შაბათი, ივნისი 06, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

საზოგადოება

საზოგადოება

 korona gardacvliliმოსკოვში მოღვაწე, წარმოშობით ოზურგეთელი, 57 წლის მამაკაცი კორონავირუსით ამ დღეებში, რუსეთის დედაქალაქის ერთ-ერთ საავადმყოფოში გარდაიცვალა. მამაკაცს ახალი კორონავირუსი სამი კვირის წინ, მძიმე ფორმით დაუდგინდა და რუსმა მედიკოსებმა მისი გადარჩენა ვერ შეძლეს. წარმოშობით ვაკიჯვრელი მამაკაცი, მის მშობლიურ სოფელში ხუთშაბათს, 28 მაისს დაკრძალეს. ბიზნესმენის დაკრძალვა წესების დაცვით, შესაბამისი ეკიპირებით, უსაფრთხოდ, მხოლოდ საპატრულო პოლიციის თანხლებით და საზოგადოებრივი ჯანდაცვის თანამშრომელთა მეთვალყურეობით მოხდა. კორონავირუსით გარდაცვლილი მამაკაცის დაკრძალვას მხოლოდ შორიდან, (ავტომობილიდან) დისტანციურად, დაესწრნენ ახლო ნათესავები. რაც შეეხება ბიზნესმენის ოჯახს, ( მეუღლე და შვილები) კორონავირუსით ისინიც დაავადნენ, მაგრამ ამ ეტაპისათვის უკეთ არიან და იზოლაციაში, ბინაზე, მოსკოვში იმყოფებიან. წარმოშობით ოზრგეთელი მამაკაცის მშობლიურ სოფელში დაკრძალვაზე თანხმობა სანათესაოს ადგილობრივმა ხელისუფლებამ, ეპიდემიოლოგებთან კონსულტაციების შემდეგ მისცა.

დაწერე კომენტარი (0 კომენტარი)
საზოგადოება

 restoraniრესტორნების ასოციაციის დამფუძნებელი და ვიცეპრეზიდენტი შოთა ბურჯანაძე ჯანდაცვის სამინისტროს მიერ შემუშავებულ საზოგადოებრივი კვების ობიექტებისთვის განკუთვნილ რეკომენდაციებში ცალკეულ პუნქტებს სასაცილოს უწოდებს.

შოთა ბურჯანაძის თქმით, ამ რეგულაციებში არის რიგი საკითხები, რომლებიც შეიძლება სადავო იყოს და შაბლონად აღიქმებოდეს, იმიტომ რომ გადმოწერილია სხვა ქვეყნის რეგულაციებიდან. თუმცა, მისივე მოსაზრებით, დღეს ჯობია მათ მივყვეთ და გარკვეული პერიოდის შემდეგ ნელ-ნელა გავთავისუფლდებით ამისგან.

„არის სასაცილო პუნქტები, მაგალითად 65 გრადუს წყალზე რეცხვა. ამ ტემპერატურაზე შეიძლება ხელი დაგეწვას ადამიანს, ამ ტემპერატურაზე შეიძლება გარეცხოს ჭურჭლის სარეცხის მანქანამ და არა ჭურჭლის მრეცხავმა. ვფიქრობ ეს პირდაპირ გადმოღებულია.

არის კიდევ მაგალითად მარკირება მაგიდებს შორის, რომ მომხმარებელმა განსაზღვროს დისტანცია. ხომ არ უნდა დავხაზოთ კაფე-ბარები და რესტორნები ისე რომ საავადმყოფოს დაემსგავსოს? კაფე-ბარში ადამიანი მიდის არამხოლოდ საჭმელად, არამედ ესთეტიკური სიამოვნების მისაღებად. ყველაფრის გადაქცევა ისე, რომ სულ მუდამ იფიქრო პანდემიაზე, არ არის კარგი. პირიქით უნდა ვეცადოთ, რომ პანდემია უკანა პლანზე გადავწიოთ და ყოველ წამს არ გვახსენდებოდეს ნეგატივში“, – აღნიშნა რესტორნების ასოციაციის ვიცეპრეზიდენტმა bm.ge-სთან ინტერვიუში.

როგორც რეკომენდაციებში წერია, ჭურჭელი უნდა გაირეცხოს არანაკლებ 40⁰C ტემპერატურის წყლითა და სარეცხი საშუალებების გამოყენებით პირველ სამზარეულოს ნიჟარაში; შემდეგ გაირეცხოს ხელმეორედ არანაკლებ 40⁰C ტემპერატურის წყლითა და უფრო ნაკლები რაოდენობის სარეცხი საშუალების გამოყენებით მეორე სამზარეულოს ნიჟარაში; და გაივლოს არანაკლებ 65⁰C ტემპერატურის ცხელი გამდინარე წყლით.

ასევე, სავალდებულოა მაგიდების განლაგებისა და დისტანციის მარკირება, შესაბამისი აღნიშვნებით.

საერთო ჯამში შოთა ბურჯანაძე საზოგადოებრივი კვების ობიექტებისთვის განკუთვნილ რეკომენდაციებს დადებითად აფასებს და ამბობს, რომ საქართველოს რესტორნებისთვის შემუშავებული რეგულაციები მსოფლიოში არსებულ რეგულაციებთან შედარებით, ყველაზე რბილად გამოიყურება, – „ბევრი ქვეყანაა, სადაც მხოლოდ ორი ადამიანისთვისა დაშვებული მაგიდასთან დაჯდომა, სამი მეტრია მაგიდებს შორის და ორი მეტრი სკამებს შორის დისტანცია და ა.შ“, – განაცხადა მან.

შოთა ბურჯანაძე ასევე დადებითად აფასებს რეკომენდაციების პირველ პუნქტს, რომლის მიხედვითაც, ადამიანთა თავშეყრის თავიდან აცილების მიზნით, მომხმარებელთა მიღება უზრუნველყოფილი უნდა წინასწარი დაჯავშნის სისტემის გამოყენებით (წინასწარი ჩაწერით მომსახურებით):

„ეს დადებითად უნდა აღვიქვათ როგორც მომხმარებლისთვის, ასევე მიმწოდებლისთვის იქიდან გამომდინარე, რომ ჩვენ თქვენ წინასწარ შეგირჩიოთ ადგილი, სადაც შესაძლებელია დაჯდომა, რათა არ იყოს გაურკვევლობა. იმ შემთხვევაში თუ გადატვირთულია რესტორანი, არ მოუწიოს ადამიანს ტყუილად მოსვლა. ეს თემა ჩვენს ქვეყანაში ნელ-ნელა ვითარდებოდა, რესტორანი იყო დაჯავშნით და არა გავლით, ეს შემთხვევა ჩვენ შეგვიძლია დადებითად გამოვიყენოთ“.

ახალი კორონავირუსით გამოწვეულ ინფექციასთან (COVID-19) დაკავშირებული ზოგადი რეკომენდაციები საზოგადოებრივი კვების ობიექტებისთვის ჯანდაცვის მინისტრის ბრძანების მე-17 დანართშია გაწერილი.

დაწერე კომენტარი (0 კომენტარი)
საზოგადოება

1590850330 საჯარო სამსახუსირ ბიუროსაჯარო სამსახურის ბიურო თხოვნით მიმართავს საჯარო დაწესებულებებს, თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში. ამის შესახებ საქართველოს მთავრობის ადმინისტრაციისა და საჯარო სამსახურის ბიუროს ერთობლივ განცხადებაში არის აღნიშნული.

ამავე განცხადების თანახმად, აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად.

„საქართველოს მთავრობის ადმინისტრაცია და საჯარო სამსახურის ბიურო მოგმართავთ თხოვნით, საქართველოში ახალი კორონავირუსის (COVID-19) შესაძლო გავრცელების აღკვეთის მიზნით, ყველა საჯარო დაწესებულების საჯარო მოსამსახურეთა, მათ შორის საჯარო სამართლის იურიდიული პირების და ააიპ-ების თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში.

აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად. დისტანციურ რეჟიმში მუშაობის პირობების თაობაზე შესაბამისი სარეკომენდაციო წესი გეცნობებათ დამატებით“, – აღნიშნულია განცხადებაში.

დაწერე კომენტარი (0 კომენტარი)
საზოგადოება

11natia turnavaსაქართველოს ეკონომიკისა და მდგრადი განვითარების მინისტრის, ნათია თურნავას ვარაუდით, საქართველოს ეკონომიკისთვის მძიმე იქნება მომავალი ორი თვე. 

როგორც მან აღნიშნა, წლის ბოლომდე ნავარაუდევია ეკონომიკის სერიოზული ვარდნა, თუმცა ყველა მონაცემი არსებობს იმისთვის, რომ საქართველოში 2021 ეკონომიკის ზრდის წელი იყოს.

„აპრილის თვეში 16.6-პროცენტიანი ვარდნა გვქონდა. საგანგებო ვითარების გამო ეკონომიკური საქმიანობა შეზღუდული იყო და ეს გაკეთდა შეგნებულად, რათა დაგვეცვა ჩვენი მოსახლეობა ეპიდემიის გავრცელებისგან. თუმცა, არ დაგიმალავთ, მაისიც ძალიან მძიმე იქნება და - ივნისიც. ზოგადად, წლის ბოლოს ნავარაუდევია ეკონომიკის სერიოზული ვარდნა, ისევე, როგორც მთლიანად მსოფლიოში, როგორც ევროპაში, მაგრამ ყველა მონაცემი გვაქვს იმისთვის, რომ 2021 წელი უკვე იყოს ზრდის წელი“, - განაცხადა ნათია თურნავამ.

ეკონომიკის მინისტრის თქმით, ვარდნა არის როგორც პანდემიისა და ეკონომიკის ხელოვნურად გაჩერების, ასევე გლობალური კრიზისის შედეგი.

„კრიზისია საქართველოშიც. როგორც ვთქვი, მაისი იქნება მძიმე, ივნისიც იქნება მძიმე, მთლიანად წელიწადიც არ იქნება სახარბიელო, რადგან მოსალოდნელი 5-პროცენტიანი ზრდის ნაცვლად, მივიღებთ საშუალოდ 5-პროცენტიან ვარდნას, მაგრამ 2021 წელზე უნდა გავაკეთოთ გათვლა და 2021 იქნება აღმატების წელი“, - განაცხადა ნათია თურნავამ.

საქსტატის შეფასებით, აპრილში საქართველოს ეკონომიკა 16.6 პროცენტით შემცირდა.

დაწერე კომენტარი (0 კომენტარი)
საზოგადოება

01sus shenobaსახელმწიფო უსაფრთხოების სამსახურის სახელმწიფო უსაფრთხოების დეპარტამენტმა რასობრივი დისკრიმინაციის ფაქტზე გამოძიება დაიწყო. როგორც სუს-ის მიერ გავრცელებულ ინფორმაციაშია არნიშნული, არსებული ოპერატიული ინფორმაციის თანახმად, საქართველოში არსებობენ პირთა ჯგუფები და რიგი მოქალაქეები, რომლებიც ცდილობენ ქვემო ქართლის და კახეთის რეგიონში ეთნიკურ ქართველებსა და აზერბაიჯანელებს შორის შუღლის გაღვივებას.

„აღნიშნული პირები ნეგატიურ კონტექსტში აქტიურად იყენებენ წლების მანძილზე დაგროვებულ ისეთ საკითხებს, რომელთა არასწორი, თითქოსდა პატრიოტული მოტივებით გახმოვანების და რომელიმე ეთნიკური ჯგუფის მიმართ მიზანმიმართული საჯარო მოწოდებების გაკეთების შემთხვევაში, ქვეყნის იმ რეგიონებში, რომლებიც მჭიდროდ არის დასახლებული ეთნიკური აზერბაიჯანელებით, აშკარა საფრთხეს უქმნის ეთნიკურად ქართველ მოსახლეობასთან მათ მშვიდობიან თანაცხოვრებას.

კერძოდ აღნიშნული პირები, იჭრებიან რა სახელმწიფოს და ხელისუფლების კომპეტენციას მიკუთვნებულ საკითხებში, ცდილობენ ქვემო ქართლის და კახეთის რეგიონში, წამოჭრილი საკითხების გამოყენებას ეროვნული მტრობის ჩამოგდების მიზნით.

პირთა ჯგუფი აღნიშნული მიმართულებით არასწორი და აგრესიული მოწოდებების გავრცელების გზით, ცდილობს რეგიონის ეთნიკურად ქართველ და აზერბაიჯანელ საქართველოს მოქალაქეებს შორის შეიტანოს განხეთქილება, რასაც ორივე მხრიდან მოყვება ეროვნული პატივისა და ღირსების შემლახავი განცხადებები და ქმედებები, ხოლო ეროვნული შუღლის ჩამოგდების გზით, პირთა ჯგუფი იმედოვნებს, რომ განხორციელდება ეთნიკური კუთვნილების ნიშნით ადამიანის უფლებების უკანონოდ ხელყოფა.

პირთა ჯგუფი ცდილობს თავის საჯარო განცხადებებსა თუ იდეოლოგიაში სიტუაციის იმგვარად წარმოჩენას, თითქოსდა ეთნიკურად ქართველი მოსახლეობას სხვა საქართველოს მოქალაქე ეთნიკურ უმცირესობებთან მიმართებაში ენიჭებათ უპირატესობა, რაც უფრო ზრდის ეროვნული კონფლიქტის წარმოშობის რისკებს.

სახელმწიფო უსაფრთხოების სამსახურის სახელმწიფო უსაფრთხოების დეპარტამენტი გამოძიებას აწარმოებს რასობრივი დისკრიმინაციის ფაქტზე, ესე იგი ქმედება, ჩადენილი ეროვნული მტრობის და განხეთქილების ჩამოგდების, ეროვნული პატივისა და ღირსების დამცირების მიზნით, აგრეთვე ეროვნული და ეთნიკური კუთვნილების ნიშნით ადამიანის უფლებების პირდაპირი ან არაპირდაპირი შეზღუდვა ანდა იმავე ნიშნით ადამიანისათვის უპირატესობის მინიჭება, რამაც არსებითად ხელყო მისი უფლება, ჩადენილი პირთა ჯგუფის მიერ, დანაშაული გათვალისწინებული საქართველოს სსკ-ის 1421-ე მუხლის მე-3 ნაწილის „ა“ ქვეპუნქტით“, - ნათქვამია სუს-ის მიერ გავრცელებულ განცხადებაში.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search