პარასკევი, დეკემბერი 06, 2019
Follow Us

განათლება

განათლება

022მასწავლებელიშემოდგომაზე ორგანიზებული საგნობრივი და პროფესიული კომპეტენციების დადასტურებისათვის მასწავლებლებისა და მასწავლებლობის მსურველთა  ტესტირება 8 ნოემბერს დასრულდა. პირველადი მონაცემებით, 26 600-მდე აპლიკანტიდან ტესტირებაზე გამოცხადდა 80%-ზე მეტი პრაქტიკოსი მასწავლებელი და მასწავლებლობის მსურველი.

როგორც გამოცდების ცენტრის ხელმძღვანელი EDU.ARIS.GE-ს კითხვის პასუხად ამბობს, შემოდგომის გამოცდებზე აპლიკანტთა დაგვიანების 10-მდე შემთხვევა დაფიქსირდა.

გამოცდიდან მოიხნსა 7 მასწავლებელი, მობილურის ან დამხმარე მასალის შეტანის მცდელობის გამო.

რაც შეეხება შედეგების გამოცხადებას, სოფო გორგოძე ამბობს, რომ ამ ეტაპზე ნაშრომების გასწორება მიმდინარეობს და პასუხები ნოემბრის ბოლოს, დეკემბრის დასაწყისში გამოქვეყნდება.

მისივე განმარტებით, ტესტირებაზე გასულები ყურადღებით უნდა იყვნენ იმასთან დაკავშირებით, რომ აპელაციისთვის მათ დიდი დრო არ ექნებათ.

“რაც შეეხება შემოდგომაზე გამოცდის გამართვას, ეს წელს მოხდა მხოლოდ და მომავალში მხოლოდ ზაფხულში გაიმართება”, – გვითხრა გამოცდების ცენტრის ხელმძღვანელმა.

მოამზადა ანუკი წიწილაშვილმა

EDU.ARIS.GE

დაწერე კომენტარი (0 კომენტარი)
განათლება

75407747 477559679520089 8373649483606523904 nჩოხატაურის ნიკო მარის სახელობის #1 საჯარო სკოლას ორი ახალი მენტორი მასწავლებელი ჰყავს. ეს ტიტული ქეთევან კუბლაშვილმა და ირმა კუჭავამ მიიღეს. როგორც #1 საჯარო სკოლაში "გურიაtv"_ის უთხრეს, ორივე პედაგოგი გამორჩეულია და მათ მიერ გახორციელებული პროექტებით სკოლას თავი არაერთხელ უსახელებია. აღანიშნავია, რომ ჩოხატაურის #1 საჯარო სკოლას უკვე 4 მენტორი მასწავლებელი ჰყავს.

მენტორი (მომდინარეობს ბერძნულიდან „Mentor“) — ხელმძღვანელი, აღმზრდელი, დამრიგებელი. ბერძნული მითოლოგიის თანახმად, მენტორი ერქვა ოდისევსის შვილის, ტელემაქეს აღმზრდელს. დღეს მენტორი არის სპეციალურად მომზადებული მასწავლებელი, რომელსაც შეუძლია დაეხმაროს: მასწავლებლის მომზადებაში ჩართულ უმაღლეს საგანმანათლებლო დაწესებულებებს სასკოლო პრაქტიკის კურსების წარმართვაში; გამოსაცდელ პერიოდში მომუშავე ინსტრუქტორებს პრაქტიკული პედაგოგიური ჩვევების ჩამოყალიბებასა და მასწავლებელთა პროფესიული განვითარების ცენტრში წარსადგენი რეკომენდაციების მოპოვებაში; სხვა მასწავლებლებს პროფესიულ განვითარებაში.

დაწერე კომენტარი (3 კომენტარი)
განათლება

rggdfgსტუდენტებს მასწავლებლის ასისტენტად მუშაობა შეეძლებათ. შესაბამის საკანონმდებლო ცვლილებებზე მუშაობა უკვე დაწყებულია. როგორც „ინტერპრესნიუსს“ განათლების, მეცნიერებისა და კულტურის საპარლამენტო კომიტეტის თავმჯდომარე მარიამ ჯაშმა განუცხადა, სკოლებში მასწავლებლის ასისტენტის პრაქტიკა 2020-2021 სასწავლო წლიდან დაინერგება.

ჯაშის განმარტებით, საკანონმდებლო ინიციატივა პარლამენტს საშემოდგომო სესიის დასრულებამდე წარედგინება.

დეპუტატის ინფორმაციით, ინიციტივის მიხედვით, სტაჟირება 2 წლიანი იქნება და მსურველები აღნიშნულ პერიოდში ანაზღაურებას არ მიიღებენ.

„ეს არის ინიციატივა, რომელიც უაღრესად დაეხმარება ზოგადად განათლების სისტემას, რომ ახალგაზრდა, მოტივირებული პირები დაინტერესდნენ განათლების სისტემაში პროფესიული კარიერის დაწყებით. ჩვენ საშემოდგომო სესიის ბოლომდე, იმედი მაქვს, რომ დავარეგისტრირებთ ამ ინიცაიტივას და მომდევნო სასწავლო წლისთვის ის უკვე იქნება მიღებული,“ - განაცხადა ჯაშმა.

მისივე თქმით, წინასწარი მონახაზით, მასწავლებლის ასისტენტობა ბაკალავრიანტის დამამთავრებელი კურსის სტუდენტებს და კურსთამთავრებულებს შეეძლებათ.

„მათ მიეცემათ შესაძლებლობა საზოგადოებრივ საწყისებზე ანუ სტაჟირების ფორმით დაიწყონ მუშაობა მასწავლებლის ასისტენტებად და ასევე მათ მიეცემათ სკოლაში მუშაობის პერიოდში უკვე პროფესიული გამოცდილების დამადასტურებელი საბუთი. დღეს სჯარო სამსახურში თუ სხვადასხვა სამსახურებში პირველადი ნაბიჯების გადადგმა კარიერის გზაზე არის გართულებულ, ამ შემთხვევაში ახალგაზრდა კადრებს მიეცემათ პროფესიული გამოცდლების დაგორვების საშუალება. ამ ეტაპზე საუბარია ანაზღაურების გარეშე სტაჟირებაზე ანუ სტაჟირება, რომელიც პროფესიულ გამოცდილებად ჩაეთვლებათ განათლების სისტემაში. ვფიქრობ, 2 წლამდე იყოს სტაჟირება. ფიზიკურად დღეს არსებული ფინანსური რესურსები არ გვაძლევს საშუალებას, რომ ვიფიქროთ ანაზღაურებად სტაჟირებაზე. ვფიქრობ, რომ 2020-2021 სასწავლო წლიდან შევლენ სკოლაში. მასწავლებლის ასისტენტს ექნება თავისი უფლება -მოვალეობები, რომელიც გაიწერება კანონში,“ - განაცხადა ჯაშმა.

წყარო: ipn.ge

დაწერე კომენტარი (0 კომენტარი)
განათლება

39479მასწავლებელთა საგნობრივი და პროფესიული კომპეტენციების დადასტურების გამოცდის ჩატარების მიზნით, 2019 წლის 26 ოქტომბრიდან 10 ნოემბრის ჩათვლით საქართველოს მასშტაბით 12 სკოლაში დამატებითი არდადეგები გამოცხადდება, ხოლო გაცდენილი სასწავლო დღეები სკოლების მიერ შერჩეული გრაფიკით, კანონმდებლობის შესაბამისად ანაზღაურდება. 

ამასთანავე, სკოლებში, სადაც სწავლა ორ სხვადასხვა კორპუსში მიმდინარეობს, დაწყებითი საფეხურის ჯგუფებისთვის სასწავლო პროცესი ჩვეულ რეჟიმში წარიმართება.

განათლების, მეცნიერების, კულტურისა და სპორტის სამინისტროს ცნობით, იმ სკოლებში, სადაც გამოცდები ჩატარდება, ადმინისტრაციის მიერ უკვე ინფორმირებულნი არიან როგორც მოსწავლეთა მშობლები, ასევე მასწავლებლები.

სკოლების ჩამონათვალი, სადაც დამატებითი არდადეგები გამოცხადდება, ასეთია::

სსიპ ქალაქ თბილისის N147 საჯარო სკოლა - I-XII კლასები, 26.10.12019 – 10.11.2019;

სსიპ ქალაქ თბილისის N117 საჯარო სკოლა - I-XII კლასები, 26.10.12019 – 10.11.2019;

სსიპ ქალაქ თბილისის N175 საჯარო სკოლა - I-XII კლასები, 26.10.12019 – 10.11.2019;

სსიპ აკაკი წერეთლის სახელობის ქალაქ ქუთაისის N1 საჯარო სკოლა - I-XII კლასები, 26.10.12019 – 10.11.2019;

სსიპ ანდრია რაზმაძის სახელობის ქალაქ ქუთაისის N41 ფიზიკა-მათემატიკის საჯარო სკოლა - Vვ კლასი და VI- XII კლასები (რუსთაველის ქ. N127), 26.10.12019 – 10.11.2019;

სსიპ ქალაქ ბათუმის N10 საჯარო სკოლა - V-XII კლასები, 26.10.12019 – 10.11.2019;

სსიპ ილია ჭავჭავაძის სახელობის ქალაქ ბათუმის N1 საჯარო სკოლა - I-XII კლასები, 26.10.12019 – 10.11.2019;

სსიპ მერაბ კოსტავას სახელობის ქალაქ ზუგდიდის N2 საჯარო სკოლა - I-XII კლასები, 26.10.12019 – 10.11.2019;

სსიპ ქალაქ ახალციხის N1 საჯარო სკოლა - I-XII კლასები, 26.10.12019 – 10.11.2019;

სსიპ ქალაქ თელავის N8 საჯარო სკოლა - I-XII კლასები, 26.10.12019 – 10.11.2019;

სსიპ ივანე ჯავახიშვილის სახელობის ქალაქ ფოთის N3 საჯარო სკოლა - I-XII კლასები, 26.10.12019 – 10.11.2019;

სსიპ ქალაქ ოზურგეთის N2 საჯარო სკოლა - I-XII კლასები, 26.10.12019 – 10.11.2019.

დაწერე კომენტარი (0 კომენტარი)
განათლება

RUSTAV"ინფო რუსთავის" ინფორმაციით, მე-6 კლასის მოსწავლემ პედაგოგი კიბეებიდან დააგორა. შემთხვევის შედეგად, მასწავლებელი ტვინის შერყევით კლინიკა „რუსთავში“ მოათავსეს. მისი ჯანმრთელობის მდგომარეობა სტაბილურია, თუმცა დაშავებული ამ დრომდე ექიმების მეთვალყურეობის ქვეშ რჩება.


„ინფო რუსთავთან“ საუბრისას, #5 საჯარო სკოლის დირექტორის მოვალეობის შემსრულებელი, თამარ გოგაძე ინციდენტს ადასტურებს, თუმცა აღნიშნავს, რომ

„ფაქტის მოკვლევა მიმდინარეობს, მასწავლებელი ამბობს, რომ მას მოსწავლემ ხელი კრა, მოსწავლე კი ფაქტს უარყოფს.

კითხვაზე, იყო თუ არა პედაგოგსა და მოსწავლეს შორის კონფლიქტი, თამარ გოგოძე აცხადებს: „მე ვარ სულ ახლახანს დანიშნული დირექტორი, სულ რაღაც 1 კვირაა გასული, აქამდე რა იყო ამაზე საუბარი არ შემიძლია, მე რაც დავინიშნე კონფლიქტი არ ყოფილა, ეს პირველი შემთხვევაა.

როგორც სკოლის მოსწავლეების მშობლები აცხადებენ, სწორედ აღნიშნული მოსწავლის საჩივრის საფუძველზე გაათავისუფლეს წინა დირექტორი.

საქართველოს ზოგადი განათლების კანონის მიხედვით, დაუშვებელია სკოლაში ძალადობა მოსწავლის, მასწავლებლის ან ნებისმიერი სხვა პირის მიმართ. ფიზიკური ან/და სიტყვიერი შეურაცხყოფის შემთხვევაში სკოლა ვალდებულია დაუყოვნებლივ მოახდინოს სათანადო რეაგირება საქართველოს კანონმდებლობით დადგენილი წესით.

 

წყარო: www.newposts.ge

დაწერე კომენტარი (0 კომენტარი)
მოიწონეთ გვერდი

Search