ორშაბათი, მაისი 17, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

საზოგადოება

საზოგადოება

turistiსაქართველოს ტურიზმის ეროვნულმა ადმინისტრაციამ ოქტომბრის ტურიზმის სტატისტიკა გამოაქვეყნა.  

უწყების ინფორმაციით გასულ წლის ოქტომბერთან შედარებით წელს გაზრდილია როგორც უშუალოდ ტურისტული ნაკადის რაოდენობა, ასევე, საერთაშორისო მოგზაურების ვიზიტებიც. 

მოცემულ პერიოდში საქართველოს სულ 483,805 ტურისტი და 782,670 საერთაშორისო მოგზაური ეწვია. 2019 წლის პირველ 10 თვეში საერთაშორისო ვიზიტების რაოდენობამ 8 მილიონს გადააჭარბა, რაც რეკორდული მაჩვენებელია. 

წელს, ასევე გაიზარდა საერთაშორისო ვიზიტორთა მიერ განხორციელებული ვიზიტების რაოდენობაც, მაჩვენებელმა 6,6 მილიონი შეადგინა, რაც წინა წლის ანალოგიურ მაჩვენებელზე 6,2%-ით მეტია. 

იმავე დროში გაიზარდა უშუალოდ ტურისტული ვიზიტების რაოდენობაც. წელს ტურისტული ვიზიტით საქართველოს სულ 4,429 მილიონი ადამიანი ეწვია, რაც წინა წელთან შედარებით 6%-ით მეტია. 

ტურიზმის ეროვნული ადმინისტრაციის ინფორმაციით, რუსეთის მიერ დაწესებულმა სანქციებმა გარკვეულწილად შეამცირა სექტორის ზრდის მაჩვენებლები, თუმცა ბოლო პერიოდის მონაცემების გათვალისწინებით შეიძლება ითქვას, რომ კრიზისი დაძლეულია.

დაწერე კომენტარი (0 კომენტარი)
საზოგადოება

06sapensiooდაგროვებითი საპენსიო სქემა სულ პარლამენტის 17-მა წევრმა დატოვა. ინფორმაციაში, რომელიც რადიო თავისუფლებამ პარლამენტიდან გამოითხოვა, ვკითხულობთ, რომ მათ შორის ორი - კახა ოქრიაშვილი და თეიმურაზ კოხრეიძე საპარლამენტო უმრავლესობის წევრები არიან.

კახა ოქრიაშვილი „პსპ ფარმას“ 95%-იანი წილის მესაკუთრეა. პოლიტიკაში ბიზნესიდან არის მოსული თეიმურაზ კოხრეიძეც.

როგორც თეიმურაზ კოხრეიძემ, ასევე, კახა ოქრიაშვილმა „დაგროვებითი პენსიის შესახებ“ კანონს კენჭისყრაზე სამივე მოსმენით დაუჭირეს მხარი.

დაგროვებითი საპენსიო სქემიდან გავიდა ოპოზიციის 15 დეპუტატი, რომლებიც საპარლამენტო უმრავლესობის წევრები არ არიან: „ევროპული საქართველოდან": ლაშა დამენია, აკაკი ბობოხიძე, ზურაბ ჭიაბერაშვილი, თენგიზ გუნავა, გიორგი ღვინიაშვილი, ხათუნა გოგორიშვილი, დავით ბაქრაძე, ლელა ქებურია, ირმა ნადირაშვილი, გიორგი ტუღუში, გიგი წერეთელი, სერგო რატიანი და გიგა ბოკერია; რამაზ ნიკოლეიშვილი (უფრაქციო), დავით ჭიჭინაძე (უფრაქციო).

05pensia

www.radiotavisupleba.ge

 

დაწერე კომენტარი (0 კომენტარი)
საზოგადოება

D18A4068 6097 4E58 AD7A C161A82EF725 cx13 cy3 cw74 w1023 r1 sდღეს, 11 ნოემბერს, თბილისში გაიმართა ევროპის საბჭოს დაარსებიდან 70 წლისთავის და ევროპის საბჭოში საქართველოს გაწევრიანების 20 წლისთავის აღსანიშნავად გამოშვებული საიუბილეო მონეტის პრეზენტაცია.

საქართველოს ეროვნული ბანკის პრეზიდენტმა, კობა გვენეტაძემ მონეტები გადასცა ევროსაბჭოს გენერალურ მდივანს, მარია პეიჩინოვიჩ ბურიჩს და საქართველოს საგარეო საქმეთა მინისტრს, დავით ზალკალიანს.

საიუბილეო მონეტაზე გამოსახულია 1999 წლის 27 აპრილს, ევროსაბჭოში საქართველოს გაწევრიანების ცერემონიაზე პარლამენტის თავმჯდომარის, ზურაბ ჟვანიას მიერ სტრასბურგში წარმოთქმული სიტყვები: „მე ვარ ქართველი და, მაშასადამე, ვარ ევროპელი“.

თავად ევროპის საბჭო 1949 წლის 5 მაისს დაფუძნდა.

 

www.radiotavisupleba.ge

დაწერე კომენტარი (0 კომენტარი)
საზოგადოება

04prokuraturaსაქართველოს მთავარმა პროკურატურამ 20-21 ივნისს განვითარებულ მოვლენებთან დაკავშირებით, მაკო გომური, ომარ სეხნიაშვილი და მირზა ლიპარტელიანი დაზარალებულად ცნო. ამის შესახებ აღნიშნულია პროკურატურის განცხადებაში.

როგორც განცხადებაშია ნათქვამი, გადაწყვეტილება მიღებულია სასამართლო-სამედიცინო ექსპერტიზის დასკვნებისა და შესაძლო დანაშაულებრივ ეპიზოდებზე დამატებითი საგამოძიებო მოქმედებების შემდეგ.

„გამოძიების ფარგლებში ჩატარებულია ასობით საგამოძიებო მოქმედება – გამოკითხულია 600-ზე მეტი პირი, მათ შორის სამართალდამცავები. გამოკვლეულია პარლამენტის მიმდებარე ტერიტორიაზე განვითარებული მოვლენების ამსახველი შესაბამისი ვიდეომასალა. დანიშნულია ექსპერტიზები. რაც შეეხება მიმდინარე გამოძიების ფარგლებში სხვა პირების დაზარალებულად ცნობას, საგამოძიებო პროცედურების დასრულების შემდეგ თითოეულ ფაქტთან დაკავშირებით მიღებული იქნება შესაბამისი სამართლებრივი გადაწყვეტილება, რის  შესახებაც  საზოგადოებას პერიოდულად მიეწოდება ინფორმაცია“, – აღნიშნულია განცხადებაში.

დაწერე კომენტარი (0 კომენტარი)
საზოგადოება

01subelianiთბილისის საქალაქო სასამართლომ დააკმაყოფილა პროკურატურის შუამდგომლობა და თბილისში, კინოთეატრ „ამირანის“ მიმდებარე ტერიტორიაზე განვითარებული მოვლენების დროს ანა სუბელიანის დაშავების ფაქტზე დაკავებულ შალვა შევარდნაძეს აღკვეთის ღონისძიების სახით პატიმრობა შეუფარდა.

გადაწყვეტილება მოსამართლე ნინო ჩახნაშვილმა გამოაცხადა. ბრალდების მხარემ სასამართლო პროცესზე აღკვეთის ღონისძიების სახით პატიმრობა მოითხოვა. დაცვის მხარემ მოითხოვა არასაპატიმრო სასჯელი - გირაო 3000 ლარის ოდენობით. სასამართლო სხდომას დაზარალებული ანა სუბელიანი არ ესწრებოდა. შემდეგი სასამართლო სხდომა 24 დეკემბერს, 12:00 საათზე დაინიშნა. 

შალვა შევარდნაძეს ბრალი სისხლის სამართლის კოდექსის 118,1 მუხლით აქვს წაყენებული, რაც ჯანმრთელობის განზრახ ნაკლებად მძიმე დაზიანებას გულისხმობს და ერთიდან სამ წლამდე თავისუფლების აღკვეთას ან 6 თვიდან 2 წლამდე შინაპატიმრობას ითვალისწინებს. სასამართლოს გადაწყვეტილება ტენდენციურად მიაჩნია დაკავებული შალვა შევარდნაძის ადვოკატს, მერაბ წკრიალაშვილს. „სასამართლოს გადაწყვეტილებას გავასაჩივრებთ, ოღონდ, რა თქმა უნდა, მას შემდეგ, რაც გავეცნობით დასაბუთებას. დღეის მდგომარეობით, ვერ გეტყვით, რა რისკებზეა საუბარი სასამართლოს მხრიდან, თუმცა, რა თქმა უნდა, გადაწყვეტილება მიგვაჩნია ტენდენციურად, არ ვეთანხმებით და აუცილებლად იქნება გასაჩივრებული კანონით დადგენილ ვადებში“, - განაცხადა ადვოკატმა.

ანა სუბელიანი კინოთეატრ „ამირანთან“ 8 ნოემბერს დაშავდა. მას სახის არეში ბლაგვი საგანი მოხვდა. კინოთეატრ „ამირანთან“ ლევან აკინის ფილმის „და ჩვენ ვიცეკვეთ“ ჩვენებას აპროტესტებდნენ რადიკალურად განწყობილი ჯგუფები, რომლებიც ფილმს ჰომოსექსუალიზმის პროპაგანდად მიიჩნევდნენ.

 

www.radiotavisupleba.ge

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search