ოთხშაბათი, აპრილი 08, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

უცხოეთი

უცხოეთი

E3F7D1FA 0E29 469E AA35 7C7F46611DCC w1023 r1 sბრიტანეთის პრემიერ-მინისტრი ბორის ჯონსონი, რომელსაც გასულ კვირას კორონავირუსი დაუდგინდა, გუშინდელს შემდეგ საავადმყოფოში რჩება. გუშინ ის საავადმყოფოში დამატებითი შემოწმებისთვის გადაიყვანეს, რადგან რამდენიმე დღის განმავლობაში მაღალი სიცხე ჰქონდა. პრემიერის ადმინისტრაცია აცხადებს, რომ ეს ნაბიჯები უფრო სიფრთხილის მიზნითაა გადადგმული და ჯონსონი კვლავ მეთაურობს მთავრობის საქმიანობას.

ბრიტანეთი ბოლო დროს ეპიდემიის გავრცელების ერთ-ერთი ცხელი წერტილია. იქ ამ დროისთვის 48 451 დადასტურებული შემთხვევაა, 5000-მდე გარდაცვლილი, 229 კი - გამოჯანმრთელებული. მხოლოდ კვირა დღეს გარდაცვალების 600 ფაქტი დაფიქსირდა.

ევროპის ზოგიერთ სხვა ნაწილში კი მცირედი გაუმჯობესება შეინიშნება. ვირუსის რამდენიმეკვირიანი სწრაფი და ფართო გავრცელების და შეზღუდვების უმკაცრესი ზომების შემდეგ იტალიაში, სადაც ყველაზე მეტი ადამიანი დაიღუპა, ბოლო ორ კვირაში ყველაზე მცირე ზრდა დაფიქსირდა. ასევე მძიმედ დაზარალებულ ესპანეთში ყოველდღე დაფიქსირებულ შემთხვევათა და გარდაცვალებათა რაოდენობა იკლებს.

განსხვავებული ვითარებაა ავსტრიაში, სადაც ამ დროისთვის 12 000 შემთხვევაა დადასტურებული. ქვეყნის ხელისუფლება შეზღუდვების შემცირებას გეგმავს და ამბობს, რომ მომავალი კვირიდან მცირე ბიზნესები, მცირე მაღაზიები უნდა გაიხსნას, დანარჩენი მაღაზიები კი 1 მაისისთვის უნდა იყოს ღია.

შეერთებულ შტატებში კი ნიუ-იორკის დახმარებას ცდილობენ. დასავლეთით მდებარე შტატების - ორეგონისა და ვაშინგტონის მმართველებმა განაცხადეს, რომ ათასობით სასუნთ სისტემას გაგზავნიან ნიუ-იორკში, შტატში, რომელშიც ახლა ეს სამედიცინო ტექნიკა ყველაზე მეტადაა საჭირო.

შეერთებულ შტატებში, დაახლოებით, 9 600 ადამიანია გარდაცვლილი. მათი თითქმის მესამედი მხოლოდ ქალაქ ნიუ-იორკში, სადაც საავადმყოფოების გადატვირთულობის პრობლემას საველე ჰოსპიტლების გახსნით, სამხედრო ხომალდზე მოწყობილი კლინიკით და სხვა საშუალებებით ცდილობენ.

ვირუსით ინფიცირებულ შემთხვევათა რაოდენობა იზრდება სხვა შტატებშიც, მაგალითად პენსილვანიაში, კოლორადოსა და ქვეყის დედაქალაქ ვაშინგტონში, სადაც უკვე ათასამდე შემთხვევაა დადასტურებული.

სამხრეთ კორეაში, რომელიც ჩინეთის შემდეგ ერთ-ერთი პირველი ადგილი იყო, სადაც ვირუსი სწრაფად გავრცელდა, ორშაბათს მხოლოდ 47 ახალი შემთხვევა დადასტურდა, თუმცა ხელისუფლებისა და ჯანდაცვის სპეციალისტები მოსახლეობას აფრთხილებენ, რომ არ მოდუნდეს და რომ კვლავ სიფრთხილით მოეკიდოს მიღებულ ყველა ზომას, რათა ქვეყანაში ვირუსის ხელახალი აფეთქება არ მოხდეს.

საგანგებო მდგომარეობის გამოცხადებას გეგმავს იაპონიის პრემიერ-მინისტრი შინზო აბე ტოკიოსა და 6 სხვა ადმინისტრაციულ ტერიტორიაზე. ქვეყანაში ამჟამად 3 600 შემთხვევაა დადასტურებული, თუმცა ზოგიერთ ნაწილში, მათ შორის, ტოკიოშიც რიცხვები სწრაფად იზრდება. მთავრობამ ეკონომიკური დახმარებისთვის უკვე გამოყო 1 ტრილიონი დოლარი.

იზოლაციის, კარანტინის და ვირუსის გავრცელების პარალელურად თითქმის მთელ მსოფლიოში გაზრდილია ოჯახში ძალადობის შემთხვევები. გაერთიანებული ერების ორგანიზაცია მოუწოდებს სახელმწიფოების ხელისუფლებებს, გადადგან შესაბამისი ნაბიჯები ქალების დასაცავად.

დაწერე კომენტარი (0 კომენტარი)
უცხოეთი

 korona vaqcina gamocdaავსტრალიელი მეცნიერები კოვიდ-19-ის ორი შესაძლო ვაქცინის ცხოველებზე გამოცდას იწყებენ. თუმცა საზოგადოებას აფრთხილებენ, რომ ამ ვაქცინების წარმატების დადასტურების შემთხვევაშიც, მისი მასობრივი წარმოება მომავალ წლამდე შეუძლებელი იქნება.

ვაქცინები ბრიტანეთის ოქსფორდის უნივერსიტეტმა და შეერთებული შტატების "ინოვიო ფარმაცევტიკალმა" შექმნეს. ჯანდაცვის მსოფლიო ორგანიზაციის განცხადებით, ცხოველებზე ვაქცინის გამოცდა ფუნდამენტური ნაბიჯი იქნება იმის გასარკვევად, იმუშავებს თუ არა ეს ვაქცინები და უსაფრთხოა თუ არა ისინი ადამიანთათვის. შესაძლო ვაქცინებს იმ ცხოველებზე (კვერნისებრ ძუძუმწოვრებზე) გამოცდიან, რომლებიც კორონავირუსით ადამიანის დაინფიცირების მსგავს შედეგებს აჩვენებენ.

ჯეინ ჰალტონი, ავსტრალიის ეპიდემიური მზადყოფნისა და ინოვაციის კოალიციის ხელმძღვანელი ამბობს, რომ ექსპერიმენტები უპრეცედენტოა.

"ისინი ძალიან მნიშვნელოვანია. ესაა წამყვანი მსოფლიო ტექნოლოგიები და ეს პრინციპში მსოფლიოში პირველი შემთხვევაა, როდესაც ჩვენ შევქმენით ეს, ცხოველებზე მოდელირებული ტესტები იმისთვის, რომ ორი შესაძლო ვაქცინა შევამოწმოთ", - ამბობს ჰალტონი. კოალიცოა ვაქცინების შესაქმნელად ჩატარებული სამუშაოების ერთ-ერთი თანასპონსორია.

იმ ვითარებაში, როდესაც მსოფლიოში გარდაცვლილთა რაოდენობა ყოველდღე სწრაფად იზრდება, ადამიანები განკურნების თუ ვირუსის თავიდან აცილების ეფექტურ საშუალებებს ელიან. მსოფლიო მკვლევარები ამ მიმართულებით აქტიურად მუშაობენ და ერთმანეთთან თანამშრომლობენ. ამ დროისთვის დაახლოებით 20 ვაქცინაა შემუშავებული, რომელთა შემოწმებაც სხვადასხვა ეტაპზეა. ავსტრალიელი მეცნიერები აცხადებენ, რომ სხვა დროს ცხოველებზე ტესტირების ეტაპამდე მისვლას 2 წელი დასჭირდებოდა, ახლა კი ეს 2 თვეში გახდა შესაძლებელი. თუმცა ახალი საშუალებების წარმატების შემთხვევაშიც კი, საერთაშორისო სტანდარტებთან სრული შესაბამისობის მისაღწევად თვეები იქნება საჭირო და შესაძლოა ეს 2021 წლამდე ვერ მოხერხდეს.

 

www.amerikiskhma.com

დაწერე კომენტარი (0 კომენტარი)
უცხოეთი

9F809BEE CBEC 47E1 99D4 AE9C06624B92 w1023 r1 sშენზენი არის პირველი ქალაქი ჩინეთში, რომელმაც აკრძალა გარეული ცხოველების ჭამა და რეგულაციაში კატისა და ძაღლის ხორცის ჭამის აკრძალვაც ჩართო. ინფორმაციას ამის შესახებ ბრიტანული გამოცემა "ბი-ბი-სი" ავრცელებს.

გამოცემა საერთაშორისო ჰუმანური საზოგადოების სპეციალისტ, ექიმ პეტერ ლიზე დაყრდნობით, ამბობს, რომ ერთ წელიწადში ჩინეთში 10 მილიონ ძაღლს და 4 მილიონ კატას ჭამენ. თუმცა, აღსანიშნავია, რომ ეს გარკვეულ პროვინციებს ეხება. ჩინელების უმრავლესობას ძაღლის ხორცი არ გაუსინჯავს. "ბი-ბი-სის" ცნობით, აზიის ქვეყნებში, საშუალოდ ერთ წელში 30 მილიონ ძაღლს კლავენ.

ქალაქ შენზენში მიღებული გადაწყვეტილებით, იკრძალება როგორც ძაღლისა და კატის ხორცის გაყიდვა, ასევე ამ პროდუქტების საკვებად გამოყენება. გადაწყვეტილება ძალაში პირველი მაისიდან შევა. გადაწყვეტილების მიღების წინაპირობა კი ახალი კორონავირუსის პანდემია გახდა. რომელიც, როგორც ცნობილია, ველური ცხოველის ხორცის საკვებად გამოყენებამ გამოიწვია.

"ძარლებმა და კატებმა დაამყარეს უფრო ახლო შინაური კონტაქტი ადამიანებთან ვიდრე სხვა ცხოველებმა. ძაღლის, კატის და სხვა შინაური ცხოველის ხორცით კვებაზე უარი თქვეს სხვა ქვეყნებში მაგალითად ჰონგ-კონგსა და ტაივანში,"- წერია განცხადებაში, რომელიც ქალაქ შენზეის მთავრობამ გაავრცელა.

ამ პროცესების პარალელურად, ჩინეთმა დაამტკიცა, რომ კორონავირუსით დაავადებული ადამიანების სამკურნალოდ, დათვის ნაღველი ეფექტურია. აღნიშნული მეთოდით მკურნალობა ტრადიციული ჩინური მედიცინის ნაწილია.

 

www.amerikiskhma.com

დაწერე კომენტარი (0 კომენტარი)
უცხოეთი

5e86510a85f54068282364f2პანდემიის კრიზისის დროს რუსეთის მართლმადიდებელ ეკლესიაში აღსარების ონლაინრეჟიმში ჩაბარება დაუშვეს. 

მოსკოვის საპატრიარქოს საგარეო განყოფილების ხელმძღვანელმა, მიტროპოლიტმა ილარიონ ალფეევმა განაცხადა.

"თუ ადამიანს მასობრივი თვითიზოლაციის პერიოდში სურს აღასრულოს აღსარების საიდუმლო, მას შეუძლია მოელაპარაკოს მღვდელს ინდივიდუალურ აღსარებაზე, ან ზოგიერთ შემთხვევაში აღსარება თქვას ტელეფონით ან Skype-ის მეშვეობით", - თქვა მიტროპოლიტმა მორწმუნეებთან ონლაინკონფერენციისას.

სანამ მოსკოვის პატრიარქი კირილი მრევლს სახლში დარჩენისკენ მოუწოდებდა, მოსკოვის საპატრიარქომ მიიღო გადაწყვეტილება ყოველი ზიარების შემდეგ კოვზი სპირტით გაეწმინდა. მოგვიანებით, ეკლესიამ მრევლს სალხში დარჩენისკენ მოუწოდა.

მსოფლიოში 15 ადგილობრივი მართლმადიდებელი ეკლესიაა. მათგან 12 კორონავირუსის პანდემიის პასუხად საჯარო ღვთისმსახურებებს ერისკაცთა გარეშე, დახურულ კარს მიღმა აღასრულებს. 1-ის, სერბეთის ეკლესიის პოზიცია ბუნდოვანია - მიუხედავად იმისა, რომ კორონავირუსული ინფექციით გარდაცვლილი ეპისკოპოსის, მილუტინის წესის აგებას მრევლი არ ესწრებოდა. 2-ის - საქართველოსა და პოლონეთის ეკლესიები ერისკაცებისთვის ღვთისმსახურებებს არ ხურავენ და არც ზიარების წესს ცვლიან.

დაწერე კომენტარი (0 კომენტარი)
უცხოეთი

 korona msoflioმსოფლიოს მასშტაბით კორონავირუსით ინფიცირებულთა რიცხვმა, ბოლო სტატისტიკური მონაცემებით 1 მილიონს გადააჭარბა.

Worldometers-ის ცნობით, ჯამში, ახალი ვირუსით დაინფიცირდა 1,000,889 ადამიანი. კორონავირუსით გარდაიცვალა 51,371 პაციენტი, ხოლო გამოჯანმრთელდა 210,214 პირი.

დაავადებულთაგან 37,702 (5%) პაციენტის მდგომარეობა კრიტიკულად მძიმეა. ყველაზე მეტი - 235,747 ინფიცირებული ჰყავს აშშ-ს, შემდეგ იტალიას, ესპანეთს, გერმანიას და ჩინეთს.

დაწერე კომენტარი (0 კომენტარი)
მოიწონეთ გვერდი

Search