიდმა.

მან მადლობა გადაუხადა პარტნიორებს, რომლებმაც საქართველოს მოქალაქეების ევაკუაცია განახორციელეს და სოლიდარობა გამოუცხადა ჩინელ ხალხს.

 

www.interpressnews.ge

დაწერე კომენტარი (0 კომენტარი)
ჯანმრთელობა

თურქეთის თავდაცვის სამინისტროს თვითმფრინავი, რომლის ბორტზეც უხანიდან ევაკუირებული საქართველოს მოქალაქეებიც არიან, ანკარაში დაეშვა.

როგორც თურქული მედია თავდაპირველად იუწყებოდა, ჩინეთის ქალაქ უხანიდან თურქეთის 34, აზერბაიჯანის შვიდი და საქართველოს შვიდი მოქალაქე უნდა გამოეყვანათ. თუმცა, მოგვიანებით ცნობილი გახდა, რომ ექვსმა ადამიანმა ევაკუაციაზე უარი თქვა.

როგორც ცნობილია, ევაკუირებულ მოქალაქეებს 14 დღის განმავლობაში ანკარის ერთ-ერთ კლინიკაში კარანტინში მოათავსებენ.

საქართველოს პირველ არხს ჩინეთში საქართველოს ელჩმა არჩილ კალანდიამ განუცხადა, რომ თვითმფრინავის ბორტზე საქართველოს სამი მოქალაქეა.

1tv.ge

დაწერე კომენტარი (0 კომენტარი)
ჯანმრთელობა

koronavirusis ruka305 გარდაცვლილი, 340 გამოჯანმრთელებული და 14,568 დაინფეცირებული - ასეთი მონაცემები ფიქსირდება ინტერაქტიულ რუკაზე, რომელიც  ჯონ ჰოპკინსის უნივერსიტეტის სისტემების მეცნიერებისა და ინჟინერიის ცენტრმა  შეადგინა და გაავრცელა. ინტერაქტიული რუკა კორონავირუსის გავრცელების კერებს, მიმდინარეობას და შედეგებს ინტერაქტიულ რეჟიმში გვიჩვენებს. რუკაზე შეგიძლია თვალი ადევნოთ მსოფლიოს სხვადასხვა ქვეყანაში დაფიქსირებულ ინფიცირებისა და მსხვერპლის დინამიკას. 

https://gisanddata.maps.arcgis.com/apps/opsdashboard/index.html?fbclid=IwAR2zL3kHiN4AE1-NzpYQ3nSjoGtp97i5XDQPhgBN_-GCpO-ecCzEvaJ663E#/bda7594740fd40299423467b48e9ecf6

დაწერე კომენტარი (0 კომენტარი)
ჯანმრთელობა

virusi zogadiდაავადებათა კონტროლისა და საზოგადოებრივი ჯანმრთელობის ეროვნული ცენტრი (NCDC) ეხმაურება უკანასკნელ საათებში კორონავირუსის შესახებ სოციალური ქსელებით ქართულ ენაზე გავრცელებულ ხმოვან გზავნილს და მას „სრულიად დაუსაბუთებელს, უპასუხისმგებლოს და დანაშაულებრივს" უწოდებს.

„დაავადებათა კონტროლისა და საზოგადოებრივი ჯანმრთელობის ეროვნული ცენტრი უფლებამოსილია განაცხადოს:

ამ ეტაპისთვის საქართველოში ახალი კორონავირუსული ინფექციის არცერთი შემთხვევა არ დაფიქსირებულა და ვთხოვთ, მოსახლეობას ნუ აჰყვება პანიკას!

საქართველოს სახელმწიფო ყველაფერს აკეთებს, რათა მოხდეს ქვეყნის ტერიტორიაზე ახალი კორონავირუსის შემოტანისა და გავრცელების პრევენცია. ქვეყნის ჯანდაცვის სისტემა სრულ მზადყოფნაშია და შეუძლია დაავადების შემოტანის შემთხვევაში უზრუნველყოს გადაუდებელი სამედიცინო დახმარება თანამედროვე საერთაშორისო სტანდარტების შესაბამისად", - ვკითხულობთ განცხადებაში.

NCDC-ის შეფასებით, გავრცელებული ხმოვანი გზავნილი დეზინფორმაციაა, ემსახურება არაკეთილსინდისიერი ადამიანების კერძო, მერკანტილურ ინტერესებს და დანაშაულია ხალხის წინაშე!

„ქვეყნის მოსახლეობას მოვუწოდებთ:
არ აჰყვეთ პანიკას! გაეცანით სანდო საიფორმაციო წყაროებს და ენდეთ პროფესიონალების რეკომენდაციებს!", - ნათქვამია NCDC-ის განცხადებაში.

დაწერე კომენტარი (0 კომენტარი)
მოიწონეთ გვერდი

Search