ოთხშაბათი, იანვარი 22, 2020
Follow Us

საზოგადოება

საზოგადოება

zviad kupravaგენერალურ პროკურატურასთან „სამართალდამცავთა რეფორმების ცენტრის“ ხელმძღვანელი, ზვიად კუპრავა და კიდევ ერთი პირი დააკავეს.

ზვიად კუპრავა თანამოაზრეებთან ერთად აპროტესტებდა ირაკლი შოთაძის გენერალური პროკურორის თანამდებობაზე შესაძლო დაბრუნებას. მან პროკურატურის ეზოში ბოტასები გადაყარა, რასაც მასსა და სამართალდამცველებს შორის დაპირისპირება მოჰყვა.

„ბოტასები თავიდან ბოლომდე ასოცირდება პროკურატურასთან, მის რეჟიმთან, ფარცხალაძესთან, შოთაძესთან. რაც მთავარია, ერთი ადამიანის თანხმობით არ შეიძლება დაბრუნდეს და დაინიშნოს ფარცხალაძე. შოთაძის დაბრუნება არის სულში ჩაფურთხება ყველა იმ ადამიანის, იმ ათი ათასი ადამიანის, ვინც იდგა ორი წლის წინ რუსთაველზე. არ დავუშვებთ შოთაძის უკან მობრუნებას“, - განაცხადა კუპრავამ.

შსს-ს ცნობით, კუპრავა და დანარჩენები ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციისადმი დაუმორჩილებლობას გულისხმობს.

 

www.radiotavisupleba.ge

დაწერე კომენტარი (0 კომენტარი)
საზოგადოება

477F4F40 918B 48F6 81D6 62F08B9C9739 cx0 cy30 cw0 w1023 r1 s„გაუხალისეთ ყოველდღიურობა ზოოპარკის ბინადრებს და გვაჩუქეთ თქვენი ვალმოხდილი ჩიჩილაკები“, - წერს „ფეისბუკზე“ თბილისის ზოოპარკის ადმინისტრაცია.

როგორც ადმინისტრაცია აღნიშნავს, „ზოოპარკის ყოჩაღი მომვლელები [ჩიჩილაკს] ათასგვარ დანიშნულებას მოუფიქრებენ - სათამაშოებს დაამზადებენ, ზედ ახუნძლავენ რამეებს და ისე შეუტანენ ცხოველებს“.

 

www.radiotavisupleba.ge

დაწერე კომენტარი (0 კომენტარი)
საზოგადოება

83059947 158972648849321 6567257939092963328 oჯილდო საქართველოს სამოქალაქო საზოგადოების და საზოგადოებრივი ორგანიზაციების საქმიანობის რეგულარულად და კომპეტენტურად გაშუქებისათვის, პროექტის , ,,ეს ქვეყანა შენია,, ფარგლებში 9 ჟურნალისტს გადაეცა.

გურია - თამთა დოლიძე - ტელეკომპანია "გურია TV"
აჭარა - ირაკლი ყურუა - გადაცემა ჰეშთეგი, აჭარა TV
იმერეთი - თამუნა ქავთარაძე, მეგა TV
კახეთი - მარიამ მეგრელიშვილი - TV ,,თანამგზავრი''
სამეგრელო-ზემო სვანეთი - ნანა ხუბუტია, live press
სამცხე – ჯავახეთი - რუსუდან გვარამაძე TV9
ქვემო ქართლი - ეკატერინე ერაძე, მარნეული TV
შიდა ქართლი - ნინო ჩიბჩიური, რადიო „მოზაიკა“
რაჭა–ლეჩხუმი და ქვემო სვანეთი - მარინე სვანიძე, kvira.ge

 

 

დაწერე კომენტარი (0 კომენტარი)
საზოგადოება

001salomeჩიჩილაკისა და „კალანდობის“ შესახებ საკუთარი ინიციატივები განიხილა საქართველოს პრეზიდენტმა სალომე ზურაბიშვილმა კულტურული მემკვიდრეობის დაცვის ეროვნული სააგენტოს გენერალურ დირექტორთან, ნიკოლოზ ანთიძესთან შეხვედრაზე.

„ძალიან კარგი ინიციატივაა ჩვენი იდენტობის კიდევ ერთხელ წარმოსაჩენად“, - თქვა შეხვედრის შემდეგ ნიკოლოზ ანთიძემ.

ზურაბიშვილი გამოდის ინიციატივით, ჩიჩილაკი და „კალანდობა" საქართველოს არამატერიალური კულტურული მემკვიდრეობის ნუსხაში შევიდეს. ამ ინიციატივის შესახებ მან ოზურგეთის მუნიციპალიტეტის სოფელ დვაბზუში „კალანდობა 2020“-ის საზეიმო ღონისძიებების დასრულებისას განაცხადა:

„მიჭირავს ხელში ჩიჩილაკი, რომელიც ასევე დგას პრეზიდენტის სასახლის წინ. ეს არის არაჩვეულებრივი ასევე გურული ტრადიცია, მაგრამ რომელიც მოედო მთელ საქართველოს. და მე მგონი, რომ ეს არის უძლიერესი ტრადიცია.

მე გამოვდივარ ინიციატივით, რომ ჩვენ ჩიჩილაკი და საერთოდ გურული „კალანდობა“ შევიტანოთ ჩვენ არამატერიალურ მემკვიდრეობის სიაში. ვთხოვ მემკვიდრეობის სააგენტოს და ამაში მეც შევიტან წვლილს, რომ შემდეგში გავიტანოთ იუნესკოში, რომ ეს მსოფლიო არამატერიალურ სიაში შევიდეს. ამავე დროს, ჩიჩილაკი არის ეკოლოგიური“, - განაცხადა სალომე ზურაბიშვილმა.

 

www.radiotavisupleba.ge

დაწერე კომენტარი (0 კომენტარი)
საზოგადოება

1579267812 og 1024x538საქართველოს ფეხბურთის ფედერაცია ქვეყნის პრეზიდენტის, სალომე ზურაბიშვილის მიერ გაკეთებულ განცხადებას ეხმაურება.  ოთხშაბათს, 15 იანვარს, პრეზიდენტი ლანჩხუთში საფეხბურთო აკადემიას ესტუმრა, სანაც განაცხადა, რომ სასურველია, ქალთა ფეხბურთს უფრო მეტი ყურადღება ექცეოდეს.

ამის საპასუხოდ, საქართველოს ფეხბურთის ფედერაციამ საკუთარი განვცხადება გაავრცელა, რომელსაც უცვლელად გთავაზობთ:

“გვსურს, გამოვეხმაუროთ, საქართველოს პრეზიდენტის მიერ გაკეთებულ განცხადებას და კრიტიკას საქართველოს ფეხბურთის ფედერაციის მიმართ, ქალთა ფეხბურთის მიმართულებით გამოჩენილი უყურადღებობის გამო. დარწმუნებული ვართ, რომ მოხდა ქალბატონი პრეზიდენტის არასწორი ინფორმირება და მისი შეცდომაში შეყვანა აღნიშნულ საკითხთან დაკავშირებით.

გვინდა საზოგადოებას კიდევ ერთხელ შევახსენოთ, რომ ქალთა ფეხბურთის განვითარება საქართველოს ფეხბურთის ფედერაციისთვის ერთ-ერთი ყველაზე მნიშვნელოვანი და პრიორიტეტული მიმართულებაა. ამის ერთ-ერთი დასტურია ის, რომ მიმდინარე წლის ზაფხულში საქართველო 19-წლამდე გოგონათა ევროპის ჩემპიონატს უმასპინძლებს, სადაც საქართველოსთან ერთად ევროპის 7 უძლიერესი ნაკრები მიიღებს მონაწილეობას.

ამას გარდა, ბოლო წლების განმავლობაში, საქართველოს ფეხბურთის ფედერაციის დაფინანსებით და ორგანიზებით, აქტიურად ხორციელდება პროექტები, იმისათვის, რომ მოხდეს ქალთა ფეხბურთის განვითარება, მისი პოპულარიზაცია და დონის ამაღლება როგორც პროფესიულ, ისე სამოყვარულო და ბავშვთა ფეხბურთის დონეზე. ჩამოყალიბდა 4 ეროვნული ნაკრები; უკვე მეხუთე წელიწადია, რეგულარულად ტარდება ქალთა ეროვნული ჩემპიონატი, რომელშიც დასაწყისისთვის 6, 2017 წლიდან კი საქართველოს სხვადასხვა რეგიონის 10 გუნდი მონაწილეობს; მრავალწლიანი პაუზის შემდეგ 2019 წელს პირველად გაიმართა საქართველოს თასის გათამაშება ქალთა შორის.

სფფ-ის მიერ განხორციელებული პროექტების ეფექტიანობას ჩართული ფეხბურთელების რაოდენობის ზრდაც ადასტურებს. 2015 წელს, მოთამაშე გოგონების რაოდენობა 300 გახლდათ, დღეის მდგომარეობით კი აღნიშნული ციფრი 1400-მდე გაიზარდა. ამას გარდა, სასკოლო პროექტებში ჩართული გოგონათა რაოდენობა 3600-ს აჭარბებს.

ასევე, აღსანიშნავია ბავშვთა ფეხბურთის მიმართულებით განხორციელებული პროექტები. ყოველწლიურად იმართება გოგონათა სასკოლო პირველობა; გასული წლიდან კი 15-წლამდე ასაკის გოგონათათვის უფასოდ იმართება რეგულარული საფეხბურთო ვარჯიშები და დაინტერესებულ გოგონებს საშუალება აქვთ ჩაერთონ ფეხბურთში. 2019 წელს ასევე პირველად გაიმართა ფუტსალის სასკოლო ლიგა გოგონათა შორის.

ზემოაღნიშნული პროექტები მხოლოდ ნაწილია იმისა, რაც ფეხბურთის ფედერაციის ეგიდით ხორციელდება საქართველოში ქალთა ფეხბურთის განვითარების მიმართულებით. გამომდინარე იქიდან, რომ ჩვენთვის პრიორიტეტულია საზოგადოების სწორად და სრულფასოვნად ინფორმირება, მზად ვართ, ნებისმიერ დაინტერესებულ პირს, უფრო დეტალური ინფორმაცია მივაწოდოთ საქართველოს ფეხბურთის ფედერაციის მიერ უკვე განხორციელებული და დაგეგმილი პროექტების შესახებ”.

 
1tv.ge
 
დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search