ოთხშაბათი, აგვისტო 12, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

1571870355569349ბრიტანელმა წყვილმა 11 წლის ბიჭი იშვილა და შემდეგ ქილერებს მოაკვლევინა, რათა მიეღოთ სიცოცხლის დაზღვევით მონიჭებული ფულადი პრემია 150 000 ფუნტი სტერილინგის ოდენობით,- ინფორმაციას BBC ავრცელებს.

ბრიტანეთის მოქალაქეები, არტი დირი და კავალ რაიჯადა ჩავიდნენ ინდოეთში- მათ გამოაქვეყნეს გაზეთში მოთხოვნა, სადაც სურდათ, ეშვილათ ბავშვი, რომელზეც დებდნენ პირობას, რომ აღსაზრდელად კარგ პირობებს შეუქმნიდნენ და ბრიტანეთში აცხოვრებდნენ. გარკვეული პერიოდის შემდეგ წყვილმა გუჯარატის რეგიონში 2015 წელს გადაწყვიტა, ეშვილა 9 წლის გოპალ სეჯანი, რომელიც თავის დასთან და სიძესთან ერთად ცხოვრობდა.

მას შემდეგ რაც დაიწყო ბიჭის შვილად აყვანის პროცედურები, მისმა მომავალმა მშობლებმა გოპალის სახელზე შეადგინეს სიცოცხლის დაზღვევის პოლისი-150 000 ფუნტი სტერლინგის ოდენობით, რომელსაც მიიღებდნენ მშობლები მას შემდეგ, რაც ბიჭის შვილად აყვანიდან გავიდოდა 10 წელი ან უბრალოდ იგი გარდაიცვლებოდა. გავრცელებული ინფორმაციის თანახმად, მშობლებმა გადაიხადეს სადაზღვეო პოლისის შედგენისთვის 15 000 ფუნტი სტერლინგი, თუმცა მათ იცოდნენ, რომ გოპალის სიკვდილის შემთხვევაში მიიღებდნენ 10-ჯერ მეტ თანხას.

დოკუმენტების მომზადების შემდეგ, წყვილი დაბრუნდა ბრიტანეთში, ნაშვილები არასრულწლოვანი მოზარდი კი მათი დაკვეთით 2017 წლის 8 თებერვალს ორმა ადამიანმა გაიტაცა და დანის გამოყენებით სასიკვდილო ჭრილობები მიაყენა. თავდამსხმელებმა აგრეთვე მოკლეს მცირეწლოვანი ბიჭის სიძე, რომელიც ცდილობდა დაცვას მისი გატაცების მომენტში.

აღნიშნულ დანაშაულებრივ ქსელში მონაწილე ეჭვმიტანილი დააკავა პოლიციამ , რომელიც მათი ინფორმაციით, წყვილის სტუდენტი იყო ლონდონში. ზემოხსენებულ საქმესთან დაკავშირებით დააკავეს კიდევ 4 ადამიანი.

ინდოეთის სამართალდამცავი უწყებების მიერ გადაცემული ინფორმაციის საფუძველზე ბრიტანეთის პოლიციამ დააკავა 2017 წლის ივნისში დირი და რაჯადა.

მიუხედავად ინდოეთის სასამართლოს არაერთი მოთხოვნისა, მკვლელობის დამკვეთი წყვილის ექსტრადირება ამ დრომდე უარყოფილია, რადგან ინგლისელი მოსამართლეების აზრით წყვილის სიცოცხლეს საფრთხე შეექმნება აღნიშნული დანაშაულის გამო ინდოეთში პატიმრობაში ყოფნის მანძილზე.

 

www.newposts.ge

Comments powered by CComment

მოიწონეთ გვერდი

Search