ოთხშაბათი, იანვარი 22, 2020
Follow Us

კრიმინალი

კრიმინალი

shsssმამა გიორგი სხილაძის განცხადების შემდეგ, მის მიმართ განხორციელებული შესაძლო მუქარის შესახებ, შინაგან საქმეთა სამინისტრომ გამოძიება დაიწყო.

პროკურატურამ უწყებას შესაძლო დანაშაულის ფაქტზე მასალა უკვე გადაუგზავნა.

გამოძიება 151-ე მუხლის პირველი ნაწილით დაიწყო, რაც სიცოცხლის მოსპობის ან ჯანმრთელობის დაზიანების მუქარას გულისხმობს.

მამა გიორგიმ საქართველო უკვე დატოვა. სასულიერო პირის თქმით, მან წერილი მიიღო, რომელშიც სიცოცხლის მოსპობით ემუქრებოდნენ.

დაწერე კომენტარი (0 კომენტარი)
კრიმინალი

korpusi2ბათუმში, ბესიკისა და 26 მაისის ქუჩების კვეთაში, მშენებლობიდან ახალგაზრდა მუშა გადმოვარდა და გარდაიცვალა. 

ბათუმის სასწრაფო დახმარების ექიმებს მამაკაცი ადგილზე გარდაცვლილი დახვდათ. პირველადი ინფორმაციით, სახლის სამღებრო სამუშაოები მიმდინარეობდა, რა დროსაც ბაგირი გაწყდა და მამაკაცი გადმოვარდა. 

შინაგან საქმეთა სამინისტრომ გამოძიება, სისხლის სამართლის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს. 

ბათუმის მერიაში ამბობენ, რომ კორპუსი ჯერ ჩაბარებული არ არის. მას კომპანია ''გიგერო'' აშენებს. 

"სამღებრო სამუშაოების მიმდინარეობის დროს, სავარაუდოდ, ამწე ლიფტი ჩამოწყდა. კორპუსი ექსპლუატაციაში მიღებული არ არის. სამუშაოებს კომპანია "გიგერო" აწარმოებს. მერიის სამსახურების გასაკონტროლებელი ამ შემთხვევაში უსაფრთხოების ზომები არ არის. ამწე ჩემი ინფორმაციით, რეგისტრირებული უნდ იყოს ეკონომიკის სამინისტროში, როგორც უსაფრთხო ამწე."- ამბობს მერიის არქიტექტურის სამსახურის უფროსი ირაკლი მოქია.

წყარო: adjaratv.ge

დაწერე კომენტარი (0 კომენტარი)
კრიმინალი

qurdobaანკარაში 8 ქართველი ქურდობისთვის დააკავეს. მათ ტექნიკის მაღაზიასა და 4 სახლის გაქურდვა ედებათ ბრალად.

ქურდობა მაღაზიის სათვალთვალო კამერებმა დააფიქსირეს. სავაჭრო ობიექტიდან მოპარულია ლეპტოპი, მობილური ტელეფონები, საათი და სხვა ნივთები.

თურქეთის პოლიციამ მათ დასაკავებლად სპეცოპერაცია ჩაატარა. დაკავებულებს 4-დან 5 წლამდე თავისუფლების აღკვეთა უკვე მიუსაჯეს.

rusatvi2.ge

დაწერე კომენტარი (0 კომენტარი)
კრიმინალი

40099ყვარელში ავარიას სამი ადამიანი ემსხვერპლა. „მერსედერსის“ მარკის მანქანა გზის სავალი ნაწილიდან გადავიდა და ხეს შეეჯახა.

მანქანაში მყოფი 4 მგზავრიდან ერთი ადგილზე გარდაიცვალა, 2 - საავადმყოფოში მიყვანისთანავე.

ადგილზე სამართალდამცველები არიან მობილიზებული.

''ინტერპრესნიუსი''

დაწერე კომენტარი (0 კომენტარი)
კრიმინალი

civiiaragaiსაქართველოს პარლამენტის დარგობრივი და ეკონომიკური პოლიტიკის კომიტეტის სხდომაზე  „იარაღის შესახებ“ საქართველოს კანონში ცვლილების შეტანის თაობაზე“ , ცვლილებების პროექტი შინაგან საქმეთა სამინისტროს იურიდიული დეპარტამენტის დირექტორმა ალექსანდრე დარახველიძემ წარუდგინა.

დარახველიძის თქმით, კანონში ცვლილების შეტანის მიზანია ცივი იარაღის ბრუნვასთან დაკავშირებული საკითხების მოწესრიგება, რათა დაცული იქნეს საზოგადოების უსაფრთხოება და მართლწესრიგი.

„ცვლილებები ითვალისწინებს იმას, რომ შეიზღუდოს არასრუწლოვნებისა და ნასამართლევი პირებისთვის ცივი იარაღის მიწოდება, შეძენა და გადაცემა. დღეს მოქმედი კანონით, ნებისმიერ პირს ნებისმიერ ადგილზე უფლება აქვს, რომ შეიძინოს ცივი იარაღი. არ არის განსაზღვრული იარაღის კატეგორიები და ადგილები სადაც ის იყიდება, ამიტომ აღნიშნული ნივთი ხშირად ხდება არასრულწლოვნების ხელში, რის შედეგადაც ფატალური შედეგები დგება, _ განაცხადა მომხსენებელმა.

მისივე განმარტებით, ცვლილების შეტანის შემდეგ, კანონის დამრღვევი პირების მიმართ ჯერ ადმინისტრაციული, შემდეგ კი სისხლისსამართლებრივი პასუხისმგებლობა დადგება. რეგულაციები დაუწესდებათ იმ პირებს, ვინც ცივ იარაღს ყიდიან.

ალექსანდრე დარახველიძის თქმით, შსს-ს უფლებამოსილება ენიჭება, რომ სამეწარმეო საქმიანობის ფარგლებში გააკონტროლოს ცივი იარაღის ბრუნვა და მისი გაყიდვის პირობები, იმ შემთხვევაში კი, თუ იქნება დარღვევები, შესაბამისი ღონისძიებები განახორციელოს. ამასთან, კანონის პროექტის დამტკიცების შემდეგ, გამკაცრდება ჯარიმები ადმინისტრაციული კოდექსის ფარგლებში.

„დღეს მოქმედი კანონმდებლობით, თუ პირი დაავადდა ფსიქიკური დაავადებით, უნდა შეუჩერდეს ცეცხლსასროლი იარაღის შენახვის უფლება, თუმცა ეს ინფორმაცია თითქმის ვერ ხვდება შსს-ში, რადგან დღეს მოქმედი კანონმდებლობით, თუ პირი თანახმა არ არის რომ გასცეს ინფორმაცია თავის შესახებ, მხოლოდ სასამართლო ძალით არის შესაძლებელი ამ ინფორმაციის გამოთხოვა.

შესაბამისად, ეს ნორმა დღეს არ მუშაობს და სათანადო ინფორმაციის მიღება ვერ ხდება. ცვლილებების თანახმად, შინაგან საქმეთა სამინისტროს, იმ მოცულობით და იმ დოზით, რაც აუცილებელია კანონის ნორმის აღსრულებისთვის, უფლებამოსილება ენიჭება, რომ მიიღოს ინფორმაცია პირის ფსიქიკური დაავადების შესახებ.“ _ აღნიშნა დარახველიძემ.

კომიტეტის თავმჯდომარის,  რომან კაკულიას განცხადებით, აღნიშნული კანონით გათვალისწინებულ სიახლეებთან დაკავშირებით, მედიასთან თანამშრომლობა მნიშნელოვანია, რათა მოხდეს საზოგადოების ინფორმირება.

განხილვის შემდეგ, აღნიშნულმა კანონპროექტმა დეპუტატების მხარდაჭერა მოიპოვა.

დაწერე კომენტარი (0 კომენტარი)
მოიწონეთ გვერდი

Search