სამშაბათი, ივნისი 15, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

კულტურა

კულტურა

1623410017 ერქომაიშვილი34 1024x512თბილისის მერიის მხარდაჭერით, ჯანსუღ კახიძის სახელობის თბილისის მუსიკალურ-კულტურული ცენტრი ახალ ფესტივალს უმასპინძლებს, რომელიც დიდი ქართველი მუსიკოსის, მომღერლის, საგუნდო დირიჟორის, ხალხური სიმღერების შემკრებისა და პედაგოგის, ანზორ ერქომაიშვილის სახელს ატარებს.

დედაქალაქის მერიის ინფორმაციით, ფესტივალი ანზორ ერქომაიშვილის სახელის უკვდავსაყოფად და იმ საქმისადმი მადლიერების გამოსახატად დაარსდა, რომელიც მან ქართული ფოლკლორის გადარჩენისა და განვითარებისთვის გასწია.

მათივე ინფორმაციით, ღონისძიების სტატუსი საერთაშორისოა, თუმცა წელს მსოფლიოში შექმნილი ვითარების გამო, ფოლკლორული ანსამბლების სხვადასხვა ქვეყნიდან ჩამოყვანა ვერ ხერხდება, რის გამოც, მსმენელის წინაშე საკონცერტო პროგრამებით მხოლოდ ქართული ანსამბლები წარსდგებიან.

ფესტივალზე წელს ოთხი კონცერტი გაიმართება: 12 ივნისი – საქართველოს ხალხური სიმღერისა და ცეკვის სახელმწიფო აკადემიური ანსამბლი „რუსთავი“; 13 ივნისი – ქართული სიმღერის სახელმწიფო ანსამბლი „ბასიანი“; 19 ივნისი – საქართველოს ხალხური სიმღერის სახელმწიფო ანსამბლი „ერისიონი“; 20 ივნისი – აფხაზეთის სიმღერის სახელმწიფო ანსამბლი „შავნაბადა“; ქვეყანაში არსებული კოვიდ-რეგულაციებიდან გამომდინარე, ბილეთები გაიყიდება მხოლოდ ელექტრონულად, პორტალზე www.biletebi.ge. ფესტივალის პირველი მხარდამჭერია ქალაქ თბილისის მუნიციპალიტეტის მერია.

დაწერე კომენტარი (0 კომენტარი)
კულტურა

martvilisშეზღუდვების ეტაპობრივად შემსუბუქების პროცესი გრძელდება. ხანგრძლივი პაუზის შემდეგ, დღეიდან ქვეყანაში ტურისტული ობიექტები იხსნება. საუბარია მღვიმეებსა და კანიონებზე.

ტერიტორიაზე მყოფი ყველა პირი ვალდებულია, COVID-19-ის გავრცელების პრევენციისთვის არსებული რეკომენდაციები და და წესები დაიცვას. მათ შორის არის პირბადის ტარება, დისტანციის დაცვა და ვიზიტორთა ცენტრში, ერთდროულად, 5 პირზე მეტის აკრძალვა.

 

მღვიმეებისა და კანიონებისგახსნას ტურისტულ სექტორში ჩართული პირები დიდი ხანია ითხოვდნენ.

დაწერე კომენტარი (0 კომენტარი)
კულტურა

xotivariკინორეჟისორი ბუბა ხოტივარი 74 წლის ასაკში გარდაიცვალა. ინფორმაცია საქართველოს პირველ არხს ეროვნულ კინოცენტრში დაუდასტურეს.

ბუბა ხოტივარმა დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის თეატრმცოდნეობის ფაკულტეტი; მოსკოვის კინემატოგრაფიის საკავშირო ინსტიტუტის კინოსარეჟისორო ფაკულტეტი.

სხვადასხვა დროს მუშაობდა საქართველოს ტელეფილმების სტუდიისა და კინოსტუდია „ქართული ფილმის“ კინორეჟისორად. 1986-1991წწ. ხელმძღვანელობდა „ქართული ფილმის“ ახალგაზრდულ შემოქმედებით გაერთიანება „ადამ და ევას“. 1988-1992წწ. იყო საქართველო-ინგლისის ერთობლივი ფირმა „მთვარის გლობუსის“ გამგეობის წევრი და დირექტორი, ხოლო 2004-2006წწ. კინოსტუდია „მემატიანეს“ დირექტორი. როგორც დამდგმელ რეჟისორს, გადაღებული აქვს დოკუმენტური და მხატვრული ფილმები: „ისლამი საქართველოში“, „ლეხაიმ!“, „მარკოზის სახარება“, „ლაზარეს თავგადასავალი“(ქართლოს ხოტივართან ერთად), „დიმიტრი II“, „ჩირიკი და ჩიკოტელა“.

დაწერე კომენტარი (0 კომენტარი)
კულტურა

017tea culukianiგასაგებია, რომ ინტერესი დიდია, მაგრამ ბარათაშვილი იქნება ის, ამილახვარი თუ ქიბროწაშვილი, ყველას გთხოვთ, წინ დააყენოთ გელათის ინტერესი. დაუკითხვად ნუ დაბოდიალობთ ხარაჩოებზე, – ამის შესახებ საქართველოს კულტურის მინისტრმა, თეა წულუკიანმა გელათის სამონასტრო კომპლექსთან დაკავშირებით განაცხადა.

მინისტრმა გელათში მიმდინარე სარესტავრაციო სამუშოებზე ისაუბრა და აღნიშნა, რომ ძეგლი წინა ხელისუფლების დროს დაზიანდა.

„2008 წლიდან 2020 წლამდე სამწუხაროდ, გელათის სამონასტრო კომპლექსზე, ჩემი სუბიექტური, აზრით მიმდინარეობდა ძეგლისთვის საზიანო ექსპერიმენტი, ამას ერქვა 2008 წლიდან შუასაუკუნეებრივი საქართველოს ოქროს ხანის დროინდელი კრამიტით გადახურვის მეთოდით აღორძინება და ამ ძველი მეთოდის აღორძინებისთვის, სამწუხაროდ, შეირჩა სწორედ საექსპერიმენტოდ გელათი. მე ვთვლი, რომ ეს იყო დიდი შეცდომა. ამგვარმა ექსპერიმენტმა დააზიანა ძეგლი და მინდა ყველას გთხოვოთ, ნუ დაბოდიალებთ ხარაჩოებზე, რადგან ხარაჩოებზე ბოდიალი აზიანებს უფრო მეტად იმ მძიმე მდგომარეობაში მყოფ ფრესკებს, რომელშიც სამწუხაროდ, ზოგიერთი ფრესკის ზოგიერთი კონკრეტული ნაწილი არის. მოწოდება მუდმივად არის, რომ ჩამოიყვანეთ უცხოელი ექსპერტები. არც ერთი უცხოლეი ქსპერტი ჩვენი თანამშრომელი არ არის, რომ ჩვენ მას მივუთითოთ, როდის ჩამოვიდეს“, – განაცხადა მინისტრმა.

თეა წულუკიანის განცხადებით, პანდემიის მიუხედავად, საქართველოში იტალიელი ექსპერტი ჩამოვა, რომელიც დეტალურად შეისწავლის ძეგლს.

„მიუხედავად ამისა, პანდემიის მიუხედავად, ჩვენ შევძელით და რეკორდულად მოკლე დროში, იუნესკოსგან მოვიპოვეთ თანხმობა, რომ ერაყიდან ჩამოვა ამჟამად იქ მყოფი იტალიელი ექსპერტი და ჩვენი ივნისში შევძლებთ მასთან ერთად საზურავს, რომლის გაუმართაობის პირველი და პირდაპირი შედეგი არის სწორედ ფრესკების დაზიანება, დავუსვათ სწორი დიაგნოზი, თუმცა ჩვენ ქართველი ექსპერტების მონაწილეობით, ვინც საქმე იცის და ვინ სამწუხაროდ, 70-80 წლის ასაკში, მათ აზრს არავინ ეკითხებოდა 2021 წლის მარტამდე, სწორედ მაშინ უნდა გქონოდათ მოწოდება, რომ ხანდაზმულ ექსპერტებს ჰკითხეთ აზრიო. სამწუხაროდ, ქვეყანაში არის პროფესიონალიზმის წყვეტა ამ დარგში. მათთან ერთად დიაგნოზი გვაქვს დასმული, მაგრამ ველოდებით ექსპერტს. მთავარია, რომ დროებითი გადახურვა, რომელიც პირდაპირ უნდა ითქვა, რომ არ უხდება ამ ძეგლს, მაგრამ უზრუნველყოფს იმას, რომ წყალი აღარ ჩადის, თუმცა წარსულში ჩასული წყლის გამო, ინფილტრაციის გამო, ტენიანობა არის ტაძარში. ამიტომ, ყველას გთხოვთ, თავი შეიკავეთ, მესმის, რომ გინდათ სკანდალი, მაგრამ გელათს არ სცალია სკანდალებისთვის. თავი შეიკავეთ ხარაჩოებზე სიარულისგან, რადგან ძეგლთა დაცვის სააგენტო ფიქრობს, რომ შესაძლებელია, ამგვარმა მოძრაობამ, არაპროფესიონალების მიერ ხარაჩოებზე სიარულმა, კიდევ მეტად დააზიანოს ფრესკები. ამიტომ, სააგენტომ გუშინ მოითხოვა და ჩვენ მივეცით თანხმობა, რომ ხარაჩოებზე მისასვლელი დაიკეტოს არაუფლებამოსილი პირებისთვის“, – განაცხადა წულუკიანმა.

ამასთან, კულტურის მინისტრმა ყველას მოუწოდა, რომ გელათზე განთავსებულ ხარაჩოებზე გადაადგილებისგან თავი შეიკავონ.

„ღიმილისმომგვრელია, როდესაც თქვენ გგონიათ, რომ იმ სიმაღლის ხარაჩოზე ავიდეს მომლოცველი სალოცავად. იქ ადის ან პროფესიონალი, ან ის ადამიანი, რომელსაც გინდათ, მოახარშინოთ სკანდალი. ძალიან გთხოვთ, წინ დააყენეთ გელათის ინტერესი და არა პოლიტიკური ინტერესი, რადგან გელათი არ არის პოლიტიკოსი, ის არის უმნიშვნელოვანესი კულტურული მემკვიდრეობსი ძეგლი. საუბარია, ბატონ ბარათაშვილზე, რომელიც დაუკითხვად ავიდა ხარაჩოზე. გასაგებია, რომ ინტერესი დიდია, მაგრამ ბარათაშვილი იქნება ის, ამილახვარი თუ ქიბროწაშვილი, ყველას გთხოვთ, წინ დააყენოთ გელათის ინტერესი. დაუკითხვად ნუ დაბოდიალობთ ხარაჩოებზე, რადგან ეს აზიანებს ფრეკას, რომელიც ისედაც დაზიანებულია 2008 წელს დაწყებული ექპერიმენტი შედეგად“, – განაცხადა წულუკიანმა.

დაწერე კომენტარი (0 კომენტარი)
კულტურა

kavsadzeლეგენდარული მსახიობის კახი კავსაძის 85-წლიან ცხოვრებაში არაერთი ისტორიია, რომელიც სამაგალითოდ შეიძლება ჩაითვალოს, თუმცა რეჟისორი დათა თავაძე ერთ-ერთ ყველაზე მნიშვნელოვან ამბავს იხსენებს:

 “საშინლად დამწყვიტა გული ბატონი კახი კავსაძის წასვლამ. არასოდეს არ დამავიწყდება ის სითბო, რასაც თითოეული ჩვენგანი გრძნობდა მის გვერდით.

მის ცხოვრებისეულ ნაბიჯებს – გამძლეობას, გამბედაობას, ადამიანებისა და საქმის სიყვარულს – მაგალითებად, ლამის იგავებად ვუყვებით ერთმანეთს. ის იყო დიდი ადამიანი, ვინც 9 აპრილს რუსთაველის თეატრის ჭიშკარი გახსნა და დარბეული ხალხი შეიფარა და ეს მხოლოდ ერთ-ერთია სხვა მრავალ სამაგალითო საქციელს შორის…
მშვიდობით, ბატონო კახი,
ძალიან მოგვენატრებით!

მთელი გულით თანავუგრძნობ მისი უსაყვარლესი ოჯახის ყველა წევრს, მის ყველა მეგობარს, კოლეგას და მთელ საქართველოს…

თუ მეკითხებიან, რას უნდა აკეთებდეს თეატრიო, პირველ რიგში, ყოველთვის ეს ამბავი მახსენდება:
“1989 წლის 9 აპრილის მოვლენების დროს, რუსთაველის თეატრი გასტროლებზე იყო ბულგარეთში. მე იმ სპექტაკლში არ ვმონაწილეობდი და ამიტომ თბილისში დავრჩი. იმ დროს თეატრის პარტკომი გახლდით და ამიტომ ყველაზე მაღალი ადმინისტრაციული პოსტი მე მეკავა. დაიწყო და აგორდა მიტინგების ტალღა, მთელი დღე ქუჩაში ვდგევარ, თვალყურს ვადევნებ მოვლენების განვითარებას და ძალიან ვღელავ.

როდესაც სიტუაცია ღამით ძალიან დაიძაბა, დაიწყო დარბევა. ვხედავ, ხალხი მორბის თეატრისკენ, მაშინვე ჭიშკარი გავაღებინე და ხალხის ეს უზარმაზარი ტალღა თეატრში შემოვუშვი. ზოგს თავი ქონდა გაჩეხილი, ზოგს ხელი ჰქონდა ნაღრძობი, მაგრამ საინტერესო ის არის, რომ უმრავლესობა უფეხსაცმლოდ მორბოდა, ტანსაცმელ შემოხეული; შემდეგ ავიყვანე მცირე დარბაზში და ვუთხარი, რომ არავინ ქვემოთ აღარ ჩასულიყო, ყველანი ზემოთ ყოფილიყვნენ.

წამოვიდა ჯარი ერთ კედლად ჩაფხუტებით და ფარებით, სახე არ ჩანს, მე ვდგევარ ქუჩაში და ვუყურებ – მოდიან, მოვიდნენ ჭიშკართან, გაჩერდნენ და დავინახე პატარა, რუსი ბიჭები შეშინებული თვალებით, ა, ესე შეშინებული თვალებით იყურებოდნენ და ამ დროს გაიცა ბრძანება – “ზაკრიც ვაროტა“, ჩვენც დავკეტეთ ჭიშკარი და მსახიობები, აი, აქ, თეატრის ეზოში შევიკუჭეთ. შემდეგ გვესროლეს ცრემლსადენი ყუმბარა ერთი, რომ დავშლილიყავით, შემდეგ მეორე გვესროლეს. ცოტახანში მოვიდნენ და გვითხრეს, რომ თქვენ აქ ხალხს მალავთო, ჩვენ ვაჩვენეთ დიდი სცენა, – კი, ბატონო, მობრძანდით, ნახეთ არადა ხალხი ჩვენ ზემოთ მცირე სცენაზე გვყავდა დამალული.

როდესაც გათენდა, გავაღეთ გარდირობი, დავურიგეთ ხალხს ტანსაცმელი, ფეხსაცმელი და გავუშვით სახლებში. მე ვფიქრობ, რომ ეს დღე იყო პირველი ნიშანი იმისა, რომ ის დიდი “მახინა”, ის უზარმაზარი იმპერია, რომელსაც საბჭოთა კავშირი ერქვა – დაიმსხვრა… – კახი კავსაძე.”

დაწერე კომენტარი (0 კომენტარი)
მოიწონეთ გვერდი

Search