ხუთშაბათი, აპრილი 22, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

უცხოეთი

უცხოეთი

tavis tviniსამეცნიერო ჟურნალში „ნეიჩერ“ გამოქვეყნებულმა ახალმა კვლევამ, შესაძლოა გარდატეხა მოახდინოს თავის ტვინის ავთვისებიანი სიმსივნეების მკურნალობის საქმეში. ყოველ შემთხვევაში, ამ ეტაპზე, ადამიანებზე მიმდინარე კლინიკური გამოცდის პირველი ფაზა გერმანიაში, იმედისმომცემ შედეგებს აჩვენებს. პირველადი მონაცემებით, ვაქცინა უსაფრთხოა.

ახალი დიზაინით შექმნილი ექსპერიმენტული ვაქცინა ადამიანის ორგანიზმს ეხმარება იმუნური სისტემის სტიმულირებაში და თავის ტვინის კიბოს პროგრესის შენელებაში. უკვე იგეგმება კლინიკური კვლევის მე-2 ფაზა, რომელიც თავის ტვინის პირველი ვაქცინის კანდიდატზე მიმდინარე საეტაპო მნიშვნელობის ექსპერიმენტში გაცილებით მეტ სიცხადეს შეიტანს.

საუბარია თავის ტვინის სიმსივნის სახეობაზე, რომელსაც დიფუზური გლიომა ჰქვია. დიფუზური გლიომები პრაქტიკულად უკურნებელ სენად ითვლება. სიმსივნური უჯრედები თავის ტვინში იოლად ვრცელდება და მათი სრულად ამოღება ქირურგიული ჩარევით შეუძლებელია. ტრადიციული ქიმიოთერაპია ან რადიოთერაპიაც ძალზე ლიმიტირებულ შედეგს იძლევა.

მართალია, თავად დიფუზური გლიომაც ბევრნაირი შეიძლება იყოს, მაგრამ მათ ერთი საერთო თვისება აერთიანებთ. 70%-ზე მეტში ერთი გენის მუტაცია ხდება, რომელიც გავლენას ახდენს ფერმენტზე სახელად იზოციტრატი დეჰიდროგენეზი 1 (IDH1). სწორედ ეს IDH1 მუტაციაა უნიკალური გლიომებისთვის და იწვევს ნეო-ეპიტოპის ცილების წარმოქმნას. თავის ტვინის კიბოს ვაქცინის მიზანია, დაეხმაროს ადამიანის ორგანიზმს ამოიცნოს IDH1 მუტაციის მქონე უჯრედები და ებრძოლოს მათ.

თავის ტვინის კიბოს პირველი ვაქცინის კლინიკური გამოცდა გერმანიის კიბოს კვლევის ცენტრში ტარდება. ეს გერმანიაში ყველაზე დიდი ბიოსამედიცინო კვლევითი ინსტიტუტია. ცენტრის 3 000-ზე მეტი თანამშრომლიდან 1 200 მეცნიერია, რომლებიც სწავლობენ კიბოს მექანიზმებს, ამოიცნობენ დაავადების რისკ-ფაქტორებს და იკვლევენ კიბოს პრევენციის სტრატეგიებს.

კვლევის ხელმძღვანელია ექიმი მაიკლ პლატენი, რომელიც წლებია ვაქცინის შექმნაზე მუშაობს. ის მენჰაიმის სამედიცინო უნივერსიტეტში ნევროლოგიის დეპარტამენტის დირექტორია და ასევე ხელმძღვანელობს ერთ-ერთ დივიზიას გერმანიის კიბოს კვლევის ცენტრში.

„ჩვენი ამოცანა იყო პაციენტის იმუნური სისტემის ხელშეწყობა და ვაქცინის გამიზნულად გამოყენება, რათა მიზანში ამოგვეღო ამ კიბოსთვის სპეციფიკური ნეო-ეპიტოპი“ - ამბობს ის პრესრელიზში, რომელიც გერმანიის კიბოს კვლევის ცენტრმა მარტის ბოლოს გამოაქვეყნა. ექიმ პლატენის განმარტებით, IDH1 მუტაცია განსაკუთრებით მნიშვნელოვანი კანდიდატი იყო, რადგან ის გლიომებისთვის ძალზე სპეციფიკურია და ჯანმრთელ ქსოვილში არ გვხვდება. სწორედ ეს მუტაციები აგებს პასუხს გლიომების განვითარებაზე, რაც ნიშნავს, რომ ვაქცინა, რომელიც მოქმედებს მუტირებული ცილების წინააღმდეგ, საშუალებას გვაძლევს, პრობლემას საფუძველშივე შევუტიოთ“ - ამბობს ექიმი პლატენი.

პლატენის გუნდმა IDH1 ცილის სეგმენტის ხელოვნური ვერსია წლების წინ შექმნა. ექსპერიმენტულმა ვაქცინამ ვირთხებზე ჩატარებულ ცდებში დადებითი შედეგები აჩვენა. 2019 წელს მაიკლ პლატენმა აღმოჩენისთვის გერმანიის კიბოს კვლევის პრიზიც კი მიიღო.

შემდეგ გადაწყდა, ექსპერიმენტი ადამიანებზეც ჩაეტარებინათ. კლინიკური კვლევის პირველ ფაზაში 33 მოხალისე ჩაეწერა. სტანდარტულ მკურნალობასთან ერთად, მათზე თავის ტვინის კიბოს ვაქცინის კანდიდატიც გამოსცადეს. იმუნურ რეაქციაზე დაკვირვების შესაძლებლობა მეცნიერებს 30 პაციენტზე მიეცათ.

ექიმებმა აცრილებში ვერანაირი სერიოზული გვერდითი მოვლენა ვერ დააფიქსირეს. პაციენტების 93 პროცენტში იმუნურმა სისტემამ ვაქცინაზე სპეციფიკური პასუხი გამოიწვია და ეს პაციენტის გენეტიკური მონაცემების მიუხედავად მოხდა. სრულად აცრილებს შორის 82 პროცენტში კიბოს პროგრესირება სამი წლის მანძილზე აღარ დაფიქსირებულა. ჯერჯერობით, კლინიკური კვლევის მეორე ფაზამდე და საკონტროლო ჯგუფის ჩართვამდე, სხვა დასკვნების გამოტანისგან მეცნიერები თავს იკავებენ.

ნაშრომის დეტალურად გაცნობა შესაძლებელია სამეცნიერო ჟურნალის „ნეიჩერ“ 24 მარტის გამოშვებაში. ექიმ მაიკლ პლატენთან ერთად მისი ავტორები არიან მეცნიერები ჰაიდელბერგის უნივერსიტეტიდან, მენჰაიმის სამედიცინო უნივერსიტიდან, ასევე - გერმანიის კიბოს კვლევის ცენტრიდან და ჰაიდელბერგის სიმსივნურ დაავადებათა ეროვნული ცენტრიდან.

 

მაია ქვარცხავა

www.amerikiskhma.com

დაწერე კომენტარი (0 კომენტარი)
უცხოეთი

avto manqanebi eqsporti avtoამერიკის შტატების გუბერნატორების ნაწილი, პრეზიდენტ ჯო ბაიდენს 2035 წლიდან ბენზინზე მომუშავე მანქანების გაყიდვის ეტაპობრივ შეზღუდვას სთხოვენ. ხელმომწერთა შორის არიან კალიფორნიის, ნიუ იორკის, მასაჩუსეტსის და ჩრდილოეთ კაროლინის გუბერნატორები.

ბაიდენის გეგმა, რომელიც ინფრასტრუქტურაზე 2.3 ტრილიონი დოლარის დახარჯვას მოიცავს, ასევე ითვალისწინებს 174 მილიარდს და საგადასახადო შეღავათებს ელექტრო-ავტომობილების ინდუსტრიისთვის ხელშესაწყობად. თუმცა, მისი ინიციატივა ბენზინის მანქანების ეტაპობრივი გამოშვების შეზღუდვას არ მოიცავს.

წერილში, რომელსაც ხელს ასევე აწერენ კონექტიკუტის, ჰავაის, მეინის, ნიუ-ჯერსის, ნიუ-მექსიკოს, ორეგონის, ვაშინგტონის და როდ-აილენდის შტატები, ბაიდენს მოუწოდებენ „უზრუნველყოს, რომ სამგზავრო მანქანები და მსუბუქი სატვირთოები ნულოვანი გამონაბოლქვისაა არაუგვიანეს 2035 წლისა“.

ამ დრომდე თეთრ სახლს ამ წინადადებაზე არ უპასუხია.

"ჯენერალ მოტორსმა" იანვარში განაცხადა, რომ ის გეგმავს ბენზინზე მომუშავე მსუბუქი ავტომანქანების გაყიდვის შეწყვეტას 2035 წლისთვის. „ვოლვომ“ თქვა, რომ მისი ახალი მოდელები სრულიად ელექტო იქნება 2030 წლისთვის და „ფორდის“ ევროპული ხაზი კი ელექტროენერგიაზე გადავა 2030 წლამდე.

თუმცა წინადადებას მხარს ყველა არ უჭერს. რორი გემბელი, გაერთიანებული სამანქანო მუშათა პროფკავშირებიდან ამბობს, რომ ელექტო-ავტომობილების მშენებლობას ნაკლები მუშახელი სჭირდება და რომ ეს ნაბიჯი მუშებს დააზიანებს.

 

www.amerikiskhma.com

დაწერე კომენტარი (0 კომენტარი)
უცხოეთი

floidi mkvleli policმინეაპოლისის ყოფილი პოლიციელი, დერეკ შოვინი ნაფიცმა მსაჯულებმა დამნაშავედ სცნეს ჯორჯ ფლოიდის სიკვდილში. 

12-მა მსაჯულმა 20 აპრილს შოვინი დამნაშავედ სცნო სამივე წაყენებულ ბრალდებაში. 45 წლის შოვინს ათწლეულების განმავლობაში ემუქრება პატიმრობა, როცა მას მოსამართლე განაჩენს გამოუტანს.

ჯორჯ ფლოიდი 2020 წლის 25 მაისს დაიღუპა, მაღაზიაში ყალბი 20-დოლარიანი კუპიურის გადახდის გამო მისი დაპატიმრების მცდელობისას. მისმა სიკვდილმა ბიძგი მისცა თვეების განმავლობაში გაგრძელებულ, ზოგჯერ ძალადობრივ საპროტესტო აქციებს საპოლიციო სისასტიკის და რასიზმის წინააღმდეგ. ფართოდ გავრცელდა დაპატიმრების ამსახველი ვიდეო, რომელზეც ჩანს, დაკავების მომენტში როგორც აჭერს თეთრკანიანი პოლიციელი, შოვინი, მუხლს 46 წლის შავკანიან კაცს, ჯორჯ ფლოიდს ცხრა წუთზე მეტი დროის განმავლობაში, რის შედეგადაც ფლოიდი კვდება.

ვერდიქტის გამოტანამდე აშშ-ის პრეზიდენტმა ჯო ბაიდენმა თქვა, ვლოცულობ "სწორი ვერდიქტისთვისო" იმ საქმეში, რომელიც, მისი თქმით, ფართოდ მიუთითებდა შოვინის დანაშაულზე.

მსაჯულების ვერდიქტის გამოცხადების შემდეგ ხელბორკილებიანი შოვინი საპატიმროში გადაიყვანეს, სასამართლო შენობის წინ კი აქცია გაიმართა ვერდიქტის მხარდასაჭერად.

მინეაპოლისში და სხვა ქალაქებში დაძაბულობა იყო, ვინაიდან შიშობდნენ, რომ მსაჯულების მხრიდან შოვინის გამართლებას შარშანდელის მსგავსი მღელვარება მოჰყვებოდა - როცა მთელ ქვეყანაში მილიონობით ადამიანი გავიდა ქუჩებში, პროტესტის გამოხატვის მიზნით.

12 მსაჯული, რომელთა შორისაც შავკანიანი მოქალაქეებიც იყვნენ და თეთრკანიანებიც, თითქმის სამი კვირის განმავლობაში უსმენდა ჩვენებებს პროცესზე, რომელსაც საპოლიციო ანგარიშვალდებულების საკითხისთვის ერთგვარ გამოცდად მიიჩნევდნენ.

დაწერე კომენტარი (0 კომენტარი)
უცხოეთი

zelenski omshiუკრაინის პრეზიდენტი ვლადიმერ ზელენსკი რუს კოლეგას, ვლადიმერ პუტინს კონფლიქტის დასრულების და ორ ქვეყანას შორის დაძაბულობის განმუხტვის მიზნით, დონბასის რეგიონში შესახვედრად იწვევს.

„ბატონო პუტინო, მზად ვარ, ნებისმიერ ადგილას დონბასში შეგხვდეთ, სადაც ომია,“ - განაცხადა ზელენსკიმ ვიდეომიმართვაში.

უკრაინის პრეზიდენტმა ასევე მოუწოდა კიევის დასავლელ მხარდამჭერებს, აჩვენონ ”მკაფიო სიგნალები” იმის შესახებ, რომ მზად არიან მხარი დაუჭირონ ქვეყანას რუსეთთან დაპირისპირებაში.

„ჩვენს მოქალაქეებს მკაფიო სიგნალები სჭირდებათ, რომ ომის მერვე წელს ქვეყანა, რომელიც ევროპისთვის ფარია, მიიღებს მხარდაჭერას არა მხოლოდ ტრიბუნებზე მდგომი პარტნიორებისგან, არამედ როგორც იმავე გუნდის მოთამაშეებისგან, პირდაპირ მოედანზე, მხარდამხარ,“- აღნიშნა ზელენსკიმ.

მისი თქმით, უკრაინას სურს კონფლიქტის დასრულება დიპლომატიური გზით, მაგრამ მზად არის, თავდასხმის შემთხვევაში, საკუთარი თავი დაიცვას.

„სურს უკრაინას ომი? - არა. მზად არის უკრაინა ომისთვის? - დიახ,“- აღნიშნა ზელენსკიმ.

დაწერე კომენტარი (0 კომენტარი)
უცხოეთი

evropa qveyanaევროპის ქვეყნებმა საკარანტინე შეზღუდვების შემსუბუქება დაიწყეს. ფიქრობენ, რომ ტურიზმის სექტორის აღდგენას მეზობელ ქვეყნებთან საზღვრების გახსნით დაიწყებენ. ამის შესახებ Euronews-ი წერს.

ერთ-ერთი პირველი ქვეყანა, რომელმაც შეზღუდვების მოხსნა დაიწყო, პორტუგალიაა, სადაც ინფიცირებულთა დღიური მაჩვენებელი შემცირებულია. შესაბამისად ეტაპობრივად იხსნება სავაჭრო ცენტრები, სკოლები, უნივერსიტეტები და კაფე/ბარები. ეს ამ ქვეყანაში საკარანტინე ზომების მოხსნის მესამე ეტაპია. გასულ კვირას პორტუგალიაში ბრიტანეთსა და ბრაზილიასთან ფრენებზე შეზღუდვა მოხსნეს, თუმცა საზღვარზე კონტროლი მინიმუმ ორი კვირის განმავლობაში დარჩება.

ანალოგიურ გზას ადგას შვეიცარია, სადაც ორშაბათიდან იხსნება რესტორნებისა და კაფეების ღია ტერასები, თუმცა მაგიდები მინიმუმ 1.5 მეტრის დაშორებითაა განთავსებული და მხოლოდ ოთხ კაცს აქვს დაჯდომის უფლება. რაც მთავარია ეს ყველაფერი მკაცრად კონტროლდება და დარღვევის შემთხვევაში ობიექტი ჯარიმდება. ამ გზით, ქვეყანაში უსაფრთხოებასაც იცავენ, რომ არ გაიზარდოს ინფიცირების მაჩვენებლები და პარალელურად ბიზნესსაც აძლევენ მუშაობის საშუალებას. გახნის რიგით მესამე ეტაპის ჩამონათვალში მოხვედრილია ასევე კინო-თეატრები, საკონცერტო დარბაზები და ფიტნეს-ცენტრები, რომლებიც ოთხი თვის განმავლობაში დახურული იყო.

ისიც უნდა ითქვას, რომ ქვეყანაში ეს ეტაპი მხოლოდ მას შემდეგ დადგა, რაც პაციენტების რაოდენობამ დაიკლო, დაავადებულთა მდგომარეობა დასტაბილურდა და მოქალაქეების მასშტაბური ვაქცინაცია დაიწყო. ცხადია, პირბადის ტარება, დისტანცია, დეზინფექცია და ყველა ის უსაფრთხოების წესი, რაც წელიწადზე მეტია ნორმად და ცხოვრების წესად ვაქციეთ, დღემდე უპირობოდ აუცილებლობაა, თუმცა ის ფაქტი, რომ ადამიანები ჩაკერტილები აღარ არიან და ეკონომიკამ დაიწყო ამუშავება უკვე პოზიტიური სიახლეა. ტურისტებსაც იღებენ, თუმცა მაღალი რისკის მქონე ქვეყნებიდან ჩასულებს სავალდებულო 10 -დღიან კარანტინში უშვებენ.

პროფკავშირების დაჟინებული და კატეგორიული წინააღმდეგობის შედეგად, შეზღუდვების შემსუბუქება დაიწყეს უნგრეთშიც, თუმცა ჯერ მხოლოდ სკოლებისა და საბავშვო ბაღების გახსნით დაიწყეს, რადგან, როგორც ადგილობრივი მთავრობა აცხადებს, ონლაინ განათლება სკოლის მოსწავლეებში არ აღმოჩნდა ეფექტიანი. ამიტომაც მოსწავლეების დაახლოებით 75% საკლასო ოთახს დაუბრუნდა.

სასწავლო დაწესებულებები ასევე გახსნეს სერბეთშიც, სადაც იხსნება სილამაზის სალონები, მაღაზიები და ტურისტული ობიექტებიც.

საბოლოოდ, ყველა თანხმდება, რომ ლოქდაუნი არის მხოლოდ უკიდურესი გამოსავალი და წერტილოვანი შეზღუდვებითა და ნელ-ნელა, ეტაპობრივი გახსნით ქვეყნები უსაფრთხოების უზრუნველყოფას და რაც მთავარია ეკონომიკის ამოქმედებას ახერხებენ.

 

www.bm.ge

დაწერე კომენტარი (0 კომენტარი)
მოიწონეთ გვერდი

Search