პარასკევი, აპრილი 23, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

განათლება

განათლება

 moscavle skolaპირველკლასელთა და მათი მშობლების ინტერესების გათვალისწინებით, 2021-2022 სასწავლო წლისთვის პირველკლასელთა რეგისტრაციის I და II ეტაპის ვადებში ცვლილება შევიდა.

საქართველოს მთავრობის მიერ 4-11 მაისის უქმე დღეებად გამოცხადების გამო ცვლილება შეეხო პირველკლასელთა რეგისტრაციის II ეტაპს, რომელიც 2021 წლის 20 აპრილიდან 29 აპრილის ჩათვლით განხორციელდება.

II ეტაპზე სკოლაში დარეგისტრირდებიან ბავშვები, რომელთა და-ძმა სწავლობს სასურველ სკოლაში; რომელთა მშობელი არის კონკრეტული სკოლის თანამშრომელი; რომელთა ოჯახიდან ერთდროულად ორი ან მეტი ბავშვი შედის პირველ კლასში.

სამინისტრო მშობლებს მოუწოდებს, ყურადღებით გაეცნონ რეგისტრაციის ვადებს და პირობებს, დროულად მიმართონ სკოლის ადმინისტრაციას და წარადგინონ საჭირო დოკუმენტაცია, რათა ბავშვის სკოლაში შეყვანა შეუფერხებლად შეძლონ.

ქვეყანაში არსებული ეპიდვითარების გამო სპეციალური საგანმანათლებლო საჭიროების მქონე მოსწავლეების ინტერესების გათვალისწინებით, ასევე 5 ივნისამდე გახანგრძლივდა I ეტაპზე პირველკლასელთა რეგისტრაციისთვის საჭირო დოკუმენტაციის წარდგენის საბოლოო ვადა.

დაწერე კომენტარი (0 კომენტარი)
განათლება

mascavlebeliსახელმწიფო აუდიტის სამსახურმა მასწავლებელთა პროფესიული განვითარების ეფექტიანობის აუდიტი ჩაატარა, რომელმაც სქემით გათვალისწინებული მასწავლებლის კვალიფიკაციის ამაღლებისა და კარიერული წინსვლისთვის განხორციელებული ღონისძიებების პროდუქტიულობისა და ეფექტიანობის საკითხები მოიცვა. კვლევის შედეგად არაერთი ნაკლოვანება გამოიკვეთა.

აუდიტის ობიექტი იყო საქართველოს განათლების, მეცნიერების, კულტურისა და სპორტის სამინისტრო და ამავე სამინისტროს დაქვემდებარებაში არსებული სსიპ − მასწავლებელთა პროფესიული განვითარების ეროვნული ცენტრი. აუდიტმა მოიცვა 2017-2019 წლები. ამავე დროს, აუდიტის მიზნებიდან გამომდინარე, გამოიყენეს შემდგომი პერიოდის ინფორმაციაც.

აუდიტის ჯგუფმა შეისწავლა ზოგადსაგანმანათლებლო დაწესებულებებში რეგისტრირებული, საშუალოდ, 62,000 მასწავლებლის მიერ განხორციელებული აქტივობებისა და კომპეტენციის დამადასტურებელი მონაცემთა ბაზები.  შემთხვევითი შერჩევის პრინციპით გაანალიზდა 120 მასწავლებლის მიერ პროგრამის ფარგლებში განხორციელებული აქტივობები.

აუდიტის ჯგუფი გაეცნო სამინისტროს სტრატეგიას, სამოქმედო გეგმებს, მასწავლებლის პროფესიულ სტანდარტებს და შესაბამის მარეგულირებელ ნორმატიულ ბაზას. ჩატარდა ცენტრისა და სამინისტროს წარმომადგენლებთან ინტერვიუები.

აუდიტის ჯგუფმა განახორციელა სქემის ფარგლებში შესრულებული აქტივობებისა და მონაცემთა ბაზების ანალიზი. კერძოდ, შეისწავლა 120 მასწავლებლის პორტფოლიო, ცენტრის მიერ ორგანიზებული ტრენინგმოდულები, 28,000 მასწავლებლის ტრენინგებზე დასწრების, შედეგებისა და შესაბამისად, ინფორმაცია მიღებული კრედიტების შესახებ. აუდიტის ჯგუფმა ჩაატარა ინტერვიუები აუდიტის ობიექტების წარმომადგენლებთან და 115 მასწავლებლის გამოკითხვა შემთხვევითი შერჩევის პრინციპით.

აუდიტის შედეგად გამოვლენილი  ნაკლოვანებები:

1) მასწავლებლის კვალიფიკაციის დამადასტურებელი მინიმალური საგამოცდო ბარიერი − 30%,2 მნიშვნელოვნად ჩამორჩებოდა საერთაშორისო პრაქტიკას, რომლის მიხედვით, ეს მაჩვენებელი საშუალოდ 70%-ია. 2017-2019 წლებში გამოცდაზე საგნობრივი მიმართულებით მინიმალური შედეგი აჩვენა მასწავლებლების საშუალოდ 25%-მა, ხოლო პროფესიული უნარების მიმართულებით − 27%-მა. სქემით განსაზღვრული მაქსიმალური შედეგი კი (60% და უფრო მაღალი), ერთდროულად როგორც საგნობრივი, ასევე პროფესიული უნარების გამოცდაში, მასწავლებლების მხოლოდ 1,5%-მა დააფიქსირა. 2020 წლიდან მინიმალური კომპეტენციის ზღვარი საგნობრივი გამოცდის შემთხვევაში გაიზარდა 50%-მდე.

2) სქემის ფარგლებში, 2020 წლიდან პროფესიული უნარების დამადასტურებელ გამოცდაში გადასალახი მინიმალური ზღვარი არ არის განსაზღვრული. ამასთანავე, მიუხედავად მასწავლებლების მიერ გამოცდაზე მიღებული დაბალი შედეგებისა, იზრდება იმ მასწავლებლების რიცხვი, რომლებმაც მომდევნო კარიერულ საფეხურზე გადაინაცვლეს.

3) 2020 წლიდან უწყვეტი პროფესიული განვითარებისთვის განისაზღვრა ტრენინგების გასავლელად სავალდებულო საათების რაოდენობა, თუმცა არ არის იდენტიფიცირებული დარგებისა და კარიერული საფეხურების მიხედვით სავალდებულო და არჩევითი ტრენინგმოდულები, ასევე არ არის შემუშავებული მასწავლებელთა გადამზადების ეტაპობრივი და თანმიმდევრული გეგმა. 2017-2019 წლებში ცენტრის მიერ ორგანიზებულ ტრენინგებში მონაწილეობა არ ჰქონდა მიღებული მასწავლებლების 1/3-ს. არსებული რესურსის პირობებში შესაძლებელი იყო 5 წლის განმავლობაში ორი პრიორიტეტული მიმართულებით მასწავლებელთა სრული კონტინგენტის გადამზადება, რაც ხელს შეუწყობდა ფინანსური რესურსის პროდუქტიულ ხარჯვას.

4) სქემით გათვალისწინებული მიზნების მისაღწევად არ არის შემუშავებული სისტემატიზებული დოკუმენტი, რომლის ფარგლებშიც დეტალურად გაიწერებოდა კონკრეტული ღონისძიებები, მისაღწევი შედეგები, ვადები და საჭირო რესურსები. არსებული ინდიკატორები სრულად ვერ უზრუნველყოფს დასახული მიზნების შესრულების შეფასებას

5) საპენსიო ასაკს მიღწეულ მასწავლებლებს, რომლებმაც 2019 წელს ვერ გადაინაცვლეს მომდევნო კარიერულ საფეხურზე შესაბამისი აქტივობების განხორციელების გზით და უნდა შეეწყვიტათ პედაგოგიური საქმიანობა, საქართველოს მთავრობის დადგენილებით, მიეცათ საშუალება მიეღოთ სახელმწიფო ფულადი ჯილდო სისტემიდან გასვლის სანაცვლოდ. ამ მიზნით, 2019-2020 სასწავლო წლებში, სამინისტრომ გახარჯა 75.5 მლნ ლარი. 2-წლიანი ვადის გასვლის შემდეგ, ზემოხსენებულ მასწავლებლებს კვლავ აქვთ შესაძლებლობა განაგრძონ პედაგოგიური საქმიანობა დადგენილი მოთხოვნების დაკმაყოფილების შემთხვევაში. სამინისტროს და ცენტრს არ აქვთ შემუშავებული სამოქმედო გეგმა სისტემიდან გასული მასწავლებლების ახალი კვალიფიციური კადრებით ჩასანაცვლებლად, რაც არსებული მექანიზმების პირობებში ზრდის პროცესის არაეფექტიანად წარმართვის რისკებს.

6) აუდიტის პერიოდში ცენტრის მიერ სათანადოდ არ იყო შესწავლილი და შეფასებული, პროფესიული განვითარების მიზნით მასწავლებელთა მხრიდან განხორციელებული აქტივობების შესრულების შედეგები. მოცემულ პერიოდში მასწავლებლების უმრავლესობა ვერ ასრულებდა სქემით განსაზღვრულ როგორც სავალდებულო, ასევე დამატებითი სამუშაოების 40%-ს. გამოვლენილ გარემოებებსა და ნაკლოვანებებზე სახელმწიფო აუდიტის სამსახურმა გასცა შესაბამისი რეკომენდაციები, რომელთა გათვალისწინების შემთხვევაში, შესაძლებელი იქნება სისტემის ფუნქციონირების გაუმჯობესება.

რეკომენდაციები − სამინისტროს და ცენტრს:

რეკომენდაცია N1 მასწავლებლის კვალიფიკაციის დადასტურების პროცესის გაუმჯობესების მიზნით, ყველა საფეხურზე მკაფიოდ გაიწეროს პედაგოგის მიერ პროფესიული უნარების გამოცდის ფარგლებში, კომპეტენციის დამადასტურებელი მინიმალური ზღვარი.

რეკომენდაცია N2 მასწავლებელთა უწყვეტი პროფესიული განვითარების და ტრენინგებზე მიმართული ფინანსური რესურსის პროდუქტიულად ხარჯვის მიზნით:

მასწავლებლის სტანდარტის მოთხოვნების გათვალისწინებით, ტრენინგების გასავლელად სქემით დადგენილი წლიური სავალდებულო საათების ფარგლებში, შეფასდეს და შესაბამისად გაიწეროს ცალკეული დარგისა და კარიერული საფეხურის მიხედვით სავალდებულო და არჩევითი ტრენინგმოდულები;

განისაზღვროს მექანიზმები, რომლებიც უზრუნველყოფს თანამიმდევრულად, პრიორიტეტული მიმართულებების მიხედვით, კონკრეტულ ვადებში მასწავლებელთა სრული კონტინგენტის გადამზადებას.

რეკომენდაცია N3 სქემით განსაზღვრული მიზნების მისაღწევად:

მიზანშეწონილია შემუშავდეს სისტემატიზებული დოკუმენტი, სადაც განსაზღვრული იქნება მათი მიღწევის კონკრეტული მექანიზმები, საჭირო რესურსები და შესაბამისი შეფასების ინდიკატორები;

ცვლილების საფუძველზე ახალი მექანიზმების დანერგვისას, უზრუნველყოფილ იქნეს მათი სქემის მიზნებთან შესაბამისობა.

რეკომენდაცია N4 სკოლებში სწავლა-სწავლების პროცესის გაუმჯობესების მიზნით, ფინანსური სახსრების ეფექტიანი და პროდუქტიული ხარჯვის პრინციპების გათვალისწინებით, შემუშავდეს ისეთი მექანიზმები, რომლებიც უზრუნველყოფს სისტემაში მხოლოდ იმ კადრების შენარჩუნებას, რომლებიც აკმაყოფილებენ დადგენილ მოთხოვნებს და ხელს შეუწყობენ კვალიფიციური კადრების მოზიდვას.

რეკომენდაცია N5 სამინისტრომ, სისტემაში შემავალ ერთეულებთან კოორდინაციით შეაფასოს:

რამდენად უწყობს ხელს არსებული სქემა სწავლა-სწავლების ხარისხის ამაღლებას სკოლებში და შედეგად, დაგეგმოს შესაბამისი ღონისძიებები.

რამდენად უზრუნველყოფს ზოგადსაგანმანათლებლო დაწესებულება მასწავლებელთა მხარდაჭერაზე ორიენტირებული პროფესიული განვითარების პროცესს და დანერგოს შესაბამისი მონიტორინგის მექანიზმები.

edu.aris.ge

დაწერე კომენტარი (0 კომენტარი)
განათლება

skola mascavlebeli pensia2019-2020 წლების მონაცემებით, განათლების სამინისტრომ 1,923 სკოლის 8,200-ზე მეტი მასწავლებლის განაცხადი ჯილდოს მიღებასთან დაკავშირებით დააკმაყოფილა, რაც იმას ნიშნავს, რომ აღნიშნული მასწავლებლების სისტემიდან გასვლის სანაცვლოდ 75.5 მლნ ლარი გაიხარჯა, - ამის შესახებ მასწავლებელთა პროფესიული განვითარების 2017-2019 წლების აუდიტის ანგარიშშია ნათქვამი.

როგორც დოკუმენტშია აღნიშნული, არსებული რეგულაციის მიხედვით, თუ პრაქტიკოსი მასწავლებელი ფულადი ჯილდოს მიღებისა და სისტემიდან გასვლის შემდეგ, ხელშეკრულების შეწყვეტიდან 2-წლიანი ვადის დასრულებისას გადაწყვეტს საჯარო სკოლაში მასწავლებლის ვაკანტურ პოზიციაზე დასაქმებას და დააკმაყოფილებს „ზოგადი განათლების შესახებ“ საქართველოს კანონით დადგენილ მოთხოვნებს, მას შეეძლება კვლავ განაგრძოს პედაგოგიური საქმიანობა, ფულადი ჯილდოს დაბრუნების გარეშე.

ეს კი იმას ნიშნავს, რომ 8200-ზე მეტ მასწავლებელს, თუ ისინი მოთხოვნებს დააკმაყოფილებენ, მიღებული ჯილდოს მიუხედავად, კვლავ შეეძლებათ დაუბრუნდნენ სკოლებს. ყოველ შემთხვევაში, არსებული რეგულაცია, ამის შესაძლებლობას იძლევა.

გარდა ამისა, აუდიტი აღნიშნავს, რომ სამინისტროს და ცენტრს არ აქვთ შემუშავებული სამოქმედო გეგმა იმ მასწავლებლების ახალი კადრებით ჩასანაცვლებლად, რომლებმაც დატოვეს სისტემა.

„სასწავლო პროცესის ხარისხიანი და შეუფერხებელი წარმართვის და ასევე შესაძლო დეფიციტის აღმოფხვრის მიზნით, მნიშვნელოვანია სისტემიდან გასული მასწავლებლების დროული ჩანაცვლება ახალი კვალიფიციური კადრებით. აღსანიშნავია, რომ მოცემულ მიზანს ემსახურება 2010 წელს შექმნილი „მაძიებლობის პროგრამა“, რომელსაც ახორციელებს ცენტრი. 2019 წელს აღნიშნული პროგრამის პირველადი ვერსია გაუქმებულად გამოცხადდა და დამტკიცდა ახალი. მასწავლებლობის მაძიებლობა ერთ-ერთი გზაა მასწავლებლობის უფლების არმქონე პირმა მოიპოვოს ზოგადსაგანმანათლებლო დაწესებულებაში მასწავლებლად მუშაობის დაწყების უფლება.

2019-2020 წლების მონაცებებით, ქვეყნის მასშტაბით სქემაში ჩართულია 2,138 მაძიებლობის სტატუსის მქონე მასწავლებელი, რომელთა 85% რამდენიმე წლის განმავლობაში ასრულებდა პედაგოგიურ საქმიანობას და იმ მასწავლებლების რიცხვს მიეკუთვნებოდნენ, რომლებსაც არ ჰქონდათ სტატუსი მინიჭებული. 2019 წელს განხორციელებული ცვლილების საფუძველზე 8,200 მასწავლებელს შეუწყდა სტატუსი. აღნიშნული მონაცემების გათვალისწინებით, იმ შემთხვევაში, თუ სისტემაში ახალი კადრების შედინება მოცემული პროგრამის ფარგლებში მოხდება, არსებული დანაკლისის მხოლოდ 26%-ის შევსებაა შესაძლებელი. აღსანიშნავია ისიც, რომ მასწავლებლობის მაძიებელი ვალდებულია, ზოგადსაგანმანათლებლო დაწესებულებაში დასაქმებისა და მასწავლებლის განათლებისთვის დადგენილი შესაბამისი მოთხოვნების დაკმაყოფილების მიზნით, გაიაროს მასწავლებლობის მაძიებლობის პროგრამა ზოგადსაგანმანათლებლო დაწესებულებაში დასაქმებიდან 2 წლის განმავლობაში. აღნიშნულის გათვალისწინებით და 2016-2020 წლების მონაცემებზე დაყრდნობით, სისტემიდან გასული მასწავლებლების ჩანაცვლებას მხოლოდ მაძიებლობის პროგრამით დასჭირდება 4 წელი.

ზემოთ განხილული გარემოებები მიუთითებს, რომ სქემით დანერგილმა მექანიზმებმა ვერ შექმნა საკმარისი წინაპირობა მასწავლებლების წინსვლის სტიმულირებისთვის. რელევანტური მექანიზმების დანერგვის პირობებში, შესაძლებელია კვალიფიციური კადრების მოზიდვა და სქემით დასახული მიზნის მიღწევა, თუმცა არსებული მექანიზმების პირობებში იკვეთება პროცესის არაეფექტიანად წარმართვის რისკები“, - აღნიშნულია აუდიტის ეფექტიანობის ანგარიშში.

 

www.bm.ge

დაწერე კომენტარი (0 კომენტარი)
განათლება

 skola maswavlebliTსახელმწიფო აუდიტის სამსახურმა, მასწავლებელთა პროფესიული განვითარების ეფექტიანობის აუდიტის ანგარიში გამოაქვეყნა.

ანგარიშის თანახმად, 2017-2019 წლებში, მასწავლებელთა კომპეტენციის დამადასტურებელ გამოცდაში, მაქსიმალური შედეგი - 60% და უფრო მაღალი, მასწავლებლების მხოლოდ 1,5%-მა აიღო.

"მასწავლებლის კვალიფიკაციის დამადასტურებელი მინიმალური საგამოცდო ბარიერი − 30%, მნიშვნელოვნად ჩამორჩებოდა საერთაშორისო პრაქტიკას, რომლის მიხედვით, ეს მაჩვენებელი საშუალოდ 70%-ია.

2017-2019 წლებში გამოცდაზე საგნობრივი მიმართულებით მინიმალური შედეგი აჩვენა მასწავლებლების საშუალოდ 25%-მა, ხოლო პროფესიული უნარების მიმართულებით − 27%-მა.

სქემით განსაზღვრული მაქსიმალური შედეგი კი (60% და უფრო მაღალი), ერთდროულად როგორც საგნობრივი, ასევე პროფესიული უნარების გამოცდაში, მასწავლებლების მხოლოდ 1,5%-მა დააფიქსირა.

2020 წლიდან მინიმალური კომპეტენციის ზღვარი საგნობრივი გამოცდის შემთხვევაში გაიზარდა 50%-მდე", - წერია ანგარიშში.

აუდიტის ანგარიშის მიხედვით, საკვლევ პერიოდში მასწავლებლების უმრავლესობა ვერ ასრულებდა სავალდებულო სამუშაოებს. ასევე ვერ ასრულებდა დამატებითი სამუშაოების 40%-ს.

დაწერე კომენტარი (0 კომენტარი)
განათლება

 skola ezoგანათლების სამინისტრომ ახალი ცვლილება მიიღო, რომლის მიხედვითაც 45 დღიანი სკოლაში გამოუცხადებლობა მოსწავლისთვის სტატუსის შეჩერების საფუძველი იქნება. ამ ცვლილებების შესახებ განათლების სამინისტრო დამატებით განმარტებებს აკეთეს:

„პირველად, მოსწავლეთა სკოლის მიღმა დარჩენის პრევენციის მიზნით, სასწავლო პროცესში ჩართულობის მონიტორინგის მექანიზმი ამოქმედდა. განათლებისა და მეცნიერების სამინისტრომ დააწესა რეგულაციები, რომელიც სკოლებს ავალდებულებს, მოსწავლის სკოლაში ან დისტანციური ფორმით ჩატარებულ გაკვეთილებზე გამოუცხადებლობის შემთხვევაში, რეაგირება მოახდინოს. საბოლოო ჯამში, იმისათვის, რომ მოზარდი სკოლის მიღმა არ აღმოჩნდეს, პროცესში მთელი განათლების სისტემა ერთვება". - ამბობს განათლების სამინისტრო

ახალი რეგულუციებით, განათლების სამინისტროს გაუჩნდა ბერკეტი მოზარდის სკოლაში დასაბრუნებლად შემდეგი ღონისძიებები გაატაროს:

  1. ყოველდღიური მონიტორინგის საფუძველზე, არაუგვიანეს მე-10 დღეს, კლასის დამრიგებელი ვალდებულია სკოლის ადმინისტრაციას წარუდგინოს წერილობითი ანგარიში
  2. ზედიზედ გაცდენილი 20 სასწავლო დღის შემდეგ კი, პროცესში კლასის დამრიგებელთან ერთად, განათლების სისტემის სოციალური მუშაკები ჩაერთვებიან, რომლებიც ინფორმაციის მიღებიდან 2 სამუშაო დღის განმავლობაში მოსწავლის ოჯახში მივლენ.
  3. 45 დღიანი გამოუცხადებლობა მოსწავლისთვის სტატუსის შეჩერების საფუძველი იქნება. სტატუსის აღდგენა შესაძლებელია მშობლის განცხადების საფუძველზე, მიმართვისთანავე.

აქამდე სტატუსის შეჩერების საფუძვლად 90 სასწავლო დღის ზედიზედ გაცდენა ითვლებოდა.  აქამდე სკოლას არ ჰქონდა ვალდებულება, მოზარდის სკოლაში დასაბრუნებლად გაეტარებინა საჭირო ღონისძიებები. გარდა ამისა, იმ შემთხვევაში, თუ მოსწავლე 90-დღიანი ვადის ამოწურვამდე ერთხელ მაინც გამოცხადდებოდა სკოლაში, მისთვის გაცდენების აღრიცხვა თავიდან იწყებოდა 

თუ ტექნიკური პრობლემების გამო მოსწავლეს არ აქვს წვდომა ტელესკოლასა და ონლაინსწავლებაზე, მასწავლებელი ვალდებულია, უზრუნველყოს მასთან კომუნიკაცია ნებისმიერი, მათ შორის სატელეფონო ფორმით. ხოლო მოსწავლის კანონიერი წარმომადგენელი ვალდებულია, ითანამშრომლოს სკოლასთან. ყველა ამ ფაქტორის გათვალისწინებით, მოსწავლე დისტანციური სწავლების დროს სტატუსი შეჩერებისგან დაცულია.

დაწერე კომენტარი (0 კომენტარი)
მოიწონეთ გვერდი

Search