ოთხშაბათი, ოქტომბერი 28, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

უცხოეთი

უცხოეთი

5f986db828380Euronews-ის ინფორმაციით, ევროკავშირის ქვეყნებში ტურიზმის სექტორის წარმომადგენლები, კორონავირუსით ინფიცირების რაოდენობის ზრდის ფონზე დაწესებულ შეზღუდვებს აპროტესტებენ. მათი თქმით, ადამიანები, რომლებიც ყოველგვარი შემოსავლის წყაროს გარეშე არიან დარჩენილები, კიდევ ერთ "ლოკდაუნს" ვერ გადაიტანენ. ფაქტია, რომ სექტორი, რომელიც ევროკავშირის მთლიანი შიდა პროდუქტის 10%-ს შეადგენს და ადამიანების 12%-ს ასაქმებს, დღეს "რეანიმაციაშია". 

დღითიდღე რთულდება მდგომარეობა საფრანგეთში, სადაც პრემიერ-მინისტრმა უკვე რამდენიმე კვირაა დაიწყო შეხვედრები კერძო სექტორთან, სადაც იკვეთება, რომ განსაკუთრებით მძიმე მდგომარეობა რესტორნებსა და სასტუმროებს აქვთ. მათი თქმით, როგორც წესი ამ დროს უკვე მთის კურორტებზე ადგილობრივი სასტუმროების 50-60% დაჯავშნილია, დღევანდელ რეალობაში კი, ეს მაჩვენებელი 10%-მდეც ძლივს აღწევს. ამიტომაც სასტუმროების უმეტესობა ფიქრობს, წელს საერთოდ შეაჩეროს მუშაობა. ანალოგიური მდგომარეობაა სხვა კურორტებზე და ქვეყნებში.

მათ შორის დიდი ბრიტანეთი, სადაც შეზღუდვების ამოქმედების შემდეგ, ჰორეკას სექტორის წარმომადგენლები სასამართლოში ჩივილს აანონსებენ, მოთხოვნით: გაუქმდეს ადგილობრივი "ლოკდაუნი" და მიეცეთ პაბებს, ბარებს, კლუბებს, რესტორნებსა და ყველა დანარჩენ ტურისტულ ადგილებს მუშაობის შესაძლებლობა.

როგორც Euronews-ი წერს, ტურიზმი მძიმე მდგომარეობაშია ასევე პორტუგალიაში, სადაც კორონავირუსით დაავადებულთა რაოდენობა იზრდება, თუმცა მაინც ადამიანებს გაცილებით მეტად ეშინიათ შიმშილისა და საქმის გარეშე დარჩენის, ვიდრე ვირუსის, ამიტომაც აქაც კარანტინის წინააღმდეგ გამოდიან. მათი თქმით, თუ ქვეყანაში ეკონომიკა კიდევ ერთხელ გაჩერდება, ეს იქნება კატასტროფა ხალხისთვის და თუკი დღეს ტურიზმი რეანიმაციაშია, მალე მისი გარდაცვალების მომსწრე გავხდებით.

 

www.bm.ge

დაწერე კომენტარი (0 კომენტარი)
უცხოეთი

 eifelis koshki parisსაფრანგეთის დედაქალაქ პარიზში ეიფელის კოშკის მიმდებარედ საზოგადოებრივი პარკი, მარსის ველის ევაკუაცია მოხდა მას შემდეგ, რაც საბრძოლო მასალებით სავსე ჩანთა აღმოაჩინეს. ამის შესახებ ინფორმაციას პოლიცია ავრცელებს. 

პოლიციის სპიკერის თქმით, ევაკუაცია უკვე დასრულდა. 

მანამდე, პოლიციამ განაცხადა, რომ ტრიუმფალური თაღის მიმდებარე ტერიტორიის ევაკუაცია მოახდინეს მას შემდეგ, რაც ბომბის საფრთხის შესახებ გაიგეს. ტრიუმფალური თაღის მიმდებარედ პოლიცია სამძებრო სამუშაოებს აგრძელებს.

შეგახსენებთ, რომ 16 ოქტომბერს საფრანგეთში 47 წლის ისტორიის მასწავლებელს, სამუელ პატის, გამოხატვის თავისუფლების გაკვეთილზე მოსწავლეებისთვის მუჰამედის კარიკატურის ჩვენების გამო, წარმოშობით ჩეჩენმა, 18 წლის აბდულა ანზოროვმა, თავი მოჰკვეთა.

მასწავლებლის მიზანში ამოღება საფრანგეთის მრავალმა საჯარო პირმა შეაფასა, როგორც საფრანგეთის სახელმწიფოებრიობის არსზე, მის ღირებულებებზე, სეკულარიზმზე, რწმენის თავისუფლებასა და გამოხატვის თავისუფლებაზე თავდასხმა.

საფრანგეთის პრეზიდენტს სურს, დაიცვას სეკულარული ღირებულებები რადიკალური ისლამისგან. ეს საკითხი გამწვავდა მას შემდეგ, რაც პატის მუჰამედის კარიკატურების გაკვეთილზე ჩვენებისთვის თავი მოჰკვეთეს.

თურქეთის პრეზიდენტმა, რეჯეფ თაიფ ერდოღანმა, მაკრონი ანტიისლამურ განწყობაში დაადანაშაულა და თქვა, რომ მას მენტალური ჯანმრთელობის შემოწმება სჭირდებოდა. "ისლამზე თავდასხმისთვის" მაკრონი გააკრიტიკა პაკისტანის პრეზიდენტმაც. ბანგლადეშში, ერაყში, ლიბიასა და სირიაში კი საპროტესტო აქციები გაიმართა.

დაწერე კომენტარი (0 კომენტარი)
უცხოეთი

 etiopia pirbadeეთიოპია არის ქვეყანა, სადაც მოქალაქეს იმ შემთხვევაში, თუ ის კორონავირუსის პანდემიის გამო დაწესებულ შეზღუდვებს დაარღვევს, ორ წლამდე თავისუფლების აღკვეთა ემუქრება. ამის შესახებ CNN-ის ცნობით, ქვეყნის გენერალური პროკურატურა აცხადებს https://edition.cnn.com/2020/10/23/africa/ethiopia-mask-jail-intl/index.html?fbclid=IwAR1DGNDG7JksMe0QBXplcVOIo1u8OpR9xvrdKg9d0npCy3n-K3wsDrq5368.
ეთიოპიაში არსებული კოვიდ-შეზღუდვების მიხედვით, აკრძალულია ხელის ჩამორთმევა, პირბადის არ ტარება საზოგადოებრივი თავშეყრის ადგილებში, მაგიდასთან სამზე მეტი ადამიანის ჯდომა, დისტანციის არ დაცვა და ა,შ.
„ახლა ისეა თითქოს კოვიდი აღარც არსებობს, საზოგადოება არ ითვალისწინებს წესებს. ეს კი გამოიწვევს დაავადების შემთხვევების ზრდას და გავრცელებას, რაც შესაძლოა ქვეყნისთვის საფრთხე იყოს“, – განაცხადა ეთიოპიის ჯანდაცვის მინისტრმა.
ცნობისთვის, ეთიოპია აფრიკაში მოსახლეობის რაოდენობის მხრივ რიგით მეორე უმსხვილესი ქვეყანაა. ამ სახელმწიფოში პანდემიის გამო საგანგებო მდგომარეობა აპრილში გამოცხადდა, თუმცა, სექტემბერში გაუქმდა. ქვეყანაში ამ დრომდე კორონავირუსის 93 343 შემთხვევაა დადასტურებული.

 

www.bm.ge

დაწერე კომენტარი (0 კომენტარი)
უცხოეთი

 fauchi pirbadeაშშ-ის წამყვანი ინფექციონისტი ენტონი ფაუჩი აცხადებს, რომ ადამიანებმა პირბადეები მანამ უნდა გამოიყენონ აქტიურად, სანამ ვაქცინა ხელმისაწვდომი გახდება ფართო მოხმარებისათვის. ამის შესახებ ინფორმაციას CNN-ი ავრცელებს.
ფაუჩის და მისი გუნდის განცხადებით, ისინი ვინც პირბადეს საჯარო სივრცეში არ იყენებენ, კონტროლს კარგავენ ვირუსზე.
ფაუჩის და მისი გუნდის განცხადებით, თუნდაც ტესტირების რეგულარული ჩატარება არ არის საკმარისი იმისთვის, რომ ადამიანებმა პირბადის გამოყენებაზე უარი თქვან, რადგან პირბადე არის ამ ეტაპზე ერთადერთი საშუალება, რაც აკავებს ინფიცირებული ნაწილაკების გავრცელებას ხველის, ცემინების ან თუნდაც საუბრის დროს.
გამოცემა წერს, რომ ახალი კვლევების მიხედვით, ნაწილაკები ჰაერში იმაზე შორს გადაადგილდებიან და დიდხანს რჩებიან, ვიდრე ეს თავდაპირველად იყო ნავარაუდევი. განსაკუთრებით ეს ეხება დახურულ სივრცეებს, სადაც ჰაერი ცუდად ნიავდება.
ამასთან, ფაუჩის გუნდი აცხადებს, ინფიცირებული ადამიანების 40-45% უსიმპტომოა, მაგრამ მათ ჩვეულებრივ შეუძლიათ გაავრცელონ ვირუსი. სტატისტიკური მონაცემებით, ვირუსის გავრცელების 50% სწორედ უსიმპტომო პაციენტებზე მოდის.
„ყველამ უნდა გამოიყენოს პირბადე, სამედიცინო თუნდაც უბრალოდ მატერიისგან დამზადებული. თუმცა აღსანიშნავია, რომ სამედიცინო პირბადე უკეთესად ახდენს ჩვენს დაცვას, რადგან კარგად ფილტრავს ნაწილაკებს. უბრალო მატერიისგან დამზადებული პირბადე კი მხოლოდ მიახლოებული ვერსიაა სამედიცინო ნიღბის“, – აღნიშნავს ფაუჩის გუნდი.

 

www.bm.ge

დაწერე კომენტარი (0 კომენტარი)
უცხოეთი

 who kaci legendaმსოფლიო ჯანდაცვის ორგანიზაციის (WHO) ხელმძღვანელი ტედროს ადჰანომ გებრეიესუსი აცხადებს, რომ დედამიწაზე ჩრდილოეთ ნახევარსფეროში კორონავირუსის დღიური შემთხვევების ზრდის გამო „საშიშ მომენტს“ უნდა ველოდოთ. ამის შესახებ ამერიკული Forbes-ი წერს. 

მისივე თქმით, მსოფლიოს მასშტაბით ინფიცირების შემთხვევათა ზრდა ეკონომიკური და სოციალური შეზღუდვების ძალიან ადრე შემსუბუქებამ განაპირობა.

ტედროს გებრეიესუსმა ასევე მოსალოდნელ ვაქცინაზეც ისაუბრა და აღნიშნა, რომ როგორც კი მზად იქნება ის, ეფექტურად უნდა იქნას გამოყენებული.

„საუკეთესო გზა არის ყველა ქვეყანაში მხოლოდ ცალკეული ადამიანების აცრა, ვიდრე ყველა ადამიანის აცრა მხოლოდ რამდენიმე ქვეყანაში“, – განაცხადა WHO-ს ხელმძღვანელმა, – „ვაქცინის ნაციონალიზაცია პანდემიას კიდევ უფრო გაახანგრძლივებს და არა შეამცირებს“, – დასძინა მან.

ცნობისთვის, ბოლო რამდენიმე კვირაა ათობით ქვეყანა კორონავირუსის დღიური შემთხვევების ზრდას განიცდის. განსაკუთრებით დაზარალებულია ევროპის ქვეყნები. მსოფლიოში კი ჯამში უკვე 43 551 700-ზე მეტი ინფიცირების შემთხვევა დადასტურებული. ვირუსს შეეწირა 1 161 811 ადამიანი.

 

www.bm.ge

დაწერე კომენტარი (0 კომენტარი)
მოიწონეთ გვერდი

Search