შაბათი, დეკემბერი 07, 2019
Follow Us

Tafliკანადაში, კვებეკის პროვინციის ქალაქ მონრეალში, უმსხვილესი საერთაშორისო გამოფენა,  Apimondia 2019 გაიმართა. ქართული თაფლის მწარმოებლებს წელს პირველად ჰქონდათ საშუალება, ღონისძიებაზე საკუთარი პროდუქცია წარედგინათ.

„დასავლეთ საქართველოს მეფუტკრეთა ალიანსის“, „ქართული ტრადიციული მეღვინეობის“, „ნენას” და „Mercy Corps”-ის მიერ წარდგენილმა თაფლის ნიმუშებმა დარგის სპეციალისტებისა და გამოფენის სტუმრების მაღალი შეფასება დაიმსახურა.

Apimondia 2019 მეფუტკრეობის დარგში უახლესი ტექნოლოგიების მიღწევებს ეძღვნება, სადაც მწარმოებლებს საშუალება ეძლევათ, სამეცნიერო მიმართულების ცოდნა და გამოცდილება გააზიარონ. 46-ე გამოფენის ძირითადი თემა იყო – მეფუტკრეობის როლი სოფლის მეურნეობის განვითარებაში.

სიმპოზიუმზე 7 თემატური ჯგუფი შეიქმნა; დაავადებასთან ბრძოლა; კლიმატის ცვლილებების შედეგად წარმოშობილი ახალი რეალობა; ხარისხის საერთაშორისო სტანდარტის შესაბამისი სიახლეები; სოფლის განვითარებაში მეფუტკრეობის როლი; მედიცინაში ფუტკრის და მისგან ნაწარმოები პროდუქტების მნიშვნელობა; ფუტკრის გენეტიკური გაუმჯობესება; პესტიციდების გავლენა ფუტკარზე.

ღონისძიებას 80-მდე ქვეყნის დელეგაციის წარმომადგენლებისა და ვიზიტორი დაესწრო. გამოფენას საქართველოს გარემოს დაცვისა და სოფლის მეურნეობის მინისტრის მოადგილე ხატია წილოსანი, კანადაში საქართველოს საგანგებო და სრულუფლებიანი ელჩი კონსტანტინე ქავთარაძე, ასევე, ქართული თაფლის მწარმოებელი კომპანიების წარმომადგენლები ესწრებოდნენ.

 

წყარო: www.agro.jrc.ge

Comments powered by CComment

მოიწონეთ გვერდი

Search