სამშაბათი, ოქტომბერი 22, 2019
Follow Us
კრიმინალი
- დეტალები
- By Super User
- მშობელი კატეგორია: ახალი ამბები
- გადასვლები: 13
საბაჟო გამშვებ პუნქტში ,,გუგუთი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის მოქალაქე ა.ა.-ს კუთვნილი ხელბარგის დათვალიერების შედეგად, 7,819 ლარის ღირებულების არადეკლარირებული ოქროს (72.2 გრამი) ნაკეთობები ძვირფასი თვლებით გამოავლინეს.
საქართველოს საბაჟო კოდექსის 168-ე მუხლის I ნაწილის შესაბამისად, კანონდამრღვევ მოქალაქეს, სანქციის სახით, ფულადი ჯარიმა 7,819 ლარის ოდენობით შეეფარდა.
დაწერე კომენტარი (0 კომენტარი)- დეტალები
- By Super User
- მშობელი კატეგორია: ახალი ამბები
- გადასვლები: 6
მარნეულისა და ბოლნისის რაიონული სამმართველოების თანამშრომლებმა 1961 წელს დაბადებული, პირობითი მსჯავრის ქვეშ მყოფი ე.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულში დააკავეს. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს.
სამართალდამცველებმა ბრალდებული მარნეულის მუნიციპალიტეტის სოფელ იმირში, ავტომანქანით გადაადგილებისას შეაჩერეს. პოლიციამ დაკავებულის პირადი ჩხრეკისას 119 აბი „სუბოქსინი“ ნივთმტკიცებად ამოიღო.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით მიმდინარეობს.
დაწერე კომენტარი (0 კომენტარი)- დეტალები
- By Super User
- მშობელი კატეგორია: ახალი ამბები
- გადასვლები: 42
ზუგდიდის მუნიციპალიტეტის სოფელ დარჩელში ბაბუამ შვილიშვილი ცივი იარაღით დაჭრა. დაჭრილი სასწრაფო სამედიცინო დახმარების სამსახურმა ზუგდიდის რეფერალურ საავადმყოფოში გადაიყვანა. მედიკოსების შეფასებით, მისი ჯანმრთელობის მდგომარეობა დამაკმაყოფილებელია, ჭრილობები კი ბასრი საგნით არის მიყენებული.
შსს-ს ინფორმაციით მომხდარზე გამოძიება სისხლის სამართლის კოდექსის მე-11 პრიმა და 117-ე მუხლით დაიწყო, რაც ოჯახური დანაშაულისთვის სისხლისსამართლებრივ პასუხისმგებლობას და ჯანმრთელობის განზრახ დაზიანებას გულისხმობს. ამ დროისათვის სამართალდამცავებმა ბაბუა დააკავეს.
დაჭრილი ამ დრომდე ზუგდიდის რეფერალურ საავადმყოფოში რჩება.
წყარო :primetime
დაწერე კომენტარი (0 კომენტარი)- დეტალები
- By Super User
- მშობელი კატეგორია: ახალი ამბები
- გადასვლები: 156
ცოტა ხნის წინ, ადვოკატმა, მარი საბიაშვილმა მოგვაწოდა ინფორმაცია, რომ ბათუმში, 11 წლის ბავშვის მიმართ დედამ გამოიყენა ძალადობა, გამოიყენა დანაშაულის იარაღად, ჩაადენინა დანაშაული - მიუხედავად ამისა, გამოძიებას ქმედებითი ღონისძიებები გაუტარებია.
მარი საბიაშვილი:
"ბათუმში სიტუაცია არ მომწონს საგამოძიებო ორგანოში... ექსკლუზიურად ისეთ შოკისმომგვრელ ვიდეოს მივაწვდი ჟურნალისტებს, ჯერ კიდევ გელოდებით, თუმცა არ ვაპირებ უსასრულო ლოდინს !!!
შინაგან საქმეთა სამინისტრო ცოტა გამოიბერტყეთ ყურები და დააჩქარეთ გამოძიება, მითუმეტეს როცა არასრულწლოვანს ეხება !!! აუცილებლად ცუდ სიტუაციაში აღმოჩნდება სოციალური სამსახურიც და აგეთ მერე ყველამ პასუხი.."
დაწერე კომენტარი (0 კომენტარი)- დეტალები
- By Super User
- მშობელი კატეგორია: ახალი ამბები
- გადასვლები: 417
მესტიის მუნიციპალიტეტის სოფელ ცხუმარში ძმამ ძმა მოკლა. არსებული ინფორმაციით, შემთხვევას წინ ურთიერთდაპირისპირება უძღოდა.ინფორმაცია imedinews-ს შსს-ში დაუდასტურეს და განაცხადეს, რომ დამატებითი დეტალების გამოძიება ამჟამად მიმდინარეობს. შემთხვევა წუხელ ღამით მოხდა.
გვერდი 1 სულ 36