კვირა, დეკემბერი 15, 2019
Follow Us

ბარსელონა – სამეფო ფეხბურთის და არქიტექტურის ქალაქი. ალბათ, რთულია გამოყო რომელი მათგანით უფრო პოპულარულია კატალონიის დედაქალაქი, თუმცა, გაუდამ თავისი გამორჩეული არქიტექტურული სტილით ბარსელონა მართლაც უნიკალური ქალაქად აქცია 
Sagrada Familia, Las Rambla, Casa Batllo, Casa Mila, Camp Nou, Park Guell, Palau de la Musica Catalana, Magic Fountain of Montjuic, La Boqueria, Gothic Quarter, Picasso Museum- ეს ის ადგილებია, რომლებიც აუცილებლად უნდა მოინახულო, როდესაც ბარსელონას სტუმრობ, თუკი გინდა ქალაქი სრულად შეიგრძნო.

მხოლოდ გაუდას შემოქმედებაზე რომ არ ვისაუბროთ, ცალკე აღნიშვნის ღირსია Palau de la Musica Catalana, რომელიც ლუის დომენიკ მონტანერმა დააპროექტა მე-20 საუკინის დასაწყისში და 3 წელიწადში აშენდა. გაუდას ყველაზე ცნობილი ქმნილება Sagrada Familia კი არ ღალატობს თავის ნიშას და კვლავაც ხარაჩოებში მასპინძლობს ტურისტებს. როგორც ამბობენ, სავარაუდოდ,  რესტავრაცია 2022 წლისთვის დასრულდება.
შეიძლება არ მოგწონდეს საფეხბურთო კლუბი ''ბარსელონა'', თუმცა თუ ფეხბურთთან ოდნავ მაინც გაქვს  შეხების წერტილი, Camp Nou აუცილებლად უნდა შეიყვანოთ დასათვალიერებლთა სიაში.
ატრაქციების და მუზეუმების მონახულება არ არის იაფი სიამოვნება, ფასები 7-დან 30 ევრომდე მერყეობს. რიგში დგომისთვის თავის ასარიდებლად რეკომენდირებულია ბილეთების ონლაინ დაჯავშნა.
თუ თქვენ მარშრუტს ბარსელონაში სწორად დაგეგმავთ, ყველა მნიშვნელოვანი ობიექტის მოსანახულებლად 5 დღე თავისუფლად გეყოფათ, თუმცა გასათვალისწინებელია ერთი მნიშვნელოვანი ფაქტი, იყავით ყურადღებით და გაუფრთხილდით ნივთებს, ტელეფონს, საფულეს! ღამის საათებში მოერიდეთ რამბლაზე და განსაკუთრებით გოთიკურ უბანში გასეირნებას!
გისურვებთ ბედნიერ მოგზაურობას ?

Comments powered by CComment

მოიწონეთ გვერდი

Search