კვირა, ოქტომბერი 20, 2019
Follow Us

კრიმინალი

კრიმინალი

გუშინ, 14 ივნისს, ბათუმში, ახალი ბულვარის მიმდებარე ტერიტორიაზე უცხო პირებმა უკრაინელები გაქურდეს. ავტომანქანა სადგომზე მფლობელებს გატეხილი დახვდათ. უკანა მინა ჩამტვრეული იყო, მანქანიდან კი წაღებული ორი ჩანთა, ფული და მობილურები. 

377154092უცხოელების გაქურდვის შესახებ სოციალურ ქსელში მატვეი მასიაგინი წერს.  ამბობს, რომ ადგილზე პოლიცია მივიდა და გამოძიებაც დაიწყო, თუმცა ნივთები ამ დრომდე ვერ იპოვეს. დაზარალებულები იმედოვნებდნენ, რომ ტანსაცმლის ჩანთები ქურდებს სადმე გადაგდებული ექნებოდათ და მათ მაინც იპოვიდნენ. 

შინაგან საქმეთა სამინისტროში ამბობენ, რომ საქმეზე გამოძიება სისხლის სამართლის კოდექსის 177 მუხლით დაიწყო, რაც ქურდობას გულისხმობს.  დაკავებული ამ ეტაპზე არავინ არ არის. 

GHN.GE

დაწერე კომენტარი (0 კომენტარი)
კრიმინალი

შინაგან საქმეთა სამინისტროს მცხეთა-მთიანეთის პოლიციის დეპარტამენტმა ყაზბეგის მუნიციპალიტეტში, ლარსის მიმდებარე ტერიტორიაზე სომხეთის მოქალაქის მიმართ ძალადობის ფაქტზე გამოძიება სისხლის სამართლის კოდექსის 126-ე მუხლის პირველი ნაწილით დაიწყო.

მიმდინარე წლის 9 ივლისს, სტეფანწმინდის საავადმყოფოში, ტრამვით შეყვანილი იქნა სომხეთის მოქალაქე მ.მ, რომელმაც საავადმყოფოში გამოკითხვაზე მისულ პოლიციის თანამშრომლებს განუცხადა, რომ ტრავმა საყოფაცხოვრებო სიტუაციაში, ავტომობილიდან გადმოსვლის დროს წაქცევის შედეგად მიიღო. მან პოლიციელებთან გასაუბრებისას რაიმე სახის ფიზიკური დაპირისპირების ფაქტის არსებობა უარყო. 

სომხეთის მოქალაქის მიერ მიცემული ინფორმაციის მიუხედავად, მცხეთა-მთიანეთის პოლიციის დეპარტამენტის ყაზბეგის რაიონულ სამმართველოში დაუყოვნებლივ დაიწყო გამოძიება. ამ ეტაპზე, დგინდება რომ სომხეთის მოქალაქე მ.მ.-ს ჯანმრთელობის დაზიანება სავარაუდოდ საყოფაცხოვრებო ნიადაგზე ურთიერთშელაპარაკების შემდეგ მიაყენეს. დანაშაულის ჩამდენი პირის, ან პირების დადგენის მიზნით ინტენსიურ რეჟიმში ტარდება საგამოძიებო და საპროცესო მოქმედებები.

ძალადობის ფაქტზე გამოძიება სისხლის სამართლის კოდექსის 126-ე მუხლის პირველი ნაწილით გრძელდება.

დაწერე კომენტარი (0 კომენტარი)
კრიმინალი

patruli policia mkvleloba8ვარკეთილში, ერთ-ერთ საცხოვრებელ კორპუსში ხელყუმბარა შეაგდეს. შედეგად დაშავებულია სამი ადამიანი.

შემთხვევა წუხელ მოხდა. როგორც შსს–ში  განაცხადეს, გამოძიება სსკ-ის 19-109 მუხლის მესამე ნაწილის "ა" ქვეპუნქტით დაიწყო.

„სამართალდამცველების მიერ დადგენილია დანაშაულის სავარაუდოდ ჩამდენი პირი და მიმდინარეობს ინტენსიური საგამოძიებო მოქმედებები მის დასაკავებლად“, - აცხადებენ უწყებაში.

რაც შეეხება დაშავებულებს, სამივე საავადმყოფოშია გადაყვანილი, მათ შორის ერთს წუხელვე სასწრაფო ოპერაცია ჩაუტარდა.

ექიმის განცხადებით, ყველაზე მძიმედ დაშავებულს ჭრილობები ორივე წვივისა და მარჯვენა მტევნის არეში აღენიშნებოდა, დაზიანებული ჰქონდა არამაგისტრალური სისხლძარღვები, ნერვები და კუნთები.

„პაციენტს ჩაუტარდა სასწრაფო ოპერაცია. მას აღენიშნებოდა ლითონის უცხო სხეულები ჭრლობების არეში. ამჟამად პაციენტის მდგომარეობა შეესაბამება გადატანილი ოპერაციის სიმძიმეს, თუმცა მას სიცოცხლისთვის საშიში დაზიანებები არ აღენიშნება“, - განაცხადა ქირურგმა.

დაწერე კომენტარი (0 კომენტარი)
კრიმინალი

mamis mkvleliწყნეთში, 65 წლის გივი ცერექაშვილის მკვლელობაში ბრალდებული შვილი, 37 წლის სოსო ცერექაშვილი კომპლექსური, ფსიქოლოგიური, ფსიქიატრიული ექსპერტიზის ჩატარების შემდეგ შეურაცხადად იქნა ცნობილი.

ლევან სამხარაულის სახელობის სასამართლო ექსპერტიზის დასკვნის თანახმად, სოსო ცერექაშვილი მკვლელობის ჩადენის მომენტში შეურაცხადი იყო და მას არ შეეძლო გაეცნობიერებინა თავისი ქმედების ფაქტობრივი ხასიათი და მართლწინააღმდეგობა. ექსპერტიზის დასკვნით, თავისი ფსიქიკური მდგომარეობით, სოსო ცერექაშვილს არ შეუძლია ანგარიში გაუწიოს თავს, უხელმძღვანელოს მას, მისცეს ჩვენება და მონაწილეობა მიიღოს საგამოძიებო და სასამართლო მოქმედებებში.

აღნიშნული გარემოება ბრალის გამომრიცხავი ფაქტორი და სისხლის სამართლებრივი დევნის შეწყვეტის საფუძველია.

სოსო ცერექაშვილს ხონის ფსიქიატრიულ კლინიკაში 4-წლიანი იძულებითი ფსიქიატრიული მკურნალობა დაენიშნა.

სასამართლო პროცესების მიმდინარეობისას, ცერექაშვილი დუმილის უფლებით სარგებლობდა.

შეგახსენებთ, რომ ცნობისთვის, წყნეთში, 65 წლის გივი ცერექაშვილის მკვლელობაში ბრალდებულ შვილს, 37 წლის სოსო ცერექაშვილს თბილისის საქალაქო სასამართლოს გადაწყვეტილებით, აღკვეთის ღონისძიების სახით პატიმრობა ჰქონდა შეფარდებული.

დაწერე კომენტარი (0 კომენტარი)
კრიმინალი

fgfgქურდული სამყაროსა და მასთან დაკავშირებული ორგანიზებული დანაშაულის  წინააღმდეგ ბრძოლა შინაგან საქმეთა სამინისტროს ერთ-ერთი პრიორიტეტია. ბოლო 2 დღის განმავლობაში, შინაგან საქმეთა სამინისტროს ქვემო ქართლის  პოლიციის დეპარტამენტის თანამშრომლებმა, რამდენიმეთვიანი ინტენსიური  ოპერატიულ-სამძებრო და საგამოძიებო ღონისძიებების შედეგად, მთელი  საქართველოს მასშტაბით, ქურდული სამყაროს 10 წევრი დააკავეს, 1 პირს კი  ბრალი N17 პენიტენციურ დაწესებულებაში წარუდგინეს. დაკავების ღონისძიებები მთელი საქართველოს მასშტაბით ჩატარდა. კერძოდ,  ბათუმში, მესტიაში, მარნეულში, დმანისში, რუსთავსა და თბილისში. ერთ-ერთი  ბრალდებული წითელ ხიდზე იმ დროს დააკავეს, როდესაც იგი ქვეყნის დატოვებას  ცდილობდა.
დაკავებულები არიან: 1992 წელს დაბადებული ჯ.შ., 1996 წელს დაბადებული  თ.მ., 1973 წელს დაბადებული რ.კ. (მეტსახელად „ლამბო“), 1974 წელს  დაბადებული ა.ა. ( მეტსახელად „ოსკარი“, იგივე „ალესკერი“), 1980 წელს 
დაბადებული ა.ვ. (მეტსახელად „ხომეინი“), 1980 წელს დაბადებული დ.ბ.  (მეტსახელად „გოჭი“), 1985 წელს დაბადებული რ.ჯ. (მეტსახელად „ჯოლო“), 1985  წელს დაბადებული რ.კ. (მეტსახელად „ბაჩო“), 1981 წელს დაბადებული თ.ქ.  (მეტსახელად „წიე“) და 1988 წელს დაბადებული ი.გ. (მეტსახელად „ყურშა“).  სამართალდამცველებმა 1986 წელს დაბადებულ ლ.ა.-ს  (მეტსახელად „ლერის“)  ანალოგიური დანაშაულისთვის ბრალი N17 პენიტენციურ დაწესებულებაში წაუყენეს. აღნიშნულ პირთა მიერ ჩადენილი დანაშაული 7-დან 10 წლამდე ვადით  თავისუფლების აღკვეთას ითვალისწინებს. გამოძიებით დადგინდა, რომ ბრალდებულები საკუთარი კრიმინალური გავლენის  გამოყენებით,  აქტიურად მონაწილეობდნენ ე.წ. ქურდული სამყაროს  საქმიანობაში, ასევე, თავიანთი ქმედებებით ავრცელებდნენ ქურდული სამყაროს 
სპეციალურ წესებს, როგორიცაა სარგებლისა  და უპირატესობის მიღება,  ძალაუფლებისა და გავლენის მოპოვება-მინიჭება და ქურდული სამყაროს 
საქმიანობასთან დაკავშირებული სხვადასხვა საკითხის განხილვა-გადაწყვეტა. დაკავებულთა შორის 4 პირი ღიად აღიარებდა ე.წ. ქურდულ სამყაროს და მისდამი  მხარდაჭერას საჯაროდ გამოხატავდა. ისინი ე.წ. კანონიერი ქურდების  -  „გულის“, მისი ძმის - ნამიკ სალიფოვის და მათი გარემოცვის სასარგებლოდ,  ასევე, მათი სახელის გამოყენებით, მოქალაქეებს აშინებდნენ, ემუქრებოდნენ და  თანხას სძალავდნენ. კერძოდ, გამოძიებით დადგენილია, რომ ბრალდებულებმა  ერთ-ერთ მოქალაქეს თავისი კუთვნილი ავტომობილი გამოსძალეს, ხოლო სხვა  მოქალაქეს ქურდული სამყაროსათვის სარგებლის მისაღებად 4 000 ლარის გადაცემა 
მოსთხოვეს, წინააღმდეგ შემთხვევაში კი შვილებისა და შვილიშვილებისთვის  საფრთხის შექმნით დაემუქრნენ. გამოძიებით, ასევე, დადგინდა, რომ ციხეში მყოფი ქურდული სამყაროს წევრი,  მეტსახელად „ლერი“ კრიმინალური გავლენების გამოყენებით აგროვებდა ე.წ.  „საერთოს“ (იგივე „ობშიაკს“)  და აგზავნიდა თურქეთში მყოფი კანონიერი  ქურდის - მინდია ლავასოღლის გარემოცვასთან. მასთან ერთად ამ პროცესში 
მონაწილეობდა დაკავებულთა შორის მყოფი, ე.წ. ქურდული სამყაროს 5 წევრი. სამართალდამცველების მიერ ნივთმტკიცებად ამოღებულია მინდია ლავასოღლის  გარემოცვისთვის გადასაცემი ე.წ. „ობშიაკის“ თანხა. შინაგან საქმეთა სამინისტრო აგრძელებს გამოძიებას ქურდული სამყაროს“  წევრობის ფაქტებზე, რომელიც საქართველოს სსკ-ს 223-ე პრიმა მუხლის 1-ლი  ნაწილით მიმდინარეობს. – შინაგან საქმეთა სამინისტროს ცენტრალური კრიმინალური პოლიციის 
დეპარტამენტის დირექტორის მოვალეობის შემსრულებლის - მამუკა ჭელიძის 
ბრიფინგი

დაწერე კომენტარი (0 კომენტარი)
მოიწონეთ გვერდი

Search