კვირა, იანვარი 19, 2020
Follow Us

უცხოეთი

უცხოეთი

C2471C78 3E1D 4E71 B322 84F7C5D600A6 w1023 r1 sუკრაინამ ირანის მიერ ჩამოგდებული ბოინგის შავი ყუთი მოითხოვა. განცხადება ამის შესახებ უკრაინის გენერალური პროკურორის ოფისმა გაავრცელა. მათი თქმით, ყველა ზომა მიღებულია, რათა დარწმუნდნენ, რომ ყველა ჩანაწერი და მტკიცებულება უკრაინას სწორად გადაეცემა შემდგომი გამოძიებისთვის.

უკრაინის პრეზიდენტმა, ვოლოდიმირ ზელენსკიმ განაცხადა, რომ ის და ირანის პრეზიდენტი, ჰასან როჰანი შეთანხმდნენ და ორივე ქვეყნის ექსპერტები ერთად იმუშავებენ გამოძიებაზე. ზელენსკის თქმით, ის ასევე ესაუბრა საფრანგეთის პრეზიდენტს, ემანუელ მაკრონს და გამოძიებას ფრანგი ექსპერტებიც დაეხმარებიან.

ირანმა თავიდან თქვა, რომ თვითმფრინავის ჩამოვარდნა მისმა მექანიკურმა პრობლემებმა გამოიწვია. მან მხოლოდ, რამდენიმე დღის შემდეგ აღიარა, რომ თვითმფრინავი ხელისუფლებამ შემთხვევით ჩამოაგდო და ის ამერიკულ სამხედრო-სადაზვერვო თვითმფრინავში აერია. თვითმფრინავის ჩამოგდების შემდეგად, ბორტზე მყოფი ყველა ადამიანი დაიღუპა.

 

www.amerikiskhma.com

დაწერე კომენტარი (0 კომენტარი)
უცხოეთი

1F46A0E7 95BC 476D 93D7 F3280470DD73 w1023 r1 sრუბლის კურსი მკვეთრად დაეცა მას შემდეგ, რაც რუსეთის პრემიერ-მინისტრმა დმიტრი მედვედევმა მთავრობის გადადგომის შესახებ გამოაცხადა. დოლართან მიმართებაში რუბლის ფასი 0,22%-ით დაეცა, ევროსთან მიმართებით - 0,41%-ით. ამაზე მეტყველებს მოსკოვის საფონდო ბირჟის მონაცემები.

მანამდე რუსეთის პრეზიდენტი ვლადიმირ პუტინი გამოვიდა ფედერალური კრებისადმი ყოველწლიური მიმართვით. გამოსვლაში მან ილაპარაკა რიგ საკონსტიტუციო ცვლილებებზე. ამ გამოსვლის შემდეგ პუტინმა მედვედევს შესთავაზა რუსეთის უშიშროების საბჭოს მდივნის მოადგილის პოსტი. ამ თანამდებობაზე ის თავდაცვისა და უსაფრთხოების საკითხებისთვის იქნება პასუხისმგებელი.

არ იტყობინებიან, ნიშნავს თუ არა მედვედევის ახალი თანამდებობა, რომ ის აღარ განიხილება პრემიერ-მინისტრის პოსტზე.

 

www.radiotavisupleba.ge

დაწერე კომენტარი (0 კომენტარი)
უცხოეთი

142CFDA9 62DB 4369 902E 64644711DE1D cx0 cy6 cw0 w1023 r1 sირანის ისლამური რევოლუციის გუშაგთა კორპუსის წარმომადგენლებმა დააკავეს პირი, რომელიც ეჭვმიტანილია „უკრაინის საერთაშორისო ავიახაზების“ სამგზავრო თვითმფრინავისთვის რაკეტის მოხვედრის ამსახველი ვიდეომასალის გავრცელებაში.

სააგენტო „ფარსი“ ირანის ხელისუფლებაზე დაყრდნობით იუწყება, რომ დაკავება უკავშირდება ინციდენტის გარემოებების დადგენას. საუბარია ვიდეოჩანაწერზე, რომელიც სოციალური ქსელებით 9 იანვარს გავრცელდა, ირანის ხელისუფლების მიერ თვითმფრინავის ჩამოგდების აღიარებამდე.

ამასთან, ირანელმა ჟურნალისტმა და აქტივისტმა, ამჟამად ლონდონში მყოფმა ნარიმან ღარიბმა, რომელმაც ეს ჩანაწერი პირველმა გაავრცელა, განაცხადა, რომ წყარო, რომლისგანაც ვიდეომასალა მიიღო უსაფრთხოდაა და ირანის ხელისუფლებამ სინამდვილეში სულ სხვა ადამიანი დააკავა.

14 იანვარს ინტერნეტით გავრცელდა კიდევ ერთი, ვიდეომეთვალყურეობის კამერით გადაღებული ჩანაწერი, რომლის თანახმად, სამგზავრო თვითმფრინავს დაახლოებით 30 წამის ინტერვალით ორი რაკეტა მოხვდა. ჩანაწერის ნამდვილობა დაადასტურა ამერიკულმა გამოცემა „ნიუ-იორკ ტაიმსმა“.

ავიაკომპანია „უკრაინის საერთაშორისო ავიახაზების“ სამგზავრო „ბოინგი 737“, რომელიც თეირანი-კიევის რეისს ასრულებდა, 8 იანვარს, აფრენიდან მალევე ჩამოვარდა თეირანის აეროპორტის მახლობლად.

თვითმფრინავში იმყოფებოდა ეკიპაჟის 9 წევრი და 167 მგზავრი. ყველა მათგანი დაიღუპა - უკრაინის 11, ირანის 82, კანადის 63, შვედეთის 10, ავღანეთის 4, გერმანიის 3 და დიდი ბრიტანეთის 3 მოქალაქე.

ირანის ხელისუფლება კატასტროფის ვერსიად ძრავის გაუმართაობას ასახელებდა, თუმცა, 11 იანვარს აღიარა, რომ თვითმფრინავი შეცდომით ჩამოაგდეს.

სამგზავრო „ბოინგის“ ჩამოგდებამდე რამდენიმე საათით ადრე, ირანმა სარაკეტო იერიში მიიტანა ერაყის ბაზებზე მყოფ ამერიკელ სამხედროებზე.

 

www.radiotavisupleba.ge

დაწერე კომენტარი (0 კომენტარი)
უცხოეთი

7medvedeviფედერალური კრების წინაშე რუსეთის პრეზიდენტ ვლადიმირ პუტინის გამოსვლის შემდეგ რუსეთის პრემიერ-მინისტრმა დმიტრი მედვედევმა მთავრობის გადადგომის შესახებ განაცხადა.

როგორც როიტერსი იტყობინება, პუტინმა მედვედევს შესთავაზა რუსეთის უშიშროების საბჭოს მდივნის მოადგილის პოსტი. ამ თანამდებობაზე ის თავდაცვისა და უსაფრთხოების საკითხებზე იქნება პასუხისმგებელი.

პუტინის განკარგულებით, ამჟამინდელი მთავრობა თავისი მოვალეობების შესრულებას განაგრძობს ახალი მთავრობის დანიშვნამდე.

პუტინთან შეხვედრისას მედვედევმა განაცხადა, რომ ახალი კაბინეტის შემადგენლობის შესახებ გადაწყვეტილებას პრეზიდენტი მიიღებს.

არ იტყობინებიან, ნიშნავს თუ არა მედვედევის ახალი თანამდებობა, რომ ის აღარ განიხილება პრემიერ-მინისტრის პოსტზე.

დაწერე კომენტარი (0 კომენტარი)
უცხოეთი

3BB993E2 8D06 4D13 8B8A 7F06ABF92C1F cx9 cy0 cw87 w1023 r1 sამერიკული ავიაკომპანია „დელტას“ თვითმფრინავი „ბოინგ 777,“ რომელიც ლოს-ანჯელესიდან შანხაიში მიემგზავრებოდა, აფრენიდან მალევე იძულებული გახდა აეროპორტში დაბრუნებულიყო.

ავიაკომპანიის ინფორმაციით, თვითმფრინავის ძრავს შეექმნა პრობლემა, რომლის გამოც აუცილებელი გახდა ლოს-ანჯელესის აეროპორტში სასწრაფოდ დაბრუნება.

თვითმფრინავში 149 მგზავრი იმყოფებოდა. ავარიული დაშვებისას არცერთი მათგანი არ დაშავებულა, თუმცა, თვითმფრინავიდან დაღვრილი საწვავით ხმელეთზე რამდენიმე ათეული ადამიანი მოიწამლა.

იძულებითი დაშვებისას ავიალაინერი საწვავისგან უნდა დაიცალოს, ამიტომ ეკიპაჟმა ლოს-ანჯელესის თავზე წრე გააკეთა და საწვავი ქალაქის საცხოვრებელ უბნებში დაღვარა. ამ არეალში მოხვდა ექვსი სკოლა, სადაც ინციდენტის დროს სასწავლო პროცესი მიმდინარეობდა.

ტელეკომპანია CNN-ის ინფორმაციით, საწვავის დაღვრის გამო 60-მდე ადამიანი დაშავდა.

ამერიკული მედიასაშუალებები აღნიშნავენ, რომ აეროპორტების მახლობლად არსებობს სპციალური ზონები, სადაც საჭიროების შემთხვევაში, თვითმფრინავებს საწვავის დაღვრა შეუძლიათ და საცხოვრებელ რაიონებში ამის გაკეთება აკრძალულია.

 

www.radiotavisupleba.ge

დაწერე კომენტარი (0 კომენტარი)
მოიწონეთ გვერდი

Search