ხუთშაბათი, თებერვალი 27, 2020
Follow Us

კულტურა

კულტურა

BeFunky collage 1ამერიკის კინოაკადემიამ ოსკარის 92-ე დაჯილდოების მოკლე სია გამოაქვეყნა. საუკეთესო უცხოენოვანი ფილმების სიაში ლევან აკინის "და ჩვენ ვიცეკვეთ" და დიტო ცინცაძის "შინდისი" ვერ მოხვდა. 

ამ ნომინაციაში თავდაპირველად 91 ფილმი იყო წარდგენილი, ხოლო ოსკარის მოსაპოვებლად ბრძოლას 10 ფილმი აგრძელებს.

  • ჩეხეთი - "The Painted Bird”
  • ესტონეთი - "Truth and Justice”
  • საფრანგეთი - "Les Misérables”
  • უნგრეთი - "Those Who Remained”
  • ჩრდილომაკედონია - "Honeyland”
  • პოლონეთი - "Corpus Christi”
  • რუსეთი - "Beanpole”
  • სენეგალი - "Atlantics”
  • სამხრეთ კორეა - "Parasite”

ქართულ-შვედურ ფილმი And Then We Danced [და ჩვენ ვიცეკვეთ] ოსკარის 92-ე დაჯილდოებაზე შვედეთმა წარადგინა, ხოლო დიტო ცინცაძის ფილმი "შინდისი" საქართველოს სახელით იღებდა კონკურსში მონაწილეობას.

 

http://www.tabula.ge

დაწერე კომენტარი (0 კომენტარი)
კულტურა

xelovnebissasaxle cr 739x428ევროპის მუზეუმების ფორუმმა პორტუგალიის ქალაქ პორტიმაოში,  ევროპის წლის საუკეთესო მუზეუმის პრემიის ნომინანტთა შორის საქართველოს ხელოვნების სასახლეც დაასახელა.

ევროპის მუზეუმების ფორუმი ევროპის კონტინენტის წამყვანი სამუზეუმო ინსტიტუციაა, რომელიც ხელს უწყობს ევროპის მუზეუმების განვითარებასა და პოპულარიზაციას.

ევროპის წლის საუკეთესო მუზეუმის გამარჯვებულების გამოვლენა და დაჯილდოება მომავალი წლის 2 მაისს, დიდი ბრიტანეთის ქალაქ კარდიფში, უელსის ეროვნულ მუზეუმში გაიმართება.

 

1tv.ge

დაწერე კომენტარი (0 კომენტარი)
კულტურა

ჩოხატაურის მუნიციპალიტეტის კულტურის ცენტრმა დღეს კლასიკურ მუსიკის ზეიმი მოაწყო. საქართველოს განათლების, მეცნიერების, კულტურისა და სპორტის სამინისტროს პროექტის ფარგლებში ,,კლასიკური და ჯაზური მუსიკა მოსწავლეებისათვის" დღევანდელი დღე ნამდვილად დაუვიწყარი აღმოჩნდა. ღონისძიებაში პიანისტი დავით ალადაშვილი და დინი ვირსალაძის ჯაზ-ტრიო მონაწილეობდა. მუსიკის მცოდნე მაია დათუნაშვილი გაუძღვა.

 

დაწერე კომენტარი (0 კომენტარი)
კულტურა

a95303bქართველი მოდელი, ნინი გოგიჩაიშვილი, რომელიც "მის მსოფლიო 2019"-ში იღებს მონაწილეობას, 120 კონკურსანტიდან ფინალურ ტოპ 10-ეულში მოხვდა.

ფინალური შოუ 14 დეკემბერს გაიმართება, სადაც გაირკვევა, მოხვდება თუ არა ქართველი მოდელი ტოპ ხუთეულში.

თუ ნინი გოგიჩაიშვილი ტოპ ხუთეულში მოხვდება, მასთან ინტერვიუს ინგლისელი ჟურნალისტი პიერს მორგანი ჩაწერს, რადგან სწორედ ეს წამყვანი გაესაუბრება ფინალში გადასულ ხუთ გოგონას.

presa.ge

დაწერე კომენტარი (2 კომენტარი)
კულტურა

ესტონელი მომღერლის, ეგერთ მილდერის გადაწყვეტილებამ ბევრი ადამიანი გააოცა. ის ესტონეთიდან არის, მაგრამ ევროვიზიის შესარჩევ კონკურსზე გამოვიდა სიმღერით, რომელიც მთლიანად საქართველოს ეძღვნება და კლიპიც სხვადასხვა მთიან რეგიონებშია გადაღებული.

როგორც ის საზოგადოებას უხსნის, თბილისში სამი წელი იცხოვრა და საქართველო უსაზღვროდ შეუყვარდა, ტექსტში კი ისმის სიტყვები: “საქართველოვ, მუდამ ჩემს გონებაში იქნები.”

მილდერი ამბობს, რომ საქართველო მაგიური ქვეყანაა და არ შეუძლია, რომ რასაც მასზე ფიქრობს, მხოლოდ სიტყვებში ჩაატიოს.

“ეს ულამაზესი ქვეყანაა, თავისი უზარმაზარი მთებით, ცხვრის საოცარი ფარებით, რომლებიც მინდვრებში დადიან, ძროხებით, რომლებიც გზებზე წვანან, უგემრელესი კერძებითა და ღვინით, უთბილესი ხალხით და საერთოდ ყველაფრით, რაც მასთან ერთად მოდის. საქართველო მაგიური ქვეყანაა და არ შემიძლია სიტყვებში ჩავატიო ყველაფერი,” – ასე პასუხობს მომღერალი მათ, ვინც ეკითხება, თუ რატომ გადაწყვიტა ევროვიზიაზე აღნიშნული სიმღერით წარდგენა.

georgians.gr

დაწერე კომენტარი (0 კომენტარი)
მოიწონეთ გვერდი

Search