შაბათი, დეკემბერი 07, 2019
Follow Us

1569151150 70700667 1330618543780595 28834804107575296 nტოკიოს 2020 წლის ოლიმპიადიდან რუსეთის ნაკრების სავარაუდო დისკვალიფიკაციას გამოეხმაურა ბრიტანული გაზეთი „ტელეგრაფი“ (The Telegraph).

გერმანული ტელეარხის ARD-ის შემდეგ, ეს გამოცემაც წერს, რომ რუსეთი, შესაძლოა, ვერ ვიხილოთ 2020 წლის ზაფხულის თამაშებზე. ეს უკავშირდება დარღვევებს მოსკოვის ანტისადოპინგო ლაბორატორიაში და გაყალბებულ მონაცემებს, რომელიც მსოფლიოს ანტისადოპინგო სააგენტომ რუსეთის მხარისგან მიიღო.

მსოფლიოს ანტისადოპინგო სააგენტოში მიაჩნიათ, რომ მოსკოვში 18 თვის განმავლობაში ხდებობდა დოპინგ-სინჯებითა და სხვადასხვა ინფორმაციით მანიპულირება, რათა დაეფარათ რუსი სპორტსმენების მიერ აკრძალული პრეპარატების სისტემური გამოყენება. მსოფლიოს ანტისადოპინგო სააგენტოს ექსპერტები საბოლოო ანგარიშს ორშაბათს, 23 სექტემბერს წარმოადგენენ. ამავე დღეს გამოაცხადებენ მოსკოვის ანტისადოპინგო ლაბორატორიის შემოწმების შედეგებს და განიხილავენ მისი მუშაობის ხელმეორედ სავარაუდო შეჩერებას.

ამის შემდეგ, მძლეოსნობის საერთაშორისო ასოციაცია განიხილავს რუსეთის მძლეოსნობის ფედერაციის წევრობის აღდგენის საკითხს. 27 სექტემბერს, მძლეოსნობაში მსოფლიოს ჩემპიონატი იწყება და იქ 29 რუსი სპოტსმენი გამოვა ნეიტრალური სტატუსით. ვარაუდობენ, რომ რუსული მძლეოსნობა ისევ კანონგარეშე დარჩება.

ბრიტანული გაზეთის წყარო იმასაც იტყობინება, რომ უახლოესი ორი თვის განმავლობაში გაჩნდება რუსული სპორტული ხელმძღვანელობის ბრალეულობის ახალი მტკიცებულებები. თუ დოპინგ-სინჯებში სახელმწიფოს ახალი ჩარევის ფაქტები გახდება ცნობილი, რუსეთი, შესაძლოა, მოკვეთონ ტოკიოს ოლიმპიადიდან.

წყარო:1tv.ge

Comments powered by CComment

მოიწონეთ გვერდი

Search