პარასკევი, აპრილი 10, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

საზოგადოება

საზოგადოება

paataimnadzeდაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილე პაატა იმნაძე აცხადებს, რომ წლების განმავლობაში შავი ჭირის დროს სწორედ ისეთ პირბადეებს იყენებდნენ, როგორიც ქართული წარმოების პირბადეებია. საქართველოს პირველ არხთან პაატა იმნაძემ კომენტარი გააკეთა სოციალურ ქსელში პირაბდეებთან დაკავშირებით გამოთქმულ კრიტიკაზე.

„ცუდია, რომ ესეც ასახსნელი გახდა. წლების განმავლობაში შავი ჭირის დროს სწორედ ისეთ პირბადეებს ვიყენებდით. ერთჯერადი პირბადეები საერთოდ არ არსებობდა. ამერიკის დაავადებათა კონტროლის ცენტრის რეკომენდაციები წაიკითხონ“, – აღნიშნა პაატა იმნაძემ.

სააფთიაქო ქსელებში ქართული წარმოების პირბადეები უკვე იყიდება. ერთი პირბადის ფასი 50 თეთრია და დაწესებულია ლიმიტი, თითო მომხმარებელზე სამი ცალი პირბადე გაიცემა.

დაწერე კომენტარი (0 კომენტარი)
საზოგადოება

 koronavirusi covid 9 koronaსაქართველოში ახალი კორონავირუსისგან კიდევ ერთი პაციენტი გამოჯანმრთელდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე, stopcov.ge-ზე ცოტა ხნის წინ განახლდა.

ვებგვერდის ინფორმაციით, ამ დროისთვის საქართველოში კორონავირუსის 218 შემთხვევაა დადასტურებული. მათ შორის გამოჯანმრთელდა 51 მოქალაქე.

კორონავირუსის შედეგად ქვეყანაში სამი პაციენტი გარდაიცვალა.

ამასთან, კარანტინის რეჟიმში 4722 მოქალაქე იმყოფება, ხოლო სტაციონარში მეთვალყურეობის ქვეშ – 408.

დაწერე კომენტარი (0 კომენტარი)
საზოგადოება

lentekhi 011ლენტეხისა და ცაგერის რაიონში ბლოკ-პოსტებისთვის ადგილები უკვე შერჩეულია.

როგორც „ინტერპრესნიუსს“ რაჭა-ლეჩხუმსა და ქვემო სვანეთში სახელმწიფო რწმუნებულმა არჩილ ჯაფარიძემ განუცხადა, ბლოკპოსტები ცაგერის შესასვლელთან, ე.წ. გელავერის უღელტეხილზე, ასევე მურის ციხესთან და სოფელ ალპანაში განთავსდება და დილიდან დაიწყებს ფუნქციონირებას.

„ბლოკ-პოსტებისთვის სამი ადგილი შეირჩა, ეს არის ცაგერის შემოსასვლელი, ე.წ. გელავერის უღელტეხილი, მეორე ლოკაცია იქნება მურის ციხეებთან, ლენტეხში მიმავალი გზა გაკონტროლდება და ასევე, სოფელ ალპანაში, ცაგერის რაიონში.

დილიდან დაიწყება ბლოკ-პოსტების ფუნქციონირება“, - განაცხადა არჩილ ჯაფარიძემ.

მისივე ინფორმაციით, ამ დროისთვის დადგენილია უკვე ინფიცირებულთა „პირველადი კონტაქტებიც“, თუმცა, მთლიანობაში რამდენი კონტაქტია გამოვლენილი, ამ ეტაპზე არჩილ ჯაფარიძე ამბობს, რომ სრული ინფორმაცია არ აქვს.

„დაფიქსირებისთანავე, მყისიერად ჩაერთო ჯანდაცვის შესაბამისი წარმომადგენლობა, ექიმები და პოლიციის თანამშრომლები. მაქსიმალურად დროულად მოხდა კონტაქტების გამოვლენა. პირველადი კონტაქტები ძირითადად, გამოვლენილია. გრძელდება მუშაობა და ხვალ დღის ბოლომდე სრულად იქნება გამოვლენილი“, - განაცხადა არჩილ ჯაფარიძემ.

დაწერე კომენტარი (0 კომენტარი)
საზოგადოება

11amiran gamyrelidzeსაქართველოში წარმოებულმა პირბადეებმა გაიარა დაავადებათა კონტროლის ცენტრში შემოწმება, ჩვენ მივეცით რეკომენდაციები, – ამის შესახებ საქართველოს პირველ არხს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა, ამირან გამყრელიძემ განუცხადა.

როგორც გამყრელიძემ აღნიშნა, საყოფაცხოვრებო მოხმარებისთვის ეს პირბადეები სავსებით მისაღებია მრავალჯერადი მოხმარებისთვის, შეიძლება მათი ცხელ წყალში გარეცხვა, დაუთოება, ხოლო სამედიცინო მიზნით აღნიშნული პირბადე ერთჯერადად გამოიყენება.

„ამ პირბადეებმა გაიარა დაავადებათა კონტროლის ცენტრში შემოწმება, ჩვენ მივეცით რეკომენდაციები, გაიარა დაავადებათა კონტროლის ცენტრში შესაბამისი საკონტროლო სამუშაოები. ჩვენ გვაქვს დიდი დეპარტამენტი ბიოუსაფრთხოებისა და ბიოდაცვის, რომელიც სწორედ მუშაობს ამ ტიპის საკითხებზე, როგორი პირბადე უნდა ეკეთოს ადამიანს, როგორი ხალათი ეცვას. გელა გელაძე, შოთა ცანავა არიან ამ დარგის მაღალი ექსპერტები, მათ შეამოწმეს და დაწერეს, რომ საყოფაცხოვრებო მოხმარებისთვის ეს პირბადეები სავსებით მისაღებია, მრავალჯერადი მოხმარებისთვისაც შეიძლება გარეცხვა ცხელ წყალში, დაუთოება. თუ მას სამედიცინო მიზნით გამოიყენებ, უნდა ერთჯერადად მოვიხმაროთ“,- განაცხადა გამყრელიძემ.

სააფთიაქო ქსელებში ქართული წარმოების პირბადეები უკვე იყიდება. ერთი პირბადის ფასი 50 თეთრია და დაწესებულია ლიმიტი, თითო მომხმარებელზე სამი ცალი პირბადე გაიცემა.

დაწერე კომენტარი (0 კომენტარი)
საზოგადოება

 ezugbaia eqimiთბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის ოთხი ახალი შემთხვევიდან ორი ბათუმში იმყოფება.

მისივე თქმით, კიდევ ორიდან ერთი უკვე თბილისის ინფექციურ საავდმყოფოშია მოთავსებული, ერთს კი აწი შეიყვანენ.

ეზუგბაია ამბობს, რომ ოთხივესთან დაკავშირებით ინფიცირების წყარო ცნობილია და ყველა ე.წ. იმპორტირებული შემთხვევაა.

„დილის შემდეგ დაემატა ოთხი დადასტურებული შემთხვევა, გახდა 2018. ოთხივეს შემთხვევაში წყარო ცნობილია. ეს არის შემოტანილი, ანუ იმპორტირებული შემთხვევა. აქედან ორი პაციენტი არის ბათუმში, ორი ჩვენთან. ერთი უკვე მოყვანილია, მეორე გზაშია“ , – განაცხადა ეზუგბაიამ.

ამასთან, ეზუგბაიას განმარტებით, თბილისის ინფექციურ საავადმყოფოში კორონავირუსზე ტესტი დღეს 10 პაციენტს ჩაუტარდა და კოვიდ19 არც ერთს დაუდასტურდა.

ამ დროისთვის საქართველოში ახალი კორონავირუსის 218 შემთხვევა არის დადასტურებული, მათ შორის გამოჯანმრთელდა 50 მოქალაქე.

კორონავირუსის შედეგად, ქვეყანაში სამი პაციენტი გარდაიცვალა.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search