სამშაბათი, აგვისტო 11, 2020
Follow Us

უცხოეთი

უცხოეთი

 8989 belorusბელარუსში, გასული 24 საათის განმავლობაში, საპროტესტო გამოსვლების დროს, ორი ათასზე მეტი ადამიანი დააკავეს. ამის შესახებ ქვეყნის შსს იუწყება.

უწყების ინფორმაციით, გამთენიისას, მთელ რიგ ქალაქებში მანიფესტაციები გაიმართა, მათ შორის, ყველაზე მასშტაბური მინსკში, ბრესტში, მოგილევსა და ნოვოპოლოცკში.

შს სამინისტროს ინფორმაციით, დაფიქსირდა სამართალდამცველთა მიმართ დაუმორჩილებლობის ღია ფაქტები, მილიციაზე თავდასხმისა და მათი სატრანსპორტო საშუალებების დაზიანების ფაქტები.

უწყების ინფორმაციით, მართლსაწინააღმდეგო ქმედებების გამო შინაგან საქმეთა სამინისტროს 21 თანამშრომელი და შინაგანი ჯარის წარმომადგენლები დაშავდნენ.

დაწერე კომენტარი (0 კომენტარი)
უცხოეთი

4578საბერძნეთში წყალდიდობას 7 ადამიანის სიცოცხლე შეეწირა. დაღუპულთა შორისაა 8 თვის ბავშვი. 

ძლიერი წვიმის შედეგად საბერძნეთის კუნძული ევბეა დაიტბორა. დაზიანებული და დატბორილია ასობით სახლი. ევბეას დასავლეთ ნაწილში ჩაიკეტა გზები. დატბორილი გზები სტიქიით დაზარალებულ ადგილებამდე მაშველების მისვლას ართულებს.

სტიქიასთან საბრძოლველად 100 მეხანძრე, ორი ვერტმფრენი და სანაპირო დაცვის თანამშრომლები არიან მობილიზებულები.

ძლიერი წვიმები შტორმ თალიას მიერაა გამოწვეული. ექსპერტები 24 საათის განმავლობაში 64მმ რაოდენობის ნალექს ელოდებოდნენ, თუმცა ნალექების რაოდენობამ 320მმ-ს მიაღწია.

 

www.tabula.ge

დაწერე კომენტარი (0 კომენტარი)
უცხოეთი

 israeli saqartveloისრაელში საქართველოს საელჩო ქვეყანაში ახალი რეგულაციების შესახებ ინფორმაციას ავრცელებს. „კოვიდ-19“ის პანდემიის გავრცელების პრევენციის მიზნით, ისრაელის მთავრობის მიერ დამტკიცებული ახალი რეგულაციები ძალაში 11 აგვისტოს შევა.

„ღია სივრცეში დაშვებულ პირთა რაოდენობა შეადგენს 20-ს, ხოლო დახურულში 10-ს. შეზღუდვა ვრცელდება, როგორც სამუშაო და საჯარო ადგილებზე, ისე კერძო ტერიტორიებზე.

კერძო ავტომობილში მძღოლის გარდა დაშვებულ პირთა რაოდენობა შეადგენს 2-ს. შეზღუდვა არ ვრცელდება ერთ სივრცეში მცხოვრებ პირებზე.

კვებით ობიექტების დახურულ სივრცეში 20, ხოლო ღია სივრცეში 30 ადამიანის შეკრებაა შესაძლო, სასტუმროს რესტორნებში მომსახურე პერსონალთა რაოდენობა არ უნდა აღემატებოდეს 35%-ს. საცურაო აუზში, ყოველ 6მ² ერთი ადამიანი.

პროდუქტის შინ მიტანის შემთხვევაში კურიერს მისი დატოვება კართან ევალება.

დაიკეტება: დისკოთეკები, ბარები და პაბები, სადღესასწაულო დარბაზები და ბაღები, გასართობი და აკვაპარკები“,- აღნიშნულია ისრაელში საქართველოს საელჩოს ინფორმაციაში.

დაწერე კომენტარი (0 კომენტარი)
უცხოეთი

D63C6F7E 95A3 4575 B9A9 82607EBDE4C5აშშ-ის სახელმწიფო მდივანი, მაიკ პომპეო, 9 აგვისტოს ბელარუსში ჩატარებულ საპრეზიდენტო არჩევნებს განცხადებით ეხმაურება

პომპეო წერს, რომ ბელარუსში ჩატარებული არჩევნები არ იყო თავისუფალი და სამართლიანი.

"ამერიკის შეერთებული შტატები ღრმად შეწუხებულია 9 აგვისტოს ბელარუსის საპრეზიდენტო არჩევნების წარმართვით, რომელიც არ იყო თავისუფალი და სამართლიანი.

კანდიდატების ჯენჭისყრის პროცესზე დაშვების შეზღუდვა, საარჩევნო უბნებზე ადგილობრივი დამოუკიდებელი დამკვირვებლების აკრძალვა, ოპოზიციის კანდიდატების მიმართ გამოყენებული დაშინების ტაქტიკა და მშვიდობიანი მომიტინგეებისა და ჟურნალისტების დაჭერამ გააფუჭა ეს პროცესი." – წერს პომპეო.

ის ასევე აღნიშნავს, რომ თავისუფალი და სამართლიანი არჩევნებია ნებისმიერი ხელისუფლების ლეგიტიმაციისა და უფლებამოსილების საფუძველი.

"სამწუხაროა, რომ OSCE/ODIHR-ის დამკვირვებლებს არ მიუვიდათ დროული მიწვევა ხმის მიცემის პროცესის დასაკვირვებლად. თავისუფალი და სამართლიანი არჩევნები, ნამდვილი კონკურენციით, არის ყველა ხელისუფლების უფლებამოსილებისა და ლეგიტიმაციის საფუძველი." – წერს პომპეო.

აშშ-ის სახელმწიფო მდივანი განცხადებაში გმობს მომიტინგეების მიმართ გამოყენებულ ძალადობასა და ოპოზიიცის მომხრეთა დაკავებებს და ბელარუსის მთავრობას მოუწოდებს, რომ პატივი სცეს თავიანთი მოქალაქეების უფლებებს.

---

9 აგვისტოს ბელარუსში საპრეზიდენტო არჩევნები გაიმართა. საპროტესტო გამოსვლები ბელარუსის დედაქალაქში საარჩევნო უბნების დახურვის შემდეგ დაიწყო. სხვადასხვა ცნობებით, მინსკის აქციაზე 5000 ადამიანი გამოვიდა. საპროტესტო შეკრებები გაიმართა ქვეყნის სხვა მსხვილ ქალაქებშიც, მათ შორის, ბრესტში, ვიტებსკში, მოგილოვში.

პოლიციამ აქციების დასაშლელად ცრემლსადენი გაზი, ხმოვანი ყუმბარები, წყლის ჭავლი და რეზინის ტყვიები გამოიყენა.

ბელარუსის ცენტრალური საარჩევნო კომისიის პირველადი მონაცემების მიხედვით, ქვეყნის მოქმედმა პრეზიდენტმა, ალექსანდრ ლუკაშენკომ ხმების 80.23% მიიღო. მისმა მთავარმა ოპონენტმა, სვეტლანა ტიხანოვსკაიამ ხმების 9.9% მოიპოვა.

 

www.tabula.ge

ოპოზიცია არჩევნების შედეგებს არ ცნობს. სვეტლანა ტიხანოვსკაიამ საპრეზიდენტო არჩევნებში თავი გამარჯვებულად გამოაცხადა. როგორც ტიხანოვსკაია ამბობს, მის შტაბს აქვს ხმების დათვლის ალტერნატიული მონაცემები და მისი გუნდი აპირებს ყველა დარღვევის დამტკიცებას.

დაწერე კომენტარი (0 კომენტარი)
უცხოეთი

რუსეთში ქალაქ ვოლგოგრადში ბენზინგასამართ სადგურზე აფეთქება მოხდა. საგანგებო სიტუაციების სამინისტროს ინფორმაციით აფეთქდა გაზის ცისტერნა. ინციდენტში დაშავდა 13 ადამიანი, 10 მათგან საავადმყოფოში იმყოფება. ერთი მძიმედ დაშავებული რეანიმაციაში მოხვდა.  მეხანძრეებმა ხანძრის ჩაქრობა მოახერხეს. რეგიონის პროკურატურამ გამოძიება დაიწყო.

დაწერე კომენტარი (0 კომენტარი)
მოიწონეთ გვერდი

Search