სამშაბათი, ნოემბერი 12, 2019
Follow Us

კულტურა

კულტურა

ჩოხატაურში ნოდარ დუმბაძის დაბადების დღე აღინიშნა. მწრელის 91 წლის იუბილესთან დაკავშირებით სოფელ ხიდისთავში, დუმბაძის სახლ–მუზეუმში ადგილობრივი ანსამბლების კონცერტი გაიმართა.

ღონისძიებას  გურიის გუბერნატორი  ზურაბ ნასარაია, გუბერნატორის მოადგილეები,  ჩოხატაურის მერი ირაკლი კუჭავა, მწერლის ოჯახის წევრები და მოწვეული სტუმრები.დაესწრნენ

დაწერე კომენტარი (0 კომენტარი)
კულტურა

66450774 1700815153395420 5383693552226140160 n1-ელ სექტემბერს, Check In Georgia და „ბლექ სი არენა“ წარმოგიდგენთ ლეგენდარული ანსამბლის „ივერია“ ცნობილ მიუზიკლს „ჩხიკვთა ქორწილი“.

„ჩხიკვთა ქორწილი“ უკვე 40 წელია, წარმატებით იდგმება და უდიდესი აღიარება მოიპოვა როგორც საქართველოში, ისე საზღვარგარეთ. მხოლოდ საქართველოში, ალექსანდრე ბასილაიას და ჯემალ ბაღაშვილის ეს გახმაურებული მიუზიკლი სხვადასხვა წელს თითქმის 800-ჯერ ჩატარდა, მათ შორის, 2018 წლის 28 აგვისტოს, „ბლექ სი არენაზე“ პირველად გაიმართა და გასული სეზონის წარმატებული პროექტი გახდა, რადგან ღონისძიებაზე დასასწრები ყველა ბილეთი გაიყიდა. რეიტინგული პროექტი 2019 წელს ისევ უბრუნდება „ბლექ სი არენას“ გრანდიოზულ სცენას.

მონაწილეობენ:

თემურ წიკლაური, ნუგზარ კვაშალი, ნუცა ბუზალაძე, ანდრია გველესიანი, ბორის ბედია, ხვიჩა მაღლაკელიძე, ვახტანგ ტატიშვილი, გურამ ჯაში, მანანა თოდაძე, ქეთი წიკლაური, თამუნა ტაბატაძე, მერაბ სამყურაშვილი, დიტო საკანდელიძე, ჯანო იზორია, გია დავითიანი, გუჯა მარდალეიშვილი, ავთანდილ თაბუკაშვილი, გოგა ოსეფაშვილი, ლუიზა კობალაძე, ლილი ზღვაური, ჯემალ ბაღაშვილი,ზურა ლალიაშვილი, ვიქტორ ლალიაშვილი, დათო აბულაძე, გია ბაღაშვილი, ფრიდონ სულაბერიძე (უმცროსი), ლაშა მძინარაშვილი, მირიან ბერელიძე, ირაკლი ნადირაშვილი, მაიკო ვაწაძე, შორენა ჯაფარიძე ცისია კალანდაძე, ეკა მოდებაძე, ილია საბაძე, თენგო გუმბერიძე, დათო მჭედლიშვილი, ალექსანდრე ჯაფარიძე.

კომპოზიტორი - ალექსანდრე ბასილაია

ლიბრეტოს ავტორები - ჯემალ ბაღაშვილი და ავთანდილ გელოვანი

მხატვრები - ანი ნინუა და ნინო სურგულაძე

დამდგმელი ქორეოგრაფები - კოტე ფურცელაძე და ფრიდონ სულაბერიძე

ბილეთების გაყიდვა დაიწყება 9 ივლისიდან, საიტებზე tkt.ge და biletebi.te. ფასი: 10-40 ლარი, ვიპზონა - 50 ლარი.

ღონისძიების პარტნიორი: ლიდერფუდი

მედიამხარდაჭერა: იმედი, ფორტუნა, „არ დაიდარდო“, ჟურნალი ოქეი, ჯორჯია თუდეი, მარკეტერ.ჯი, პოპმიუზიკ ჯი, პალიტრანიუსი, ამბები ჯი.

დაწერე კომენტარი (0 კომენტარი)
კულტურა

IMG 20190704 175554ოზურგეთის დრამატული თეატრის დასში დიდი მხიარულებაა. ბათუმელი რეჟისორი რევაზ ბაინაზაშვილი ''პეპი გრძელიწინდას'' საკმაოდ საინტერესო და განსხვავებულ ვერსიას დგამს. 

სცენაზე ბავშვებისა და უფროსების  საყვარელი გმირები პეპი გრძელიწინდა, ტომი და ანიკა გაცოცხლდებიან და ასტრიდ ლინდგრენის სამყაროდან მაყურებელს არაერთ საინტერესო ეპიზოდს შესთავაზებენ. განსაკუთრებით მიმზიდველია  სპექტაკლის მუსიკალური და ქორეოგრაფიული ნაწილი. ამ ყველაფრის ნახვა ოზურგეთელებს თავიანთ პატარებთან ერთად ხვალ, 5 ივლისს,  21 საათზე  კულტურისა და დასვენების პარკის ამფითეატრში შეეძლებათ.

დაწერე კომენტარი (0 კომენტარი)
კულტურა

66443986 2320711368168724 7635749801228763136 oვერდის ფესტივალი, რომელიც ქალაქ პარმასა და ბუსეტოში ყოველწლიურად ტარდება, მსოფლიოს სხვადასხვა ქვეყნიდან მილიონობით მელომანს იზიდავს. წელს ვერდის ფესტივალი პირველად გასცდება იტალიის საზღვრებს და საქართველოში ჩატარდება. აღნიშნული ფესტივალის ფარგლებში 23 აგვისტოს ''Black Sea Arena''-ზე ოპერა ''აიდა'' Arena Di Verona - ს დადგმა გათამაშდება.


2018 წლის 23 აგვისტოს, ვერდის ფესტივალსა და თბილისის ოპერისა და ბალეტის სახელმწიფო თეატრს შორის სამწლიანი ურთიერთთანამშრომლობის მემორანდუმი გაფორმდა. მემორანდუმის თანახმად, თეატრს ვერდის ფესტივალის ჩატარების ექსკლუზიური უფლება მიენიჭა. ფესტივალი პროექტ Check in Georgia-ს ფარგლებში ტარდება.

ბილეთების გაყიდვა დაიწყება ორშაბათს, 8 ივლისს, საიტებზე TKT.GE და Biletebi.ge

დაწერე კომენტარი (0 კომენტარი)
კულტურა

17 აგვისტოს „ბლექ სი არენაზე“ ჯანსუღ და ვახტანგ კახიძეების სიმღერების საღამო გაიმართება. მსმენელი კახიძეების მიერ სხვადასხვა დროს შექმნილ დაუვიწყარ მუსიკალურ კომპოზიციებს ორ განყოფილებად მოისმენს.

კონცერტის ქრონომეტრაჟი: 2 საათი ბილეთების გაყიდვა დაიწყება 4 ივლისიდან, tkt.ge-სა და biletebi.ge-ს საშუალებით. ფასი: 20-50 ლარი, ვიპზონა - 80 ლარი.

დაწერე კომენტარი (0 კომენტარი)
მოიწონეთ გვერდი

Search