შაბათი, ივნისი 06, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

კრიმინალი

კრიმინალი
თბილისის პოლიციის დეპარტამენტის დიდუბე-ჩუღურეთის სამმართველოს თანამშრომლებმა,  ორი ან მეტი პირის განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა- შენახვა-ტარების ბრალდებით, 1980 წელს დაბადებული ბ.ჩ. ცხელ კვალზე დააკავეს.  
მის მიერ ჩადენილი დანაშაული 16-დან 20 წლამდე ან უვადო თავისუფლების აღკვეთას ითვალისწინებს.  
გამოძიებით დადგინდა, რომ დაკავებულმა მიმდინარე წლის 12 იანვარს, კლუბი "ბასიანის" შესასვლელთან ცეცხლასროლი იარაღიდან განახორციელა რამდენიმე გასროლა, რის შედეგადაც ჭრილობები მიაყენა 3 პირს - 1993 წელს დაბადებულ თ.ა.-ს, 1987 წელს დაბადებულ ბ.ჭ.-ს და 1995 წელს დაბადებულ დ.ც.-ს, რის შემდეგაც ადგილიდან მიიმალა. დაშავებულები სასწრაფო სამედიცინო დახმარების ჯგუფმა საავადმყოფოში გადაიყვანა. მათ სიცოცხლეს საფრთხე არ ემუქრება.  
სამართალდამცველებმა ბ.ჩ. მომხდარიდან მალევე, ცხელ კვალზე, მისივე საცხოვრებელ სახლთან დააკავეს. დაკავებულის პირადი ჩხრეკისას ნივთმტკიცებად ამოღებულია დანაშაულის ჩადენის ცეცხლსასროლი იარაღი , 6 დანა და 23 საბრძოლო ვაზნა.  
გამოძიება საქართველოს სისხლის სამართლის კოდექსის 19-109-ე მუხლის მე-3 ნაწილის "ა" ქვეპუნქტითა და 236-ე მუხლის მე-3 და მე-4 ნაწილებით მიმდინარეობს, რაც ორი ან მეტი პირის განზრახ მკვლელობის მცდელობასა და ცეცხლსასროლი იარაღის მართლსაწინააღმდეგო შეძენა- შენახვა-ტარებას გულისხმობს.

 
დაწერე კომენტარი (0 კომენტარი)
კრიმინალი

131231321gaqurdesთბილისში, კოსტავას ქუჩაზე მაღაზია „აისაფორთი“ გაქურდეს ჩამსხვრეულია მაღაზიის შესასვლელი კარები, ტერიტორია ყვითელი ლენტით არის შემოსაზღვრული.

როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 177-ე მუხლის მეორე ნაწილით არის აღძრული.

 

www.interpressnews.ge

დაწერე კომენტარი (0 კომენტარი)
კრიმინალი
 შინაგან საქმეთა სამინისტროს სამეგრელო - ზემო სვანეთის პოლიციის დეპარტამენტის თანამშრომლებმა ცხელ კვალზე გატარებული ოპერატიული და საგამოძიებო ღონისძიებების შედეგად მარტვილში მომხდარი მკვლელობა გახსნეს - დაკავებულია 1 პირი: 1961 წელს დაბადებული ჯ.ნ.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მარტვილის მუნიციპალიტეტის სოფელ ტალერში ურთიერთშელაპარაკების შემდეგ ცივი იარაღით თანასოფლელს - რ.ჯ.-ს ცივი იარაღით სხეულის დაზიანება მიაყენა. მიღებული ჭრილობებით რ.ჯ. გარდაიცვალა.

ბრალდებული აღიარებს ჩადენილ დანაშაულს. პოლიციამ დანაშაულის იარაღი - დანა ნივთმტკიცების სახით ამოიღო.

განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს.

დაწერე კომენტარი (0 კომენტარი)
კრიმინალი

111sapatrulo policia lenta12 იანვარს, გამთენიას, სროლის ხმა გაისმა ღამის კლუბ "ბასიანთან". გავრცელებული ინფორმაციით, არიან დაჭრილები, თუმცა მათ სიცოცხლეს საფრთხე არ ემუქრება.

შსს-ს ცნობით, მომხდარის გამო ერთი პირი დააკავეს.

"ბასიანის" ერთ-ერთი დამფუძნებელი, ნაჯა ორაშვილი ფეისბუკზე საჯარო პოსტს აქვეყნებს და ამბობს, რომ "ყველაფერი კარგადაა".

"იმედი მაქვს ისევ საომარო არ გაგვიხდება მოძალადის დასჯა", წერს ნაჯა ორაშვილი.

სოციალურ ქსელში ვრცელდება ინფორმაცია, რომ უცნობმა მამაკაცმა სროლა მას შემდეგ დაიწყო, რაც კლუბში არ შეუშვეს.

მიმდინარეობს გამოძიება.

 

www.radiotavisupleba.ge

დაწერე კომენტარი (0 კომენტარი)
კრიმინალი

81913511 463279757946730 880708779488837632 nოზურგეთის მუნიციპალიტეტის სოფელ მელექედურში 80 წლის იზოლდა ხელაძის განზრახ მკვლელობასა და ავტომობილის ქურდობასთან დაკავშირებით ოზურგეთის რაიონულმა პროკურატურამ ბრალი 20 წლის ზური დოლიძეს წარუდგინა. სხდომაზე პროკურატურამ აღკვეთის ღონისძიების სახით 2 თვიანი პატიმრობა მოითხოვა, რასაც დაცვის მხარე დაეთანხმა. როგორც პროკურორმა შოთა ჩხაიძემ სხდომაზე განაცხადა, ზური დოლიძემ დანაშაული აღიარა და ასევე განაცხადა, რომ 80 წლის ქალი გააუპატიურა, თუმცა აღნიშნულ ნაწილში ექსპერტიზის შედეგები ჯერ ცნობილი არ არის, შესაბამისად, ბრალდებულის ნათქვამი თუ დადასტურდა, ზური დოლიძეს ბრალი დაუმძიმდება. პროკურატურის განცხადებით, მთვრალ მდგომარეობაში მყოფმა ბრალდებულმა ხანდაზმული ქალი დანაშაულის გაადვილების მიზნით მოკლა, ხელაძის სახლიდან მობილური ტელეფონიც მოიპარა და ავტომობილი გაიტაცა. ბრალი დოლიძეს წარედგინა სსკ ის 109-ე მუხლის პირველი ნაწილის გ ქვეპუნქტით, სსკ ის 177-ე მუხლის მე-2 ნაწილის ა,ბ ქვეპუნქტებით და ამავე მუხლის მე-3 ნაწილის გ,დ ქვეპუნქტებით, სსკ ის 177-2 ნაწილის ა ქვეპუნქტით და ამავე მუხლის მე-3 ნაწილის დ ქვეპუნქტით. მომდევნო სხდომა 13 თებერვალს გაიმართება.

დაწერე კომენტარი (2 კომენტარი)
მოიწონეთ გვერდი

Search