შაბათი, იანვარი 16, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

სოფლის მეურნეობა

სოფლის მეურნეობა

 mocviსაქართველოში სარეალიზაციო მოცვის პლანტაცია უკვე 1000 ჰექტარზეა გაშენებული. როგორც EastFruit–ი ანალიტიკოსებზე დაყრდნობით წერს, ფერმერები აქტიურად განაგრძობენ კენკრის მოვლისა და კულტივირების პროცესს, რათა პროდუქტიულობა კიდევ უფრო გზარდონ.

”ჩვენი შეფასებით, 2020 წელს საქართველოში დაახლოებით, 750 ტონა მოცვი მოიკრიფა, აქედან 89% (665 ტონა) ცოცხალი პროდუქტი ექსპორტზე გავიდა, ნაწილი შიდა ბაზარს მოხმარდა, ნაწილი კი გადამუშავდა”, - განაცხადა FAO-ს ინვესტიციების დეპარტამენტის ხელმძღვანელმა ანდრეი იარმაკმა.

ამ დროისთვის, საქართველოში მოცვის პლანტაციების საშუალო მოსავლიანობა, ჰექტარზე 1 ტონაზე ნაკლებია, თუმცა უნდა აღინიშნოს, რომ პლანტაციების ძირითადი ნაწილი ჯერ კიდევ არ იძლევა ნაყოფს. როგორც წესი, მაქსიმალურ მოსავლიანობის მიღწევა, სათანადო მოვლის პორობებში, 5 წლის შემდეგ არის შესაძლებელი. 

 

EastFruit- ის ექსპერტების შეფასებით, საქართველოში ყოველწლიურად მოცვის ფართობები 200-დან 300 ჰექტარამდე იზრდება, რაც ბიზნესის გაფართოების ძალიან მაღალი მაჩვენებელია.

ანალიტიკოსების მოსაზრებით, თუ ამინდი შესაბამისი იქნება, 2021 წელისთვის საქართველო მოცვის მოსავლის გაორმაგებას შეძლებს. საუბარია, 1300-1500 ტონამდე მოსავალზე. ეს კი იმას ნიშნავს, რომ 2021 წელს საქართველო შესაძლოა, მსოფლიოში მოცვის ყველაზე დიდ, 25 ექსპორტიორს შორის მოხვდეს.

EastFruit-ის შეფასებით, საქართველოში მოცვის მთლიანი მოსავალი სამ წელიწადში სავარაუდოდ, 4 ათას ტონას აღემატება. ეს კი, არასრულყოფილი ტექნიკისა და ყველა დანაკარგის გათვალისწინებით.

მათივე აზრით, თუ ქვეყანაში მოცვის ტერიტორიების გაფართოვების ტემპებს გავითვალისწინებთ, 2023 წლისთვის წარმოებამ და ექსპორტმა შესაძლოა, 5 ათას ტონას გადააჭარბოს.

ამასთან, მიუხედავად იმისა, რომ ქვეყანაში მოცვის საშუალო მოხმარება ჯერ კიდევ არ არის მაღალი, ამ პერიოდში შიდა ბაზარი შეიძლება გაორმაგდეს. თუმცა, ამ ფაქტორს მნიშვნელოვანი გავლენა არ ექნება საქართველოში მოცვის ბიზნესზე, რადგან შიდა მოთხოვნა მთლიანი წარმოების 2-4%-ს არ გადააჭარბებს.

საქართველო-რუსეთის ურთიერთობის ისტორიის გათვალისწინებით, ანდრეი იარმაკი ყურადღებას ამახვილებ საექსპორტო ბაზრების დივერსიფიკაციის აუცილებლობაზეც: ”თუ საქართველომ რუსეთის ბაზარი რაიმე მიზეზით დაკარგა, ქვეყანას გაუჩნდება რთული პრობლემა ალტერნატიული ბაზრის ძიების მიმართულებით. ამავდროულად, ევროკავშირისთვის მოცვის მიწოდება საქართველოსთვის ძალიან ძვირი დაჯდება, რთული ლოჯისტიკის გამო, რომ აღარაფერი ვთქვათ შუა აღმოსავლეთის ქვეყნების ლოჯისტიკაზე”,- ამბობს ანდრეი იარმაკი.

2020 წელს საქართველომ უცხოურ ბაზრებზე 665 ტონა მოცვი გაიტანა, ხოლო ექსპორტიდან მიღებულმა შემოსავალმა 3,8 მილიონი დოლარი შეადგინა, რაც რეკორდული მაჩვენებელია. აქვე გასათვალისწინებელია, რომ მოცვი არის ყველაზე ძვირადღირებული საექსპორტო საქონელი, ხილის, ბოსტნეულისა და თხილის კატეგორიაში.

ქართული მოცვის დაახლოებით 95% გავიდა რუსეთის ბაზარზე, ერთი საექსპორტო პარტია კი (12 ტონა), ევროკავშირის ქვეყანაში - პოლონეთში. ამასთან, 2020 წელს ქართული წარმოების 6-8 ტონა მოცვი ექსპორტირებულია სომხეთში, არაბთა გაერთიანებულ საემიროებსა და უკრაინაში.

 

www.bpn.ge

დაწერე კომენტარი (1 Comment)
სოფლის მეურნეობა

 farosana teqnikaaგარემოს დაცვისა და სოფლის მეურნეობის სამინისტროს ინფორმაციით, აზიური ფაროსანას საწინააღმდეგო ღონისძიებები მიმდინარე წელს წარმატებით დასრულდა. სამინისტროს ცნობით, ახალი კორონავირუსის გავრცელების მიუხედავად, მავნებელთან ბრძოლის ღონისძიებები ჯანდაცვის სამინისტროს რეკომენდაციების გათვალისწინებით, მთელი წლის განმავლობაში შეუფერხებლად მიმდინარეობდა.

უწყებაში განმარტავენ, რომ ფაროსანასთან ბრძოლის პროცესში ჩართული იყო 250-მდე სპეციალიზებული ტექნიკა.

„სურსათის ეროვნული სააგენტოს ფაროსანასთან ბრძოლის საკოორდინაციო მართვის ცენტრმა დასავლეთ საქართველოს (სამეგრელო, გურია, იმერეთი, რაჭა-ლეჩხუმი, აჭარა) 37 მუნიციპალიტეტში 325 700 ჰექტრამდე ფართობი დაამუშავა, მათ შორის თერმული ნისლით – 231 000 ჰა, ცივი შესხურებით – 48 900 ჰა სიმინდის მასივი, 45 800 ჰა – სოფლისა და ტყის პერიმეტრი“, – აცხადებენ სამინისტროში.

 

www.1tv.ge

დაწერე კომენტარი (0 კომენტარი)
სოფლის მეურნეობა

kiviiiii 1602579253საქართველოდან ბოლო რამდენიმე წელიწადია კივი მხოლოდ მეზობელ ქვეყნებსა და იაპონიაში გადის. ევროკავშირის ბაზარზე კი ქართული პროდუქტი ისევ არ ჩანს. კივის მწარმოებელთა ასოციაციაში ამბობენ, რომ პროდუქციის ევროპაში გატანა სურთ, თუმცა ძვირად ღირებული პროცედურების გამო ამას ვერ ახერხებენ.

„ევროკავშირის ბაზრის მთავარი მოთხოვნა არის სერტიფიცირება, ეს არის აუცილებელი პირობაა და მოითხოვს დიდ ფინანსურ რესურსს. ამიტომ, ფერმერების დიდი ნაწილისათვის, ეს ხელმიუწვდომელია და ამიტომ ვერ გავდივართ ევროკავშირის ბაზარზე“, - განაცხადა კივის მწარმოებელთა ასოციაციის დამფუძნებელმა დემურ ფიფიამ.

ცნობისთვის, საქართველოდან 2019 წელს საქართველოდან 167 ტონა კივის ექსპორტი განხორციელდა. გასაღების ბაზრები კი სომხეთი, იაპონია და ყატარი იყო.

დემურ ფიფია წლევანდელ შემცირებულ მოსავალზეც საუბრობს. მისი თქმით, წელს, საქართველოში დაახლოებით 40 ტონით შემცირებულ კივის მოსავალს ელოდებიან. მიზეზი, სარწყავი სისტემის არარსებობაა, რომელიც დღემდე გადაუჭრელ პრობლემად რჩება.

დემურ ფიფია, ,,ბიზნესპრესნიუსთან“ ამბობს, რომ ასოციაციაში გაწევრიანებული 125 ფერმერი, წელს შემცირებულ მოსავალს, ჯამურად 100 ტონამდე კივს ელოდება.

,,კივის ასოციაციაში, ამ ეტაპზე 125 ფერმერია გაწერვიანებული, მთელი საქართველოდან. აბსოლუტურად ყველასათვის პრობლემა არის ერთი - სარწყავი სისტემა. სისტემის მოწესრიგებაზე ხელისუფლებაში ჯერ კიდევ ჯერ კიდევ 2016 წელს საუბრობდნენ, თუმცა ამ დრომდე არაფერი გაკეთებულა. სწორედ ამის დამსახურებაა, რომ წელს, დაახლოებით 40 ტონით ნაკლებ მოსავალს ველოდებით. თუ შარშან 135-დან 140 ტონამდე იყო კივის მოსავალი, წელს გვაქვს მოლოდინი, რომ 100 ტონას ვერ ასცდება. ძლიერ გვალვებს, მოუმზადებლები და სარწყავი სისტემების გარეშე შევხვდით. ამიტომ, აუცილებელია და საჭირო, რომ სარწყავი სისტემა დაუმონტაჟდეს ყველა კივის მწარმოებელს“, - ამბობს ასოციაციის დამფუძნებელი.

 

www.bpn.ge

დაწერე კომენტარი (0 კომენტარი)
სოფლის მეურნეობა

 txili txiliსაქართველოს საგარეო ვაჭრობა 15%-ით შემცირდა. მოსახლეობის მსყიდველუნარიანობის და შესაბამისად, იმპორტის კლების ხარჯზე შემცირდა სავაჭრო სალდოც. აქედან გამომდინარე ექსპორტის წილი მთლიან სავაჭრო ბრუნვაში გაზრდილია.
ამისგან დამოუკიდებლად დაახლოებით 3%-ით არის გაზრდილი ექსპორტი რეექსპორტის გარეშე ანუ ადგილობრივი ექსპორტი. ყველაზე მეტად კი 2020 წლის 9 თვეში თხილის რეალიზაცია გაიზარდა. პანდემიის მიუხედავად, ქართული თხილის ექსპორტმა 60.3%-ით მოიმატა. ამის მიზეზად თხილის ასოციაციაში პროდუქციის ხარისხის გაუმჯობესებას ასახელებენ, რაც ბოლო წლებში აზიური ფაროსანას გავლენით საგრძნობლად იყო გაუარესებული.
"2016 წლიდან 2018 წლის ჩათვლით სერიოზული ვარდნა გვქონდა ხარისხობრივი მიმართულებით ფაროსანას ეფექტიდან გამომდინარე, 2019 წელს მნიშვნელოვანი პროექტი განხორციელდა, ეს იყო სახელმწიფოსა და თხილის ასოციაციის მიერ ერთობლივად განხორციელებული პროექტი, რომლის მიზანი იყო თხილის მოსავლის გადარჩენა, რამაც ძალიან სწრაფი შედეგი გამოიღო. 2019 წელს პირველი ნაბიჯები გადავდგით პროდუქტის გაუმჯობესებისკენ, 2020 წელს კი ეს შედეგი ერთი ორად გაიზარდა. მიუხედავად იმისა, რომ ძალიან მძიმე და რთული წელია ნებისმიერი საექსპორტო კულტურისთვის, ხარისხის გაუმჯობესება აისახა თხილის ექსპორტის რაოდენობაზე”,- აცხადებს თხილის მწარმოებელთა ასოციაციის აღმასრულებელი საბჭოს თავმჯდომარე მერაბ ჭითანავა.
მისივე თქმით, წელს საქართველომ თხილის უმსხვილეს საექსპორტო ქვეყნებს შორის მესამე ადგილი დაიბრუნა, მომდევნო წლებში კი მიზანი, მეორე ადგილზე გადანაცვლებაა.
“რაც შეეხება საქართველოს პოზიციონირებას თხილის ბაზარზე, საქართველო იყო მესამე პოზიციაზე მსოფლიო ბაზარზე საექსპორტო ქვეყნებს შორის, ამ პოზიციაზე დაბრუნდა და გაუსწორდა აზერბაიჯანს. ხოლო შემდგომი გეგმები არის ის, რომ საქართველოში თხილის სექტორის ეტაპობრივი განვითარება მოხდეს და 2023-24 წლისთვის 100 ათასი ტონა თხილის ექსპორტი განხორციელდეს, რაც არის მეორე ადგილთან მიახლოებული პოზიცია”,- აცხადებს მერაბ ჭითანავა.
მისივე თქმით, მეორე ადგილზე ახლა იმყოფება იტალია, რომელმაც წელს 130 ათასი ტონა აწარმოა.

დაწერე კომენტარი (0 კომენტარი)
სოფლის მეურნეობა

 davitashvili soflis ministriიმ შემთხვევაში, თუ უფრო მეტად ორგანიზებულები ვიქნებით, უფრო მეტ შედეგს მივიღებთ და შევძლებთ, რომ თხილის ასეულობით მილიონი დოლარის ექსპორტი იყოს საქართველოდან და ეს იქნება ოჯახების შემოსავალი, – ამის შესახებ საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა ზუგდიდში „თხილობა 2020“-ის ღონისძიებაზე განაცხადა.

„დღეს ზეიმია, რომელსაც პირობითად დავარქვით „თხილობა 2020“, თუმცა ვფიქრობ, რომ ძალიან მნიშვნელოვანი და კარგი ტრადიციის დასაწყისია. ეს იქნება ზეიმი, რომელიც ალბათ ყოველ წელს გაიმართება საქართველოში, აქ შეგვეძლება ჩვენი შრომის შედეგის ჩვენება და გაზიარება ერთმანეთისთვის. ეს ზეიმი დავიწყეთ სხვადასხვა რეგიონში. პრემიერმა აღნიშნა, რომ თხილი მარტო სამეგრელოში არ მოჰყავთ. ის საქართველოს სხვადასხვა რეგიონში ერთ-ერთი წამყვანი კულტურაა, თუმცა მართლაც განსაკუთრებულია სამეგრელოს რეგიონისთვის თხილის კულტურის მნიშვნელობა და ალბათ სიმბოლურიც არის, რომ ყველა რეგიონში ჩატარებული ეს ზეიმი დღეს დაგვირგვინდა ქალაქ ზუგდიდში. ძალიან მჭიდროდ გვქონდა თანამშრომლობა რეგიონში თურქ და აზერბაიჯანელ კოლეგებთან ერთად. ჩვენ შარშან ორდუში გადავწყვიტეთ, რომ ასეთი დღესასწაული ჩვენს ქვეყნებში, საქართველოში, თურქეთსა და აზერბაიჯანში, რომლებიც თხილის სამი წამყვანი მწარმოებელია, ჩავატარებდით რეგულარულად, თუმცა ის, რომ იზეიმო ამის ობიექტური საფუძველი და კონკრეტული შედეგები უნდა გქონდეს“, – აღნიშნა ლევან დავითაშვილმა.

დავითაშვილმა მადლობა გადაუხადა საქართველოს პრემიერ-მინისტრ გიორგი გახარიას, ასევე ამერიკის შეერთებულ შტატებს, რეგიონის ადგილობრივ ხელისუფლებას და მეთხილეთა ასოციაციას.

„მინდა, პრემიერს გადავუხადო მადლობა მხარდაჭერისთვის. ეს არ არის მხოლოდ ზეიმში მხარდაჭერა, არამედ მთელი ამ წლების განმავლობაში პროცესში, რომელიც ჩვენ გვქონდა გამოწვევების დასაძლევად და შედეგი, რომელიც დღეს გვაქვს, მიგვეღო სახეზე. მინდა, მადლობა გადავუხადო ამერიკის შეერთებულ შტატებს. ის პირველი დღიდან იყო ჩვენი მხარდამჭერი. როცა ფაროსანა გამოჩნდა, პირველი დახმარება მყისიერად მივიღეთ ამერიკელი ხალხისგან და მეგობრებისგან. ჩვენ მივიღეთ ექსპერტული ცოდნა, ტექნიკური დახმარება და ფინანსური დახმარება, რათა გაგვეძლიერებინა მცენარეთა დაცვის საშუალებები და საქართველო იქცა ცენტრად, სადაც გამოცდილების გასაზიარებლად ჩამოდიან მსოფლიოს წამყვანი ენტომოლოგები. აქ დიდი წვლილი არის ამერიკის დახმარების, თუმცა შემდეგ შემოუერთდა ბევრი სხვა მეგობარი ქვეყანა. ეს ყველაფერი რომ შეგვესრულებინა, ჩვენ გვქონდა ძალიან დიდი მხარდაჭერა რეგიონის ხელისუფლების მხრიდანაც და ბატონ ალექსანდრეს მინდა, გადავუხადო მადლობა. ის ყოველდღიურ რეჟიმში იყო მუშა პროცესში ჩართული, ხალხთან კარდაკარ შეხვედრების პროცესში და ეს ყველაფერი გავაკეთეთ ისევ ფერმერების მეშვეობით და ეს გააკეთა ფერმერთა ასოციაციამ, იმ ადამიანებმა, ვინც უშუალოდ მუშაობს თხილის ბაღებში, უვლის მოსავალს და იღებს იმ შედეგებს, რომელზეც ვსაუბრობთ. ალბათ სამაგალითო შედეგებია ორგანიზებულობის კუთხით, რომელიც ჩვენ თხილის ასოციაციაში დავინახეთ და ეს არის მაგალითი, რომელსაც მე ყოველთვის ვიყენებ, თუ როგორ უნდა გამოვიყენოთ სხვა დარგების განსავითარებლად სოფლის მეურნეობაში. მხოლოდ სახელმწიფო ვერ შეძლებს ყველა სექტორის თუ ქვესექტორის ინდივიდუალურად განვითარებას, ჩვენ შეიძლება შევქმნათ ზოგადი პოლიტიკა, პირობები, მაგრამ ეს ყველაფერი თქვენთან ერთად უნდა გაკეთდეს და კიდევ ერთხელ მადლობა მეთხილე ფერმერებს, რომლებმაც გააკეთეს შეუძლებელი და დაამარცხეს არამხოლოდ ფაროსანა, არამედ გამოწვევა, რომელიც ჩვენ გვქონდა ხარისხთან დაკავშირებით. გულწრფელები ვიყოთ, რომ ქართული თხილი ხარისხით არ იყო საუკეთესო მსოფლიოში. წელს გვაქვს ერთ-ერთი საუკეთესო მოსავალი ისტორიაში ხარისხის მიხედვით. ხარისხი პირდაპირ აისახება ფასზე, შემოსავალზე და გვაქვს იმედი, რომ ყოველ შემდგომ წლებში გვექნება უკეთესი ხარისხი და უფრო მეტი მოსავალი იმისთვის, რომ მეტი იყოს კეთილდღეობა ჩვენი ფერმერების ოჯახში“, – განაცხადა ლევან დავითაშვილმა.

მისივე თქმით, თხილი არის სტრატეგიული კულტურა საქართველოსთვის და დიდი ეკონომიკური პოტენციალი გააჩნია.

„თხილი არის ერთ-ერთი სტრატეგიული კულტურა ჩვენთვის და მას ძალიან დიდი პოტენციალი გააჩნია, ისევე როგორც ღვინოს. ყველამ იცის, რომ ღვინის სამშობლო საქართველოა, მაგრამ ასევე არ შეიძლება არ აღინიშნოს, რომ განსაკუთრებით კოლხეთში, თხილის წარმოშობის კერაც არის ისტორიული ლაზეთი, შავი ზღვისპირა ტერიტორიები, სადაც დაიბადა თხილი და მთელ რიგ აღმოსავლურ ენებში თხილის სახელწოდება ზუსტად შავ ზღვასთან არის დაკავშირებული. ეს არის მანიშნებელი, რომ ჩვენ გვაქვს დიდი ისტორიული კავშირი ამ კულტურასთან და არ არის შემთხვევითი, რომ ჩვენ დიდი ეკონომიკური დამოკიდებულება გვაქვს თხილის კულტურაზე. დიდი პოტენციალი გააჩნია ამ კულტურას. იმ შემთხვევაში თუ უფრო მეტად ორგანიზებულები ვიქნებით, უფრო მეტ შედეგს მივიღებთ და შევძლებთ, რომ თხილის ასეულობით მილიონი დოლარის ექსპორტი იყოს საქართველოდან და ეს იქნება ოჯახების შემოსავალი. ყველაზე მნიშვნელოვანი საბოლოოდ არის ის, რომ კეთილდღეობა თქვენს ოჯახებში იყოს მეტი“, – დასძინა ლევან დავითაშვილმა.

დაწერე კომენტარი (0 კომენტარი)
მოიწონეთ გვერდი

Search