შაბათი, ივნისი 06, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

უცხოეთი

უცხოეთი

 eqimi fauchiექიმი ენტონი ფაუჩი ამბობს, რომ დღეს დანიშნულ კონგრესის მოსმენაზე, ის ისაუბრებს ქვეყნის ეკონომიკის ნაჩქარევად გახსნის საფრთხეებზე. თეთრი სახლის მთავარი ექსპერტი კოვიდ-19-თან ბრძოლაში, ამერიკის შეერთებული შტატების ალერგიების და ინფექციურ დაავადებათა ეროვნული ინსტიტუტის დირექტორია.

თუ ქვეყანა არ მიჰყვება თეთრი სახლის მიერ რეკომენდებულ, ეკონომიკის განახლების სამფაზიან გეგმას, "მაშინ დავდგებით [კოვიდ-19-ის] მრავლობითი აფეთქების საფრთხის წინაშე მთელი ქვეყნის მასშტაბით. ფაუჩის თქმით, ეს იქნება მისი მთავარი გზავნილი ამერიკელი კანონმდებლებისადმი.

ჯანდაცვის წამყვანმა ექსპერტმა კონგრესში დანიშნულ მოსმენამდე ინტერვიუ მისცა "ნიუ-იორკ თაიმსს". ჟურნალისტებს მან უთხრა, რომ "ეს არამარტო უმიზნო ტანჯვას და სიკვდილს გამოიწვევს, არამედ ნორმალური ცხოვრების დაბრუნების გზაზე, კიდევ უფრო უკან გადაგვწევს".

ჯანდაცვის ოფიციალური პირები უკვე რამდენიმე კვირაა აფრთხილებენ პოლიტიკოსებს, რომ კარანტინის შეზღუდვების შემსუბუქება და ეკონომიკის ამუშავება ეტაპობრივად უნდა მოხდეს. წინააღმდეგ შემთხვევაში, ბიზნესების სწრაფად გახსნა გამოიწვევს კოვიდ-19-ით ინფიცირების და სიკვდილიანობის ზრდას. შესაბამისად, ეს მოიტანს პანდემიის ახალ აფეთქებას. საბოლოო ჯამში კი ეს ყველაფერი არამარტო ჯანდაცვას, არამედ ისევ ქვეყნის ეკონომიკას ავნებს.

თეთრი სახლის მიერ ამერიკის შტატებისთვის შეთავაზებული რეკომენდაციები ჯანდაცვის ოფიციალური პირების გეგმას ეყრდნობა. გეგმის მიხედვით, შეზღუდვების შემსუბუქების ერთ-ერთი პირველი და მთავარი წინაპირობა, ინფიცირებულთა რაოდენობის კლების ტრაექტორია და ძლიერი სისტემების შექმნაა, რომელიც ინფიცირებულთა შესაძლო კონტაქტების მონიტორინგს წარმართავს.

ექიმ ფაუჩის გარდა, კონგრესის მოსმენებზე ჯანდაცვის სხვა ოფიციალური პირებიც არიან დაბარებულები. მათ შორის: ექიმი რობერტ რედფილდი - შეერთებული შტატების დაავადებათა კონტროლის და პრევენციის ცენტრის დირექტორი; ექიმი სტივენ ჰანი - აშშ-ის საკვების და მედიკამენტების ადმინისტრაციის ხელმძღვანელი, ასევე ქვეყნის ჯანდაცვის დეპარტამენტის მაღალჩინოსნები.

ფაუჩი, რედფილდი და ჰანი ამჟამად თვითიზოლაციაში არიან და მოსმენებს დისტანციურად დაესწრებიან. თეთრი სახლის თანამშრომელთა ერთი ნაწილი 14-დღიან კარანტინში გადავიდა, მას შემდეგ, რაც იქ მომუშავე ორ ადამიანს, ახალი კორონავირუსის ინფექცია დაუდასტურდა.

კონგრესში დღეს სხდომას სენატის ჯანდაცვის, განათლების, მშრომელთა და პენსიების კომიტეტი წარმართავს. მოსმენების სახელწოდებაა: სამუშაოზე და სკოლებში უსაფრთხოდ დაბრუნება.

ბოლო მონაცემებით, ამერიკაში 1 386 514 ადამიანია ინფიცირებული. კოვიდ-19-ის გართულებებით გარდაიცვალა 81 812 ამერიკელი და გამოჯანმრთელდა 262 225. ყველაზე რთული ვითარებაა ნიუ-იორკის შტატში, სადაც ინფიცირებულია 348 151 და გარდაცვლილია 27 003 ადამიანი.

დაწერე კომენტარი (0 კომენტარი)
უცხოეთი

 peskoviრუსეთის პრეზიდენტის პრესსპიკერს, დიმიტრი პესკოვს კორონავირუსი დაუდგინდა. ინფორმაციას რუსული მედია ავრცელებს.

გავრცელებული ცნობებით, ის ამჟამად საავადმყოფოშია გადაყვანილი. შეგახსენებთ, რამდენიმე დღის წინ კორონავირუსი რუსეთის პრემიერ-მინისტრს, მიხეილ მიშუსტინს დაუდასტურდა.

დაწერე კომენტარი (0 კომენტარი)
უცხოეთი

 12წერვგერთი ადამიანის სიცოცხლე ემსხვერპლა ხანძარს მოსკოვის ერთ-ერთ საავადმყოფოში, სადაც კორონავირუსით დაინფიცირებულებს მკურნალობენ.

მოსკოვის ჩრდილოეთით, ხანძარი იყო სპასოკოკოცკის საავადმყოფოს ერთ-ერთ კორპუსში.
ხანძრის კერა უროლოგიური კორპუსის პირველ სართულზე იყო, სადაც COVID-19 ით დაინფიცირებულ პაციენტებს  მკურნალობენ. ხანძრის მიზეზად პირადი ნივთების აალება სახელდება.

ამ  მომენტისთვის ხანძარი უკვე ლიკვიდირებულია..

საგანგებო სიტუაციების სამინისტრომ დაადასტურა, რომ ხანძრის შედეგად დაიღუპა ერთი და დაშავდა სამი ადამიანი.

დაწერე კომენტარი (0 კომენტარი)
უცხოეთი

 katargaომანის ყურეში, ირანის პორტ ჯასკის მახლობლად წვრთნების დროს სამხედრო გემიდან რაკეტა შემთხვევით საკუთარი კატარღის მიმართულებით გაუშვეს. ამ ინფორმაციას BBC ავრცელებს. გამოცემის ცნობით, შემთხვევის დროს ირანელი სამხედროები ახალ იარაღს ცდიდნენ.

სარაკეტო დარტყმის შედეგად ხომალდი სახელად „კონარაკ“ მთლიანად განადგურდა. ირანული მედიასაშუალებების განცხადებით, შემთხვევას 1 ადამიანი ემსხვერპლა და რამდენიმე დაშავდა. თუმცა „ალ-ჯაზირას“ განცხადებით, შემთხვევას ათობით ადამიანი ემსხვერპლა.

დაწერე კომენტარი (0 კომენტარი)
უცხოეთი

 paradi belorusi lukashenkoბელარუსის დედაქალაქში ხალხი შეიკრიბა მეორე მსოფლიო ომში გამარჯვების 75-ე წლისთავის აღსანიშნავ სამხედრო აღლუმზე დასასწრებად, მიუხედავად COVID-19-ის პანდემიისა. 

ბელარუსი ერთადერთი ქვეყანაა ევროპაში, რომელმაც არ შემოიღო მკაცრი და მასშტაბური შეზღუდვები მოქალაქეთა გადაადგილებაზე, ხოლო მისმა ვეტერანმა პრეზიდენტმა, ალექსანდრ ლუკაშენკამ, პანდემიას "ფსიქოზი" უწოდა - მიუხედავად ცნობისა, რომ ქვეყანაში ამ ინფექციის 21,000 დადასტურებული შემთხვევაა.

"ბელარუსი ამ მნიშვნელოვან თარიღს ზეიმობს, ასეთ რთულ დროს", - თქვა ლუკაშენკამ 9 მაისს. "თუმცა, ჩვენი ამჟამინდელი სიძნელეები ფერმკრთალდება იმ სირთულეებსა და დანაკარგთან შედარებით, რომელიც შეხვდა მსოფლიოს ყავისფერი ჭირისგან გადამრჩენელ, გმირ თაობას".

აღლუმს ათასობით მაყურებელი დაესწრო. ადგილზე 167 საპოლიციო პუნქტი იყო აღმართული. ტელევიზიით გავრცელებულ კადრებში ჩანდა ნიღბის გარეშე მისული ოფიციალური პირები და აღლუმის მონაწილეები. მიმდინარე კვირაში ლუკაშენკამ სხვა ქვეყნების ლიდერებს მოუწოდა აღლუმს დასწრებოდნენ. რუსეთს ბელარუსში მისი ელჩი წარმოადგენდა აღლუმზე. საკუთრივ რუსეთში გაუქმდა მასშტაბური ღონისძიებები.

 

www.radiotavisupleba.ge

დაწერე კომენტარი (0 კომენტარი)
მოიწონეთ გვერდი

Search