კვირა, იანვარი 26, 2020
Follow Us

უცხოეთი

უცხოეთი

დაწერე კომენტარი (0 კომენტარი)
უცხოეთი

1579880516 ახალი კლინიკა უხანიჩინეთში ახალი კორონავირუსის გავრცელების გამო, 1000 საწოლიან ჰოსპიტალს ექვს დღეში ააშენებენ. ამის შესახებ „სქაი ნიუსი“ წერს.

გავრცელებული ინფორმაციით, ახალი საავადმყოფოს მშენებლობა 23 იანვარს ღამით დაიწყო. როგორც ხელისუფლება აცხადებს, ჰოსპიტალი პაციენტებს 3 თებერვალს მიიღებს.

სამუშაოებში 45 ერთეული სამშენებლო ტექნიკა მონაწილეობს.

როგორც პეკინში ამბობენ, საავადმყოფოს მშენებლობის დროს წინასწარ გამზადებულ და ჩამოსხმულ კონსტრუქციებს გამოიყენებენ, რაც პროცესს დააჩქარებს.

ახალი საავადმყოფოს გახსნა უხანში ახალი კორონავირუსის სწრაფად გავრცელების გამო, სამედიცინო დაწესებულებებში საწოლების დეფიციტის მიზეზით გახდა საჭირო.

 

1tv.ge

დაწერე კომენტარი (0 კომენტარი)
უცხოეთი

ადამიანებს სახლში თითქმის ყველანაირი ცხოველი ჰყავთ მოშინაურებული. კატები, ძაღლები, გველები, ობობებიც კი, თუმცა, ოდესმე გინახავთ ვინმესთან მოშინაურებული პუმა?

სინამდვილეში კი ასეთი პრეცედენტი უკვე არსებობს და დღეს მესიზე მოგიყვებით, რომელსაც ეს სახელი ცნობილი არგენტინელი ფეხბურთელის პატივსაცემად დაარქვეს.

ცხოველი 2016-დან დღემდე რუსეთში, თავის ახალ მშობლებთან, ალექსანდრესთან და მარიასთან ერთად ცხოვრობს. თანაც მათ სახლში თავს ისე ბედნიერად გრძნობს, რომ ველური ბუნებისკენ გახედვაც კი აღარ უნდა.

ფოტო: l_am_puma

 

ფოტო: l_am_puma

 

ფოტო: l_am_puma

 

ჩვენმა მკითხველმა უკვე იცის, რომ ცხოველი წყვილმა პირველად ქალაქ პენზას ერთ-ერთ ზოოპარკში ნახეს, როდესაც ის ჯერ კიდევ რვა თვის იყო და გადაწყვიტეს, რომ მასზე ეზრუნათ.

ზოოპარკში მესის საკმაოდ ცუდ პირობებში, პატარა ზომის გალიაში უწევდა ცხოვრება და ჯანმრთელობის პრობლემებიც ჰქონდა. მაშინ ის სულ რაღაც, 8 თვის იყო.

ფოტო: l_am_puma

 

ფოტო: l_am_puma

 

ფოტო: l_am_puma

 

 

დილაობით მესი მოფერების ხასიათზეა ხოლო მოშინაურებულ პუმას საკუთარი ინსტაგრამიც აქვს, სადაც უკვე მილიონზე მეტი გამომწერი ჰყავს. 

წყარო: on.ge

დაწერე კომენტარი (0 კომენტარი)
უცხოეთი

F3434D4E F266 4C1E 935A 547CC1737B84 w1023 r1 sპრეზიდენტ ტრამპის ადმინისტრაცია ახალ სავიზო რეგულაციებს იღებს, რომელიც "სამშობიარო ტურიზმს" შეეხება. ასოშიეიტედ პრესის მიერ გავრცელებულ ინფორმაციაში ნათქვამია, რომ სავიზო კონტროლი უფრო მკაცრი იქნება.

ახალი წესებით, უნდა დარეგულირდეს ორსულთა შემოსვლა ამერიკის შეერთებულ შტატებში. ახალი წესების მიხედვით, საელჩოებმა ვიზის განხილვის დროს უნდა შეისწავლონ ესა თუ ის პირი და იმ შემთხვევაში, თუ იქნება დადასტურებული ეჭვი, რომ კონკრეტული პირი შტატებში ბავშვის გასაჩენად გეგმავს ჩამოსვლას, მას უარს ეტყვიან ვიზაზე.

ტრამპის ადმინისტრაციის მიერ გამოქვეყნებული ინფორმაციის მიხედვით, ორსულ ქალებს, რომლებსაც სპეციალური სამედიცინო მკურნალობა ესაჭიროებათ და ამიტომ გეგმავენ ამერიკის შეერთებულ შტატებში ჩამოსვლას, მოუწევთ წარადგინონ საჭირო დოკუმენტაცია, როგორც სამედიცინო, ასევე ფინანსური. კერძოდ, აპლიკანტმა უნდა დაადასტუროს, რომ მას აქვს თანხა მკურნალობისთვის და ცხოვრებისთვის.

ადმინისტრაციის მიერ გავრცელებული ინფორმაციით, საუბარია, ბ- ტიპის ვიზაზე, რომლითაც შტატებში ტურისტები ჩამოდიან. ამერიკის შეერთებულ შტატებში მოგზაურობის პრაქტიკა გვაჩვენებს, რომ სამშობიარო ტურიზმი შტატებში სავსებით ლეგალურია. არ არსებობს კონკრეტული მონაცემები თუმცა, მიგრაციის შემსწავლელი ცენტრის მონაცემებით "სამშობიარო ტურიზმის" შედეგად დაბადებული ბავშვების რაოდენობა 33 ათასს აჭარბებს.

ამ გზას სხვადასხვა ქვეყნის მოქალაქეები მიმართავენ. აშშ-ის კონსტიტუციის მეთოთხმეტე შესწორებით, აშშ-ში დაბადებული ბავშვი ავტომატურად ხდება მოქალაქე.

 

www.amerikiskhma.com

დაწერე კომენტარი (0 კომენტარი)
უცხოეთი

koronavirusiiiiiჩინეთში აღმოჩენილი ახალი ვირუსი, რომელიც უკვე მსოფლიოს რამდენიმე ქვეყანაშიც დაფიქსირდა, 20-მდე მსხვერპლი ჰყავს. მსოფლიო ჯანდაცვის მეცნიერებზე დაყრდნობით CNN წერს, რომ ახალი ვირუსის გავრცელების მიზეზი შესაძლოა იყვნენ გველები, ჩინური კრეიტი და ჩინური კობრა. კვლევის ავტორები, რომელთაც მონაცემები ვირუსოლოგთა ჟურნალში გამოაქვეყნეს, ამტკიცებენ, რომ ახალი კორონავირუსი არის ორი კორონავირუსის ნაერთი. მათ მიერ ჩატარებული ანალიზის საფუძველზე, მკვლევარები აცხადებენ, რომ ვირუსის წყარო დიდი ალბათობით გველები იყვნენ.

„გველები ასევე იყო უხანის ზღვის პროდუქტების ბაზარზე წარმოდგენილი, სადაც ვირუსის საწყისი შემთხვევები დაფიქსირდა, თუმცა საბოლოო დასკვნისთვის სხვა ცხოველების კვლევებიცაა საჭირო“, – აცხადებენ მეცნიერები.

შეგახსენებთ, რომ ახალი კორონავირუსი გასული წლის ბოლოს ჩინეთის უხანის პროვინციაში გამოვლინდა, როდესაც ის ზღვის პროდუქტების ბაზრის რამდენიმე თანამშრომელს აღმოაჩნდა. ამ დროისთვის, ვირუსით გარდაცვლილთა რაოდენობამ 17-ს, ხოლო დაინფიცირებულთა რაოდენობამ 571-ს მიაღწია.

რა არის კორონავირუსი, საიდან ჩნდება და არის თუ არა საშიშროება, რომ საქართველოშიც გავრცელდეს

ზოგადად, ვირუსული ინფექცია ცხოველებიდან ადვილად გადადის ადამიანებზე. ასეთი შემთხვევა გაიხსენა დაავადებათა კონტროლის ეროვნული ცენტრის დირექტორის მოადგილე პაატა იმნაძემ, როდესაც 2012 წელს საუდის არაბეთში ასეთი ტიპის ვირუსით აქლემისგან დაინფიცირდა ადამიანი. იმნაძემ განმარტავს, რომ კორონავირუსები ვირუსების დიდი ჯგუფია და ეს არის მსუბუქად მიმდინარე რესპირატორული დაავადების გამომწვევი, თუმცა პერიოდულად ჩნდება ახალი კორონავირუსები, რომლებიც ძირითადად, ცხოველებიდან გადადის ადამიანებზე.

რაც შეეხება კორონავირუსის სიმპტომებს, ძირითადი სიმპტომები ხველა, სიცხე და სუნთქვის გაძნელებაა. რადგან პათოგენი ვირუსია, ანტიბიოტიკები მის წინააღმდეგ ეფექტიანი არ არის. ანტივირუსული მედიკამენტების გამოყენება შესაძლებელია, თუმცა ისინი, როგორც წესი, მხოლოდ სიმპტომებს აუმჯობესებენ. გამოჯანმრთელება იმუნური სისტემის სიძლიერეზეა დამოკიდებული. ფატალური შედეგი, როგორც წესი, იმ შემთხვევებში დგება, როდესაც პაციენტის იმუნური სისტემა და ორგანიზმი დასუსტებულია.

დაწერე კომენტარი (0 კომენტარი)
მოიწონეთ გვერდი

Search