შაბათი, ოქტომბერი 19, 2019
Follow Us

ჯანმრთელობა

ჯანმრთელობა
რამდენიმე საუკეთესო რჩევა მათთვის, ვისაც შაქრიანი დიაბეტი აწუხებს
ექიმები ტყუილად არ უწოდებენ დიაბეტს ერთ-ერთ ყველაზე ვერაგ დაავადებას. საწყის სტადიაზე ადამიანს არაფერი სტკივა და პრაქტიკულად, არ აღენიშნება ჩივილები. თუმცა, არის გარკვეული ცვლილებები ორგანიზმში, რომელიც არ უნდა გამოტოვო!

დიაბეტის პირველი ტიპის სიმპტომები


პირველი ტიპის დიაბეტი, როგორც წესი, სწრაფად ვითარდება და მკვეთრად გამოხატული სიმპტომები ახლავს თან. ძლიერდება მადა, მაგრამ მიუხედავად ამისა, ადამიანი სწრაფად კარგავს წონას. გამუდმებული სისუსტე, დაღლილობის შეგრძნება, წყურვილის გამძაფრებული სურვილი და გახშირებული შარდვა. სიმპტომები მოულოდნელად ჩნდება და მათი არშემჩნევა პრაქტიკულად შეუძლებელია.


მეორე ტიპის დიაბეტის 

 

სიმპტომები


ეს ყველაზე გავრცელებული ფორმაა დიაბეტის. მისი დიაგნოზი უფრო რთულია, რადგან ის ნელ-ნელა ვითარდება. სიმპტომებიც სუსტად შეინიშნება.

  • პირის სიმშრალე,
  • წყურვილი, წონაში კლება,
  • სისუსტე,
  • ძილიანობა,
  • ხასიათის ცვლილება,
  • გულისრევა, ღებინება,
  • კიდურების დაბუჟება,
  • თითების კანკალი,
  • მშრალი კანი,
  • გამონაყარი,
  • მაღალი წნევა.

რატომ არ უნდა დააიგნოროთ დიაბეტის სიმპტომები?


შაქრის დიაბეტი – ერთ-ერთი ყველაზე ვერაგი დაავადებაა. მკურნალობის გარეშე ადამიანი შესაძლოა კომაში ჩავარდეს. ხშირად დიაბეტი გულის, თირკმელების, მხედველობის და ნერვული სისტემის პრობლემების მიზეზი ხდება.

გვირილის ჩაის სისხლში გლუკოზის დონის შემცირება შეუძლია და ასევე, მისი განვითარების შეჩერებაც

ადამიანებმა, რომლებსაც მეორე ტიპის დიაბეტი აქვთ, აუცილებლად უნდა შეიტანონ ყოველდღიურ რაციონში გვირილის ჩაი. იაპონიაში, უელსის უნივერსიტეტის სპეციალისტების მიერ ჩატარებულმა გამოკვლევებმა აჩვენა, რომ ამ სასმელს შეუძლია არა მხოლოდ გლუკოზის დონის შემცირება სისხლში, არამედ დიაბეტის გართულების შემცირებაც.

ექსპერიმენტის მონაწილეები სამი კვირის მანძილზე, დღეში ორ ჭიქა გვირილის ჩაის სვამდნენ. შედეგად, უმრავლესობას გლუკოზის მაჩვენებელი სისხლში 25%-მდე დაეწია. მაქსიმალური ეფექტისთვის, ექსპერიმენტის ავტორები გვირჩევენ, გვირილის ნახარში დღეში ორჯერ, უშაქროდ მივიღოთ (გამხმარი გვირილა შეგიძლიათ შეიძინოთ აფთიაქებში).


რა უნდა ჭამოთ შაქრიანი დიაბეტის დროს?

წარმოგიდგენთ კვების სწორ რაციონს დიაბეტის დროს:

  1. თქვენი თეფშის ნახევარს უნდა შეადგენდეს მწვანე სალათის ფოთლები, მწვანილი, ისპანახი და ა.შ. ასევე, ბოსტნეული, რომელიც არ შეიცავს სახამებელს: ბროკოლი, ყვავილოვანი კომბოსტო, სტაფილო, მწვანე ლობიო.
  2. თეფშის ერთი მეოთხედი უნდა შედგებოდეს: მაკარონი, ფაფები (მსხვილმარცვლიანი), მიუსლი, გოგრა, ოსპი.
  3. თეფშის მეორე მეოთხედი ცილებს უნდა დაუთმოთ: უცხიმო ხორცი, ქათამი, თევზი, კვერცხი ან სოიოს ყველი ტოფუ.
  4. შეგიძლიათ მიირთვათ 200 გრ იოგურტი.

რა უნდა გაითვალისწინოთ, თუ გლუკოზის დონეს ხშირად აკონტროლებთ აპარატით?



დიაბეტის მართვის მნიშვნელოვანი ნაწილია სისხლში გლუკოზის დონის კონტროლი და სისხლის ანალიზის ასაღებად თითების ბალიშებზე რეგულარული ჩხვლეტა, რაც პაციენტების ნახევარზე მეტ ნაწილში იწვევს ამ ადგილას კანის გაუხეშებას. ჩხვლეტის ადგილას კანი ხშირად სქელდება და მოყვითალო ელფერს იძენს. რაც უფრო ხშირია კანის ერთი და იგივე არეში ჩხვლეტა, მით მეტად ზიანდება კანის ეს ნაწილი.

კანის გასქელება ხელს უშლის ანალიზისთვის სისხლის წვეთის მისაღებად საჭირო განმეორებითი პროცედურის ჩატარებას და დაჭიმულობისა და დისკომფორტის გრძნობას ამძაფრებს პაციენტებში.

წყარო: marao.ge
დაწერე კომენტარი (0 კომენტარი)
ჯანმრთელობა

0428ebcd0b0a84181cfecb429e8d0c9fსაინტერესოა, როგორ მოქმედებს ჩვენს სხეულზე პროდუქტი, რომელიც მსოფლიოში ყველაზე გავრცელებული ხილის ხუთეულში შედის?
ბანანი არარეალურად პოპულარული ხილია. ის 107 ქვეყანაში მოჰყავთ. უნდა გავარკვიოთ, რა რეაქციას იწვევს ის ჩვენს ორგანიზმში და შეიძლება თუ არა მის ყოველდღე ჭამა.


ბანანი - კალიუმის წყარო გემრიელ "შეფუთვაში"

კალიუმი ჩვენი ორგანიზმისთვის აუცილებელი ნივთიერებაა. ის არეგულირებს ნორმალურ წნევას და ინსულინის რაოდენობას სისხლში. კალიუმით უზრუნველყოფილი ორგანიზმი 20 პროცენტით დაცულია სხვადასხვა დაავადებისგან გამომწვევი სიკვდილისგან. ადამიანს, საშუალოდ, 3500-4700 მგ კალიუმი სჭირდება დღეში. საშუალო ბანანი 450 მგ-ს 

 

შეიცავს. გამოდის, რომ დღიური ნორმის მისაღებად 7-8 ცალი ბანანი უნდა ჭამოთ. მაგრამ უნდა გაგაფრთხილოთ, კალიუმს სხვა პროდუქტებისგანაც იღებთ და მისი ჭარბი რაოდენობა თირკმელების დაავადებას იწვევს.

 

ბანანი ფენომენალურად გამძლეს გვხდის

სპორტსმენებს მეტი გამძლეობისთვის ბანანის ჭამას ურჩევენ. ნახშირწყალი კვებავს კუნთს, ამცირებს ფიზიოლოგიურ სტრესს და ანთებით პროცესს. ნახშირწყლების საუკეთესო და სწრაფი წყაროა შაქარი (გლუკოზა, ფრუქტოზა, საქაროზა). მაგრამ 2012 წელს ჩატარდა ექსპერიმენტი: ველომრბოლელი თავს კარგად გრძნობდა, რთული მანძილის გავლის შემდეგ თუ ნახევარ ბანანს ჭამდა ყოველ 30 წუთში. მაგრამ ამასთანავე, აღენიშნებოდა მუცლის შებერილობაც.

ბანანი განწყობას გვიუმჯობესებს

ეს უკვე ყველამ იცის და ამ პუნქტზე დიდხანს არ შევაჩერებთ თქვენს ყურადღებას. მოკლედ გეტყვით: ბანანი - ამინომჟავების წყაროა. ისინი ორგანიზმში სეროტონინს გამოიმუშავებენ, რაც განწყობას გვიუმჯობესებს.

 

ბანანი არეგულირებს წნევას

თუ კალიუმის რაოდენობა ორგანიზმში ნორმალური გაქვთ, წნევაც ნორმალური გექნებათ, რადგან კალიუმი ორგანიზმში ნატრიუმის დონეს არეგულირებს და ორივე ერთად - წნევის დონეს.

ბანანი აუმჯობესებს გულის მუშაობას

იმავე მიზეზით, რა მიზეზითაც კალიუმის რაოდენობა არეგულირებს ნატრიუმის დონეს ორგანიზმში. ერთმა კვლევამ აჩვენა, რომ ადამიანები, რომლებიც ყოველდღიურად 4,069 მგ კალიუმს იღებდნენ, 49 პროცენტით შეუმცირდათ გულის იშემიური დაავადებისგან სიკვდილიანობა, ვიდრე ისინი, ვინც 1000 მგ კალიუმს იღებდა.

 

ბანანი ამშვიდებს ნაწლავებს

ექიმები გვაფრთხილებენ, თუ კუჭ-ნაწლავის სისტემა მოგეშალათ, მიირთვით ბანანი, ბრინჯი, ვაშლის პიურე და ტოსტი. ბანანში არსებული უჯრედისი აბალანსებს ნაწლავების გამართულ მუშაობას.

ბანანი თავის ტკივილს იწვევს

არსებობს მოსაზრება, რომ შაკიკისადმი მიდრეკილ ადამიანებში ბანანი თავის ტკივილს იწვევს. ამ შემთხვევაში, დღეში ნახევარ ბანანზე ნაკლები არ უნდა მიირთვათ.
დაბოლოს, ზოგიერთ ადამიანს ალერგია აქვს ბანანზე. თუ მას კალიუმის შემცველობის გამო მიირთმევდით, ყურადღება მიაქციეთ კალიუმის შემცველ სხვა პროდუქტებსაც, ესენია: პომიდორი, საზამთრო, ისპანახი, ჭარხალი, ლობიო, გოგრა. უნდა გაგახაროთ და გითხრათ, რომ ისინი ბანანზე ნაკლებკალორიულებია. 

წყარო: marao.ge

დაწერე კომენტარი (0 კომენტარი)
ჯანმრთელობა
როგორ ვებრძოლოთ  ოფლიანობას: 10 რჩევა
ოფლის გამოყოფა - ორგანიზმის ფუნქციის რეგულაციის ერთ-ერთი მნიშვნელოვანი სისტემაა. ოფლს საოფლე ჯირკვლები გამოყოფს, აორთქლებისას სხეულის ზედაპირს აგრილებს და ორგანიზმს გადახურებისგან იცავს. ოფლთან ერთად გამოიყოფა წიდებიც. 
ოფლს, რომლის 90%-იც წყალია, სუნი არა აქვს. ასეთი ოფლი გამოიყოფა მთელ სხეულზე განლაგებული ენდოკრინული ჯირკვლებიდან. უსიამოვნო სუნი წარმოიქმნება მიკროორგანიზმებით, მისი გადამუშავების შედეგად. როდესაც ადამიანი ნერვიულობს, ოფლიანდება და მის მიერ გამოყოფილ ოფლს მძაფრი სუნი ასდის.

ოფლიანობა ადამიანს ახასიათებს არა მარტო მაღალი სიცხის დროს, არამედ როდესაც სტრესული მდგომარეობით, ფიზიკურად ზედმეტად იტვირთება ან 
 
დაავადებულია. 

ზედმეტად ოფლიანობა (ჰიპერჰიდროზი) დაავადებაა და არა კოსმეტიკური დეფექტი, ამიტომ ადამიანმა ექიმს უნდა მიმართოს. ასეთი ოფლიანობა შესაძლოა გამოიწვიოს ფარისებრმა ჯირკვლებმა (მითუმეტეს, თუ მშვიდ მდგომარეობაში პულსი 90-ზე მეტია), თირკმელზედა ჯირკვლებმა და სხვა დაავადებებმა.

თუკი ადამიანი ჯანმრთელია და მაინც ზედმეტად ოფლიანობს, მაშინ შესაძლოა იმ წამლის ბრალი იყოს, რომელსაც ის იღებს. ცხელ ამინდში მოერიდეთ შემოტმასნილი სინთეტიკური ქსოვილისგან დამზადებულ ტანსაცმელს. 

აუცილებელ ვენტილაციას ბამბის, სელის და აბრეშუმის ქსოვილის სამოსი განაპირობებს. ტკბილი, გაზიანი სასმლის მაგივრად დალიეთ მინერალური წყალი. ყავა ოფლიანობას მოგიმატებთ. სუნს საგრძნობლად შეამცირებს E ვიტამინი, თუმცა არა ოფლიანობას.



  1. ოფლთან საბრძოლველად განსაკუთრებულად მნიშვნელოვანია პირადი ჰიგიენა. ვინაიდან ბაქტერიები სწრაფად მრავლდება თმაზე, იღლიის ქვეშ, აუცილებელია მისი რეგულარულად გაპარსვა. უმჯობესია, თუ ძილის წინ გაიპარსავთ, ხოლო ოფლის საწინააღმდეგო საშუალებას დილით იხმართ.
  2. ოფლის მკვეთრი სუნის მოსაცილებლად გამოიყენეთ დეზოდორანტი და ანტიპერსპირანტი. მათ განსხვავებული მექანიზმი აქვთ.
  3. დეზოდორანტი ებრძვის სუნს და არა ოფლს. მის შემადგენლობაშია ნივთიერებები, რომლებიც სპობს მიკროორგანიზმს და მათთან ერთად ოფლის სუნს. მაღალი ეფექტის მისაღწევად, დეზოდორანტი უნდა იხმაროთ სუფთა კანზე, რათა მისი არომატი არ შეერიოს უკვე გამოყოფილ ოფლის სუნს.
  4. ყველაზე მარტივ საოფლე საშუალებად მიჩნეულია წყალში გახსნილი საკვები სოდა. ამ ხსნარში დაასველეთ ხელსახოცი ან ბამბა და კანზე წაისვით. ეს მარტივი საშუალება გამოგადგებათ, თუ დეზოდორანტი არ გაქვთ.
  5. ანტიპერსპირანტი ოფლის გამოყოფას საგრძნობლად ამცირებს. მის შემადგენლობაშია ალუმინი, მარილები, ზოგჯერ თუთიაც, რომლებიც ავიწროებენ ან მთლიანად გადაკეტავენ საოფლე ჯირკვლების სადინარებს და ხელს უშლიან ოფლის გამოყოფას.
  6. ამ დროს კანი სავსებით მშრალია. მიკრობებს ანტიპერსპირანტი არ ებრძვის. მისი მოხმარება უმჯობესია დილით, შხაპის შემდეგ. გაითვალისწინეთ, რომ ოფლის გამოყოფა ორგანიზმისთვის მეტად მნიშვნელოვანი ფუნქციაა და მისი მთლიანად ბლოკირება არ შეიძლება.
  7. ამიტომ ანტიპერსპირანტებთან სიფრთხილეცაა საჭირო: ყოველდღიურად არ გამოიყენოთ, იხმარეთ მხოლოდ განსაზღვრულ ადგილებში (ფეხები, იღლიები). მისი გამოყენება არ შეიძლება ფიზიკური დატვირთვის დროს, საუნაში და ა.შ.
  8. ამავე მიზეზით ნუ იხმართ მას დიდი სიცხის დროს - ამ დროს გამოიყოფა ოფლი, რომელიც კანქვეშ გროვდება. დასვენების პერიოდში თქვენი კანიც დაასვენეთ და მოიხმარეთ მხოლოდ ჩვეულებრივი ჰიგიენური საშუალებები.
  9. რამდენიმე ხნის წინ, აშშ-ში გაიმართა ფართო დისკუსია იმის თაობაზე, იწვევს თუ არა ანტიპერსპირანტები ძუძუს კიბოსა და ალცჰეიმერის დაავადებას. მედიკოსებმა კატეგორიულად გამორიცხეს ანტიპერსპირანტების კავშირი ამ დაავადებებთან.
  10. გირჩევთ, ნუ გამოიყენებთ სხვა სქესისთვის განკუთვნილ დეზოდორანტ-ანტიპერსპირანტებს, ვინაიდან ქალისა და მამაკაცის იღლიის ქვეშ  PH-ის სხვადასხვა დონეა.
 წყარო: marao.ge
 
დაწერე კომენტარი (0 კომენტარი)
ჯანმრთელობა

image

 

შაქარი – ცბიერი და ვერაგი მტერი, რომელიც ბევრი ადამიანის კვების რაციონში დიდი რაოდენობით იჭრება: თავდაპირველად ჩაიში ერთი-ორი კოვზის დამატება გინდება, შემდეგ – ორცხობილას ან ტკბილეულის ჭამა, ფილმის ყურებისას ტკბილ გაზიან სასმელზე უარს ნამდვილად არ იტყვი. შედეგად, ისე რომ თავადაც ვერ ამჩნევენ, ადამიანები დღის მანძილზე გაცილებით მეტ შაქარს იღებენ, ვიდრე ეს დასაშვებია. რა სახის ზიანს აყენებს ის ორგანიზმს და როგორ შევამციროთ მისი მოხმარება? სტატიაში სწორედ ამ თემაზე გვექნება საუბარი.



რატომ არის შაქარი ჯანმრთელობისთვის საზიანო?



  • ხელს უწყობს ზედმეტი წონის მატებას.
  • ზრდის გულ-სისხლძარღვთა დაავადებების განვითარების რისკს.
  • შეიძლება გამოიწვიოს ღვიძლის ცხიმოვანი ჰეპატოზი.
  • ერთიანად დიდ ენერგიას იძლევა, რაც შემდეგ ორგანიზმის სისუსტეს იწვევს – დაღლილობა, დეპრესიის განვითარების რისკი.
  • აჩქარებს სიბერის პროცესს.
  • ზრდის შაქრიანი დიაბეტის განვითარების რისკს.
  • ზიანს აყენებს კანის ჯანმრთელობას – ხელს უწყობს კანზე გამონაყარის განვითარებას.
  • ზრდის ზოგიერთი სახის სიმსივნის განვითარების რისკს.



image

 

როგორ უნდა ვისწავლოთ ნაკლები შაქრის მოხმარება?

 

ნებისყოფის გარეშე არაფერი გამოგივათ. განსაზღვრულად უნდა იცოდეთ რომელი პროდუქტები და სასმელები შეიცავს შაქარს იმ მიზნით, რომ იმუშავოთ მის შემცირებაზე თქვენს რაციონში ან საერთოდ ამოღებაზე. გთავაზობთ რამდენიმე წესს რომელიც დაგეხმარებათ აღნიშნული პრობლემის მოგვარებაში.

 

1. შეამცირეთ შაქრის შემცველი სასმელების მიღება

 

უპირველეს ყოვლისა, ჩაი და ყავა მიირთვით შაქრის გარეშე ან ნაკლები ჩაყარეთ; შემდეგ, დაიმახსოვრეთ, რომ წვენებსა და მაღაზიის იოგურტებში საკმაოდ დიდი რაოდენობის შაქარია, ამიტომ დოზები დაიცავით; და ბოლოს, მინიმუმამდე მიიყვანეთ ტკბილი გაზიანი სასმელები, მასში ძალიან ბევრი შაქარია!



2. გამოიძინეთ

image

 

ბევრმა არ იცის, რომ ძილის უკმარისობის დროს ორგანიზმს ტკბილეულზე უჩნდება მოთხოვნილება, რითაც ცდილობს ენერგიის შევსებას. თუმცა, ეს მხოლოდ თავის მოტყუება იქნება.

 

3. მშიერი ნუ ივლით საყიდლებზე

 

აღნიშნული წესი ბევრს სმენია, თუმცა, როცა საქმე შაქარს ეხება, შემდეგს ნიშნავს: თუ მაღაზიაში მშიერი მიხვალთ, ეს იმას გულისხმობს, რომ უფრო მეტი "გემრიელობა" მოგინდებათ, მათ შორის ტკბილეული. მსგავს შუალედურ წახემსებას თავისი წილი კალორიები და შაქარი მოყვება.



4. საუზმეზე ტკბილი არ მიირთვათ!

image

 

დიახ, მშრალი საუზმე, რომელსაც დიდი ალბათობით ყიდულობთ და ზემოდან ტკბილ იოგურტს ან სეროფს ასხამთ, უნდა ისწავლოთ და უთხრათ მათ მტკიცე "არა, " რადგან ამ სახის პროდუქტებში შაქრის შემაშფოთებელი რაოდენობაა. მართალია, სწრაფად მოგანიჭებთ სიმხნევეს, მაგრამ ასევე სწრაფად მოგადუნებთ. რაც შეეხება საუზმეს, რომელიც ცილებსა და ბოჭკოვანას შეიცავს, დაგეხმარებათ თავი მხნედ იგრძნოთ და შიმშილის გრძნობამ სადილამდე არ შეგაწუხოთ.



5. წაიკითხეთ ეტიკეტები

 

ხშირად შაქარი გვხვდება იქ, სადაც ამას სრულიად არ ველით, მაგალითად, მაღაზიაში შეძენილ პომიდვრის საწებელში. თუ არ გეცოდინებათ მოხმარების რომელი პროდუქტი შეიცავს შაქარს, საკმაოდ გაგიჭირდებათ ამ მტერთან გამკლავება.



6. ნუ იყიდით დესერტს

image

 

საწყენია, რთულია, თუმცა, შესაძლებელი! რა თქმა უნდა, არ გიკრძალევთ ნამცხვრების ან ტორტის ყიდვას განსაკუთრებულ შემთხვევებში, მაგრამ ნამდვილად არ ღირს ყოველ დღე თავი სხვადასხვა სახის დესერტით გაანებივროთ: დღეს – ტკბილი იოგურტი, ხვალ – ნამცხვარი, ზეგ – ტკბილი გაზიანი სასმელი, ან უფრო უარესი – ყველაფერი ერთად. ისწავლეთ უარის თქმა მსგავს ახირებებზე. უმჯობესია ხილი მიირთვათ ან ჩირი.

 

ორგანიზმი საკმაოდ სწრაფად ეჩვევა ტკბილს, ამიტომ თუ რეგულარულად იღებთ სიამოვნებას სხვადასხვა სახის დესერტით, თავდაპირველად ძალიან გაგიჭირდებათ ამ ვერაგ მტერთან ბრძოლა, მაგრამ დამიჯერეთ, ეს შესაძლებელია! ჩართეთ საკუთარი ნებისყოფა და იფიქრეთ რამდენად ჯანმრთელი და ლამაზი იქნებით, თუ შაქრის მიღებას შეამცირებთ.

წყარო: intermedia.ge

დაწერე კომენტარი (0 კომენტარი)
ჯანმრთელობა

9b60864580b3a286391e470f773af12eრამდენიმე თვის წინ ჩავატარე გამოკითხვა, რადგან ძალიან მაინტერესებდა, რას ფიქრობდნენ ქართველი ქალბატონები ერთ-ერთ ყველაზე პრობლემურ თემაზე. საკმაოდ ბევრი პასუხი მივიღე, რომელიც გადავწყვიტე, რომ ახლა გაგიზიაროთ. თქვენ განსაჯეთ, რამდენად ეფექტურ და უსაფრთხო ქცევაზეა საუბარი, თუმცა მე ვფიქრობ, რომ მათ სურთ, საკუთარი გამოცდილება დადებითი კუთხით გაგვიზიარონ.
ონლაინსივრცე სჯა-ბაასის ადგილი რომ არის, ეს რა ხანია ვიცით, ახლა კი ვნახოთ, რა რჩევები მივიღეთ გამოცდილი ქალბატონებისგან, ვინც უკვე დიდი ხანია ცდილობს დაკლებას და არაერთი ხერხი მოსინჯა. გამოკითხული ქალბატონები საუბრობენ შედარებით უსაფრთხო 

 

დიეტებზე და გვაძლევენ რჩევას, როგორ დავიცვათ ჩვენი ორგანიზმი.


ერთ-ერთი ქალბატონი ამბობდა, რომ საჭიროა რამდენიმე დიეტა გამოსცადო, რომ უკეთ გაიგო, რომელი უფრო ეფექტური იქნება შენი ორგანიზმისთვის. თუმცა მე ბოლომდე არ ვეთანხმები, რადგან ამას ყველა ადამიანის ორგანიზმი ვერ გაუძლებს. არსებობენ ქალბატონები, ვისაც ჯანმრთელობის პრობლემები აქვთ და შესაძლოა, ისეთმა დიეტამ ავნოთ, რომელიც ყველგანაა აპრობირებული.
შემდეგი პასუხები უფრო კონკრეტული და მიზანმიმართული გახლდათ:

  • "არაფერი არ მოსინჯო. ამოიღე რაციონიდან ცომეული, ტკბილეული. მიიღე ნაკლები მარილი და ჭამე იმის ნახევარი, რასაც აქამდე იღებდი. დალიე წყალი (მინიმუმ 2 ლიტრი) და საღამოს ფეხით იარე". ამ პასუხს დადებითი გამოხმაურება მოჰყვა.
  • " მაწონი ან არაჟანი - 500 გრამი. მთელი დღე ვჭამდი. ნაბეღლავი ან ლიკანი 1 ლიტრი. შუალედში წყალს ვსვამდი. ასევე მივირთმევდი ხილს, ვაშლს, შავ ქლიავს. ამ გზით 9 დღეში 6 კილოგრამი დავიკელი".
  • "დღის განმავლობაში 1000/15000 კალორია მიიღე. ამოიღე მოხმარებიდან ცომეული, ტკბილი, პური, ცხიმიანები, შაქარი და ბევრი წყალი დალიე. გვიან არ ჭამო. მე ამას ვაკეთებ და კმაყოფილი ვარ".

 



  • "ვინ გითხრათ, რომ პური სრულიად უსარგებლო და ზედმეტია ორგანიზმისთვის? უბრალოდ უნდა შეამციროთ რაოდენობა"- აღნიშნა ერთ-ერთმა ქალბატონმა, როცა სხვების პასუხები იხილა.
  • "ყოველგვარი დიეტის წინააღმდეგი ვარ. ყველა მავნეა ორგანიზმისთვის. უნდა იკვებოთ სწორი რეჟიმით და ეს საუკეთესო გზაა. დუკანის ცილოვანი დიეტა ყველასთვის არ შეიძლება. უნდა იყო დარწმუნებული იმაში, რომ თირკმელები სრულიად ჯანმრთელია. უვახშმობაა ოქროს წესი".

 



  • "ყველაზე უსაფრთხო - მოხარშული პროდუქტების დიეტაა", "მე 18-საათიან დიეტასაც გამოვარჩევდი. ასე ჰქვია და საკმაოდ უსაფრთხოა".


ახლა კი გთავაზობთ რჩევების გათვალისწინებით იმ დიეტას, რომელსაც ქართველმა ქალბატონებმა რეკომენდაცია გაუწიეს და შედარებით უსაფრთხოდ აღიარეს: 

18-საათიანი დიეტა:
ორგანიზმი 18 საათის განმავლობაში შიმშილობს. 
არ მიირთმევთ დილას 12-მდე და საღამოს 6 სთ-ის შემდეგ.
თუ დღის რეჟიმის გამო ვერ ახერხებთ ამ დიეტის ზუსტად დაცვას, უმჯობესია შუალედი შეცვალოთ: 
მაგალითად, არ მიირთვათ 8-ის შემდეგ და შუადღის 2-მდე. 
ან გვაქვს მეორე ვარიანტიც: 7 საათიდან შუადღის 1-მდე არ უნდა მიიღოთ საკვები. 
დიეტის დაცვის პერიოდში (არ ვგულისხმობთ იმ შუალედს, როცა ჭამა არ შეიძლება)
შეგიძლიათ მიირთვათ ყველაფერი, თუმცა უნდა შეამციროთ ცხიმიანი საკვების და ცომეულის რაოდენობა. 
მაგალითად, 1 ან 2 ნაჭერი პური დღეში (სასურველია შავი პური). 
როგორც ამბობენ, ამ დიეტის წყალობით შემდეგში წონის შენარჩუნებაც უფრო მარტივია.
არ დაგავიწყდეთ: 18-საათიანი დიეტის დაცვა 1 თვეზე მეტ ხანს არ შეიძლება.


მიუხედავად იმისა, რომ ეს დიეტა შედარებით მსუბუქადაა მიჩნეული - ვისთვისაც არ შეიძლება ინტერვალური შიმშილი - ამასაც, როგორც სხვა ნებისმიერ დიეტას, უკუჩვენება შეიძლება ჰქონდეს.
ამიტომ ვიდრე საკუთარ სხეულზე ექსპერიმენტების ჩატარებას გადაწყვეტდეთ, უკეთესი იქნება, ჯერ კონსულტაცია ექიმთან გაიაროთ.

 ავტორი: ნათია ხუნაშვილი
წყარო: marao.ge
დაწერე კომენტარი (0 კომენტარი)
მოიწონეთ გვერდი

Search