პარასკევი, სექტემბერი 25, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

სპორტი

სპორტი

shengeliatornikeeeსაქართველოს ეროვნული საკალათბურთო ნაკრების კაპიტანი თორნიკე შენგელია განცხადებას ავრცელებს, რომელსაც უცვლელად გთავაზობთ.

„მოგესალმებით,

პირველ რიგში მინდა დიდი მადლობა გადავუხადო ყველა იმ ადამიანს ვინც გვერდში დამიდგა და მხარდაჭერა გამოხატა ჩემს მიმართ. ძალიან დიდი იმედი მაქვს, რომ მომეცემა საშუალება პირადადაც გადაგიხადოთ მადლობა!

დასაწყისშივე მინდა ხაზი გავუსვა იმ ფაქტს, რომ ამ განცხადებას არ ვაკეთებ იმისთვის, რომ ვინმესთან თავი ვიმართლო.

რთულია ავუხსნა იმ ადამიანს რაიმე როცა, არაფრის მოსმენა არ სურს და მისი დაფიქსირებული აზრის შეცვლას არც კი განიხილავს.

ვერ ავუხსნი ამ ადამიანს თუ რა შეგრძნება მეუფლებოდა როცა 10-11 წლის ვიყავი და საქართველოს ნაკრების თამაშზე აჟღერებული ჰიმნის დროს ტრიბუნებუნიდან თვალებ დახუჭული ფეხზე ვიდექი და ჩემი თავი მოედანზე მოთამაშეებს შორის წარმომედგინა.

ვერ ავუხსნი ამ ადამიანს თუ რას ნიშნავს ჩემთვის, საქართველოს ნაკრების თამაშის, ტელევიზორიდან ყურება და რა საშინელი შეგრძნებაა როცა შენი კარიერის პიკში ყოფნის დროს შენ ნაკრებს და ქვეყანას ვერ ეხმარები იმიტომ, რომ ეს მესამე და მეოთხე მხარემ გადაწყვიტა.

ვერც იმას ავუხსნი რამხელა სიხარული და ბედნიერება განვიცადე სულ რამოდენიმე დღის წინ როცა ესპანეთის ჩემპიონი გავხდი და მომეცა შესაძლებლობა ქართული დროშა ამეფრიალებინა!

ვერც იმას მიხვდება, რომ ევროპის ერთ ერთ საუკეთესო გუნდში გადასვლით მეტი მოგების შესაძლებლობები მომეცემა რაც მეტი ჩვენი დროშის ფრიალს ნიშნავს.

ვერც იმას გაიგებს თუ რამხელა ბედნიერებაა როდესაც ევროპის ერთ ერთი საუკეთესო გუნდი პატივს ცემს ჩემს პატრიოტიზმს და შესაძლებლობას მაძლევს ნაკრების ყველა თამაშზე ჩამოვიდე ისევ და ისევ ჩვენი ქვეყნის წინ წასაწევად გამარჯვებისაკენ.

და ვერც იმას ამიხსნით მე თუ რამხელა ტკივილია როდესაც ჩვენი ქვეყანა ჩვენ გმირებს კარგავს, იმიტომ რომ მე ამის ახსნა არ მჭირდება, ეს მე კარგად ვიცი და ისიც ვიცი, რომ თქვენც კარგად იცით, რომ მე ეს ვიცი.

კიდევ ერთხელ ვიმეორებ, მე, თორნიკე შენგელია, ვიყავი, ვარ და ვიქნები ქართული სულის მატარებელი ყველგან სანამ სული მიდგას და ამას ვერ შეცვლის ვერც ერთის გაკეთებული კომენტარი თუ განცხადება!

ყველაზე მშვიდად გავივლი ამ განსაცდელს, იმიტომ, რომ ჩემს გვერდით ღმერთი დგას. მხოლოდ მის წინაშე ვარ პასუხის მგებელი და მან კი ნამდვილად იცის თუ ვინ ვარ მე“.

შეგახსენებთ, რომ თორნიკე შენგელია რამდენიმე დღის წინ მოსკოვის „ცსკა“-ს კალათბურთელი გახდა, სადაც ის ესპანური „ბასკონიადან“ გადავიდა.

დაწერე კომენტარი (0 კომენტარი)
სპორტი

shengeliaსაქართველოს კალათბურთის ფედერაცია ნაკრების კაპიტნის, თორნიკე შენგელიას მოსკოვის ცსკა-ში გადასვლას ეხმაურება. 

"საქართველოს კალათბურთის ეროვნული ფედერაცია ეხმაურება თორნიკე შენგელიას მოსკოვის ცსკა-ში გადასვლას და დარწმუნებულია, რომ როგორც აქამდე, მიუხედავად იმისა, თუ რომელი კლუბის რიგებში ირიცხებოდა, თორნიკე ყოველთვის იცავდა და დაიცავს თავის სამშობლოსა და ეროვნული ნაკრების ღირსებასა და ინტერესებს. საქართველოს ეროვნული ნაკრების კაპიტანი კიდევ არაერთხელ გაგვახარებს თავისი წარმატებული სპორტული კარიერით და მისი ლიდერობით საქართველოს ეროვნული ნაკრები აუცილებლად მიაღწევს მნიშვნელოვან გამარჯვებებს!

წარმატებები თოკო", - ვკითხულობთ განცხადებაში. 

დაწერე კომენტარი (1 Comment)
სპორტი

A1CE643E 3FC9 4B1B 8785 53E0D1974F6830-წლიანი მოლოდინის შემდეგ, ლივერპული ინგლისის პრემიერლიგის გამარჯვებულია. 

მერსესაიდელები 2019/2020 წლის სეზონის გამარჯვებულები ოფიციალურად მას შემდეგ გახდნენ, რაც მანჩესტერ სიტი ლონდონის ჩელსისთან დამარცხდა და პირველ ადგილზე მყოფი ლივერპულისთვის დაწევა შეუძლებელი გახდა.  ეს ლივერპულისთვის მე-19 პრემიერ ლიგის თასია - მათ 1989/1990 წლების სეზონის შემდეგ ის მოპოვებული არ ჰქონდათ.

მიუხედავად "დარჩით სახლში" მოწოდებისა, მერსესაიდული კლუბის ათასობით გულშემატკივარმა გამარჯვება ენფილდის სტადიონთან აღნიშნა.

გამარჯვება ერთად აღნიშნეს ლივერპულის ფეხბურთელებმაც - ალისონ ბეკერმა, ვირჯილ ვან დაიკმა და ალექს ჩემბერლენმა. ისინი სიტისა და ჩელსის თამაშს ერთად უყურებდნენ. 

მანჩერსტერ სიტისა და ლონდონის ჩელსის დაპირისპირების დასრულების შემდეგ, Sky Sports-თან ლივერპულის მწვრთნელმა, იურგენ კლოპმა ისაუბრა.

"დაუჯერებელია. ეს იმაზე მეტია, ვიდრე ოდესმე წარმოვიდგენდი. გამარჯვება ჩემი მოთამაშეების გასაოცარი მიღწევაა და ვიყო მათი მწვთნელი, ეს უზარმაზარი სიამოვნებაა.

მართალია, მე ამას 30 წელი არ ველოდი, რადგან გუნდში სულ 4 წელი და 6 თვეა რაც მოვედი. თუმცა, ეს მაინც უდიდესი მიღწევაა." - თქვა იურგენ კლოპმა.

ლივერპულს ამ დროისთვის 86 ქულა აქვს და მას მეორე ადგილზე მყოფი მანჩესტერ სიტი 23 ქულით ჩამორჩება.

დაწერე კომენტარი (0 კომენტარი)
სპორტი

shengeliatornikeeeსაქართველოს საკლათბურთო ნაკრების კაპიტანი, თორნიკე შენგელია, მოსკოვის ცსკა-ში გადასვლის შემდეგ პირველ კომენტარს აკეთებს.

 მან ცსკა-ს ოფიციალურ ვებგვერდთან ისაუბრა.

"გახარებული ვარ ევროპის ლიგის მოქმედი ჩემპიონის გუნდში გადასვლით და ვემზადები არაჩვეულებრივ მოთამაშეებთან ერთად თამაშისა და სამწვრთნელო გუნდთან ერთად მუშაობისთვის. იმედი მაქვს, რომ მოსკოვის ცსკა-სთან ერთად ევროლიგაზე და რუსეთის ჩემპიონათში ბევრ წარმატებას მივაღწევ." - თქვა შენგელიამ.

ცოტა ხნის წინ დადასტურდა ინფორმაცია, რომ თორნიკე შენგელიამ რუსულ კლუბთან 3-წლიანი კონტრაქტი გააფორმა. შენგელია ცსკა-ში ესპანური საკალთბურთო კლუბიდან - ბასკონიიდან გადავიდა, სადაც 6 წელი ითამაშა.

დაწერე კომენტარი (0 კომენტარი)
სპორტი

 jokovichცნობილ სერბ ჩოგბურთელს, ნოვაკ ჯოკოვიჩსა და მის მეუღლეს კორონავირუსი დაუდასტურდათ, - ამის შესახაებ ინფორმაციას „ესოშიეთიდ პრესი“ ავრცელებს.

„მე და ჩემს მეუღლეს კორონავირუსი დაგვიდასტურდა, ჩვენს შვილებს -არა,“- ნათქვამია ჯოკოვიჩის მიერ გავრცელებულ განცხადებაში.

აღსანიშნავია, რომ ჯოკოვიჩმა მონაწილეობა მიიღო სერბეთსა და ხორვატიაში გამართული საჩვენებელი მატჩების სერიებში, რომელიც მის მიერ იყო ორგანიზებული.

ჯოკოვიჩი აცხადებს, რომ 14 დღის განმავლობაში თვითიზოლაციაში დარჩება. მან ბოდიში მოუხადა ყველას, ვინც საჩვენებელ მატჩებში მონაწილეობისას დაინფიცირდა. აღსანიშნავია, რომ ჯოკოვიჩი მეოთხე ჩოგბურთელია, რომელსაც აღნიშნულ მატჩებში მონაწილეობის შემდეგ კორონავირუსი დაუდასტურდა. მანამდე კოვიდ 19-ი გამოუვლინდათ: ბორნა კორიჩს, გრიგორ დიმიტროვსა და ვიქტორ ტროიცკის.

დაწერე კომენტარი (0 კომენტარი)
მოიწონეთ გვერდი

Search