ოთხშაბათი, აპრილი 08, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

უცხოეთი

უცხოეთი

 irani hakeriსააგენტო "როიტერის" ექსკლუზიური ინფორმაციით, კორონავირუსის პანდემიის მიმდინარეობისას, ირანის მთავრობისთვის მომუშავე ჰაკერებმა ჯანდაცვის მსოფლიო ორგანიზაციის თანამშრომლების პირადი ელექტრონული ფოსტის ანგარიშების გატეხვა სცადეს. ამის შესახებ "როიტერს", ოთხმა ინფორმირებულმა წყარომ განუცხადა.

„ირანის მთავრობის უკან მდგარი ჰაკერების სამიზნე, ჯანდაცვის საერთაშორისო ორგანიზაციაა და ისინი ინფორმაციის მოპარვას „ფიშინგის“ საშუალებით ცდილობენ“ - აცხადებს როიტერის ერთ-ერთი წყარო, რომელიც მსხვილ ტექნოლოგიურ კომპანიაში, მავნე კიბერ აქტივობებს უწევს მონიტორინგს.

„ფიშინგი“ კიბერთაღლითობის გავრცელებული ფორმაა. თავდასხმისთვის გამოიყენება ელექტრონული წერილი, ე.წ. მეილი, რომელიც ჰაკერების მიერ იგზავნება. მეილი წარმოჩენილია როგორც სანდო წყაროსგან მიღებული შეტყობინება, როგორიც შეიძლება იყოს ნებისმიერი ორგანიზაცია თუ პირი, ვისთანაც მსხვერპლს შესაძლოა ურთიერთობა ქონდეს.

გზავნილი შენიღბულია, თითქოს ეს არის სასწრაფო შეტყობინება, რომელშიც დამატებითი ინფორმაციისთვის ვებ-ბმუმლებია მოთავსებული, ან მიმაგრებულია დოკუმენტები. „ფიშინგ“ მეილში მოთავსებულ ბმულზე გადასვლის, ან ფაილის გახსნის შედეგად, შესაძლებელია მოხდეს მსხვერპლის კომპიუტერში შეღწევა ან მისგან დამატებით ინფორმაციის მოთხოვნა (პაროლი, მომხმარებლის სახელი, ბარათის ინფორმაცია და სხვა).

ჰაკერები ცდილობენ „ფიშინგ“ მეილები დააგზავნონ მასიურად, მაქსიმალურად მეტ ადრესატთან, რაც მათი წარმატების ალბათობას რეალურს ხდის.

მცდელობის მიუხედავად, ჯერ კიდევ უცნობია, მოახერხეს თუ არა ირანის მთავრობაზე მომუშავე ჰაკერებმა ანგარიშების გატეხვა. თუმცა, ნათელია, რომ ჯანდაცვის მსოფლიო ორგანიზაცია და სხვა უწყებები, რომლებიც კოვიდ-19-ის პანდემიის წინააღმდეგ ბრძოლის ეპიცენტრში არიან, ჰაკერების ციფრული დაბომბვის სამიზნე გახდნენ.

კორონავირუსის კრიზისის დაწყებიდანვე, ჰაკერებმა მიზანში ამოიღეს გაეროს წამყვანი ჯანდაცვის სააგენტო და მისი პარტნიორები. ამის შესახებ როიტერი ინფორმაციას მარტში ავრცელებდა.

სწორედ 2 მარტიდან გრძელდება ჰაკერების ძალისხმევა, მოიპარონ ჯანდაცვის მსოფლიო ორგანიზაციის თანამშრომლების პაროლები ე.წ. „ფიშინგის“ მეთოდის გამოყენებით.

ჯანდაცვის მსოფლიო ორგანიზაციის სპიკერი ადასტურებს, რომ ორგანიზაციის თანამშრომლებზე „ფიშინგით“ თავდასხმის მცდელობა იყო, თუმცა ტარიკს ჯასარევიკი აცხადებს, რომ ორგანიზაციისთვის უცნობია, ვინ დგას თავდასხმის უკან. „როგორც ვიცით, ჰაკერული თავდასხმის არცერთი მცდელობა წარმატებით არ დასრულებულა“ - აცხადებს ჯანმოს სპიკერი.

თავის მხრივ, კიბერ თავდასხმებთან რაიმე კავშირს უარყოფს ირანის მთავრობა. ირანის ინფორმაციული ტექნოლოგიების სამინისტროს სპიკერის თქმით, ირანი თავად იყო ჰაკერების მსხვერპლი და მსგავსი ინფორმაცია, ქვეყანაზე ზეწოლის გაძლიერების მიზნით ვრცელდება.

 

https://www.amerikiskhma.com

დაწერე კომენტარი (0 კომენტარი)
უცხოეთი

 888888hhhhxxx3ბოლო კვირაში 6.6 მილიონზე მეტმა ამერიკელმა მიმართა უმუშევრობის სოციალური დახმარების სამსახურებს. შრომის დეპარტამენტი ასევე იუწყება, რომ ბოლო ორ კვირაში მათი რაოდენობა უკვე 10 მილიონს აღწევს. ეს მხოლოდ ოფიციალური მონაცემებია უმუშევრობის პრობლემის მასშტაბს მთელი სისრულით არ ასახავს.

მსგავსი ზრდა უპრეცედენტოა ამერიკის შეერთებული შტატების ისტორიაში. ყველაზე ცუდი კვირა ამ მხრივ ბოლოს 1982 წელს დაფიქსირდა, როცა უმუშევრობის დახმარებისთვის განცხადება 695 000-მა ამერიკელმა შეიტანა.

ეკონომისტები შიშობენ, რომ კოვიდ-19-ის პანდემიის შემდგომ გავრცელებასთან ერთად, ეკონომიკური რეცესია გარდაუვალი ხდება. ყველაფერთან ერთად, თუ ადრე მსგავს პროცესებს თვეები და ზოგჯერ კვარტლები სჭირდებოდა, ახლა ეს კვირების მანძილზე ხდება.

დაწერე კომენტარი (0 კომენტარი)
უცხოეთი

1585805386 FB IMG 1585805097002ფილიპინების პრეზიდენტმა, როდრიგო დუტერტემ პოლიციასა და სამხედროებს ნება დართო, დახვრიტონ პირები, რომლებიც კორონავირუსის პანდემიის გამო გამოცხადებულ კარანტინის ზომებს დაარღვევენ, სამართალდამცველებს ან სამედიცინო პერსონალს არ დაემორჩილებიან და საფრთხეს შეუქმნიან.

„პრობლემების შექმნის ნაცვლად, მე თქვენ დაგმარხავთ. ჩემი განკარგულებაა პოლიციისა და სამხედროების მიმართ – თუ ჩნდება პრობლემა და ხდება ისე, რომ ისინი გებრძვიან და თქვენი სიცოცხლე საფრთხეშია, სასიკვდილოდ ესროლეთ“, – განაცხადა პრეზიდენტმა სატელევიზიო მიმართვისას.

ფილიპინებში ახალ კორონავირუსს 96 ადამიანი ემსხვერპლა, ინფიცირებულია 2311 ადამიანი.

დაწერე კომენტარი (0 კომენტარი)
უცხოეთი

1585838516 ელადის ეკლესიასაბერძნეთის მართლმადიდებელი ეკლესია აღდგომის დღესასწაულს მრევლის გარეშე აღნიშნავს. ამის შესახებ გადაწყვეტილება საბერძნეთის (ელადის) მართლმადიდებელი ეკლესიის წმინდა სინოდმა მიიღო.

სინოდის განცხადებაში ნათქვამია, რომ „არსებული უპრეცედენტო გარემოებების გათვალისწინებით“, მართლმადიდებელი ეკლესია მოუწოდებს მორწმუნეებს, აღდგომის დღესასწაულზე სახლში ილოცონ.

„ყველა უნდა დაემორჩილოს ჯანდაცვის სფეროს წარმომადგენლების ინსტრუქციებს და არ უნდა აყვნენ მათ, ვინც დაუმორჩილებლობის მოწოდებით გამოდის, რაც არსებულ გარემოში დაუშვებელია, თუნდაც ქრისტიანული რწმენის სახლით“, – ნათქვამია სინოდის განცხადებაში.

სინოდის გადაწყვეტილებით, სააღდგომო ლიტურგია დახურულ კარს მიღმა ჩატარდება და მას სასულიერო პირების მინიმალური რაოდენობა დაესწრება. მრევლი ეკლესიაში არ დაიშვება. წირვისთვის თვალყურის მიდევნების საშუალება მორწმუნეებს ინტერნეტით, ტელევიზიითა და რადიოთი ექნებათ.

სინოდის გადაწყვეტილებით, თუ პანდემიის გავრცელების შეჩერება მოხერხდა, მრევლი და ეკლესია აღდგომის დღესასწაულის აღსანიშნავ ცერემონიას ერთობლივად, აღდგომიდან მეორმოცე დღეს, 26 მაისის ღამეს დაესწრებიან.

„ეს არ იქნება აღდგომის დღესასწაული, არამედ უბრალოდ ცერემონიის აღნიშვნა“ – ნათქვამია სინოდის განცხადებაში.

 

www.1tv.ge

დაწერე კომენტარი (0 კომენტარი)
უცხოეთი

 111482772 131319269დანიელი ინგა რასმუსენი (85 წლის) და გერმანელი კარსტენ ჰანსენი (89 წლის) ერთმანეთს ქალაქ ავენთოფის მახლობლად ხვდებიან, მაგრამ რეკომენდირებულ დისტანციას ინარჩნებენ.
დანია-გერმანიის საზღვარი ორი კვირის წინ დაიხურა კოროვირუსის ინფექციის გამო. დღეისათვის გერმანიაში ინფექციის 63 ათასი შემთხვევაა დადასტურებული, ხოლო დანიაში -   2.5 ათასზე ცოტა მეტი.

მიუხედავად იმისა, რომ ორივე ქვეყანა ევროკავშირისა და შენგენის ზონის წევრია, ამ ქვეყნებს შორის სასაზღვრო კონტროლი დროებით აღდგენილია.

მაგრამ პანდემიაც კი არ აღმოჩნდა შემაფერხებელი 80 წელს გადაცილებული წყვილისთვის.

რასმუსენი და ჰანსენი ცნობილები მას შემდეგ გახდნენ, რაც მათ ველოსიპედით მიმავალი, დანიის სასაზღვრო ქალაქ ტანნერის მერი შემთხვევით საზღვარზე გადააწყდა. 
წყვილმა ორი წლის წინ გაიცნეს ერთმანეთი და მის შემდეგ თითქმის ერთი წელია, რაც ყოველ დღეს ერთად ატარებენ.

რასმუსენი დანიაში, ქალაქ  გალელუსში ცხოვრობს და საზღვართან მანქანით მიდის, ხოლო ჰანსენი გერმანული ზადერლიგუმიდან ველოსიპედით მიდის.
წყვილი ვირუსის პანდემიამდე ერთად მოგზაურობდა - და აპირებენ გააგრძელონ ერთობლივი მოგზაურობები მისი დასრულების შემდეგაც.

”სამწუხაროა, მაგრამ ჩვენ ვერაფერს შევცვლით”, - განაცხადა რასმუსენმა გერმანულ საზოგადოებრივ მაუწყებელთან Deutsche Welle– სთან ინტერვიუში.

90356409 1513847795457660 1973571982574223360 n

 

www.bbc.com

დაწერე კომენტარი (0 კომენტარი)
მოიწონეთ გვერდი

Search