შაბათი, აგვისტო 24, 2019
Follow Us

კრიმინალი

კრიმინალი

o BLOODY KNIFE facebookრუსთავში კაცმა ურთიერთშელაპარაკების დროს დაჭრა ძმა, ხოლო გაშველების მცდელობის დროს ცოლი. 

 "გამოძიებით დადგინდა, რომ დაკავებულმა საკუთარი საცხოვრებელი სახლის ეზოში, ურთიერთშელაპარაკებისას, ცივი იარაღით სხეულზე დაზიანება მიაყენა ძმას - 1977 წელს დაბადებულ კ.რ.-ს და მეუღლეს - 1978 წელს დაბადებულ გ.გ.-ს, რომელიც მათ გაშველებას ცდილობდა.

დაშავებულებს სამედიცინო დახმარება გაეწიათ. მათ ჯანმრთელობას საფრთხე არ ემუქრება"- აცხადებენ შსს-ში.

გამოძიება ოჯახის წევრების მიმართ ჩადენილი ჯანმრთელობის განზრახ მსუბუქი დაზიანების ფაქტზე, საქართველოს სსკ-ს 11-პრიმა 120-ე მუხლით მიმდინარეობს.

წყარო: tabula.ge

დაწერე კომენტარი (0 კომენტარი)
კრიმინალი

შინაგან საქმეთა სამინისტროს სამცხე-ჯავახეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად, ძალადობის, გამოძალვის, თავისუფლების უკანონო აღკვეთისა და ძარცვის ბრალდებით, 3 პირი: 1984 წელს დაბადებული ლ.ნ., 1970 წელს დაბადებული რ.ა. და 1970 წელს დაბადებული ვ.ს. დააკავეს.
მათ მიერ ჩადენილი დანაშაულები 4-დან 10 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულებმა - წარსულში მრავალჯერ ნასამართლევმა ლ.ნ.-მ (მეტსახელად „ჭინტორა“) და წარსულში გამოძალვისა და სხვა დანაშაულებისთვის ნასამართლევმა რ.ა.-მ მოქალაქე ა.მ-ს, დიდი ოდენობით თანხის გამოძალვის გაადვილების მიზნით, უკანონოდ აღუკვეთეს თავისუფლება, წაართვეს კუთვნილი თანხა და პირადი ნივთები. ამის შემდეგ ბრალდებულები მას დაშინებით, ფიზიკური ანგარიშსწორების, პირადი და ახლობლების სიცოცხლის მოსპობის მუქარით, ერთი კვირის ვადაში 11 000 ლარამდე თანხის მიტანას სთხოვდნენ.
სამართალდამცველებმა ლ.ნ. და რ.ა. დანაშაულის ჩადენიდან მალევე, ცხელ კვალზე დააკავეს. რაც შეეხება მესამე ბრალდებულს - ვ.ს.-ს, იგი პოლიციამ მოსამართლის განჩინების საფუძველზე, თავისუფლების უკანონო აღკვეთისა და მოწმეზე ზემოქმედების განხორციელების ბრალდებით დააკავა.
გამოძიება გამოძალვის, თავისუფლების უკანონო აღკვეთის, ჯგუფურად ჩადენილი ძარცვის და მოწმეზე ზემოქმედების ფაქტებზე, საქართველოს სსკ-ის 181-ე, 143-ე, 178-ე და 372-ე მუხლებით მიმდინარეობს.

დაწერე კომენტარი (0 კომენტარი)
კრიმინალი

17 clisღუდუშაურის კლინიკის ექიმის განცხადებით, 17 წლის ბიჭის მდგომარეობა, რომელიც ჩიქობავას ქუჩაზე დაჭრეს, კრიტიკულად მძიმეა. "პაციენტი გადმოიყვანეს ალადაშვილის კლინიკიდან. მდგომარეობა საკმაოდ მძიმეა, რეანიმაციულ განყოფილებაშია მოთავსებული, კომატოზურ მდგომარეობაში, მიმდინარეობს შესაბამისი მკურნალობა", - განუცხადეს ambebi.ge-ს ღუდუშაურის კლინიკაში. თავის მხრივ, შსს-ში აცხადებენ, რომ 17 წლის ბიჭის დაჭრაში ბრალდებული 37 წლის მამაკაცი უკვე დაკავებულია. „სამართალდამცველებმა დ.რ. მომხდარიდან მალევე, ცხელ კვალზე დააკავეს. დანაშაულის ჩადენის იარაღი - ორლულიანი სანადირო თოფი, ნივთმტკიცებად ამოიღეს. გამოძიებით დადგინდა, რომ ბრალდებულმა მიმდინარე წლის 9 აგვისტოს ურთიერთშელაპარაკებისას სანადირო თოფიდან გასროლით 2002 წელს დაბადებული ე.ჩ. დაჭრა და ადგილიდან მიიმალა", - აცხადებენ შსს-ში. ჩუღურეთის რაიონში, ჩიქობავას ქუჩაზე შემთხვევა რამდენიმე დღის წინ მოხდა. არსებული ინფორმაციით, ინციდენტი მაშინ მოხდა, როდესაც არასრულწლოვანი სკვერში ძაღლს ასეირნებდა. თვითმხილველების თქმით, 17 წლის ერეკლე ჩ-ს ძაღლმა დაჭრაში ბრალდებულის, დიმიტრი რ-ს ძაღლს უკბინა, რასაც ურთიერთშელაპარაკება, შემდეგ კი ფიზიკური დაპირისპირება მოჰყვა. ჩხუბის შემდეგ, არასრულწლოვანი სახლში დაბრუნდა და თავის ძმასთან ერთად შემთხვევის ადგილზე დაბრუნდა დაკარგული ჯვრის საპოვნელად. დაჭრილი 17 წლის ერეკლეს მეზობლების თქმით, ძმებს სწორედ ამ დროს ესროლეს, არასრულწლოვანს თავის არეში რამდენიმე ჭრილობა აქვს მიყენებული, მის ძმას კი მსუბუქი დაზიანებები აქვს.

დაწერე კომენტარი (0 კომენტარი)
კრიმინალი

Fulis qurdobaზუგდიდში, ქურდობის ბრალდებით ახალგაზრდა ქალი დააკავეს. ლაივპრესის ინფორმაციით, სავარაუდოდ, მან დედამთილს ფული მოპარა. ტაბულას შინაგან საქმეთა სამინისტროში უთხრეს, რომ ქალი ცხელ კვალზე დააკავეს. "ნაქურდალი თანხა ნივთმტკიცებად ამოვიღეთ. გამოძიება სისხლის სამართლის კოდექსის, 177-ე მუხლით მიმდინარეობს, რაც ქურდობას გულისხმობს"- აცხადებენ შსს-ში.

დაწერე კომენტარი (0 კომენტარი)
კრიმინალი

BAXMAROშინაგან საქმეთა სამინისტროს გურიის პოლიციის დეპარტამენტის თანამშრომლებმა ნივთის დაზიანების ან განადგურების ფაქტზე 6 არასრულწლოვანი ამხილეს. სამართალდამცველთა მიერ ჩატარებული ოპერატიულ-სამძებრო და საგამოძიებო მოქმედებების შედეგად, ​მხილებული არიან თბილისიდან, ბათუმიდან, გურიისა და აჭარის რეგიონების სხვადასხვა მუნიციპალიტეტიდან კურორტ ბახმაროში დასასვენებლად ჩასული მოზარდები: 2003 წელს დაბადებული გ.ვ., 2005 წელს დაბადებული ა.ქ., 2004 წელს დაბადებული რ.დ., 2005 წელს დაბადებული მ.ხ. 2005 წელს დაბადებული ა.კ. და 2004 წელს დაბადებული ს.ჩ. დანაშაული 3 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ მხილებულმა არასრულწლოვნებმა, სხვა მოზარდებთან ერთად, უკანონოდ შეაღწიეს ბახმაროს თეატრის შენობაში, სადაც დარბაზის შიდა კედლები და რამდენიმე სავარძელი დააზიანეს. მიყენებული ზარალის ზუსტი ოდენობის დადგენის მიზნით, დანიშნულია სასაქონლო ექსპერტიზა. ყველა მხილებული არასრულწლოვანი ჩადენილ დანაშაულს აღიარებს და თანამშრომლობს გამოძიებასთან.
გამოძიება გრძელდება ნივთის დაზიანების ან განადგურების ფაქტზე, საქართველოს სსკ-ის 187-ე მუხლით. სამართალდამცველები დანაშაულში მონაწილე სხვა პირების დადგენისა და მხილების მიზნით ინტენსიურ საგამოძიებო და საპროცესო მოქმედებებს ატარებენ. ასევე, მიმდინარეობს მოწმეებისა და თვითმხილველების გამოკითხვა.

დაწერე კომენტარი (0 კომენტარი)
მოიწონეთ გვერდი

Search