პარასკევი, აპრილი 23, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

საზოგადოება

საზოგადოება

meufe stefane eeჭყონდიდის მიტროპოლიტის, მეუფე სტეფანეს თქმით, ის აპირებს ეკლესიიდან განკვეთოს ის 3 სასულიერო პირი, რომლებიც 22 აპრილს, სალხინოს ტაძარში დაპირისპირებაში მონაწილეობდნენ, თუ ისინი მის წინაშე არ მოინანიებენ. ამის შესახებ მიტროპოლიტმა ერთსულოვნებასთან ინტერვიუში ისაუბრა. 

"რადგან საჭირო გახდა, რომ უფრო მტკიცე ზომები მივიღო, სხვა გზა არ დამრჩენია, დღეს ვაცხადებ და შაბათს უკვე აღვასრულებ: თუ იღუმენი დანიელი არ მოინანიებს ამ ამბოხს და ამ ეკლესიის წინააღმდეგ მიმართულ მოქმედებებს, გადაწყვეტილებას ვღებულობ, რომ უნდა განვკვეთო ეს ადამიანი და დაიყვანება მონაზვნობამდე, თუ არ მოინანიებს. შაბათს ვიქნები თამაკონში, მოვიდეს და გამოაცხადოს საქვეყნოდ სინანული. ასევე, დიაკონ ანანიას და ბერდიაკონ პეტრე ღუდუშაურს ასევე განვკვეთავ თუ არ მოინანიებენ. იქ იყო ერთი ბერმონაზონი, რომელსაც სამღვდელო ხარისხი არ გააჩნია და თუ ისიც არ შეწყვეტს, მივიღებ ზომებს".- თქვა მიტროპოლიტმა და მღვდელი გოჩა ლიპარტელიანი სალხინოს ღვთისმშობლის სახელობის ტაძრის წინამძღვრად დანიშნა. 

სალხინოს ღვთისმშობლის შობის სახელობის ტაძარში სასულიერო პირებს შორის სიტყვიერი დაპირისპირება ფიზიკურში გადაიზარდა. მიტროპოლიტ სტეფანეს მიერ მივლენილ სასულიერო პირებს მსახურების საშუალება არ მისცეს. 

სიტუაციის განსამუხტად ადგილზე მობილიზებული იყო პოლიცია. ფიზიკური დაპირისპირება ამბიონიდან ეზოში გაგრძელდა, სადაც სასულიერო პირებს მრევლი დაუპირისპირდა. სასულიერო პირები ამბობდნენ, რომ იქ მყოფი ხალხი ტაძრის მრევლი არ არის და ადგილზე დავალებით იყვნენ მისულები. 

დაწერე კომენტარი (0 კომენტარი)
საზოგადოება

 cercvadze cercvaდიახ, ჩვენ გვაქვს მესამე ტალღა, მაგრამ საბედნიეროდ, ჯერ არ გვაქვს მესამე ტალღის სრულმასშტაბიანი ვარიანტი, როგორც არის ევროპისა და ამერიკის ქვეყნებში, – განაცხადა ინფექციური კლინიკის ხელმძღვანელმა, თენგიზ ცერცვაძემ საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას.

„მინდა, მოსახლეობამ იცოდეს, რომ დღეს, მსოფლიოში ახალი შემთხვევების აბსოლუტური რეკორდი დაფიქსირდა – 585 000 შემთხვევა. ამ მხრივ, საქართველოში ჯერ არ არის ასეთი კატასტროფული მდგომარეობა. ჩვენ გვაქვს მესამე ტალღის დასაწყისი“, – განაცხადა ცერცვაძემ.

მისი თქმით, საქართველოში, ჯერ გარდაცვალების შემთხვევების მატებაც კი არ შეინიშნება, რასაც კლინიკური სექტორი ახერხებს.

„ჩვენთან, ყოველდღე, ათის ფარგლებშია გარდაცვალების მაჩვენებელი. თუ გავითვალისწინებთ იმას, რა ხდება ევროპასა და ამერიკაში, ეს რეკორდულად დაბალი რიცხვია. ყოველი 100 დაავადებულიდან ერთი ადამიანი ჩვენთან კვდება, თორემ ევროპის და ამერიკის ქვეყნებში, როგორც წესი, ორი, ან სამი ადამიანი კვდება. მოდით, ამას ნუ დავუკარგავთ ჩვენს ჯანდაცვის სისტემას და ჩვენს ექიმებს. ზოგჯერ, ამას ისე აგდებით მოიხსენიებენ, თითქოს, არაფერი არ არის. არადა, როგორ არ არის?! ერთი და იგივე როგორ არის, წელიწადნახევრის მანძილზე 4 000 გარდაცვლილი გვეყოლებოდა თუ 8 000, ან 12 000?! არ მესმის, რატომ არ უნდა ითქვას ამის შესახებ და რატომ არ უნდა აღინიშნოს ჯანდაცვის სისტემის და კლინიკსისტემის დამსახურება?“, – განაცხადა ცერცვაძემ.

როგორც ცერცვაძემ აღნიშნა, ახალი შემთხვევების მატება პირდაპირ ურტყამს ორ სექტორს – ჰოსპიტალურ სექტორს და ბიზნესს, ანუ ეკონომიკას, რაც საბოლოო ჯამში, ადამიანების კეთილდღეობას ურტყამს.

„კლინიკური სექტორი მესამე ტალღას ჯერჯერობით, კარგად მომზადებული შეხვდა. ნოემბერ-დეკემბრისგან განსხვავებით, არანაირი გადატვირთვა არ იგრძნობა და ჯერ, არავის დაუჩივლია, რომ ან სასწრაფომ დაიგვიანა, ან ოჯახის ექიმთან კომუნიკაცია ვერ მოხერხდა, ან ვინმეს ჰოსპიტალიზაცია დაგვიანდა. ეს იმიტომ, რომ ჯანდაცვის სამინისტრომ უკვე მოახდინა 5 000 საწოლის მობილიზება და რესურსი კიდევ მეტი აქვს. დღეს 3 600 ჰოსპიტალიზებული პაციენტი გვყავს, მაგრამ 1 400 ადგილი კიდევ თავისუფალია. ასევე, ძალიან გამართულად მუშაობს ოჯახის ექიმის ონლაინ კლინიკები, სასწრაფო დახმარება და ექიმებს ძალიან დიდი გამოცდილება დაუგროვდათ“, – განაცხადა ცერცვაძემ.

 

www.1tv.ge

დაწერე კომენტარი (0 კომენტარი)
საზოგადოება

closed 1618653 daketili uqme dgeebiმთავრობის განცხადებით, 4-დან 11 მაისის ჩათვლით "სავალდებულო დასვენების დღეების" გამოცხადება ქვეყანაში მობილობის და ვირუსის გავრცელების შემცირებას ისახავს მიზნად. თუმცა, კერძო სექტორისთვის დღესაც ბუნდოვანია იქნება თუ არა მაისში გამოცხადებულ უქმე დღეებზე მუშაობა სავალდებულო.

კითხვებზე პასუხს თავს არიდებს მთავრობაც. როგორც დამსაქმებელთა ასოციაციის იურიდიული კომიტეტის ხელმძღვანელი შალვა ცხაკაია ამბობს, მაისში გამოცხადებული უქმე დღეები მთავრობის გადაწყვეტილებაა და ის შრომით კოდექსში არ არის გათვალისწინებული. შესაბამისად, მისი განმარტებით, კერძო სექტორში დასაქმებულებსა და დამსაქმებლებს შეუძლიათ მოლაპარაკების საფუძველზე მიიღონ მუშაობა/არ მუშაობის გადაწყვეტილება.

“სამწუხაროდ საბჭოთა წარსულს ძალიან დავემსგავსეთ, ჯერ მთელი იანვარი დავისვენეთ, ახლა მაისში ვისვენებთ, არც ის ვიცი მომავალში რა გველის კიდევ. იმ გამოცდილებით, რაც იანვრიდან გვაქვს, შეგვიძლია ვთქვათ, რომ მაისში გამოცხადებული უქმეები ვერ იქნება სავალდებულო. ყოველშემთხვევაში ამაზე შეგნებულად იყრუებს სახელმწიფო და ცდილობს პასუხი არ გასცეს კითხვებს, შესაბამისად თვითრეგულირებას ანდობს აღნიშნულ საკითხს. ეს დასვენების დღეები გამოცხადებული არის მთავრობის მიერ, შესაბამისად ეს არ არის უქმე დღეები, რომელიც გათვალისწინებულია შრომის კოდექსით. აქედან გამომდინარე, იმ შემთხვევაში თუ დასაქმებულები მოითხოვენ და დაისვენებენ აღნიშნულ დღეებში, მათ მოუწევთ ამ დღეების ანაზღაურება სხვა დასვენების დღეებში. შესაბამისად, როგორც იანვარში იყო, ახლაც დამსაქმებელსა და დასაქმებულს შორის მოლაპარაკების საფუძველზე კერძო სექტორი გააგრძელებს მუშაობას", - ამბობს საქართველოს დამსაქმებელთა ასოციაციის იურიდიული კომიტეტის ხელმძღვანელი შალვა ცხაკაია.

ცნობისთვის, მიმდინარე კვირას საკანონმდებლო მაცნეზე უკვე გამოქვეყნდა მთავრობის დადგენილება იმის თაობაზე, თუ რომელი სექტორებისთვის არ ვრცელდება ეს მოთხოვნა.

 

www.bm.ge

დაწერე კომენტარი (0 კომენტარი)
საზოგადოება

 skola ezoმოქალაქეების პასუხისმგებლობაა ის, წავლენ თუ არა მოსწავლეები სკოლაში დღეს, ან ხვალ, – ამის შესახებ განათლებისა და მეცნიერების მინისტრის პირველმა მოადგილემ, ეკატერინე დგებუაძე საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა.

„უკვე მეორე წელია, რაც პანდემია სასწავლო პროცესს შეეხო, არა მხოლოდ საქართველოში, არამედ მთელ მსოფლიოში და გარდა იმისა, რომ სასწავლო პროცესი განსხვავებულ ფორმატში მიმდინარეობს, მოსწავლეები რთულ ფსიქოლოგიურ მდგომარეობაში აღმოჩდნენ. მათაც უნდათ მეტი სოციალიზაცია, უნდათ თავიანთ თანატოლებთან კომუნიკაცია, სხვადასხვა წრეზე სიარული და მათი ფსიქოლოგიური მდგომარეობა გასათვალისწინებელია. კომპლექსურად რომ შევხედოთ, ჩვენი მოქალაქეობრივი ვალდებულებაა ის, რომ სპეციალისტთა რეკომენდაციებს მივყვეთ, რათა ხვალ უკეთესი მდგომარეობა იყოს“, – განაცხადა დგებუაძემ.

გადაცემის წამყვანის შეკითხვაზე, როდის დაიწყება ზაფხულის არდადეგები, ეკატერინე დგებუაძემ განაცხადა, რომ სასწავლო პროცესი ტრადიციულად, 15 ივნისს დასრულდება.

მისი თქმით, ზოგისთვის პოზიტიურია ის, როდესაც სასწავლო პროცესი სახლის სივრცეში ორგანიზდება, ზოგისთვის კი უკეთესია, სასწავლო პროცესი საკლასო ოთახში გადავიდეს.

„თითოეულმა მოსწავლემ, მშობელმა თუ მასწავლებელმა არანაკლებ რთული გზა გაიარა. ამიტომ, მიგვაჩნია, რომ სასწავლო პროცესი სწორედ იმ დღეს უნდა დასრულდეს, რაც ტრადიციულად არის დაწესებული“, – განაცხადა ეკატერინე დგებუაძემ.

 

www.1tv.ge

დაწერე კომენტარი (0 კომენტარი)
საზოგადოება

 imnadze paata paataრამდენი ასი ადამიანიც ავად გახდება, მინიმუმ, ჩვენი ერთი თანამოქალაქე დაიღუპება, ეს არის რეალობა და ამ რეალობას თვალი უნდა გავუსწოროთ, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა.

„დღეს ხომ დღეში 1 200-1 300 ახალ ავადმყოფზე ავედით და დათვალეთ, ცოტა ხანში, დღეში რამდენი ადამიანი დაგვეღუპება. აქედან გამოსავალი ისაა, რომ წესები დავიცვათ – პირბადე ვატაროთ, ხალხმრავალ შეკრებებს, ძირითადად, სუფრებს მაქსიმალურად ავარიდოთ თავი და ა.შ“, – განაცხადა იმნაძემ.

გადაცემის წამყვანის შეკითხვაზე, რამდენად ხდება დაწესებული რეგულაციების კონტროლი და უნდა გაძლიერდეს თუ არა საინფორმაციო კამპანია, პაატა იმნაძემ განაცხადა, რომ საზოგადოება ინფორმაციის ნაკლებობას არ განიცდის.

„კაცს რომ ახლობელი, ნათესავი, ან ოჯახის წევრი მოუკვდება, მე უნდა ვუთხრა, ძალიან გთხოვ, ნიღაბი კაიკეთე-თქო?! ან, რამდენჯერ უნდა ვუთხრათ?! ჩვენთან პირბადის მოხმარება 50%-ია, რაც იმას ნიშნავს, რომ ჩვენი საზოგადოების ნახევარი რეგულაციებს არ იცავს. მე პიარის სპეციალისტი არ ვარ და ვერ ვიტყვი, როდესაც ქვეყანაში ამხელა მსხვერპლია და კოვიდის არ სჯერათ, როგორ შეიძლება, ამ ადამიანების გონებამდე დაიყვანო ის, რომ კოვიდი საფრთხეა? მე არ ვიცი და შეიძლება, პიარის სპეციალისტებმა იციან“, – განაცხადა იმნაძემ.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search