ხუთშაბათი, იანვარი 23, 2020
Follow Us

უცხოეთი

უცხოეთი

ukrainulitvitmfrinaviსააგენტო „ბლუმბერგი“ თეირანის აეროპორტის ტრაგედიასთან დაკავშირებულ მეორე წინასწარ ანგარიშზე დაყრდნობით ავრცელებს ინფორმაციას, რომ უკრაინული ავიალაინერი თეირანში „ტორ ემ1“ -ის საზენიტო-სარაკეტო კომპლექსის ორი რაკეტით ჩამოაგდეს.

გავრცელებული ინფორმაციით, ირანის სამოქალაქო ავიაციის ორგანიზაციაში ადასტურებენ, რომ „ბოინგ 737“ -ს მოკლე მანძილზე მოქმედი „მიწა-ჰაერის“ ტიპის ორი რაკეტა მოხვდა, რომლებიც ჩრდილოეთის მიმართულებიდან იყო გამოშვებული.

შეგახსენებთ, უკრაინულმა ბოინგმა ირანის დედაქალაქთან კატასტროფა 8 იანვარს განიცადა. 11 იანვარს კი, ირანის შეიარაღებული ძალების გენშტაბმა აღიარა, რომ თვითმფრინავი საჰაერო თავდაცვის სისტემამ შეცდომით ჩამოაგდო.

ირანში აცხადებენ, რომ სისტემამ თვითმფრინავი საკრუიზო რაკეტად აღიქვა. აღნიშნულ კატასტროფას 176 ადამიანი ემსხვერპლა.

დაწერე კომენტარი (0 კომენტარი)
უცხოეთი

islamurisaxelmwifoგამოცემა Guardian-მა ბრიტანეთის სპესამსახურებში საკუთარ წყაროზე დაყრდნობით, ისლამური სახელმწიფოს ახალი ლიდერის ვინაობა გაასაჯაროვა. ამირ მოჰამად აბდულ რახმან ალ-მალვი ალ სალბი, გამოცემის ინფორმაციით, სწორედ ის არის აბუ ბაქრ ალ-ბაღდადის შემცვლელი. 

 Guardian-ის ცნობით, ალ-სალბი ლიდერის პოსტზე ალ-ბაღდადის გარდაცვალებიდან რამდენიმე საათში დაინიშნა. სპეცსამსახურების ცნობით, ალ-სალბი ტერორისტული ორგანიზაციის ერთ-ერთი დამფუძნებელია და მის სახელს მრავალი ტერაქტი უკავშირდება. ალ-სალბი ერაყში, ქალაქ ტელ აფარში დაიბადა. ისლამური სახელმწიფოს ახალი ლიდერი ეთნიკურად თურქმენია. 

მიუხედავად იმისა, რომ ორგანიზაციის ლიდერებს შორის ეთნიკური არაბები ჭარბობენ, სწორედ ალ-სალბი ითვლება ისლამური სახელმწიფოს მთავარ იდეოლოგად. ალ-სალბი მოსულის უნივერსიტეტის შარიათის სამართლის ფაკულტეტის კურსდამთავრებულია. სწორედ ის იყო ერაყელი და სირიელი ქრისტიანების მასიური მკვლელობების ინიციატორი. 

2004 წელს, ერაყში ამერიკული ინტერვენციის წლებში ალ-სალბი როგორც ათასობით სხვა ერაყელი ექსტრემიზმის ბრალდებით დააპატიმრეს. სასჯელს იგი ბუკას ბანაკში იხდიდა, სადაც გაიცნო კიდეც ისლამური სახელმწიფოს მომავალი ლიდერი აბუ ბაქრ ალ-ბაღდადი.

ალ-სალბის ადგილმდებარეობა ამ დროისთვის უცნობია. ერთი ვერსიის მიხედვით, იგი სირიაში იდლიბის პროვინციაში იმალება, პროვინციის მნიშვნელოვან ნაწილს კვლავაც ისლამისტი რადიკალები აკონტროლობენ. მეორე ვერსიით, ისლამური სახელმწიფოს ახალი ლიდერი ერაყში ქალაქ მოსულის მახლობლად იმალება, საიდანაც უწევს კოორდინაციას ცენტრალურ ერაყში მომხდარ თავდასხმებს. 

გასულ კვირას სწორედ, მოსულის მახლობლად დააკავეს ისლამური სახელმწიფოს კიდევ ერთი ლიდერი, შიფა ალ-ნიმა. ერაყის მთავრობის ცნობით, შიფა ალ-ნიმა ასობით მშვიდობიანი მოქალაქის მკვლელობაზეა პასუხისმგებელი.

დაწერე კომენტარი (0 კომენტარი)
უცხოეთი

20200120210111612108744

ავსტრალიის შტატ სამხრეთ უელსიდან დაწყებული ჭექა-ქუხილისა და ქარიშხლების გამო, მტვრიანი ქარიშხალი შეიქმნა, რომელმაც რამდენიმე ქალაქს უკვე გადაუარა. მეტეოროლოგიის ბიურომ საფრთხის შესახებ განცხადება გააკეთა.

 

 

http://digest.pia.ge

დაწერე კომენტარი (0 კომენტარი)
უცხოეთი

1579584799 83473568 3612055932145731 4320584598372220928 oჩინეთის ქალაქ უხანში ახალი კორონავირუსით მეოთხე ადამიანის გარდაცვალება დაადასტურეს.

უხანის ჯანდაცვის კომიტეტის ინფორმაციით, ვირუსის მსხვერპლი 89 წლის მამაკაცი გახდა, რომელსაც სიმპტომები 13 იანვარს დაუდასტურდა, 18 იანვარს კი სუნთქვასთან დაკავშირებული სერიოზული პრობლემებით საავადმყოფოში გადაიყვანეს.

ამჟამად ქალაქ უხანის საავადმყოფოებში 169 ადამიანი რჩება. 35 მათგანი მძიმე მდგომარეობაშია.

ახალი სახიფათო კორონავირუსი თავდაპირველად სწორედ ქალაქ უხანში გაჩნდა. ჩინეთში ადასტურებენ, რომ ახალი კორონავირუსი ადამიანიდან ადამიანზე გადაცემით ვრცელდება.

 

1tv.ge

დაწერე კომენტარი (0 კომენტარი)
უცხოეთი

000putiniრუსეთის პრეზიდენტმა საკონსტიტუციო ცვლილებების პაკეტი განსახილველად ქვეყნის პარლამენტს გადაუგზავნა. ვლადიმირ პუტინის ამ ნაბიჯს ბევრი აღიქვამს, როგორც პრეზიდენტის მცდელობას, ძალაუფლება 2024 წლის შემდეგაც შეინარჩუნოს. პოლიტოლოგების აზრით, პარლამენტის და მინისტრთა კაბინეტის გაძლიერების შემდეგ, პუტინი ან სახელმწიფო საბჭოს მეთაურის, ან პრემიერ-მინისტრის პოსტზე გადაინაცვლებს.

ცვლილებები პუტინმა ერისადმი გაკეთებულ მიმართვაში, ოთხშაბათს წარმოადგინა. პრეზიდენტის თქმით, ახალი კანონპროექტის მიზანი პარლამენტის როლის გაზრდა და დემოკრატიის გაძლიერებაა. კრემლის კრიტიკოსები კი ფიქრობენ, რომ ეს ყოველივე ისევ და ისევ მისი მმართველობის გახანგრძლივებას ემსახურება.

კრემლი პარლამენტსაც აკონტროლებს. დუმამ, პარლამენტის ქვედა პალატამ დღეს დაადასტურა, რომ კანონპროექტი მიიღო. მისი განხილვა ხუთშაბათს იგეგმება. მოელიან, რომ დუმა კანონპროექტს იოლად დაამტკიცებს.

67 წლის პუტინი ქვეყანას უკვე 20 წელზე მეტია მართავს, ყველაზე მეტხანს, ვიდრე რუსეთის, ან საბჭოთა კავშირის ნებისმიერი ლიდერი, სტალინის შემდეგ. სტალინი საბჭოთა კავშირს 29 წელი მართავდა, 1924-1953 წლებში.

პუტინის მიერ შეთავაზებული საკონსტიტუციო ცვლილებები ასევე მოიცავს საერთაშორისო კანონმდებლობის შესუსტებას. რუსეთის კანონებს მათთან შედარებით პრიორიტეტი მიენიჭება. კრემლი დიდი ხანია გაღიზიანებას არ მალავს ადამიანის უფლებების ევროპული სასამართლოს გადაწყვეტილებების მიმართ, რომელიც მას მთელ რიგ დარღვევებზე პასუხისმგებლობას აკისრებს. კიდევ ერთ ცვლილებაში, პრეზიდენტი მთავრობის მაღალჩინოსნებს უკრძალავს უცხოეთის ქვეყნების მოქალაქეობას და უცხოეთში ცხოვრების უფლებას.

ცვლილებების გამოცხადებასთან ერთად, პუტინმა სამსახურიდან გაათავისუფლა პრემიერ-მინისტრი დმიტრი მედვედევი, რომელიც პოსტს 8 წლის მანძილზე იკავებდა. მის ადგილზე მიხეილ მიშუსტინი დაინიშნა.

მინისტრთა ახალი კაბინეტი რუსეთში ჯერ არ ჩამოყალიბებულა. პრეზიდენტი პუტინი ამბობს, რომ ეს ცვლილებები მთელმა ერმა უნდა დაამტკიცოს. თუმცა, ჯერჯერობით უცნობია, თუ რა მექანიზმით აპირებს ის ამ საკითხის კენჭისყრაზე დაყენებას.

 

www.amerikiskhma.com

დაწერე კომენტარი (0 კომენტარი)
მოიწონეთ გვერდი

Search