პარასკევი, აპრილი 23, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

სოფლის მეურნეობა

სოფლის მეურნეობა

ხახვი xaxvi45 500 კილოგრამი ხახვი ექსპორტიორ ქვეყანაში გაბრუნებას დაექვემდებარა. ინფორმაციას შემოსავლების სამსახური ავრცელებს.

კერძოდ, ფინანსთა სამინისტროს შემოსავლების სამსახურის საბაჟო გამშვები პუნქტი - ,,სარფის“ გავლით თურქეთის რესპუბლიკიდან საქართველოში, 45 500 კილოგრამი ხახვით დატვირთული 2 ავტოსატრანსპორტო საშუალება შემოვიდა.

„საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, საქონლის მიმართ კონტროლის პროცედურების განხორციელებისას გამოვლინდა, რომ აღნიშნული ტვირთი არ შეესაბამებოდა მცენარეთა სიჯანსაღის მოთხოვნებს.

საქართველოს მთავრობის N463 დადგენილების თანახმად, ტვირთი, უკან, ექსპორტიორ ქვეყანაში გაბრუნებას დაექვემდებარა“, - ნათქვამია გავრცელებულ ინფორმაციაში.

დაწერე კომენტარი (0 კომენტარი)
სოფლის მეურნეობა

თხილი txili iiმიმდინარე წლის პირველ კვარტალში საქართველოდან სხვადასხვა პროდუქტის ექსპორტი 5.2%-ით გაიზარდა და 820.6 მლნ დოლარი შეადგინა. ოფიციალური მონაცემების მიხედვით, ექსპორტირებულ უმსხვილეს საქონელს შორის მერვე ადგილს თხილი და სხვა კაკალი იკავებს. ამ პროდუქტის ექსპორტის ზრდა მიმდინარე წლის დასაწყისში სხვა საქონელთან შედარებით ყველაზე მოცულობითი იყო და საქართველომ თხილის რეალიზაციით იანვარ-მარტში, გასული წლის ანალოგიურ პერიოდთან შედარებით 112.8%-ით მეტი შემოსავალი მიიღო.

ამ პერიოდში მსოფლიოს 30-მდე ქვეყანაში 24.572 მლნ დოლარის ღირებულების 4 411.9 ტონა თხილი გავიდა. უნდა აღინიშნოს ისიც, რომ საექსპორტო ქვეყნების რაოდენობა 21-დან 29-მდე გაიზარდა.

რაც შეეხება ქვეყნებს, სადაც იანვარ-მარტში თხილი ყველაზე დიდი მოცულობით გავიდა - საექსპორტო ქვეყნების ტოპ-ათეული ასე გამოიყურება:

1. გერმანია - 5.5 მლნ დოლარი, 890.4 ტონა;
2. იტალია - 3.1 მლნ დოლარი, 493 ტონა;
3. რუსეთი - 2.2 მლნ დოლარი, 423.9 ტონა;
4. ლიეტუვა - 1.5 მლნ დოლარი, 238 ტონა;
5. სომხეთი - 1.4 მლნ დოლარი, 319.1 ტონა;
6. საფრანგეთი - 1.3 მლნ დოლარი, 206 დოლარი;
7. ბელარუსი - 1.2 მლნ დოლარი, 226.6 ტონა;
8. ჩეხეთი - 1.2 მლნ დოლარი, 206.8 ტონა;
9. საუდის არაბეთი - 1.0 მლნ დოლარი, 149 ტონა;
10. ესპანეთი - 888.8 ათასი დოლარი, 140 ტონა.

საქართველოდან თხილი ასევე უკრაინაში, ყირგიზეთში, შვეიცარიაში, ბულგარეთში, არაბთა გაერთიანებულ საამიროებში, პოლონეთში, კანადაში, ყაზახეთში, ლატვიაში, სლოვაკეთი, აზერბაიჯანში, უზბეკეთში და მცირე მოცულობით - თურქეთში, ხორვატიაში, ისრაელში, ავსტრალიაში, დანიაში, სინგაპურსა და ჰონგ-კონგში გავიდა ექსპორტზე.

 

www.bm.ge

დაწერე კომენტარი (0 კომენტარი)
სოფლის მეურნეობა

kartofiliიიიიადგილობრივ ბაზარზე სათბურის ახალი კარტოფილი წელს, შარშანდელთან შედარებით, გაცილებით იაფია, ამასთან, მარაგი დიდია, იმპორტის მაჩვენებელი კი, სულ უფრო იზრდება.

არსებულ ვითარებას, East fruit-ის ანალიტიკოსები აკვირდებიან და მიზეზების გარკვევას ცდილობენ.

მათი შეფასებით, საქართველოში კარტოფილის მწარმოებლებისთვის 2020/21 წლების სეზონი გაცილებით ნაკლებად მომგებიანი იქნება. უფრო მეტიც, ანალიტიკოსების აზრით, 2020 წლის კარტოფილის მარაგების გაყიდვას ყველა ვერ შეძლებს, რადგან მარაგების ფონზე კარტოფილის იმპორტის მაჩვენებელი დიდია. 

 

East-Fruit- ის მიერ ჩატარებული საბითუმო ფასების მონიტორინგი აჩვენებს, რომ 2021 წლის პირველ კვარტალში, 2020 წლის ანალოგიურ პერიოდთან შედარებით, კარტოფილის ფასები დოლარში საშუალოდ 49%-ით შემცირდა, ხოლო ლარში 37%-ით. ანალიტიკოსების დაკვირვებით, 2020 წლის და 2021 წლის ფასებში ასეთი მნიშვნელოვანი განსხვავება ძირითადად განპირობებულია იმით, რომ კორონავირუსის პანდემიის პირველი ტალღა 2020 წელს დაიწყო ამ პერიოდში მოსახლეობა საკვებს პანიკურად ყიდულობდა.

თავად ფერმერები 2021 წლის პირველ კვარტალში კარტოფილის დაბალ ფასს უკავშირებენ, 2020 წელს მიღებულ დიდი რაოდენობის მოსავალს და ამასთან, მოთხოვნის შემცირებას, რაც თავის მხრივ გამოწვეული იყო ტურისტების სიმცირით და მომსახურების სექტორების (რესტორნებისა და სასტუმროების) დახურვით. მათი ინფორმაციით, დიდი რაოდენობის მოსავალი განპირობებული იყო ხელსაყრელი კლიმატური პირობებითა და მიწის ფართობის გაზრდით. გარდა ამისა, მწარმოებლები ირიბად ადასტურებენ, რომ 2020 წელს სათესლე კარტოფილის იმპორტი მნიშვნელოვნად გაიზარდა.

მიუხედავად ამისა, 2020/21 წლების სეზონის 8 თვეში, კარტოფილის იმპორტი 27% -ით მეტი იყო, ვიდრე წინა სეზონში. უფრო მეტიც, საქართველოში ფასების კლების ტენდენციის მიუხედავად, იმპორტი ყოველ თვე იზრდებოდა. ამ პერიოდში კი, საქართველოში რეალიზებული კარტოფილის მთავარი და ფაქტობრივად, ერთადერთი მიმწოდებელი თურქეთი იყო, სადაც კარტოფილის ფასი დაბალია.

2020 წლის მარტ-მაისში საქართველოში 9 ათას ტონაზე მეტი კარტოფილის იმპორტი განხორციელდა. როგორც ანალიტიკოსები ამბობენ, ეს იყო ბაზრის რეაქცია მოთხოვნის ზრდაზე, რაც, თავის მხრივ, გამოწვეული იყო ჩაკეტვის გამო მოსახლეობის პანიკით, ასევე, სასოფლო-სამეურნეო ბაზრების დახურვითა და ადგილობრივი მარაგების სიმცირით.

ამასთან, 2020 წელს, წინა წელთან შედარებით, 214%-ით გაიზარდა სათესლე კარტოფილის იმპორტიც.

რაც შეეხება ფასებს, გასული კვირის ფასების მონიტორინგის მიხედვით, 1 კგ ადრეული ან ახალი სათბურის კარტოფილი 4-5 ლარი ღირდა ($ 1.17 -1.47 დოლარი).

დაწერე კომენტარი (0 კომენტარი)
სოფლის მეურნეობა

miwaaa 1611125088 micaმთავრობა მიწის რესურსებს აღრიცხავს და ერთიან ბაზას შექმნის. ამის შესახებ დადგენილება უკვე გამოქვეყნდა.

კერძოდ, დადგენილების თანახმად, შეიქმნება მონაცემთა ერთიანი ბაზა, რომელიც არის საქართველოს მიწის ფონდის შესახებ ამ წესით გათვალისწინებული მონაცემების აღრიცხვისა და მართვის ელექტრონული სისტემა.

„მონაცემთა ერთიან ბაზაში აღირიცხება საქართველოს მიწის ფონდის, მათ შორის, სასოფლო-სამეურნეო დანიშნულების მიწის რესურსების შესახებ მიღებული ან/და საჯარო სამართლის იურიდიული პირის – მიწის მდგრადი მართვისა და მიწათსარგებლობის მონიტორინგის ეროვნული სააგენტოს მიერ შექმნილი მონაცემები.

მონაცემთა ერთიან ბაზაში აღრიცხული სასოფლო-სამეურნეო დანიშნულების მიწის რესურსების უფლებრივი და ფაქტობრივი მდგომარეობის შესახებ არსებული ნაერთი ინფორმაცია აისახება მიწის ბალანსში, ხოლო სასოფლო-სამეურნეო დანიშნულების მიწის რესურსების შემადგენელი მიწის ნაკვეთებისა და მათი საკადასტრო მონაცემების შესახებ ინფორმაცია – სასოფლო-სამეურნეო დანიშნულების მიწის ნაკვეთების კადასტრში,“- ვკითხულობთ დადგენილებაში.

დადგენილების თანახმად, მიწის ბალანსში შეიტანება შემდეგი სახის ნაერთი ინფორმაცია:

  • საქართველოს მიწის ფონდის საჯარო რეესტრში რეგისტრირებული და არარეგისტრირებული ფართობების რაოდენობის შესახებ;
  • საქართველოს მიწის ფონდის შემადგენელი მიწის ფართობების საკუთრებისა და მიზნობრივი დანიშნულების მიხედვით განაწილების შესახებ;
  • სასოფლო-სამეურნეო დანიშნულების მიწის ფართობების კატეგორიების მიხედვით განაწილების შესახებ;
  • დამუშავებული (ფაქტობრივად გამოყენებული) და დაუმუშავებელი სასოფლო-სამეურნეო დანიშნულების მიწის ფართობების შესახებ;
  • სახელმწიფო ტყის ტერიტორიის მიწის ფართობების შესახებ;
  • დაცული ტერიტორიების მიწის ფართობების შესახებ;
  • ზედაპირული წყლის ობიექტებით დაკავებული მიწის ფართობების შესახებ.
დაწერე კომენტარი (0 კომენტარი)
სოფლის მეურნეობა

miwa sasoflo მიწადღეს მთავრობის სხდომაზე განვიხილავთ და დავამტკიცებთ ძალიან მნიშვნელოვან ინიციატივას, რომელიც შეეხება სასოფლო-სამეურნეო მიწებს, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა, რომელიც ვიდეოკონფერენციის ფორმატში გაიმართა.

„ჩვენი გადაწყვეტილებით, აღნიშნული პროგრამა კიდევ უფრო ფართოვდება, კერძოდ: გამოსყიდვის უფლება იჯარით გაცემული „სახნავი“კატეგორიის მიწების გარდა, ამ ცვლილებით გავრცელდება „სათიბ“ კატეგორიაზეც. ასევე, უქმდება მიწის ფართობებზე დაწესებული ზედა ზღვარი – თუ აქამდე ნებადართული იყო მხოლოდ 10-ჰექტრამდე იჯარით გაცემული სასოფლო მიწის ნაკვეთის შესყიდვა, ახლა ეს შეზღუდვა საერთოდ მოიხსნება. ასევე მნიშვნელოვანია, რომ მოიჯარეებს შეეძლებათ სახელმწიფოსგან გამოისყიდონ 2021 წლის 31 მარტის მდგომარეობით იჯარით გაცემული სახნავი და სათიბი მიწის ნაკვეთები (აქამდე ეს უფლება ვრცელდებოდა მხოლოდ 2020 წლის 23 იანვრამდე იჯარით გაცემულ ნაკვეთებზე)“, – განაცხადა ირაკლი ღარიბაშვილმა.

მთავრობის მეთაურის შეფასებით, ეს არის ძალიან მნიშვნელოვანი ინიციატივა, ვინაიდან, ყველა მოიჯარეს თანაბარ პირობებში აყენებს.

„ამავე დროს, ხაზი მინდა, გავუსვა, რომ ამ ინიციატივით საქართველოს მოქალაქეებს საშუალება ექნებათ, კერძო საკუთრებაში დაირეგისტრირონ დაახლოებით 11 ათას ჰექტრამდე სახნავი მიწა, რომლის ჯამური  ღირებულება შეადგენს დაახლოებით 100 მილიონ ლარს. პროგრამის ეფექტიანობისა და მისდამი ინტერესის ზრდაზე ორიენტირებული ეს ცვლილება დამატებითი შესაძლებლობაა სოფლის მეურნეობაში დასაქმებული ადამიანებისთვის, რათა მიწა, როგორც აქტივი, უფრო მეტად ჩართონ, მაგალითად, სახელმწიფო პროგრამებში, მოიზიდონ საბანკო დაფინანსება; ზოგადად, მიწის საკუთრებაში ფლობითა და ეკონომიკურ საქმიანობაში ჩართულობით მეწარმეც და სახელმწიფოც უფრო მეტ სარგებელს მიიღებს“, – განაცხადა პრემიერ-მინისტრმა.

დაწერე კომენტარი (0 კომენტარი)
მოიწონეთ გვერდი

Search